نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الثلاثاء 12 فبراير 2013 على قناة ONTV حلقة يوتيوب كاملة
ريم ماجد: طفل مضروب برصاصة في قلبه في المشرحة
بنمسي على حضراتكوا وحلقة جديدة من بلدنا بالمصري.. هنبداها معلش بداية صعبة شوية بس غصب عننا.. لانه في اللحظة ديه ممكن يكون فيه اب وام متلطمين بيدوروا على ابنهم ومش عارفين له طريق.. وربنا يقويهم ويصبرهم.. فيه طفل من صورته واضح ان عمره ١٢ ١٣ سنة بالكتير.. موجود حالياً في مشرحة ومضروب برصاصة في قلبه.. ومش عارفين له لا اسم ولا عنوان ومعهوش اي حاجة تدل على شخصيته.. هنعرض صورته عشان لو فيه اي حد ممكن يتعرف عليه ويدل اهله وربنا يتولاهم برحمته.. بس قبل ما نعرض الصورة لانها نش سهلة.. ارجوكوا لو فيه اطفال بتتفرج يقوموا.. ولو فيه ناس برده مش حمل كدة يتفضلوا يقوموا.. الصورة وصلتنا من مجموعة لا لمحاكمات العسكرية للمدنيين،عشان ننشرها وبيعتذروا لكم مقدماً واحنا معاهم عن وجع الحكاية ووجع الصورة وعن اننا لحد النهاردة مش قادرين نحمي اطفالنا من القتل ومن التعذيب ومن كل صور انتهاك طفولتهم وانسانيتهم
نازلي حسين: عضو لا للمحاكمات العسكرية
اكتشفنا وجود طفل مجهول مقتول برصاصة في القلب في مشرحة زينهم
ريم ماجد: البيه الصغير جاي مع مين؟ وبأي صفة؟
اذا ماحدش عارف يجاوبنا على سؤال ايه اللي يخوف نظام بحاله وسلطة بجلالة قدرها من شوية اطفال؟! واذا ما حدش عارف يجاوبنا على سؤال النظام والسلطة اللي يخافوا من شوية اطفال لحد قتلهم واعتقالهم وتعذيبهم دة نظام صنفه ايه؟! ملته ايه؟! اذا ما حدش عارف يجاوبنا على الاسئلة ديه.. طب على الاقل حد يقول لنا: مين دة؟! وبيعمل ايه هنا؟! ديه على حسب المكان ووشوش الناس اللي واضح في الصورة انهم عدد من اعضاء مجلس الشورى، تبقى اكيد جلسة مغلقة للجنة من لجان المجلس.. البيه الصغير بقة جاي مع مين وبيعمل ايه هنا وباي صفة؟!
محمد الفقي: رئيس اللجنة المالية بمجلس الشورى
الطفل الذي حضر الإجتماع ابن عضو من حزب السلام عن الوادي الجديد
النائب المغترب من الوادي الجديد و كان من الصعب على النواب معاتبته على إحضار نجله
بلدنا بالمصري: السكوت مات والخوف اتدفن
سبحان الله بقة، ان النظام اللي خايف من الاطفال وميت في جلده منهم وفاكر انه يقدر يفنيهم لا قدر الله والف بعد الشر عليهم.. الاطفال بقة مش خايفين منه
بلدنا بالمصري: اعتصام مفتوح لأفراد شرطة في ١٠ محافظات
المؤكد ان عدد كبير من افراد الشرطة رفعوا النهاردة راية العصيان وقرروا الدخول في اعتصام مفتوح في عشر محافظات.. اما عن مطالبهم او هم محتجين على ايه دة اللي فية شوية لبس..
بلدنا: لماذا يعتصم أفراد الشرطة ويرفعون راية العصيان
لكن لما نسمع هتافاتهم ونسال عن مطالبهم نلاقيها حاجة تانية
بلدنا بالمصري: بيان وزارة الداخلية رداً على الاعتصامات
8 إعلاميين في النيابة بتهمة اقتحام استوديوهات ماسبيرو
جرجرة الصحفيين والاعلاميين في النيابات والمحاكم وقدام قضاة التحقيق، واخدة حدها على الاخر اليومين دول.. -نظام خايف من الاطفال ومن الاعلام ماله يا ترى؟!!!!- القصد.. الجرجرة النهاردة كانت من نصيب ٨ من الزملا الاعلاميين العاملين باتحاد الاذاعة والتلفزيون.. ماسبيرو.. والحكاية ليها العحب
د. إيهاب الخراط لـ بلدنا: مليش علاقة بمركز إدمان المقطم
النهاردة فيه اخبار في منتهى الخطورة منشورة عن ان التحقيقات في فضيحة التعذيب في احد مراكز الادمان في المقطم اثبتت وجود علاقة بين المركز وبين الدكتور ايهاب الخراط: استشاري الطب النفسي والمتهصص في علاج الادمان، ورئيس لجنة حقوق الانسان في مجلس الشورى عن الحوب المصري الديمقراطي الاجتماعي.. والاخبار ديه واخدة مانشتات من عينة: فضيحة من العيار الثقيل.. قيادي في جبهة الانقاذ يدير مركز التعذيب في المقطم
بلدنا بالمصري: ميناء السخنة .. مغلق لحين إشعار آخر
"مغلق لحين إشعار آخر"، ديه اليافتة اللي علقها عمال شركة بلاتنيوم للمقاولات المستمرين في اعتصامهم داخل مينا العين السخنة لليوم ال١٢ على التوالي ولحين ما تتم الاستحابة لمطالبهم وحل ازمتهم.. في حين انه اترددت اخبار النهاردة نفاها بعد مصدر عسكري عن قيام قوات الجيش الثالث باقتحام المينا الميناء لإنهاء الاعتصام وعودة العمل بالقوة.. مؤكدا واكد ان الجيش مش هيتدخل فى إنهاء أى مشكلة عمالية بالقوة والسلمية والمفاوضات هى الطريق السليم لإنهاء الأزمات.. طبعاً مع العلم ان الجيش التالت طرف في التفاوض مع العمال
بلدنا بالمصري: مين المدنيين اللي في صفوف الشرطة دول
منصور أبو جبل: المنسق العام لاتحاد أفراد الشرطة بالشرقية
نريد الفرصة لكي نحمي الشعب المصري
نطالب بإقالة أول ثلاثة صفوف من قيادات الداخلية
غالبية قيادات الشرطة ليس لهم مكان في زمن حماية الشعب المصري
نطالب بتفعيل دور الشرطة بعيداً عن المحسوبية و التسيس
نطالب بتسليحنا لمواجهة البلطجية و حماية المواطنين
سلاحي عبارة عن طبنجة عمرها 60 عاماً لا تعمل
الداخلية تستعين بالبلطجية لمواجهة المتظاهرين
بلدنا: وقفة عالمية للتضامن مع نساء مصر ضد التحرش
في الوقت اللي فيه ناس من اهالينا وفي مقام اباهتنا واخواتنا.. ومنهم المتجوزين ومنهم اللي مخلفين بنات، بيسمحوا لنفسهم انهم يصرحوا بالكلام دة او حتى يفكروا فيه او يخطر على بالهم.. فيه ناس تانية مش من اهالينا ولا يعرفونا وحيالله اخواتنا في الانسانية واقفين معانا النهاردة وقفة حوالين العالم كله.. ليه بقة
بلدنا بالمصري: رسالة حسن مصطفى لرئيس الجمهورية من سجنه
بكرة انشاءالله اول جلسة من جلسات محاكمة الناشط الاسكندراني حسن مصطفى قدام عضو بتهمة التحريض على إتلاف الممتلكات العامة وتعطيل المرور ومقاومة السلطات والاعتداء على أحد أعضاء الهيئة القضائية.. بس حسن مصطفى دة اللي ما يعرفه يجهله.. فخلونا نعرفه اولاً من الرسالة اللي بعتها امبارح من الحبس لرئيس الجمهورية قبل يومين اتنين من جلسة المحاكمة
بلدنا: حسن مصطفى اللي بيحاكموه بلسان اللي يعرفوه
بكرة انشاءالله اول جلسة من جلسات محاكمة الناشط الاسكندراني حسن مصطفى قدام عضو بتهمة التحريض على إتلاف الممتلكات العامة وتعطيل المرور ومقاومة السلطات والاعتداء على أحد أعضاء الهيئة القضائية.. خلونا نشوف حسن مصطفى بعيون اهله واصحابه والناس اللي ياما وقف جنبهم في محنتهم وعمره ما خاف في الحق على رقبته
عم جلال عامر .. عمرنا ما هننسى .. بلدنا بالمصري
المنظمات الحقوقية والمهتمين بدور المجتمع المدني في بلدنا، ليه سنين سنانهم وواقفين ددبان لمشروع القانون الجديد للجمعيات والمؤسسات الاهلية اللي مقدماه الحكومة لمجلس الشورى؟! اولاً: ايه اهمية القانون دة بالنسبة لنا احنا كمواطنين؟! ثانياً: المشروع الجديد دة ماله.. عيبه ايه؟!
لكن قبل الفاصل.. ومش محتاجة قوالة ان اسكندرية ولادة، وجابت بدل الثائر الحق ثوار شبان وبنات وستات ورجالة.. وعلى راسهم اللي نعيش ونفتكره ونفتقده ونتحسر على انه مش معانا في الايام الصعبة ديه يهونها علينا.. وياخد بايدينا.. وبعدين نرجع نحمد ربنا انه رحمه من اللي احنا فيه واللي ماكانش ممكن يستحمله... هيستحمله ازاي وهو اللي راح بحسرته على المصريين اللي بيضربوا في بعض؟! نعيش ونفتكر عمنا جلال عامر اللي قال على نفسه: " انا صعلوك عابر سبيل..ابن الحارة المصرية.. ليس لي صاحب.. ولذلك كما ظهرت فجاة ساختفي فجاة.. فحاول تفتكرني".. وقد كان.. عم جلال كان على قد القول واحنا عمرنا ما هننسى
بلدنا بالمصري: هل يحاول نظام مرسي تأميم العمل الأهلي
في عز معمعة الايام اللي فاتت وتحديداً في اواخر شهر يناير، والدم سايح في شوارع مصر، وشبابنا وعيالنا ما بين شهيد ومصاب ومعتقل والداخل مفقود والخارج مش بالضرورة مولود.. بالعكس.. وفي عز ما المنظمات والمراكز الحقوقية والجمعيات الاهلية والمجموعات والحركات الشعبية بمحامينها بشبابها ببناتها المتطوعين، هم اللي بيجروا يمين وشمال ما بين المشارح والمستشفيات والاقسام والسجون ومعسكرات الامن المركزي ورا الشهدا والمصابين والمعتقلين والمفقودين وبعدين ورا حقوقهم.. في عز كل دة، اعلنت وزارة الشؤون الاجتماعية ان الوزارة انتهت من قانون الجمعيات والمؤسسات الاهلية وان القانون جاهز لادراجه على الاجندة التشريعية لمجلس الشورى.. ومن ساعة ما تم الاعلان عن نصوص مشروع القانون، والمنظمات الحقوقية والمعنيين بدور المجتمع المدني في بلدنا حاطين صوابعهم العشرة في الشق ورافضينه رفض بات باعتباره نموذج يسد عين الشمس للقوانين القمعية، اللي بتعكس مدى عداء السلطة لمبادئ حقوق الانسان والهدف منه تاميم المجتمع المدني والسيطرة عليه.. دة غير انه بيتعامل مع العاملين في المجال دة وكانهم حرامية وجواسيس.. وبعد كل دة، يمكن كمان جماعة الاخوان المسلمين اللي مالهاش اي وضع قانوني لحد دلوقتي، يمكن تقدر تفلت من تحت ضرس القانون الجديد.. اولاً: احنا مالنا بقة كمواطنين.. القانون دة يهمنا في ايه ولو صدر بعبله كدة دة هياثر علينا احنا في ايه؟! وثانياً: ماله القانون دة.. وايه عيبه؟! هيبان بقة من المناقشة مع ضيوفنا
نهاد ابو القمصان: المحامية ومدير المركز المصري لحقوق المرأة
محمد العجاتي: المدير التنفيذي لمنتدى البدائل العربي
