نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 8 نوفمبر 2012 من قناة ONTV يوتيوب كاملة
من جديد: موقف قضاة مصر من دستور التأسيسية
السلام والتحية على حضراتكو واهلا بيكو معانا ... الجمعية التأسيسية على صفيح ساخن جدا خصوصا اليومين دول ... وزي ما حضراتكو شايفين وملاحظين انها الآن الشغل الشاغل والملف الأهم في مصر والكل مركز فيها ودا طبعا وبالتاكيد شىء طبيعي لأن الجميعة التأسيسية هيا اللي هتكتب الدستور الجديد دستور مصر ... مصر الثورة .. وبالتالي فدي الفرصة اللي لازم كل واحد فينا يقول انا عاوز اية في دستور بلدي .. كل واحد من الفقير للوزير ومن الأطفال للكبار ومن الرجل للمراة وأيضا الأطفل من مختلف الإتجاهات واليتيارات السياسية ومن المسئولين للعمال والفلاحين وأيضا القضاة واللي من ساعات بدأت الجمعية العمومية الطارئة الي دعا ليها مجلس إدارة نادي قضاة مصر برئاسة المستشار أحمد الزند لبحث سبل مواجهة الهجوم والاعتداء على القضاء من خلال نصوص السلطة القضائية بمسودة الدستور وعدم السماح بتمرير نصوص باب السلطة القضائية بهذا الشكل واللي اعتبروه مذبحة وتدمير للقضاء المصري ....
معانا مع علي حسن نائب رئيس تحرير وكالة أنباء الشرق الأوسط
من جديد: تداعيات إجتماع نادي قضاة مصر
اجتماع نادي قضاة مصر انتهي من 5 دقايق .. عايزين نعرف تداعيات الاجتماع ده ايه .. معانا مراسلنا أمير حسام
من جديد: يدينون سلق الدستور ويهددون بالانسحاب
في نفس الوقت الدكتور ياسر علي المتحدث الرسمي باسم رئاسة الجمهورية أكد النهاردة أن الرئاسة لا تتدخل فى عمل الجمعية التأسيسية أن ما تقوم به مؤسسة الرئاسة حاليا من مقبالات الرئيس مع قيادات الأحزاب والشخصيات العام هو قيادة حوار وطنى مع مختلف التيارات السياسية والرموز الوطنية من أجل الوصول إلى اتفاق حول القضايا الأساسية التى يوجد خلاف عليها من خلال مسودات الدستور..
أما داخل الجمعية التأسيسية نفسها فبتشهد انقسام شديد بين اعضائها خصوصا بين التيار الإسلامي والمدني والنهاردة عدد من القوى المدنية أصدرت بيان رفضت فيه ما اسموه بمحاولات سلق الدستور .. وهددوا بالانسحاب من الجمعية بشكل جماعي.
من جديد: تطبيق الشريعة ..الإسلاميون بدون الإخوان
من ضمن الحاجات كمان اللي بتثير خلاف .. هي المادة التانية من الدستور وهل احنا بحاجة إلى مادة أخرى اكثر تفصيلا عشان تنص صراحة على أن الشريعة هي المصدر الرئيسي والوحيد كما تريد التيارات السلفية .. بتتظاهر بكرة ضد الجمعية التأسييسة ووكلها ساعات وتبدأ المليونية اللي حتتم بمقاطعة من الإخوان ..
من جديد: الوطنية للتغيير تطالب بتطهير الشرطة
الجمعية الوطنية للتغيير عقدت النهاردة مؤتمر صحفي للتنديد باعتداء رجال الشرطة على الكاتب الصحفي عبد الجليل الشرنوبى القيادي بجبهة دستور لكل المصريين وعلى الدكتور تقادم الخطيب، ورفضت ما سموه بانتهاكات رجال واستخدام الاسلوب القمعي خاصة مع شباب الثورة وطالبوا بتطهير جهاز الشرطة.
من جديد: عربيات الشرطة مش بتاعتك يا باشا
من ضمن الانتهاكات ايضا غير المقبولة واللي لازم الداخلية تتحرك ضدها هو اننا نشوف مناظر زي الصور اللي بنعرضها على حضراتكو دلوقتي ... وهيا استخدام رجال الشرطة سيارات الداخلية في أغراض شخصية ... زي مثلا ان الظابط يخلي السواق يوصل مراته بعربية الداخلية عشان تجيب الخضار واللي يوصل بيها واحد صحبه أو يجيب بيها العيال ... بالتأكيد المنظر دا محدش فينا يقبله ... بالتأكيد الثورة ما قامتشي عشان الوضع يفضل زي ما هوه والعربيات اللي الداخلية جايباها بفلوس الضرايب اللي انا وحضرتك وحضرتك دافعينها من عرقنا وتعبنا عشان في الآخر يوصل الباشا المدير ولاده بيها للمدرس ويسيب عربيته مركونة زي الفل تحت بيتهم.. الخوف بقة كل الخوف ان العربيات الجديدة اللي جاية مصر من الصين .. واللي من المفترض الهدف منها دعم الداخلية تتحول هي كمان لسيارات ليموزين لسعادة الباشا المدير، بالتأكيد احنا في انتظار موقف من وزير الداخلية خصوصا وان ارقام العربيات واضحة في الصورة.
من جديد: إعلان ترتيبات تنصيب البابا الجديد
النهاردة الأنبا بولا المتحدث باسم لجنة الانتخابات البابوية اعلن النهاردة عن ترتيبات حفل تنصيب البابا الجديد وأكد أن عدد من قيادات جماعة الإخوان المسلمين وحزب الحرية والعدالة ابدوا رغبتهم حضور الحفل كما االدكتور محمد مرسى رئيس الجمهورية ابدى الرغبة في الحضور ، وكمان أعلن ان الكنيسة لن ترسل دعوات لأحد وأن الحضور للمسئولين والأحزاب والوزراء سيأتى بناء على طلب رسمى منهم يتقدمون به عن طريق فاكس الكاتدرائية على ألا يزيد ممثلو كل جهة عن 3 أفراد فقط فى موعد أقصاه مساء الأحد القادم .
من جديد: ولادنا بيموتوا في مدارسك يا حكومة الإباحية
امبارح النائب العام طلع علينا ببيان أكد فيه انه طلب من الحكومة حجب المواقع الإباحية على شبكات الانترنت ودا بعد مظاهرة قام بيها عدد من المواطنين خصوصا المنتميين للتيارات الاسلامية لغلق المواقع الإباحية وتنفيذ حكم القضاء الإداري اللي كان طلع بذلك ... والنهاردة وزير الاتصالات الدكتور هاني محمود أكد في تصريحات ليه أنه من الصعوبة تحقيق حجب كامل لهذه المواقع .. المشكلة إن للأسف اتجر الناس للكلام عن الموضوع ده وكان مشاكلنا ححتحل لما المواقع ديه تتقفل في حين ان عندنا مشاكل كتير تستاهل اننا نتكلم عنها ونخوض فيها، اهم من اننا حنعرف نقفل المواقع ولا لأ .. زي مدارسنا اللي بيموت فيها أطفال من العقارب ..زي مدارسنا الللي بيروح فيها طفل وما يرجعشي بعد ما يجيله كسر في الجمجمة.. او يرجع ومكسور صباعه عشان ما عملشي الواجب.. وهي القضية اللي كنا متابعينها امبارح وكان زملينا الاستاذ مصطفى سالم قال ان فيه اتجاه لاجراء صلح عرفي وبالفعل تم الصلح، لكن زكريا عبد الفتاح ساسي وكيل وزارة التربية والتعليم بالأقصر أكد ان تنازل والد التلميذة التى تعرضت للإعتداء علي يد معلمة بمدرسة صلاح الدين الابتدائية بمركز ارمنت وكسر اصبعها لعدم آدائها الواحب المنزلي ، لن يؤثر علي قرار نقل المعلمة ووكيل ومدير المدرسة الي ديوان الادارة.
من جديد: الضرب في المدارس حرام شرعاً
من ناحية تانية فالنهاردة دار الإفتاء المصرية أصدرت فتوى اكدت فيها إن الضرب المبرح للتلاميذ فى المدارس من قبل المعلمين واللي قد يؤدى إلى ضرر جسدى أو نفسى للطالب محرم وفاعله آثم شرعًا...
من جديد: البلتاجي يدلي بشهادته في قضية نخنوخ
محكمة جنايات الاسكندرية استئنفت النهاردة محاكمة صبرى حلمى الشهير بـ"نخنوخ" وعدد من زملاءه في قضايا البلطجة وحيازة الأسلحة والمواد المخدرة واستمعت النهاردة لشهادة الدكتور محمد البلتاجي القيادي بحزب الحرية والعدالة وعضو مجلس الشعب السابق واكد ان اسم نخنوخ تردد على مسامعه بأنه من يقوم بتأجير البلطجية في أحداث الثورة وما بعد الثورة ... وانه لا تربط اي علاقة بينه وبين نخنوخ ... تفاصيل اكتر عن الجلسة وشهادة الدكتور البلتاجي هنعرفها من زميلنا وائل ثابت .
من جديد: منع أبو العينين من التصرف في أمواله
من ناحية تانية النهاردة جهاز الكسب غير المشروع أصدر قراره بمنع رجل الأعمال محمد أبو العينين صاحب قنوات صدى البلد ومصنع كيلوباترا للسيراميك من التصرف فى أمواله هو وزوجته وأولاده لاتهامه بالحصول على كسب غير مشروع .
المثقفون العرب يزورون مخيمات اللاجئين السوريين
مؤسسة المورد الثقافى عقد النهاردة مؤتمر صحفي للإعلان عن تفاصيل زيارة وفد من الفنانين والمثقفين العرب لمخيمات اللجوء السورى فى تركيا فى إطار المبادرة الثقافية اللى أطلقتها للتعبير عن تضامن الفنانين والمثقفين العرب مع الشعب السورى فى المأساة الإنسانية اللي بيعشها ..فاحنا حنشفو التقرير وبعدها فاصل وبعد الفاصل حيكون لينا لقاء مع الاستاذ ثروت الخرباوي عشان نعرف منه سر المعبد
د. ثروت الخرباوي يفتح أسرار معبد الجماعة .. في من جديد
من جديد أهلا بحضراتكو.. من كام يوم وقع الدكتور ثروت الخرباوى أحد قيادات جماعة الإخوان المسلمين المنشق عنها من عشر سنين كتابه الجديد "سر المعبد" اللى بيقول إنه بيكشف فيه العديد من أسرار الجماعة وبعض الوثائق السرية الخاصة بيها.. بيقول كمان إن كتابه ده الهدف منه مش التجريح فى الجماعة أو مجرد نقدها ولكن عشان نفهم ايه اللي بيحصل ده فى مصر وهم فى السلطة. أكيد الكتاب فيه كتير وكتير ويمكن الأخذ منه والرد عليه .
معانا انهارده الدكتور ثروت الخرباوى مؤلف"سر المعبد" والقيادى المنشق عن الإخوان
