نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 8 يناير 2013 تقديم شريهان ابو حسن من قناة ONTV يوتيوب كاملة
من جديد: مطالب صندوق النقد الدولي من الحكومة
تقريبا ما فيش تغيير بيحصل من حكومة لحكومة ومن نظام لنظام، ديما اللي في الحكومة بيتعملوا مع الناس بمبدأ الطفل اللي هما بيحددولوا الجرعة المناسبة من الأخبار عان يعرفها ، الحكومة عاوزة ديما تفضل تقوم بدور بابا وماما، وهي اللي تطمنا علطول وان كل شيء تمام وحطوا في بطنكم بطيخة صيفي، انا كلامي هنا باقصد بيه اللي بيتقال عن ان قرض صندوق النقد الدولي ماشي تمام وان وفد الصندوق اشاد بالحكمة واجراءات مصر وهي التصريحات اللي طلعت من اكتر من مسئول سواء من الوزرا او من الرئاسة على لسان الدكتور ياسر علي، وعلى عكس من كدة فاللي عمال يتنتور من أخبار ان وفد الصندوق حدد شوية مطالب للحكومة عشان تعرف تاخد القرض بعيدا عن اننا موافقين عليه او معارضين وهي اولها انه لازم تحرر سعر صرف الجنيه، يعني الجنيه ينزل اكتر ما هوه نازل لان وفد صندوق النقد شايف ان قيمة الجنيه اعلى من قيمته الحقيقة، وكمان وفد صندوق النقد شايف انه لازم على الحكومة تعيد النظر في قرار دعم الوقود، وهو القرار اللي صعب يحصل من غير وجود مجلس شعب وطبعا صعب ان اول قانون يصدر من مجلس الشعب انه يكون قانون برفع الدعم .. ده معناه ايه هل كدة المفواضات رجعت زي ما بيقولوا للمربع رقم صفر ده اللي حنعرفه من منصور كامل الصحفي في المصري اليوم .
من جديد: تأثير الطقس السيئ على محافظات مصر
نروح لحاجة تانية دايما بنسمعها في كل سنة مع دخول الشتا ان كله تمام وان الحكومة مستعدة عشان السيول، خصوصا مع حالة الجو اللي مش عارفين حتستمر لامتى واللي شدتها عمالة بتزيد والخوف كل الخوف من سيناريو كل سنة من السيول الشديدة اللي بتاخد في وشها كل حاجة خلونا في الأول نطمن الأول من الدكتور علي قطب على حالة الجو قبل ما نشوف الوضع عامل ايه في المحافظات .. معانا الدكتور علي قطب المتحدث الرسمي لهيئة الأرصاد الجوية .
من جديد: أضرار الطقس السيئ على شمال سيناء
معانا الأستاذ مصطفى سنجر مراسل جريدة الشروق بشمال سيناء للتعليق على اضرار الطقس السيئ على شمال سيناء .
من جديد: منطقة سانت كاترين تشهد سيول غزيرة
معانا مراسلنا أيمن أبو زيد للتعليق على اضرار الطقس السيئ على جنوب سيناء .
من جديد: أضرار الطقس السيئ على مرسى مطروح
معانا مراسلنا حسن مشالي للتعليق على اضرار الطقس السيئ على محافظة مرسى مطروح .
من جديد - تهاني الجبالي: أقمت دعوى لإسقاط الدستور
النهاردة المستشارة تهاني الجبالي نائبة رئيس المحكمة الدستورية العليا السابقة عقدت مؤتمر صحفي للرد على استبعادها من التشكيل الجديد للمحكمة الدستورية العليا وقالت في المؤتمر أن النص في الدستور الجديد على استبعاد 7 من قضاة المحكمة الدستورية العليا هو عمل انتقامي وانها اتقدمت بطعن اما المحكمة الدستورية ضد الدستور الجديد وضد قرار استبعادها من تشكيل المحكمة ... خلال المؤتمر حضر عدد من الشخصيات واساتذة القانون للتضامن مع المستشارة تهاني.
من جديد: مؤتمر صحفي لرفض التدخل في شئون القضاء
من ناحية تانية عقد عدد من الأحزاب السياسية المؤسسين لتيار الإستقلال مؤتمر صحفي لرفض التدخل في شئون النيابة العامة وشئون القضاء واعلنوا تضامنهم الكامل لمطالب اعضاء النيابة العامة فيما يتعلق بأزمتهم مع النائب العام ...
من جديد: النائب العام يستلم تقرير لجنة تقصي الحقائق
النهاردة النائب العام المستشار طلعت عبد الله استلم رسميا التقرير النهائي اللي اعدته لجنة تقصي الحقائق في وقائع قتل المتظاهرين ، وجميع الأدولة اللي توصلت ليها اللجنة .. معانا عمر حسانين مساعد رئيس تحرير المصري اليوم
من جديد: براءة توفيق عكاشة من قضية إهانة الرئيس
محكمة جنايات الجيزة أصدرت النهاردة حكم ببراءة الإعلامي توفيق عكاشه من قضية التحريض على قتل الدكتور محمد مرسي رئيس الجمهورية وسبه وقذفه .. معانا عمر حسانين مساعد رئيس تحرير المصري اليوم
من جديد: وقفة إحتجاجية لأهالي المعتقلين بالسعودية
النهاردة نظم وقفة أهالي المعتقلين المصريين بالسعودية وقفة احتجاجية قدام السفارة السعودية للمطالبة بالافراج عنهم .. اهالي المعتقلين كانوا متايقين جدا من ان الدنيا قامت وما اقعدتشي عشان 15 مصري في الامارات بيتقال انهم من الإخوان رغم انهم وقفوا اكتر من 64 مرة قدام السفارة السعودية في القاهرة.
من جديد: خديجة الشاطر تنفي ما ورد على صفحتها
نروح لحاجة تانية تفور الدم وكنا اتكلمنا عنه قبل كدة وكمان امبارح وليه علاقة باعياد المسيحيين والكلام اللي كان طلع بتحريم تهنئة المسييحين، الجديد اللي طلع هو التصريح المنسوب لخديجة خيرت الشاطر، ابنة نائب المرشد العام لجماعة الإخوان المسلمين على صفحة منسوبة ليها على "فيس بوك"، بتقول أن تقلب الجو فى أعياد المسيحيين دليل على ثورة الكون وتبرؤه مما يدعون كذبا على السيد المسيح، بحسب وصفها.
وقالت على صفحتها: "من عجائب الأقدار أن ترى الجو فى أعياد النصارى كل عام يتقلب ويثور، وترتعد السماء وتمطر"، وأضافت: "الكون كله يثور متبرئاً مما زعموه على إلهنا، ولظلم وبهتان ما ادعوا كذبا على حبيبنا المسيح عيسى.. وترى الشمس فى أعياد المسلمين تشرق لو جاء العيد فى الشتاء، ويهدأ لهيبها لو كان الجو صيفاً، فيأتى عيد المسلمين فى كون مشرق جميل".. الواحد مش عارف يقول ايه غير ان السعودية بتصلي عشان المطر ينزل .. ومش حاقول حاجة تانية للناس اللي فاكرة ان المطر شر.. معانا خديجة خيرت الشاطر نجلة نائب مرشد الإخوان المسلمين
من جديد: مجهولون يشعلون النيران بجامعة الدول العربية
من جديد: الخارجية تستعد للانتخابات البرلمانية
لسه مع اخبار المصريين بالخارج والنهاردة الخارجية فتحت باب باب قيد المصريين في الخارج في قواعد الناخبين عشان يقدروا يصوتوا في الانتخابات اللي جاية .
من جديد: وقفة إحتجاجية لجبهة الإبداع المصرى
الوقفة الاحتجاجية لجبهة الإبداع المصرى ضد رفض محمد الصاوى لعرض لوحات تنتقد الاخوان
أسباب المساعدات القطرية لمصر - د. عمرو حمزاوي في من جديد
النهارده رئيس الوزارء القطري قال في مؤتمر صحفي مع نظيره المصري الدكتور هشام قنديل واتكلم عن المساعدات القطرية , عن مليار منحة وأربعة مليار وديعة .. عن هذا الشأن نرحب بضيفنا الدكتور عمرو حمزاوي أستاذ العلوم السياسية .
أيمن عراقي: السيطرة على حريق جامعة الدول العربية
معانا أيمن العراقي نائب مدير تحرير وكالة أنباء الشرق الأوسط للتعليق على حريق مبنى جامعة الدول العربية .
حمزاوي: لا يوجد دولة في العالم تقدم معونات دون مقابل
د. عمرو حمزاوي: لا يوجد دولة في العالم تقدم معونات دون مقابل
حمزاوي: قطر تريد أن تكون الوزن المصري بجانب مواقفها
د. عمرو حمزاوي: قطر تريد أن تكون الوزن المصري بجانب مواقفها
حمزاوي: الاستثمارات قد تكون لصالح مصر إذا أحسن إدارتها
د. عمرو حمزاوي: الاستثمارات قد تكون لصالح مصر إذا أحسن إدارتها
حمزاوي: المجتمع يعاني من نتائج الدستور المشوه
د. عمرو حمزاوي: المجتمع يعاني من نتائج الدستور المشوه
