نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الخميس 24 يناير 2013 من قناة ONTV يوتيوب كاملة
من جديد: ميدان التحرير ليلة الإحتفال بذكرى الثورة
السلام والتحية على حضراتكو واهلا بيكو معانا ... كل سنة وحضراتكو طيبيين بمناسبة المولد النبوي الشريف ...وكلها ساعات قليلة وتبدأ الذكرى الثانية لثورة 25 يناير ... وكلها ساعات وتبدأ فعاليات التظاهرات والمسيرات اللي دعا ليها كافة القوى السياسية لإحياء هذه الذكرى ..
سنتين عدوا على الثورة ..سنتين عدوا على الثورة وسنة عدت علينا في برنامجنا من جديد معاكو.. سنة عدت بحلوها وبمرها، وبأحدثها لما بنيجي بنفتكرها بنلاقيها كلها احداث تحزن، لما بنيجي بنفتكر السنة اللي فاتت ديه مافيش مرة كانت فيها حلقة البرنامج بتنقل اخبار تفرح او حتى تدخل البسمة علينا كلنا ، حتى في المرة اللي جبنا فيها زلطة كنا بنضحك فيها على وكستنا، في قضية المنظمات الأجنبية اللي كل مسئول في البلد خر وقال مصر لن تركع وفي الاخر ركعت مصر وخرج المتهمين وسافروا على بلدهم.
غير قضية المنظمات، كان في قضايا كتيرة ومنها قضية مجزرة بورسعيد ، اللي راح فيها 73 واحد من شباب الألتراس، ولغاية دلوقتي ما اتحكمشي فيها وبعد ما اتحجزت للحكم النائب العام قدم ادلة جديدة ممكن تغير مسار القضية تاني ، لكنها برضوة حتأجل صدور الحكم بعد يوم من 25 يناير اللي الكل خايف منه.
وكل قوى وتيار هيحيي الذكرى بطريقة الخاصة ... سواء التظاهرات للمطالبة بإسقاط النظام واسقاط الدكتور محمد مرسي رئيس الجمهورية وجماعته جماعة الإخوان المسلمين .. او احياء إحتفالية فقط .. او المطالبة بإستمرار الثورة دون المطالبة بإسقاط الرئيس ... عموما من النهاردة والواضح ان الجميع بيسخن للي حيحصل بكرة واليومين اللي جايين ... والبدايات مش مبشرة على الإطلاق ... ودا بسبب الأحداث اللي بدأت من فجر النهاردة والأشتباكات الدائرة بين قوات الأمن والمتظاهرين بشارع قصر العيني بعد ما قام عدد من المتظاهرين بهدم جزء من الجدار العازل بالشارع .. الأشتبكات اسفرت عن اصابة العشرات .. الوضع عامل ايه دلوقتي ده اللي حنعرفه مراسلنا بهاء الطويل .
من جديد: إستعدادات هيئة الإسعاف لذكرى الثورة
معانا الدكتور محمد سلطان رئيس هيئة الإسعاف للتعرف عن إستعدادات هيئة الإسعاف لذكرى الثورة .
من جديد: إستعدادات وزارة الداخلية لذكرى الثورة
معانا اللواء أسامة إسماعيل المتحدث بإسم وزارة الداخلية للتعرف عن إستعدادات وزارة الداخلية لذكرى الثورة .
من جديد: البرادعي يدعو للمشاركة في تظاهرات الغد
زي ما قولنا لحضراتكو الدعوة للنزول والأحتشاد بميدان التحرير وجميع ميادين مصر مستمرة، لحشد اكبر عدد من المصريين، والنهاردة الدكتور محمد البرادعي رئيس حزب الدستور والقيادي بجبهة الإنقاذ الوطني طلب الشعب المصري بكل طوائفه وفئاته بالمشاركة في تظاهرات الغد لاستكمال الثورة وتحقيق كافة أهدافها.
من جديد: إعلان تأسيس كيان جديد لشباب جبهة الإنقاذ
غير الدعوة للاحتشاد كمان القوى السياسية بدأت في الإعلان عن اجراءات تنظيم اليوم بكرة، واماكن تحرك المسيرات وحتروح لفين، من ضمن القوى ديه كانت جبهة الإنقاذ الوطني اللي عقدت مؤتمر صحفي النهاردة، وأعلنت فيه أعلنت تشكيل لجنة شباب، حتكون عبارة عن ذراع شبابية جماهيرية للجبهة، وشريك فى اتخاذ القرار، ليضم ممثلى كافة الأحزاب الممثلة داخل الجبهة، من الدستور والوفد والمؤتمر والمصريين الأحرار والمصرى الديمقراطى ومصر الحرية والعدل والوعى والتيار الشعبى
تيارات إسلامية تحتفل بذكرى الثورة أمام مدينة الإنتاج
غير القوى المدنية والقوى السياسية المشاركة في مظاهرات بكرة في ميدان التحرير وميادين مصر كلها، بكرة قوى واحزاب من التيار الإسلامي أعلنت إحياءها ذكرى الثورة لكن بطريقة مختلفة وهو طريقة التظاهر امام مدينة الإنتاج الإعلامي .. الداعين للاحتفالات بكرة عند مدينة الانتاج الإعلامي هددوا بثورة إسلامية في حالة الانقلاب على الدكتور محمد مرسى، رئيس الجمهورية .. معانا محمد أبو سمرة أمين عام حزب الإسلامي الذراع السياسي لتنظيم الجهاد .
جمال عيد: أتمنى من تظاهرات الإسلاميين أن تكون سلمية
معانا الأستاذ جمال عيد رئيس الشبكة العربية لمعلومات حقوق الإنسان .. للتعليق على إحتفالات التيارات الإسلامية أمام مدينة الإنتاج الإعلامي .
قطب العربي: نشكر هشام قنديل على إنه بيعمل شغله
قطب العربي القيادي الإخواني: نشكر هشام قنديل على إنه بيعمل شغله
محمد عواد: إفتح صدرك للرصاص .. إتعلمنا خلاص
الذكرى الثانية للثورة ومطالب المتظاهرين في من جديد
بكرة حيكون مر سنتين على الثورة.. إيه اللى اتغير فى مصر بعد الثورة.. ولاحاجة .. زي ما شايف شباب الثورة وعشان كدة المفروض ما يبقاش فيه احتفالات لان لسه الشهدا حقهم ما رجعش بالعكس دولا زادوا .. ولسة اهداف الثورة في العيش والحرية والعدالة الاجتماعية ما حصلشي منهم حاجة، بالعكس الأسعار بتزيد وأزمة البنزين والسولار ابتدت ترجع تاني ..
عموما بكرة المظاهرات حتطلع بأهداف كتيرة مختلفة في سقفها ، بس زي ما شفنا في الـ18 ي وم بتوع الثورة الأولانية سقف المطالب كان بيزيد هل ممكن ده يتكرر تاني ، وعلى الناحية التانية خالص في ناس شايفة ان لا الثورة عملت كتير اطاحت برئيس وجابت رئيس منتخب ، اسقطت دستور وجابت دستور الشعب قال كلمته عليه، ومستنين انتخابات مجلس شعب شعان تكتمل كل مؤسسات الدولة ونبتدي ندور العجلة، بدل ما ننزل المظاهرات ونوقف الدنيا، وفي الاخر المواطن هو المتضرر، عموما مظاهرات بكرة في عيون الطرفين هو ده موضوعنا النهاردة ومشرفنا، أحد شباب الثورة محمد عواد عضو المكتب التنفيذي بالتيار الشعبي و القيادي الإخواني والكاتب الصحفي قطب العربي.. أهلاً وسهلاً بيكو..
من جديد: أخلاق النبي وكيف كان يقبل الإختلافات في الرأي
من جديد أهلا بحضراتكوا، والنهاردة واحنا بنحتفل بذكرى المولد النبوي الشريف، بنحاول نستحضر حاجات كتير بقت غايبة عننا في الايام ديه، وهي اخلاق النبي وتعاليم الاسلام الصحيحة اللي اكيد لو كل واحد اتبعها مش حيبقى عندنا مشاكل .. مش بس ناخد جزء ونسيب جزء ، زي ما بيحصل دلوقتي قوى سياسية تاخد اللي يخدمها وتسيب اللي ما يخدمهاش.. في الايام اللي احنا فيها ديه وصلت لان المصريين بقوا يكفروا بعض ووصلت ان المصريين بيقوفوا قدام بعض في الشوارع وممش كيقتلوا بعض.. وكل ده عشان بعدنا عن اخلاق النبي.
النهاردة حنحاول نقرب من من شخصية الرسول ونعرف ازاي كان بيتاعم مع المختلفين معاه في الرأي ، مع ضيفنا فضيلة الشيخ السيد سليمان عضو الرابطة العالمية لخريجي الأزهر وعضو المجلس الأعلى للثقافة .
أهلا بيك في من جديد وكل سنة وحضرتك طيب..
