نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاحد 6 يناير 2013 تقديم ريم ماجد على قناة ONTV حلقة يوتيوب كاملة
د. أشرف العربي وزير التخطيط .. في بلدنا بالمصري الليلة
د. أشرف العربي وزير التخطيط والتعاون الدولي .. الليلة في بلدنا بالمصري مع ريم ماجد #ONtveg Nilesat 12053 V - 8:30 PM CLT
ريم ماجد: البلد دي لكل ولادها والسكة واحدة
يسعد مساكم وحلقة جديدة من بلدنا بالمصري.. حلقة الحد ٦ يناير ٢٠١٢ الموافق عيد ميلاد السيد المسيح عليه السلام.. فكل سنة واحنا كلنا طيبين وقلبنا على بعض وشايلين بلدنا على راسنا من فوق وعاشقين جمالها في الضلمة وفي النور.. في الشدة وفي الفرج.. هي بس تاشر وكله يهون علشان خاطر عيونها.. زي النهاردة من سنتين فاتوا.. كنا في غمة وكنا في شدة.. وكان رايح مننا شهدا ما كملوش اسبوع في ليلة راس السنة في كنيسة القديسين.. وكان قلب بلدنا مفطور.. وكنا خايفين وحاطين ايدينا على قلبنا ليضيق بينا وماعادش يساعنا كلنا.. زي النهاردة من سنتين وقفنا كلنا على سلالم الكاتدرائية وكل واحد فينا قال اللي ربنا جاد عليه بيه وقدره عليه لجل خاطر لم الشمل.. النهاردة وبعد سنتين، احنا لسة في شدة ولسانا في عرض لم الشمل.. تعددت الشدايد والسكة واحدة مافيش غيرها لو عايزين الغمة تزول.. تبقى البلد ديه لكل ولادها ماحدش على راسه ريشة والتاني على راسه بطحة بيدفع تمن فقره او جنسه او دينه او عقيدته او فكره او غيرهم.. النهاردة وبعد سنتين لسة عندي نفس الاحساس ولسة على لساني نفس الكلام بس يارب الاقي ناس لمعناة الكلام يعيشوه حقيقة مش مجرد اماني واحلام ودعوات صالحات نامن عليها بالكلام وفعل مافيش
بلدنا بالمصري: من هم الوزراء الجدد في حكومة قنديل
حلقة النهاردة هنختمها بحوار بصريح العبارة ومن غير لف ودوران مع الدكتور اشرف العربي وزير التخطيط والتعاون الدولي في حكومة الدكتور هشام قنديل عن احوال بلدنا الاقتصادية ومواجعها.. وعن الحكومة اللي سمت نفسها حكومة الثورة، هي فين ومطالب الثورة واهدافها فين؟! واولهم لقمة العيش والعدالة الاجتماعية.. والاهم من كدة، حكومة "الثورة" ديه على حد قولها واخدة بلدنا باللي فيها ورايحة على فين.. كل ديه اسئلة احنا هنعمل اللي علينا ونطرحها على وزير التخطيط والتعاون الدولي والدور والباقي عليه بقة.. لكن بعد اخر اخبار بلدنا.. واللي هنبداها برده باخر خبر يخص الحكومة.. النهاردة، الوزرا العشرة الجداد في حكومة الدكتور هشام قنديل حلفوا اليمين قدام رئيس الجمهورية الدكتور محمد مرسي في قصر الرياسة، قبل ما يجتمع رئيس الجمهورية بمجلس الوزرل بتشكيلته الجديدة.. خلونا اولاً نتعرف على الوزرا الجداد على قد المعلومات المتاحة.. وبعدين نحاول نقرا التعديلات اللي طرات على الحكومة وهل التعديلات ديه ممكن تخطي بينا خطوة لقدام ولا هي مجرد تحصيل حاصل
بلدنا بالمصري - الحديدي: سياسة الحكومة واضحة ولن تتغير
نحاول نقرا التعديلات اللي طرات على الحكومة وهل التعديلات ديه ممكن تخطي بينا خطوة لقدام ولا هي مجرد تحصيل حاصل
معنا على الهاتف
السفير/ علاء الحديدي - المتحدث باسم مجلس الوزراء
حسن: وزير المالية له اهتمامات بالإقتصاد الإسلامي
نحاول نقرا التعديلات اللي طرات على الحكومة وهل التعديلات ديه ممكن تخطي بينا خطوة لقدام ولا هي مجرد تحصيل حاصل
معنا على الهاتف
د. عمار علي حسن - الباحث السياسي
بلدنا - محفوظ: صغار الضباط مستعدين لهيكلة الداخلية
نحاول نقرا التعديلات اللي طرات على الحكومة وهل التعديلات ديه ممكن تخطي بينا خطوة لقدام ولا هي مجرد تحصيل حاصل
معنا على الهاتف
د. محمد محفوظ - المنسق العام المساعد لضباط لكن ظرفاء
بلدنا بالمصري: العدل تنتهي من مشروع قانون الانتخابات
اول مهمة من مهام الحكومة بتشكيلها الجديد، حسب رئيس الوزرا، هي احالة مشروع القانون بتعديل بعض أحكام قانون مباشرة الحقوق السياسية ومجلس الشعب لمجلس الشورى لدراسته وإقراره.. وقد كان، الادارة التشريعية بوزارة العدل انتهت فعلاً النهاردة من إعداد مشروع قانون انتخابات مجلس النواب.. وتم ارساله لمجلس الشورى تمهيداً لإرساله للمحكمة الدستورية لمطابقته مع نصوص الدستور الجديد وإعادته مرة أخرى لمجلس الشورى لإقراره وتحديد معاد الانتخابات.. بغض النظر عن الانتقادات الموجهة للقانون سواء من المعارضة او من الخبراء والمتخصصين في مجال الانتخابات والتشريعات الخاصة بيها.. واللي هتكون محور اساسي في لقاءنا في حلقة يوم التلات، بعد بكرة، مع الدكتور محمد محسوب، وزير الشؤون القانونية والنيابية المستقيل وواحد من المشاركين الفاعلين في الحوار الوطني حوالين قانون الانتخابات ضمن مواضيع تانية برعاية رئيس الجمهورية... حوار وطني غايبة عنه بالتاكيد قوى رئيسية الممثلة تحديداً في جبهة الانقاذ الوطني
معنا على الهاتف
أحمد إمام - عضو المكتب السياسي لحزب مصر القوية
بلدنا بالمصري: وقفة أسر المصريين المعتقلين بالإمارات
كل محاولات الافراج عن المعتقلين المصريين ال١١ في الامارات، حتى اللي منها على اعلى مستوى وصل لحد ايفاد مدير المخابرات العامة شخصياً للتفاوض لاطلاق سراحهم باءت بالفشل.. وحتى الان الامارات رافضة رفض بات الافراج عنهم بعد اعتقالهم لصلتهم الوثيقة بجناعة الاخوان النسلمين في مصر، ما انكرتهاش الجماعة ابداً بالعكس، وللاشتباه في قيامهم بتريب اسلاميين على قلب نظام الحكم في دول عربية، الاتهام اللي بتنكره جماعة الاخوان واهالي المعتقلين اللي نظمة وقفة احتجاجية النهارة قدام مقر جامعة الدول العربية قبل ما تقلب بغم
بلدنا بالمصري: عشرة شروط لجبهة الإنقاذ لخوض الانتخابات
فيما يخص موقف جبهة الإنقاذ الوطني من قانون الانتخابات
معنا على الهاتف
د. أحمد البرعي - المتحدث بإسم جبهة الإنقاذ
بلدنا بالمصري: حياة الاعلاميين والصحفيين في خطر
تحت عنوان "حياة الاعلاميين والصحفيين في خطر" اللجنة الوطنية للدفاع عن حرية التعبير اصدرت النهاردة تقريرها الاول عن حرية الراي والتعبير في مصر في التص التاني من ٢٠١٢.. اللجنة رصدت ٦٠ نموذج بحالهم من نماذج انتهاك حرية الراي والتعبير والاعتداء عليها اما وقائع الانتهاك في حد ذاتها بالمئات.. لكن غير رصد الانتهاكات، اللجنة اصدرت عدد من التوصيات
بلدنا بالمصري: وقفة الباعة الجائلين ضد قرار الرئيس
الوقفة الاحتحاجية التانية واللي يمكن هي الاولى من نوعها، كانت وقفة مجموعة من البياعين الجائلين الاروقية اللي على باب الله ضد القانون الاخير اللي اصدره رئيس الجمهورية بتغليظ العقوبات المفروضة عليهم قبل ما يلاقيلهم صرفة وحل وقبل ما يحولهم لمجرمين
بلدنا بالمصري: أحمد منيب .. عاشق تراب بلاد الدهب
بعد الفاصل حوار بصريح العبارة وبالفم المليان مع الدكتور اشرف العربي وزير التخطيط والتعاون الدولي.. لكن قبل الفاصل نعيش ونفتكر اسطورة الفن والمغنى وعاشق تراب بلاد الدهب، احمد منيب
د. أشرف العربي وزير التخطيط .. في بلدنا بالمصري
بصريح العبارة ومن غير لف ودوران مع الدكتور اشرف العربي وزير التخطيط والتعاون الدولي في حكومة الدكتور هشام قنديل عن احوال بلدنا الاقتصادية ومواجعها.. وعن الحكومة اللي سمت نفسها حكومة الثورة، هي فين ومطالب الثورة واهدافها فين؟! واولهم لقمة العيش والعدالة الاجتماعية.. والاهم من كدة، حكومة "الثورة" ديه على حد قولها واخدة بلدنا باللي فيها ورايحة على فين.. كل ديه اسئلة احنا هنعمل اللي علينا ونطرحها على وزير التخطيط والتعاون الدولي
