نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون السبت 22/6/2013 من قناة ONTV يوتيوب كاملة
السادة المحترمون - صفوت حجازي: اللي هيرش مرسي بالمية هنرشه بالدم
صفوت حجازى الذى اعترف علنا أنه يرسل السلاح الى سوريا منذ عام ولا نعلم من أين أتى بالسلاح وكيف يرسله ، خرج علينا ليؤكد أن اللى هيرش مرسي بالمية هيرشوه بالدم
السادة المحترمون: محسن علام عضو جماعة الإخوان يرتدي الزي العسكري ويهدد المتظاهرين
الهبل والعبط والتخلف والتهور الإخواني وحلمهم بالسيطرة على الجيش المصرى بل وتفتيته كمان حدث للجيش العراقى والجيش السورى مستمر ، محسن علام أحد أعضاء جماعة الإخوان المسلمين وعضو اللجنة الإعلامية لحزب الحرية والعدالة ، خرج علينا وهو يرتدى الزى العسكرى ومعه لاسلكى يهدد ويتوعد من لا يلتزمون بالسمية فى 30 يوينو - نشوف وبعدين نعلق
دى صورة محسن علام عضو جماعة الإخوان واللجنة الاعلامية بحزب الحرية والعدالة
لكن بعيدا عن الهطل الإخوانى ، الراجل ده عايشين وهم ان الجيش المصرى ممكن يتقسم ويبقى وضع مصر زى سوريا والاخوان يشكلوا مثيل للجيش الحر ، لكن اللى ما يعرفهوش أن المؤسسة العسكرية المصرية متماسكة وأمثال هذا الأهبل هتكون المحاكمة ، المحاكمة لانه اتردى زى الجيش وهدد توعد المصريين - رعب الإخوان من المصريين ومن الجيش والشرطة وصلهم لمرحلة من الهطل لكن صبرا كلها أيام والشعب المصرى يحطهم على الرف.
السادة المحترمون: اشتباكات بين الأمن والإخوان بالإسماعلية بعد حجز قضية هروب سجناء وادى النطرون
النهاردة المستشار خالد محجوب، رئيس محكمة جنح مستأنف الإسماعيلية، قرر غلق باب المرافعة في قضية الهروب الكبير من سجن وادي النطرون "اللى هرب منه الدكتور مرسي و33 من قيادات الجماعة بمساعدة حماس وحزب الله ، بعد سماع مرافعة النيابة والدفاع، وحجزها للحكم في جلسة غدا الأحد ، وبعد الانتهاء من النطق بالقرار وقعت اشتباكات عنيفة بين قوى الثورية وعدد من أعضاء جماعة الإخوان المسلمين، سرعات ما تورطت فيها قوات الأمن لتسفر عن إصابة العشرات.
مؤيدى مرسي من أعضاء الإخوان لأول مرة الناس تشوفهم أمام المحكمة ، بدأوا يحسوا ان الموضوع كبير وأن عملية هروب مرسى وقيادات الإخوان من سجن وادى النطرون خلال الثورة مش هتعدى بالساهل خاصة بعد ما الكل تيقن أن أعضاء من حماس وحزب الله ساعدوا الإخوان فى الهروب وفى اقتحام سجنون أخرى كالمرج وأبوزعبل .
لكن العظيم فى محكمة جنح مستأنف اسماعيلية النهاردة انه قبل قرار المحكمة ، هى مرافعة النيابة العامة اللى أكدت على تورط الإخوان فى اقتحام سجن وادى النطرون لأ وكمان أكدت على متاجرتهم بالدين واستهانتهم بأمن مصر ، وانه كان فى تنسيق مع جهات خارجية
السادة المحترمون: " الطريق إلى 30 يونيو " ماذا فعل مرسي منذ تسليمة الحكم ؟
السلام عليكم أيها السادة المحترمون والسيدات المحترمات - معكم فى هذا الأسبوع فى تغطية مستمرة تحت اسم "الطريق إلى 30 يونيو" ماذا فعل مرسي منذ تسليمة الحكم ؟
السادة المحترمون: البلتاجى .. سنحمي شرعية الرئيس مرسي بأرواحنا ودمائنا
عموما ، امبارح الاخوان والموالاه نظموا تظاهرات بعد صلاة الجمعة أمام مسجد رابعة العدوية وكالعادة حاولوا الادعاء بمشاركة الملايين رغم أن الاعداد لم تتجاوز ال150 ألف طبقا لمساحة المكان ، لكن الغريب أن مظاهرات الغخوان أمس كان اسمها "لا للعنف" - ايوه مظاهرات مشارك فيه فصيل اخوانى وفصائل أخرى تاريخها مشهود له بسفك دماء المصريين بيدعو لعدم استخدام العنف ، أكيد كلنا كمصريين وككقوى ثورية ومدنية مع عدم استخدام العنف لكن تفتكر هم نظامهم ايه
عموما ، فى تظاهرات الإخوان بتاع لا للعنف خرجت قيادات الجماعة وقيادات جماعة الجهاد والجماعة الاسلامية ليهددوا بسفك الدماء وحماية شرعية مرسى، زى البلتاجى ملياراتسس اللى هيحمى شرعية مرسى بروحة وبجسده
أولا يابلتاجى رئيس المحكمة الدستورية الحالى مش حسنى مبارك اللى عينه ، أما بقى رئيس المحكمة الدستورية السابق المستشار فاروق سلطان فده اللى كان يرأس اللجنة العليا للانتخابات اللى اعلنت عن فوز رئيسكم بالرئاسة ، وبعدين مش دى المحكمة الدستورية اللى انتم اختارتم منها وزير فى حكومتكم وهو المستشار بجاتو ، وبعدين يابلتاجى الشعب هو اللى هيفرض ارادته و30 ىيونيو جاى والشعب اللى هيقول مين يتولى المرحلة الانتقالية لو الشعب قال مجلس رئاسى أوكى ولو قالوا رئيس المحكمة الدستورية هنقولهم سمعا وطاعا، وهتحمو شرعية مرسى بالأرواح والدماء ازاى ياسى بلتاجى دا نعتبره زى تهديداتك وقت الاتحادية عن ساعة الصفر ، الشعب يابلتاجى اقوى منك ومن جماعتك وافتكر عن قريب قوى هتتحاسبوا كلكم على كل الكلام ده و30 يوينو قريب.
السادة المحترمون: طارق الزمر .. يهدد بسحق المعارضة والمصريين المشاركين فى تظاهرات 30 يونيو
لكن الغريب كمان فى مظاهرات الإخوان فى رابعة العدوية ، هو خروج أحد المتهمين فى قضية اغتيال الرئيس الراحل محمد أنور السادات وهو "طارق الزمر" - ليقول على الملأ أنه فى 30 يونيو سيتم سحق المعارضة وبالضربة القاضية.
السادة المحترمون: تهديد الشيخ محمد الصغير عضو مجلس الشورى للشرطة وإهانة الإعلام
عموما ، الجماعة الإسلامية وقياداتها كان لها نصيب من الهبل اللى شفناه على منصة رابعة العدوية أمبارك ، محمد الصغير مستشار وزير الأوقاف السابق وعضو مجلس الشورى الحالى عن حزب البناء والتنمية خرج وهدد الشرطة وبيقولهم هذا هو الوقت الذى تستطيعوا فيه اعادة كرامتكم والا لم تفعلوا فمرسى وراه رجاله!! دا تهديد واضح وصريح للداخلية - نشوف الصغير
هتعملوا ايه ياصغير ، مرسى وراه رجالة هتعملوا ايه لو الشرطة المصرية وده متوقع وقفت مع الشعب ضد ميليشياتكم يعنى ، أنتم خايفين من الشرطة ليه خايفين ليرفضوا قتل المتاظاهرين فى 30 يونيو ، هم فعلا هيرفضوا وهيحموا المتظاهرين
السادة المحترمون: وزير الداخلية يؤكد أن الشرطة ستحمى المتظاهرين والمنشأت والممتلكات العامة
خلونا نشوف وزير الداخلية اللواء محمد ابراهيم قال ايه النهاردة وتأكيد للمرة العاشرة خلال أسبوعين أن الشرطة ستحمى المتظاهرين والمنشأت والممتلكات العامة ، دا بمثابة رد على الصغير
السادة المحترمون: الرئيس مرسي يشيد بمظاهرات الأهل والعشيرة فى رابعة العدوية
الغريب كمان أن الدكتور محمد محمد مرسي عيسى العياط مندوب كهنة وسدنة مكتب الارشاد فى الاتحادية ، خرج علينا النهاردة بكلمة وعلق على مظاهرات رابعة العدوية اللى نظمها أهله وعشيرته امبارح طبعا أشاد بيها وقال أنها كانت مليونية
مرسي بيشيد بتظاهرات أهله وعشيرته فى رابعة العدوية امبارح وبيقول انها كانت مليونية رغم ان العدد لم يتجاوز لال150 ألف متظاهر ، لأ والأغرب أنه بيقول أن كانت تدعو للسلمية ونبذ العنف ، هو مرسي فعلا عايش معانا وهل فعلا هو تابع الكلمات اللى اتقالت سواء الخاصة بالبلتاجى ولا بعاصم عبجدالماجد ولا بمحمد الصغير ولا بطارق الزمر ؟ اى عنف هتشهده يادكتور مرسي بكلامك ده هتكون مسؤول عنه لانك تغاضيت عن التهديدات الفجة والعبيطة اللى أطلقها انصارك وأهلك وعشيرتك فى مظاهرات امبارح.
السادة المحترمون: تدريبات قتالية لأعضاء الإخوان المشاركين في مليونية " لا للعنف "
لكن طالما الدكتور مرسى بيشيد بتظاهرات اهلة وعشيرته امبارح فى رابعة العدوية وبقيم السلمية ونبذ العنف / نحب نفرج الدكتور مرسى تدريبات أهله وعشيرته وميليشيات الجماعة وهم بيدربوا على كيفية الاعتداء على الخصوم - نتفرج على ميليشيات الجماعة اللى أشاد بهم الدكتور مرسي
دى السلمية اللى أشاد بيها مرسى ، أهله وعشيرته امبارح فى تظاهرات افترض انها لنبذ العنف كانوا بيدربوا على العاب قتالية ومعاهم صواعق كهربائية وعصيان خشبية - هؤلاء هم من يدعون للسمية ويشيد بهم ابن العياط
الفنان لطفي لبيب ضيف يوسف الحسيني أيها السادة المحترمون
السلام عليكم أيها السادة المحترمون والسيدات المحترمات ضيفنا في هذه الفقرة هو الفنان لطفي لبيب كد أن حصار مدينة الإنتاج الإعلامي جعلنا مهزلة أمام العالم ، من يحكمونا الآن ضد الواقع وضد الحضارة الإنسانية الحالية ، طالما عجز من يحكمونا الآن على النهوض بمصر فليتركوا لنا المسؤولية ، المسؤولية ثقيلة جداً على من يحكمون مصر وعليهم الرحيل.
السادة المحترمون: السبت 22 يونيو 2013
