برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاحد 18 نوفمبر 2012 يوتيوب كاملة
ريم ماجد: الموت هو هو والعيشة هي هي
بنمسي عليكوا بعد يوم بليلة من امر الايام والليالي اللي عدت علينا.. كل الدم اللي دفعناه في السنتين اللي فاتوا كوم والدم اللي دفعناه على شريط القطر امبارح كوم تاني.. صحيح ان الاعمار بيد الله والبقاء لله وحده وانا لله وانا اليه راجعون والموت علينا حق.. وصحيح ان عيالنا اللي راحوا عند ربنا امبارح، راحوا ملايكة من غير معاصي ولا ذنوب، راحوا زي ما ولدتهم امهاتهم.. لكن الموت ما بيوجعش اللي مات بيوجع اللي لسة عايش.. امهات من هنا ورايح مش هيصحوا تاني من النجمة يفطروا ويلبسوا وينزلوا على المدرسة.. وابهات من هنا ورايح مش هيحرموا نفسهم من طعم الراحة عشان عيالهم يرتاحوا ويتهنوا.. ابهات وامهات من هنا ورايح مش هيحرموا نفسهم من اللقمة ومن الهدمة عشان عيالهم ياكلوا ويشبعوا ويتكسوا.. لكن ان داقوا الزاد او طعم الراحة التاني يبقى من الله.. ابهات وامهات مش هيشتروا تاني لبس العيد ولا لبس المدرسة ولا هيفرحوا بنمرة حلوة في الشهادة ولا بالشهادة الكبيرة ولا بعدل العيال.. ابهات وامهات فضيت عليهم الدنيا ولا عدش ليهم حس من غير دوشة العيال وشقاوتهم وضحكهم وبكاهم.. ابهات وامهات ربنا يصبرهم ويهون عليهم ويعزيهم ويعوضهم خير في الدنيا وفي الاخرة.. لكن مش بس عشان كدة موت امبارح كوم تاني.. والدم اللي دفعناه كوم تاني.. لكن عشان الدم اللي دفعناه امبارح ورغم كل الدم اللي دفعناه طول السنتين اللي فاتوا، بصم على الكتب والكراريسواكياس السندوتشات ولحم العيال ان كل الدم اللي دفعناه قبل كدة لسة رايح هدر واننا ناسيين اللي دفعوا دمهم دول دفعوه ليه.. دفعوه عشان نبطل نموت من الاكل والشرب وفي العبارات وحوادث الطرق وعلى شريط القطر وتحت التعذيب ومن القهر ومن الحسرة... ماتوا عشان نخلص من التركة القديمة.. ماتوا عشان نخلص منها.. مش علشان نتحجج بيها كل ما نجوع او نمد ايدينا او نتعذب او نموت او ندفع عيالنا على شريط القطر.. يا اهل الله ياللي في السلطة وفي الحكم.. يا اهل الله يا اولي الامر، ياللي قررتوا انكوا بتوع الثورة وحطتوها حيالله وردة في عروة الجاكتة: حجتكم مش مقبولة وعذركم مش مقبول.. عذركم اقبح بكتير من ذنب اللي فاتلكم التركة القديمة ورحل بالدم.. عملتوا انتوا ايه في التركة القديمة اللي النهاردة بتتحججوا بيها وعايزينا نقبلها عذر.. عملتوا ايه فيها غير انكوا حافظتوا عليها وحميتوها من الهوا الطاير بناسها بقوانينها بعوايدها بكلامها بعبلها.. عملتوا ايه؟! الناس اللي قلبها على الثورة بصحيح ريقها نشف تهاتي: طهروا، غيروا، صلحوا وانتو ودن من طين وودن من عجين ولا حياة لمن تنادي.. عملتوا ايه، غير انكوا بتلصموا وبتقصوا وتلزقوا وكله من فوق الوش؟! والنتيجة نفس الموت هو هو ونفس العيشة هي هي بنفس القهر بنفس الذل بنفس التعالي بنفس التهديد بنفس الجبروت وزيادة كمان شوية تخوين على شوية تكفير على شوية تكميم عشان السايب يخاف من مصير المربوط.. وناسيين ان الحاجة الوحيدة اللي خدناها من الثورة لحد النهاردة-والبركة فيكوا وفي اللي سبقوكوا من اهل السلطة وادارة شؤون البلاد والعباد.. ان العباد بطلت تخاف الا من خالقها واننا بطلنا نسكت وبطلنا نمشي جنب الحيط ونكفي خيرنا شرنا فالعبوا غيرها، ويستحسن ومن مصلحتكم تلعبوا !ا
بلدنا بالمصري: المدرسة فاضية والتلاميذ في رحاب الله
يارب كل طير شهيد من طيور الجنة اللي راحوا مننا امبارح وفي اي يوم من ايامنا، يكون بيدعي لنا وتكون دعواته من نصيبنا واولهم ان ربنا يقدرنا اولاً نجيب حقهم وثانياً ربنا يقدرنا ونحقق احلامهم سواء احلام اللي حلموا وماتوا عشان الاحلام ديه تصبح حقيقة نعيشها مش كابوس نبات فيه ونصحى عليه.. او الاحلام اللي كان يمكن يحلمها اللي ماتوا قبل حتى ما يلحقوا يحلموا او يعرفوا حتى يعني ايه حلم..
بلدنا بالمصري: أسيوط أصبحت سرادق عزاء
حول الأوضاع في أسيوط .. معنا مراسلنا من هناك - هيثم البدري
بلدنا بالمصري: سير التحقيقات في مأساة قطار أسيوط
حول سير التحقيقات في حادث قطار أسيوط .. معنا على الهاتف
أ/ أحمد شلبي - المحرر القضائي بجريدة المصري اليوم
بلدنا - رابح: قدمنا لوزير النقل شكوى تحذر من المزلقنات
معنا على الهاتف أ/ هاشم رابح - أحد سائقي القطارات للتعليق على حادث قطار أسيوط
والد الثلاثة أطفال الشهداء - أشرف هاشم في بلدنا بالمصري
معنا على الهاتف والد الثلاثة أطفال الشهداء - أشرف هاشم في بلدنا بالمصري
بلدنا بالمصري: لسه أثار الحادث باقية على شريط القطار
معنا على الهاتف أ/ مصطفى شوقي - عضو حزب التحالف الشعبي الإشتراكي ... وهو الأن في أسيوط
بلدنا بالمصري: الذكرى الأولى لأحداث محمد محمود
حلقة النهاردة حلقة النهاردة كان المفروض تكون حلقة خاصة جداً كنا هنكتفي فيها باحياء الذكرى الاولى لاحداث وجرايم وبطولات شارع عيون الحرية، محمد محمود سابقاً.. كنا هنحييها يوم بيوم ولحظة بلحظة عشان نفكر اللي ناسي واللي فاكر ماينساش ان في رقبتنا ديون لسة ماوفيناهاش.. عشان نفرق ما بين اللي باع واللي اشترى واللي فرط واللي صان عشان نفرق ما بين الجدع وما بين الجبان.. لكن لولاش حصل اللي حصل وماكانش ينفع نسكت عليه.. وبالتالي اضطرينا لتاجيلها لكن ملحوقة وبالتاكيد هنحيي الذكرى خاصة انها ذكرى الايام الستة من يوم ١٩ ليوم ٢٤ نوفمبر ماعداش يوم الا ودفعنا فيهم بدل الشهيد شهدا وبدل المصاب مصابين وبدل العين نور عينين..
وفي كل الحالات، الشوارع والميادين هتحيي الذكرى بكرة بمسيرات ومظاهرات بعيدة تماماً عن اي مظاهر احتفالية
بلدنا بالمصري: بيان الداخلية ضد دعوات تحريضية !
وفي كل الحالات، الشوارع والميادين هتحيي الذكرى بكرة بمسيرات ومظاهرات بعيدة تماماً عن اي مظاهر احتفالية وأكيد أنها بعيدة عن أي مظاهر عنف .. ولكن الداخلية ليها رأي تاني في البيان ده
تفاصيل أكتر معنا
أ/ ناصر أمين - رئيس المركز العربي لإستقلال القضاء والمحاماه
ناصر أمين: كنا نتمنى أن يؤكد البيان على حق المتظاهر
وفي كل الحالات، الشوارع والميادين هتحيي الذكرى بكرة بمسيرات ومظاهرات بعيدة تماماً عن اي مظاهر احتفالية وأكيد أنها بعيدة عن أي مظاهر عنف .. ولكن الداخلية ليها رأي تاني في البيان ده
تفاصيل أكتر معنا
أ/ ناصر أمين - رئيس المركز العربي لإستقلال القضاء والمحاماه
بلدنا بالمصري: المسيرات المتجهة الي شارع محمد محمود
حول المسيرات المتجهه الي شارع محمد محمود بكره
معنا
مصطفى فؤاد - عضو المكتب السياسي لطلاب حزب الدستور
بلدنا بالمصري: فعاليات احياء ذكرى أحداث محمد محمود
فعاليات احياء ذكرى أحداث محمد محمود .. هنعرفها من
مختار محمد - عضو التحالف الشعبي الإشتراكي
بلدنا بالمصري: انتصار طلاب جامعة النيل
اذا كانوا التلامذة هم اللي فطروا قلوبنا وبيتونا ليلة امبارح ليلة سودة، فالطلبة برده هم اللي النهاردة منحونا طاقة نور في وسط الغم والعتمة وادونا بصيص امل في ان بكرة اللي بنستناه وبنعافر عشان خاطر عيونه ممكن ييجي في يوم من الايام، صحيح مش بالساهل لكن ممكن يكون من نصيبنا في يوم من الايام.. وبالتالي وبعد اخر اخبار بلدنا، هيكون لنا وقفة طويلة مع الحكم الصادر النهاردة من محكمة القضاء الاداري لصالح طلبة جامعة النيل وان كان منطوقه وحيثياته لسة مستعصيين على الفهم الكامل فهنحاول نفهم الحكم لحد فين لصالح الطلبة والاجراءات القانونية والعملية اللي هتترتب عليه وايه اللي لازم يحصل فوراً وايه اللي لسة هياخد وقت.. واسئلة تانية كتير بخصوص مصير الجامعة ومصير الطلبة اللي استبسلوا ورا حقهم فمارحش هدر.. كل الاسئلة ديه وغيرها هنطرحها بعد اخر الاخبار
بلدنا - مصطفى: بعض الأسر تعيش بالجزيرة منذ مائة سنة
متابعة لاحداث شارع البحر الاعظم وجزيرة القرصاية في الجيش على خلفية الاشتباكات ما بين عدد من اهالي الجزيرة وقوات من الجيش بسبب نزاع هلى حتة ارض. ادت لمقتل اتنين من الاهالي واعتقال 20
معنا
د. محمد مصطفى - من أهالي القرية
بلدنا بالمصري: معركة أهالي القرصاية مع الجيش
متابعة لاحداث شارع البحر الاعظم وجزيرة القرصاية في الجيش على خلفية الاشتباكات ما بين عدد من اهالي الجزيرة وقوات من الجيش بسبب نزاع هلى حتة ارض. ادت لمقتل اتنين من الاهالي واعتقال 20
بلدنا بالمصري: محاولة لفهم حكم انتصار طلاب جامعة النيل
تحية وتعظيم سلام لطلبة جامعة النيل، اجمل ما فيها وانبل ما فيها واجدع ما فيها من غير ما ننسى اساتذهم اللي شجعوهم ووقفوا وراهم وبالتاكيد من غير ما ننسى اهاليهم اللي وقفوا جنبهم وباتوا معاهم احياناً على الرصيف في الطل.. لا عمرهم كسروا ماديفهم ولا ياسوهم ولا قالوا لهم كفاية كدة روحوا بقة وكانوا معاهم لمدة تمانين يوم بالتمام والكمال ايد في ايد وكتف بكتف، لحد ما حكمت المحكمة النهاردة
الدكتور رفيق الجندي
مريم: طالبة
محمد محمود .. نداهة الثوار - فيلم وثائقي
محمد محمود .. نداهة الثوار - فيلم وثائقي يتكلم عن أحداث محمد محمود بعيون بعض من شارك فيها
