برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 13 نوفمبر 2012 يوتيوب كاملة
بلدنا بالمصري: الشعب بيزعق، لا للقرض الإفقار
لكن حلقة النهاردة من بلدنا بالمصري هنبداها كالعادة باخر اخبار بلدنا وهنختمها على حس قرض صندوق النقد الدولي اللي واخد مننا راقات ومش عارفين له راس من رجل ولا عارفين اذا كان شر لابد منه ولا ولا منه ولا كفاية شره.. لكن المؤكد ان اللي خرجوا امبارح في الشوارع يزعقوا باعلى صوتهم: لا لقرض الافقار، عندهم وجهة نظر وحجتهم معاهم.. ومش كدة وبس عندهم كمان بدايل للقرض مننا فينا ومن غير ما نحتاج نمد ايدينا او نمد لبرة من حيث الاصل.. فعلى حس ندهتهم القوية امبارح هيكون كلامنا معاهم النهاردة في الختام..
ريم ماجد: رحنا زرنا أهلنا السوريين اللاجئين
يسعد مساكم وحلقة جديدة من بلدنا بالمصري.. بعد غياب يومين اتنين مافيش غيرهم والغايب المرة ديه وكالعادة حجته معاه.. حجتنا اللي معانا هي ان بلدنا بالمصري كان في زيارة هي الاولى من نوعها وان كانت متاخرة حبتين لاهلنا وناسنا من السوريين في مخيمات اللجوء المنتشرة في بلاد الله، لكن زيارتنا كانت تحديداً لمخيم كيليس اخر مدينة تركية على الحدود مع سوريا.. وكانت ضمن اول وفد عربي يخطي برجله هناك.. الوفد كان برعاية مؤسسة المورد الثقافي وضم مجموعة من الصحفيين والاعلاميين والفنانين من مصر ومن لبنان ومن فلسطين.. وانا حريصة جداً على اني ااكد على ان ديه اول زيارة عربية واول وفد عربي وعلى ان الزيارة وعلى اننا كلنا كدة على بعض اتاخرنا عليهم اوي، اولاً: لانه وبالرغم انه ياما زارتهم وفود اجنبية وعلى اعلى مستوى الا ان فرحتهم مش ممكن تتوصف بان ديه اول مرة يزورهم ناس منهم، ناس قادرين "يفهموا عليهم" على حد قولهم.. ناس قادرين يفتحوا لهم بيوتهم اللي على قد ما اسم وقادرين يفتحوا لهم قلوبهم الكبيرة بكل ما فيها من قهر ومرارة وحسرة، لكن كمان بكل ما فيها من صمود وثبات وامل في بكرة اللي ماحدش عارف ولا قادر حتى يتخيل امتى هييجي ولا هيجي باي شكل وباي ملامح.. دة اولاً.. اما ثانياً، لانه وبالرغم من فرحتهم بينا، الا انهم واخدين على خاطرهم من الشعوب العربية،.. من باب العشم مش لاي سبب تاني.. ومع ذلك، ومع انهم فاقدين الامل تماماً في الانظمة العربية وفي حكامها بما فيهم حكام الربيع العربي المنتخبين، الا ان عشمهم واملهم ورهانهم على ربنا فوق وعلى الشعوب العربية في ارضه مالوش اول من اخر.. وربنا يقدرنا ونكون قد العشم وقد حسن الظن فينا وما نخيبش املهم ابداً.. وبالتالي ولحد ما يئون اوان الزيارة لكل بيت عمران في سوريا حرة، زيارتنا اللي كانت الاولى ما يصحش ابداً تكون الاخيرة.. لكن بالنسبة لزيارتنا- واعتقد ان دة اللي لازم تكون عليه اي زيارات جاية- كانت زيارة انسانية وبس.. يعني مش معنية باي انحيازات او صراعات سياسية من اي نوع ، اللي هي في الاول وفي الاخر شان سوري مالناش نتدخل فيه.. انحيازنا الوحيد كان للناس في محنتهم ورسالتنا ليهم كانت انتوا مش لوحدكوا واحنا مش ناسينكم وانحيازنا لانسانيتكم المنتهكة والمغتصبة والمقتولة بدم بارد وبدون وجه حق هو انحياز لانسانيتنا قبل وبعد اي انحيازات تانية.. كل تفاصيل الزيارة واوضاع اللاجئين السوريين في مخيم كيليس في تركيا، والعالقين على الحدود ما بين سوريا وتركيا مش طايلين لا سما ولا ارض، والاوضاع في اخر مدينة سورية على الحدود مع تركيا وشهاداتهم على اللي عاشوه واللي بيعيشوه واوجاعهم واحلامهم وعشمهم فينا، كل دة هيكون جزء من بلدنا بالمصري على مدار الايام اللي جاية..
بلدنا بالمصري - أبوسعدة: بيان هشام قنديل غير مطمئن
احنا معنا أ/ حافظ أبو سعدة - رئيس المنظمة المصرية لحقوق الإنسان للتعليق على بيان هشام قنديل - رئيس الوزراء
بلدنا بالمصري: هل نلزم الحكومة بإعلان شروط القرض
بس خلونا نقول مبدئياً كدة ان من ضمن اهم اسباب، اننا لحد النهاردة والمفاوضات رايحة جاية ما بين الحكومة وما بين الصندوق، لسة ما نعرفش ايه شروط الصندوق عشان يدينا القرض، ناهينا اننا مانعرفش اصلاً ايه البرنامج الاقتصادي اللي بنتفاوض عليه.. بالنسبة للشروط، الحكومة بتقولنا القرض من غير شروط لكن الخبرا في المجال دة بغض النظر عن تاييد القرض او رفضه بياكدوا ان مافيش حاجة اسمها كدة.. الصندوق مابيديش قروض من غير شروط، ومش هيدينا القرض لسواد عيوننا ولا حتى لوجه الله الكريم.. يمكن تكون شروط ميسرة لكن مؤكد ان فيه شروط، والمؤكد ان الشروط ديه احنا مانعرفش عنها حاجة.. لدرجة ان المركز المصري للحقوق الاقتصادية والاجتماعية رفع قضية على رئيس الجمهورية ورئيس الوزرا ووزير المالية ورئيس مجلس الشورى، قدام محكمة القضاء الاداري لالزامهم بالاعلان عن شروط الصندوق وعن كل المطلوب من الحكومة المصرية مقابل القرض.. والمحكمة اجلت القضية النهاردة لجلسة ١٨ ديسمبر
بلدنا بالمصري: الجاني لسة طليق .. سنة على محمد محمود
كلها اسبوع وتمر علينا الذكرى الاولى لاحداث محمد محمود ولسة الجاني حر طليق ومنهم اللي بيتكرم ومنهم اللي بيترقى منهم اللي بدرجة وزير على سن ورمح ولسة رئيس الوزرا بيجزم بكل ثقة ان حكومته حكومة الثورة.. طيب.. لكن في الشارع الناس بتحيي الذكرى مقدماً بالاسود وبالنعوش وبالمشانق الرمزية حيث ان القصاص العادل لسة ولا عشم ابليس في الجنة
بلدنا بالمصري: علو أصوات الانسحاب من تأسيسية الدستور
نروح للدستور واللي بيجرى فيه.. داخل الجمعية التاسيسية وبراها الحقيقة الخلاف سيد الموقف ونبرة التلويح بالانسحاب من اعمالها بدات تعلى اليومين دول اكتر من اي وقت فات.. بعد تصريحات الدكتور وحيد عبد المجيد امبارح حوالين ان انسحاب اللي وصفها بالقوى المدنية اصبح مطروح بقوة، النهاردة سكرتير عام نقابة الصحفيين كان ليه تصريحات مشابهة اكد فيها ان مجلس النقابة هيحدد موقفه بشكل عاجل خلال اليومين الجايين ، حوالين الاستمرار أو الانسحاب من اللجنة التأسيسية حتى لو وصل الأمر إلى سحب ممثل النقابة من اللجنة .
بلدنا - خليل: ملامح الدولة الدينية ظهرت بالدستور الجديد
نروح للدستور واللي بيجرى فيه.. داخل الجمعية التاسيسية وبراها الحقيقة الخلاف سيد الموقف ونبرة التلويح بالانسحاب من اعمالها بدات تعلى اليومين دول اكتر من اي وقت فات.. بعد تصريحات الدكتور وحيد عبد المجيد امبارح حوالين ان انسحاب اللي وصفها بالقوى المدنية اصبح مطروح بقوة، النهاردة سكرتير عام نقابة الصحفيين كان ليه تصريحات مشابهة اكد فيها ان مجلس النقابة هيحدد موقفه بشكل عاجل خلال اليومين الجايين ، حوالين الاستمرار أو الانسحاب من اللجنة التأسيسية حتى لو وصل الأمر إلى سحب ممثل النقابة من اللجنة .
معنا على الهاتف
أ/ عبد الله خليل - المحامي بالنقض
بلدنا بالمصري: لسة الندوات بتتلغي بقدرة قادر
من ناحية تانية خالص بقة وبرده فيما يخص المناقشات حوالين الدستور، كان المفروض فيه ندوة هتعقد في طنطا لمناقشة مسودة الدستور بحضور الاستاذة ايناس مكاوي احد الاعضاء المؤسسين في بهية يا مصر والمستشار عصام الاسلامبولي، قامت اتلغت بقدرة قادر
معنا على الهاتف
أ/ علي النويهي - رئيس قطاع الإعلام الداخلي بالهيئة العامة للإستعلامات
أ/ عصام الإسلامبولي - المحامي
بلدنا بالمصري: نشاطات حزب الدستور في الوادي الجديد
على حس حزب الدستور، خلونا نوصل لحد الوادي الجديد نطل طلة على عينة من نشاطات الحزب على الارض
بلدنا بالمصري - طاقة نور: عربية مصرية بايدين شبابها
وقبل الفاصل، خلونا نشم نفسنا ونبص على طاقة نور من صنع ايدين مجموعة من طلبة عين شمس عقولهم وايديهم تتلف في حرير بصحيح.. يشرحوا القلب ويرفعوا الراس ويبصموا بالعشرة ان لسة فيه امل
لماذا يرفضون قرض صندوق النقد .. في بلدنا بالمصري
المفروض ان الشعب هو صاحب القرار.. وصاحب القرار لا يمكن يقدر ياخد القرار بقلب جامد الا لو حاسبها صح.. وعشان الحسبة تبقى صح لازم صاحب القرار يكون على بينة من امره وعارف راسه من رجليه وعارف ايه اللي ليه وايه اللي عليه.. ومع ذلك ومع ان المفاوضات مع صندوق النقد مستمرة بعد الثورة من ايام حكومة الدكتور عصام شرف الا ان ان الشعب لسة برده من داريان وبالتالي الشعب يريد ان يعرف كل كبيرة وصغيرة بخصوص قرض صندوق النقد الدولي: من اول ليه اصلاً بنستلف وهل عندنا صرفة تانية مننا فينا اولاً قبل ما نمد لبرة ولا لا؟! السلف دة على اي اساس وباي شروط وهنعمل بيه ايه وهنسده ازاي ومنين والاهم من كل دة مين اللي هيشيل على كتافه حمل رد الدين. والرد هيبقى خسارة لان السلف من الاصل تلف وبالتالي فالرد خسارة ولا فيه اي احتمالات تانية؟! كل ديه اسئلة هنطرحها على ضيوفنا النهاردة وكلهم من المتحفظين او حتى الرافضن لقرض صندوق النقد الدولي وكل واحد منهم حجته معاه..
د/ عبد الخالق فاروق: مدير مركز النيل للدراسات الاقتصادية والاستراتيجية
د/ عمرو عدلي: استاذ الاقتصاد بالجامعة الامريكية ومدير وحدة العدالة الاقتصادية والاجتماعية في المبدرة المصرية للحقوق الشخصية
محمد عثمان: مسئول الاتصال السياسي بحزب مصر القوية
