نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاحد 2 ديسمبر 2012 يوتيوب كاملة
بلدنا بالمصري: مات أحمد نجيب وما باليد حيلة
بنمسي على حضراتكوا وحلقة جديدة من بلدنا بالمصري.. للمرة التالتة في اقل من اسبوعين بنبداها بجنازة ونتحسر على شاب زي الورد المفتح بيتقطف غدر وقبل الاوان.. الاعمار بيد الله ولن يصيبنا الا ما كتب الله لنا.. بس احمد نجيب زيه زي جيكا وزي اسلام وزي غيرهم من الورد المفتح، قضوا اخر سنتين من عمرهم ومافيش على لسانهم غير"يا نجيب حقهم يا نموت زيهم".. وحكمتك يا رب، لسة المكتوب عليهم وعلينا لحد النهاردة انهم بس يموتوا زيهم ولسة ما انش الاوان نجيب حقهم
مات احمد نجيب وما باليد حيلة غير اننا نفضل نجري ورا حقه وحق اللي زيه.. ونضمن على الاقل انه لما يئون اوان الحساب هيكون تحت ادينا ادلة الادانة
بلدنا بالمصري: أسباب وفاة أحمد نجيب
تقرير الصفة التشريحية للشهيد أحمد نجيب
أ.أيمن السيد: محامي الشهيد أحمد نجيب
و التقرير المبداي و أطباء الطب الشرعي رفضوا التصريح ما الشيء الذي تم إستخراجه من
و إستخراج بلية زجاجية من المخ و هذا طلق ناري و ليس طلق خرطوش
و يمكن إستخادمه كدليل إدانة و البلية الزجاجية هي طلقات جديدة و كان هناك حالة أخرى بها بلية زجاجية داخل الجسم
بلدنا بالمصري: علم مصر على الأرض والجماعة فوق الراس
قبل ما نبدا اخر اخبار بلدنا، عايزاكوا بس تبصوا معانا كويس على صورة لمجموعة من المتظاهرين اللي شاركوا امبارح في مظاهرة تاييد رئيس الجمهورية وقراراته وما بداله، واللي اسمت لاسباب ما يعلم بيها الا ربنا، "جمعة الشرعية والشريعة" وماحدش فاهم هو ايه علاقة قرارات الرئيس بالشريعة او بشرع الله، اللهم الا لو دة اعتراف ضمني او حتى بصريح العبارة ان رئيس الجمهورية بقى الحاكم بامر الله، يحكم ويتحكم في مصاير البلاد والعباد واللي يفتح بقه او يقول تلت التلاتة كام يبقى بيخالف شرع الله وبيعترض على شريعته وبئس المصير!!!! نهايته.. مش دة القصد.. القصد اننا عايزاكوا تفتحوا عينيكوا كويس وتبصوا على الصورة ديه.. لما نشوف الصورة ديه وقبل حتى ما ندقق فيها.. من اول نظرة كدة: ازاي هان عليهم علم مصر بالشكل دة.. ازاي جالهم قلب يمرمطوا بيه الارض كدة.. ازاي اتحول على ايديهم لحيالله زيه زي شوية ورق جرايد ، النهاردة قاعدين عليه ومساووينه بالارض بكرة الله اعلم هيعملوا فيه ايه، هيلمعوا بيه الازاز ولا هيفرشوه في الدواليب ولا هيلموا فيه بواقي الاكل قبل ما يرموها هي وهو في الزبالة؟!!! طب جايبينه معاكوا اصلاً ليه لما هي ديه قيمته وهو دة مقامه عندكوا؟! ما كفاية عليكوا اعلام السعودية اللي كانت بترفرف عالية خفاقة.. او كفاية عليكوا علم الجماعة ، اللي لما ندقق كدة في الصورة نلاقيه واقف على حيله ومرفوع اربعة وعشرين قيراط ولا يمكن ينزل الارض ابداً.. في حين ان علم مصربجلالة قدره وقدرها ممسوح بيه تراب الارض على اخر الزمن.. حقك على راسنا يا مصر
بلدنا بالمصري: هل تم منع قضاة الدستورية من دخولها
انا مش عارفة لو عمرها حصلت في اي حتة في الدنيا، ان متظاهرين نازلين يايدوا قرارات رئيس جمهورية منتخب وبدعوة من حزبه ومن جماعته وتحت عنوان الشرعية، فانتهى بيهم الحال محاصرين مؤسسة من مؤسسات الدولة ومانعينها من تادية عملها.. والرئيس والرئاسة لا حس ولا خبر.. بس احنا كمان مش قادرين نفهم اذا هم فعلاً منعوا قضاة المحكمة الدستورية من دخول المحكمة وممارسة عملهم ولا لا.. لان ما بين بيان
المحكمة الدستورية اللي وصفت النهاردة ب"اليوم حالك السواد في تاريخ القضاء المصري على امتداد عصوره"، واكد ان الحشد من البشر المتواجد حوالين المحكمة الدستورية من كل الجهات "حال دون دخول من وصل من القضاة نظرا لما تهددهم من أذى وخطر على سلامتهم، فى ظل حالة أمنية لا تبعث على الارتياح.. وما بين بيانات وزارة الداخلية فيه تناقض كبير
الكتاتني طالب المتظاهرين بالسلمية وعدم إقتحام المحكمة
د. مراد محمد على : المستشار الإعلامي لحزب الحرية و العدالة
الانحيازات السياسية لبعض أعضاء المحكمة وراء هذا الغضب
نرفض إعاقة العمل من الطرفيين و نرفض قيام القضاة بإعاقة العمل أيضاً
الكتاتني طالب المتظاهرين بالسلمية و عدم إقتحام المحكمة
لا شك ان هناك حالة من الغل و الغيظ و الحنق على أحكام المحكمة الدستورية
و إنشغال بعض قضاة المحكمة الدستورية بالعمل السياسي أعطى لبعض الناس إنطباع أن هناك طرف ينحاز لإتجاه معين
و هناك شعور بتسيس القضاء
الشعب المصري إعتاد التظاهر أمام المحاكم
بلدنا بالمصري: بيان المحكمة الدستورية العليا المحاصرة
بيان المحكمة الدستورية العليا المحاصرة
ردود الأفعال على حصار المحكمة الدستورية
ردود أفعال بعض القوى السياسية و عدد من كبار الزعماء السياسين على حصار المحكمة الدستورية العليا
ريم ماجد: رافضين يتحطوا في خانة اليك وظهرهم للحيط
اما عن قرار رئيس الجمهورية رقم ٣٩٧ لسنة ٢٠١٢ بدعوة الناخبين لابداء الراي في مشروع دستور جمهورية مصر العربية يوم السبت ١٥ ديسمبر، فحدث ولا حرج.. المؤيدين والفرحانين بالقرار واللي بياكدوا انه لخير وصالح البلد ديه وانه هيجيبلنا الاستقرار والرخاء على طبق من دهب والاشية هتبقى معدن، هنيالهم نالوا المراد من رب العباد واقاموا امبارح الافراح والليالي الملاح قدام تمثال نهضة مصر قبل ما يشدوا الرحال على المحكمة الدستورية، وبالتاكيد فيه ناس تانية كتير غير اللي كانوا موجودين امبارح حوالين جامعة القاهرة وفي شوارع الجيزة، لا ليهم انتماءات سياسية ولا حزبية ولا يحزنون، كمان فرحانين بقرار الرئيس بالاستفتاء على الدستور وحاسمين موقفهم وهيروحوا يقولوا نعم، عن اقتناع او عن استسهال او من باب يللا بقة خلونا نخلص.. تعددت الاسباب وال"نعم" واحدة، ربنا بس يجيب العواقب سليمة وما تتحولش النعم من هنا ليوم الاستفتاء، ل"نعم" لله ولدين الله ولشرع الله.. فتبقى ال"لا" على طول بتاعة الناس الكفرة اللي ما يعرفوش ربنا اللي مالهمش لا ملة ولا دين ومافيش مانع نعلقهم على الشحر قدام الجوامع عبرة لمن يعتبر زي ما قال واحد من شيوخهم ان جاز التعبير عنه بشيخ!!!
لكن الحقيقة ان بتوع لاة، ولاة المرة ديه، ماهيش التصويت بلاة.. لاة المرة ديه للاستفتاء على الدستور من حيث الاصل.. الناس دول رافضين حاجات تانية خالص مالهاش اي علاقة لا بالدين ولا بالشرع ولا هوبوا ناحيتهم لا من بعيد ولا من قريب.. والناس دول زيهم بالظبط زي بتوع نعم، مش بس قوى واحزاب سياسية ومش بس المعتصمين في ميدان التحرير، لا كمان فيه ناس كتير لا ليهم في السياسة ولا ليهم اي انتماءات من اي نوع رافضين الاستفتاء على الدستور من حيث الاصل.. رافضين يتحطوا في خانة اليك وضهرهم للحيط ويا تقولوا "نعم" على دستور من وجهة نظرهم ما بيمثلش كل المصريين، وانتهت كتابته في انصاص الليالي واتصوت عليه في غياب العمال والفلاحين واهالي سينا والنوبة والكنايس التلاتة وكل القوى والاحزاب المدنية.. وما بين لاة، فتكون النتيجة اننا نعيش ولحين اشعار اخر محكومين بالمدعو اعلان دستوري يدي رئيس الجمهورية الحق فانه يعمل ما بداله بدون حسيب ولا رقيب.. خلونا الاول نجس نبض الناس في الشارع، قبل ما نرجع لردود افعال القوى والاحزاب السياسية على القرار الجمهوري بدعوة المصريين للاستفتء على الدستور
بلدنا بالمصري: رأي الشارع في الاستفتاء على الدستور
بلدنا بالمصري: رد القوى السياسية على الدعوة للاستفتاء
ديه كانت مجرد عينة من اراء الناس، وبالتاكيد مش ممكن اعتبارها عينة ممثلة دة مجرد جس نبض زي ما قلنا.. اما عن ردود الفعل السياسية، القوى والاحزاب المعتصمة في ميدان التحرير اصدرت البيان التالي
بعد اخر اخبار بلدنا، هنحاول نجاوب على السؤال الاتي: جبهة الرفض ديه زي كل مرة هتلاقي نفسها مضطرة تركب الصعب وتختار ما بين المر والامر منه ولا فيه مخرج من خانة اليك؟!
بلدنا بالمصري:النائب العام يسأل من سيشرف على الاستفتاء
أحمد شلبي: المحرر القاضائي بالمصري اليوم
البدائل المطروحة من الرئاسة
هي إشراف أساتذة الجامعة على الإستفتاء لكنها كانت تتوقع ررفض القضاة و هذا سيستلزم تعديل تشريعي جديد
قضاة مصر إتفقوا على عدم الإستفتاء
النائب العام يطالب ببيان به عدد وكلاء النيابة الموافقون على الإشراف على الإستفتاء
بلدنا بالمصري: متاهات دعوة مرسي للاستفتاء
طيب دلوقتي فيه معضلة تانية.. مين اللي هيشرف على الاستفتاء لو القضاة خدوا قراراهم بعدم الاشراف عليه.. او يمكن ساعتها رئيس الجمهورية وبحكم المدعو الاعلان الدستوري يصدر قرار محصن ولا يجوز الطعن عليه باي شكل من الاشكال ان اي حد معدي يشرف على الاستفتاء وماحدش يقدر يقول تلت التلاتة كام.. على اي حال القرار النهائي للقضاة لسة ما صدرش.. وعلى ما يبدو ان فيه جدل كبير في اوساط القضاة حوالين الامتناع او الاشراف
بلدنا بالمصري: لا بد من جمعية عمومية لقضاة مصر
المستشار أشرف زهران :العضو السابق في نادي قضاة مصر
كنت أتمنى أن يصدر هذا القرار من جمعية عمومية من قضاة مصر
يا سادة هذا قرار في مرحلة خطيرة من تاريخ الأمة لابد له من جمعية عمومية غير عادية و على مجلس القضاء الأعلى
بلدنا بالمصري: الرئيس خلف وعده مع فلاحين المعتمدية
احنا هنكتفي مؤقتاً بهذا القدر من الكلام عن تداعيات ازمة المدعو الاعلان الدستوري بما فيها الانتهاء من كتابة الدستور وطرحه للاستفتاء كحل او كعقدة جديدة في المنشار حسب زاوية الرؤية.. لكن هنرجع نتكلم تاني بعد الفاصل عن احتمالات الخروج من خانة اليك
بس دلوقتي خلونا نرجع شوية لمشاكل الناس ومواجعها اللي سقطت مننا في وسط الزحمة.. فلاحين قرية المعتمدية عينة بينة على الفلاح المصري، اللي عشمه رئيس الجمهورية باسقاط ديونه ونزل الوعد على مافيش
بلدنا بالمصري: قرار نادي القضاة بمثابة جمعية عمومية
المستشار محمد عبد الهادي: وكيل إعلام نادي القضاة
إجتماع لنادي القضاة كان مغلق على رئيس نادي القضاة و على روؤساء نوادي الأقاليم
أكد الزند أن القضاة لم يشاركوا في افستفتاء على الدستور طالما أن الدستور لا يعبر عن كل أطياف المجتمع
و القضاة هم ضمير الأمة
قرار نادي القضاة اليوم بمثابة قرار الجمعية العمومية
بلدنا بالمصري: الرئيس خلف وعوده لمحمد وراحت عينه
محمد خلف اللي اتصاب يوم ٢٨ كمان من اللي صدقوا وعد الرئيس بانه هيجيب حق المصابين، فكانت النتيجة ان عينه راحت في الاحداث الاخيرة على ايد وزارة الداخلية وفي عهد الرئيس محمد مرسي
قضاة مصر قرروا عدم الإشراف على الاستفتاء
المستشار عبد الله فتحي : وكيل نادي القضاة
قررنا بالإجماع عدم الإشراف على الإستفتاء في الجمعية العمومية الأخيرة
الجمعية العمومية الطارئة فوضت النادي لإتخاذ قرار بشان الإشراف
ليس هناك إلزام على أي قاضي .. لكنه قرار بالإجماع من قضاة مصر
بيان جبهة الإنقاذ الوطني من ميدان التحرير
الاستفتاء جريمة و المواطن مجبر على التصويت بنعم
الاستفتاء جريمة و المواطن مجبر على التصويت بنعم
المستشار محمد عبد الهادي: وكيل نادي القضاة
هو مطلب واحد غلغاء الإعلان الدستوري و إعتباره كان لم يكن و إلغاء ما يترتب عليه من اثاره
المفروض أن القضاة هم رجال قانون و لا يجب عيلنا في المشاركة لأن هذا جريمة
لأن المواطن مجبر على التصويت بنعم لأنه إذا صوت ب لا فهو يرجع للإعلان الدستوري
و هنا إرادة الناخب مغلولة و معيبة و تعد هذه جريمة
بلدنا بالمصري: يا رئيس وحكومة الثورة .. رجل عمر راحت
عمر بقة، ضحية لاقصى درجات ضبط النفس اللي بتتحلى بيها وزارة الداخلية في عهد سيادة الرئيس.. عمر، المدرعة داست على رجله
بلدنا بالمصري: الاستفتاء .. الطريق بين المر والأمر منه
دلوقتي رئيس الجمهورية دعانا للاستفتاء على الدستور كمان اسبوعين واللي كان كان وحطنا في خانة اليك يا نقول نعم فنقع في الحفرة، يا نقول لا فنقع في الدحديرة.. لحد امتى هنفضل مضطرين نركب الصعب ونختار بين المر والامر منه.. والمرة ديه هتبقى زي اللي قبلها واللي قبل اللي قبلها ونلاقي نفسنا ماشيين في سكة الندامة واهيه ارحم من سكة اللي يروح ما يرجعش ويمكن في اخرها نرسي على اي بر والسلام بس نرسى، وبعدين لا نطول لا سما ولا ارض ونرجع نقول ياريت اللي جرى ما كان؟!!! ولا لسة فيه مخرج وطريق لبر يليق بمقام اهل البلد ديه وناسها؟! سؤال مش هين ابداً في اللحظة ديه هنستعين على اجابته بضيوفنا النهاردة
