نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الثلاثاء 18/6/2013 ONTV حلقة يوتيوب كاملة
ريم ماجد: الذاكرة اللي حيلتنا بتضيع مننا وعلى ايدينا هدر
يسعد مساكم وحلقة جديدة من بلدنا بالمصري.. هنختمها بجرس انذار بشنة ورنة لو علينا يجلل في كل بيت وكل شارع في المحروسة كلها قبلي وبحري ومن شرقها لغربها... اسمعوا واعوا.. الذاكرة اللي حيليتنا بتضيع مننا وعلى ايدينا هدر.. ولينا في القاهرة التاريخية عينة تقطع القلب وتجيب الغم.. يا نلحقها يا ما نلحقهاش واحنا الخسرانين وذنبنا في رقبتنا وهيفضل وصمة في جبينا زي عواد اللي باع ارضه على طوله وعرضه كدة... بعد اخر اخبار بلدنا هيبقى لنا كلام تاني في الموضوع دة وللاسف ان كله ذو شجون... ويسبق كلامنا فيلم كدة على ما قد ما اوسم تعب فيه وشقي الزميل العزيز محمد الخولي وفيه ما قل ودل على المأساة اللي احنا فيها ومجرد نقطة في بحرها
بلدنا بالمصري: بيان وزير السياحة حول تعيين محافظ الأقصر الجديد
بلدنا بالمصري - الجماعة الإسلامية: محاولات لتشويه محافظ الأقصر
اما بالنسبة لمحافظ الاقصر المهندس عادل اسعد الخياط، ورداً على الدنيا اللي قامت وما قعدتش بعد تعيينه وهو ابن الجماعة الاسلامية ويفتخر.. ورداً على كل اللي اتقال عن احتمالات تورطه في جرايم ارهابية او عن تصريحات منسوبة ليه بما معناه ان الآثار اصنام والاصنام حرام ولو مش هنهدها يبقى اضعف الايمان نغطيها.. رداً كل دة، اصدرت الجماعة الاسلامية البيان التالي
د. عمار على حسن: محافظ الأقصر الجديد تم اعتقاله عام 1981
ومعنا عبر الهاتف د. عمار على حسن الكاتب والباحث السياسي: محافظ الأقصر الجديد تم اعتقاله عام 1981. محافظ الأقصر كان متهماً في قضية الاعتداء على مديرية أمن أسيوط
بلدنا بالمصري: المحافظات واقفة على رجل رفضاً لمحافظين مرسي
بس خلونا نروح اولاً لاخر اخبار بلدنا.. واولنا، المححافظات اللي لسة واقفة على رجل من تحت راس حركة المحافظين اللي هي اصلاً مالهاش راس من رجل
لبنى السيد: الإخوان حبسوا الفتيات داخل مبني محافظة الغربية
ومعنا عبر الهاتف لبنى السيد عضو الحزب الاشتراكي المصري بالغربية: الإخوان ضربوا فتاة أمام محافظة الغربية وكسروا يدها. الإخوان تعدوا على المعتصمين والشرطة أمام محافظة الغربية. الإخوان حبسوا الفتيات داخل مبني محافظة الغربية
بلدنا بالمصري: صورة محافظ الغربية في حضرت مرشد جماعة الإخوان
أحمد زايد: الإخوان هاجموا الاعتصام بالسيوف أمام محافظة الغربية
ومعنا عبر الهاتف أحمد زايد مسئول العمل الجماهيري بحزب الدستور بالغربية: 5 ألاف إخواني هاجموا الاعتصام بالسيوف أمام محافظة الغربية. أهالي طنطا انضموا للاعتصام وصدوا هجوم الإخوان الذين هربوا
جمال حراجي: لا توجد اشتباكات بين معتصمي المحافظة والإخوان في الإسماعيلية اليوم
ومعنا عبر الهاتف مراسل اليوم السابع بالإسماعيلية جمال حراجي: لا يوجد اشتباكات بين معتصمي المحافظة والإخوان في الإسماعيلية اليوم
محافظ الأقصر: ليس لي أي علاقة بحادث الأقصر أو غيره
ومعنا عبر الهاتف عادل أسعد الخياط محافظ الأقصر: لم يتم اعتقالي من قبل ولم يزج بي في أي قضية. تم اعتقالي لمدة عام عقب اغتيال السادات بدون اتهام. ليس لي أي علاقة بحادث الأقصر أو غيره. كنت متواجد في سوهاج وقت حدوث مجزرة الأقصر. ليس لي أي علاقة بحادث الأقصر أو غيره
ياسر شميس: المحافظ دخل ديوان المحافظة بدون أي اشتباكات بالبحيرة
ومعنا عبر الهاتف مراسل المصري اليوم في البحيرة ياسر شميس: المحافظ دخل ديوان المحافظة بدون أي اشتباكات بالبحيرة
أسامة فؤاد: محافظ الدقهلية و 12 من كوادر الإخوان محتجزين حتى الآن داخل المحافظة
ومعنا عبر الهاتف مراسل روز اليوسف الدقهلية أسامة فؤاد: محافظ الدقهلية و 12 من كوادر الإخوان محتجزين حتى الآن دالخ المحافظة.
بلدنا بالمصري: نتائج زيارة وزير الخارجية المصري لإثيوبيا
بعد زيارة الوفد الدبلوماسي المصري برئاسة الوزير محمد كامل عمرو وزير الخارجية لاثيوبيا صدر البيان التالي.. بيان مشترك للخارجية المصرية والخارجية الاثيوبية اكد على مضمونه وزير الخارجية في مؤتمر صحفي النهاردة بعد رجوعه القاهرة
بلدنا بالمصري: وزير الثقافة يبلغ عن جهاز سري يتجسس على وثائق الأمن القومي
بعد قرارات وزير الثقافة باقالة قيادات دار الوثائق والكتب القومية لحد الصف الرابع ويمكن الخامس كمان.. وبعد كل المخاوف اللي اثيرت حوالين فقدان ذاكرة مصر الوطنية من وثائق وخرايط وكتب ومخطوطات.. اتقدم وزير الثقافة بالبلاغ الاتي للنائب العام
بلدنا بالمصري: الدعوة السلفية تقاطع مظاهرات تأييد مرسي
الدعوة السلفية كمان اصدرت بيان امبارح بالليل، مش لاعلان موقفها من حركة المحافظين لكن لاعلان موقفها من المشاركة في اي مظاهرات في المرحلة اللي جاية قبل ٣٠ يونية او في ٣٠ يونية او بعده.. مضمون البيان ما يختلفش ابداً عن اللي صرح لنا بيه في حلقة امبارح الدكتور خالد علم الدين القيادي في حزب النور عن موقف الدعوة السلفية وحزب النور واللي اكد لنا انه فعلاً كان فيه محاولات وصولات وجولات وزيارات لوفود من اعضاء مكتب الارشاد لاقناع الدعوة السلفية وحزبها للمظاهرات المؤيدة للرئيس مرسي.. فجه نص البيان كالاتي
اللى يشوف حالة بلدنا لازم يحزن .. ولاد بلدنا في بلدنا بالمصري
مريم القرشي: حاولنا مخاطبة المسئولين بسبب التعديات على الآثار ولا مجيب
ومعنا عبر الهاتف مريم القرشي مهندسة معمارية: حاولنا مخاطبة المسئولين بسبب التعديات على الآثار ولا مجيب . مدينة القاهرة ككل مسجلة كمدينة تاريخية وآثرية. القاهرة من المدن التاريخية المهددة بالخروج من قائمة التراث العالمي
بلدنا بالمصري: تاريخ و آثار مصر في خطر .. من فات قديمه تاه
ان جيتوا للحق.. أنا لو مننا، -وانا اكيد مننا- بعد اللي احنا شفناه دة اللي هو نقطة في بحر الكارثة اللي احنا فيها، ناخدها كدة من قاصرها، وان لقينا حيطة تدارينا ندارى فيها ونحط وشنا في الارض.. مرة من كل اللي راحو وفاتوا لنا تركة معتبرة جينا احنا ومرمطناها وفرطنا فيها وضيعنا تعبهم وشقاهم واللي حيلتنا هدر.. ومقدماً من كل اللي جايين واحنا رايحين كدة وفايتين لهم التركة المعتبرة ديه وكإنها ما كانت في اي يوم من ذات الايام.. او فايتينها على احسن الفروض انقاض وفرافيت واكوام تراب او اكوام زبالة.. ولما اتمعظمنا اوي يعني رحنا بانيين لهم بدالها بروج مشيدة تسد عين الشمس وتسد الدنيا في وشنا.... يا ناخدها من قاصرها ونحط وشنا في الارض ونقول يا رحمن يا رحيم على بلد ربنا اداهالنا واحنا زي اللي ادوله الحلق وهو بلا ودان.. يا ناخدها من قاصرها ونستعين على الشقا بالله ونصون اللي فاضل من تاريخنا اللي مالوش مثيل في الدنيا كلها، برموش عينينا ونتكحل عليه كمان والعين يبقى عليها حارس امين، واقف زنهار، ددبان واللي يهوب يشوف العين الحمرا وبئس المصير.... ديه اضغاث احلام ولا الكابوس اللي احنا فيها دة، لسة نقدر نحوله لاحلام ممكنة؟!!!! دة اللي هنستعين عليه بضيوفنا النهاردة
الدكتور/ رأفت النبراوي: عالم الاثار الاسلامية والعميد السابق لكلية الاثار
الاستاذة/ سالي سليمان: المرشدة السياحية والناشطة في دق اجراس الخطر اللي هيجيب اجل تاريخنا كله والف بعد الشر عليه
الاستاذ/ مالك عدلي: المحامي بالمركز المصري للحقوق الاقتصادية والاجتماعية
