نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 15 يناير 2013 تقديم شريهان ابو حسن من قناة ONTV يوتيوب كاملة
حادث البدرشين .. اللي عنده دم أحسن من اللي عنده دقن
السلام والتحية على حضراتكو أهلا بيكو معانا، تاني دم المصري بيسيل ، تاني دم المصري رخيص ، تاني شباب مصر بيروحوا.. تاني امها بتفقد ضناها.. تاني اخوات بيفقدوا خواتهم.. تاني نرجع ونقول النظام السابق هو المسئول.. فعلا اللي عنده دم احسن من اللي عنده دقن.. لان وصلت البجاحة بان الناس تستهون باللي راحوا في قطر البدرشين وعاوزيننا نتعامل معاه انه زيه زي اي حادث بسيط وكأن اللي راحوا دولا عشان مش من الأهل والعشيرة يبقوا ما يستهلوش اننا حتى نزعل عليهم، وكل التصريحات اللي طالعة توقل ان الحادثة ديه تركة النظام السابق اللي بقى االبعبع في كل نصيبة .. زي المرة اللي فاتت في قطر اسيوط اللي راح فيه 52 طفل كان الاربعين بتاعهم من كام يوم، وبرضوة البجاحة اننا نلاقي الناس مش عاوزة تتحمل المسئولية ومش عاوزين يعترفوا حتى بان فيه مسئولية ادبية عليهم باعتبار انهم الفصيل اللي بيحكم، ونلاقي الشماعة الخايبة بتاعة النظام السابق او نظرية المؤامرة اللي مشارك فيها الإعلام وده كله عشان اون تي في قامت دورها في كشف الاهمال اللي بيأدي لان مصريين بيروحوا هدر وفي الاخر ناس خايبة تطلع تقول الكلام اللي اتقال عن ان ازاي احنا قدرنا نغطي بسرعة في حين ان قنوات تانية كانت نايمة على ودانها اما اما كانت مشغلة فيلم اسماعيل ياسين زي التليفزيون المصري او نيمين على ودانهم او مش حابين انهم يجيبوا المصيبة زي قناة 25 بتاعة الأإخوان وفي الاخر بقى العيب علينا انننا قمنا بدورنا .. وديما الاخوان نلاقيهم يحاولوا يخرجوا من القضية الاساسية ويروحوا لقضية فرعية عشان ننسى .. بس احنا مش حننسى لو انتوا عاوزيننا ننسى، وحنفل فاكرين اللي راحوا في البدرشين زي ما حنفضل فاكرين اللي راحوا في اسيوط وكمان حنفضل فاكرين الكلام اللي اتقال من الرئيس مرسي ساعة قطر العياط .. مش حننسى.
من جديد: حادث البدرشين .. متقلقش يا ريس كله تمام
الغريب في المشهد ده اننا نلاقي ديما الناس اللي حاكمة عايزة الصورة تطلع حلوة حتى لو كانت الصورة ديه دم وشباب صغير من مواليد التسعينات ، مش مهم اللي راحوا المهم ان كله يبقى تماما.. زي الصور اللي احنا شايفينها كله تمنام والمصابين كويسيين ، لكن حتى واحنا بنجمل الصورة فيه حاجة تانية المسئولين ناسينها وصورة الحقيقة .. الحقيقة اللي غايبة عن المسئولية ومش عاوزين يشفوها مش عاوزين يشوفوا الصور ديه اللي من الصبح الناس عمالة تتكلم عنها وتتكلم عن المصابين المحظوظين اللي الريس ورئيس الوزرا زاروهم مش المصابين التانين اللي مرميين في اماكن تجيب المرض.
من جديد: مرسي يتفقد مصابي حادث قطار البدرشين
زي ما حضراتكو تابعتوا على قنوات اون تي في خلال متابعاتها لملف الحادث منذ وقوعه .. الدكتور محمد مرسي رئيس الجمهورية ذهب لمستشفى المعادي العسكري لتفقد حالات المصابين في الحادث وقال في تصريحاته له ان النيابة العامة تولت التحقيق للوقوف على اسبابه ومحاسبة المقصرين والمتسببين في الحادث .
من جديد: تحقيقات النيابة العامة في حادث قطار البدرشين
ماذا عن التحقيقات في حادث قطار البدرشين .. معانا عمر حسانين مساعد رئيس تحرير جريدة المصري اليوم .
من جديد: 18 حالة وفاة في حادث قطار البدرشين
ماذا عن عدد مصابين حادث قطار البدرشين .. معانا خالد الخطيب القائم بأعمال رئيس الإدارة المركزية للرعاية الحرجة والعاجلة
من جديد: تظاهرات تطالب بالقصاص لشهداء البدرشين
بعد وقوع الحادث وقعت تظاهرات في عدد من المحافظات وفي محطة مصر للمطالبة بالقصاص لحقوق الشهداء اللي ماتوا في الحادث .. معانا رشا الطهطاوي الصحفية بجريدة المصري اليوم .
من جديد: حالة غضب بالأسكندرية بعد حادث قطار البدرشين
الوضع في إسكندرية ساخن حتى الآن .. معانا مراسلنا وائل ثابت .
من جديد: الإسماعيلية تطالب بإستقالة حكومة قنديل
الوضع في الإسماعيلية عامل ازاى ده اللى هتنعرفه من مراسلنا هانى عبد الرحمن
من جديد - الكتاتني: حادث البدرشين .. مبارك هو السبب
طبعا كعادتهم قيادات حزب الحرية والعدالة وجماعة الإخوان المسلمين اللي بينتمي ليهم الدكتور محمد مرسي رئيس الجمهورية اشتغلوا في حملة لتبرير المسئولية واتهام نظام مبارك بأنه السبب في الحادث .. الدكتور سعد الكتاتني مثلا رئيس الحزب قال تكرار حوادث القطارات المفجعة دليل على انهيار شبه كامل فى البنية التحتية جراء سنوات الفساد تحت حكم مبارك، وجرس إنذار لنا جميعا بضرورة تجاوز الخلافات السياسية والتعاون لإعادة بناء مصر، فلم يعد لدينا وقت لنضيعه .. معانا الدكتور أحمد دراج القيادي بحزب الدستور
من جديد: السجن 5 سنوات و 300 جلدة للجيزاوي
طبعا طالما المصري متهان في بلده بالتأكيد مش حيبقى ليه كرامة في بلد تانية ، والنهاردة المحكمة العامة في جدة أصدرت حكمها على المحامي المصري أحمد الجيزاوي بالسجن 5 سنوات و300 جلة لأتهامه بإدخال مواد مخدرة إلى المملكة العربية السعوية .
من جديد: تأجيل الحكم في حل التأسيسية لـ 3 فبراير
نروح للمحكمة الدستورية العليا واللي انعقدت النهاردة بعد ما كانت معلقة عملها بسبب التظاهرات اللي حصلت من قبل جماعة الإخوان وبعض التيارات السلفية الآخرى .. والنهاردة نظرت المحكمة دعاوى حل مجلس الشورى وبطلان الجمعية التاأسيسية اللي وضعت الدستور وقررت إعادة دعوى حل الشورى للمفوضين ودا طبعا بسبب الدستور الجديد وبالتالي لازم يتم اخذ رأي هيئة المفوضين من جديد ، وقررت حجز دعوى بطلان التاسيسية للحكم فيها 3 فبراير ... من ناحية تانية نظم عدد من الحركات والأحزاب السياسية تظاهرة امام المحكمة لحمايتها وحماية القضاة ..
من جديد: إلزام الدولة بعلاج المواطنين الغير قادرين
بمناسبة الحديث عن الدستور الجديد .. فالنهاردة محكمة القضاء الإداري في الإسكندرية أصدرت حكمين طبقت فيه نص المادة 62 من الدستور واللي ألزمت الدولة بعلاج المواطنين غير القادرين ... والمحكمة قالت في احكامها أنه يجب علاج غير القدرين مجانا مهما بلغت التكلفة وإن لم تلتزم الدولة بهذا النص يصبح " مجرد شعار " ويفقد مصداقيته لدى الشعب الذى ظل محروما فى اخص واغلى حقوقه فى صحته بالعلاج المجانى لغير القادرين ردحا طويلا من الزمان فى عقود سابقة .
علاء عبد المنعم: الإعلام المصري أذاع فيلم وترك الحادث
علاء عبد المنعم: الإعلام المصري أذاع فيلم لإسماعيل ياسين وترك الحادث
من يوقف نزيف الدم؟ ومن المسؤول؟ .. في من جديد
من جديد أهلا بحضراتكوا ومن جديد بنقدم تعازينا لأهالي شهداء قطار البدرشين.. وما أكثر شهداءنا فى حوادث القطارات والطرق.. بقينا ننتظر كل يوم كارثة جديدة وشهداء وضحايا ومصابين جدد.. الموت ما بيشبعش كل يوم بياخد ولادنا واخواتنا، وأحنا عارفين الأسباب ومش عايزين نحلها.. كلنا عارفين مين اللى قتل أخواتنا البدرشين وولادنا فى أسيوط.. وكلنا عارفين إنه مش القطار .. لا مش القطار .. اللى قتل جنودنا وولادنا الإهمال .. أيوة الأهمال .. أهمال كل مسئول من الصغير للكبير .. مع كل مصيبة نلاقي المسئولين اول حاجة يقولوها حنعمل لجنة عشان تشوف المشكلة ونستنى لجنة تقصي حقائق خايبة ما تعملشي حاجة ولو عملت كلامها يتركن في الادراج عشان المصيبة اللي بعديها نرجع نقول يا ريت اللي جرى ما كان..
ويبقى الكلام مبارك سايب مرفق السكك الحديدية خرابان.. ما هو برضو الإخوان المسلمين بيحكموا مصر بقالهم أكتر من سنة .. أه أكتر من سنة .. 6 شهور بأغلبية مجلس الشعب و6 شهور وشوية بالرئيس مرسي..
مانسمعش المسؤولين غير بعد الكوارث علطول وخلال يومين أو تلاتة بالكتير كل واحد بيرجع مكتبه ولا وزارته ويقعد يستنى التعليمات ولا معرفش هم بيعملوا إيه فى وزارتهم.. الرئيس فين ؟ والوزير فين ؟ والإخوان المسلمين فين؟ إحنا مش شايفين غير انهم بيشيلوا مسؤول قديم ويجيبوا واحد من الإخوان بداله .. حتي اللى بيجي بداله ده مانشفهوش بيعمل حاجة هو كمان غير أنه بيشيل اللى تحت منه ويجب واحد من الأخوان برضو .. ولسه مابدأناش فى تطوير أي مرفق فى مصر .. مفيش مرفق واحد حاسين فيه بتحسن .. لا .. دى كلها كوارث.
ما علينا .. نحاول نتكلم بشوية من العقل اللى فاضلنا مع ضيفنا الكريم النائب السابق علاء عبد المنعم عضو جبهة الإنقاذ، وعضو مجلس الشعب السابق.. والدكتور جمال نصار رئيس مركز الدراسات السياسية البديلة.. أهلاً بيكو
