برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الثلاثاء 23 اكتوبر 2012 من قناة ONTV يوتيوب كاملة
ONTube: وقفة عمال السكر
من مصر .. وبالتحديد من امام مجلس الوزراء .. اللي اصبح محيط مبناها لا يخلو من الاعتصامات من جانب مختلف الفئات والعمال والمواطنين المصريين.
الفيديو التالي بنشوف فيه اجزاء من المظاهرة اللي خرج فيها العشرات من عمال شركتى (النوبارية للسكر والدقهلية للسكر) امبارح العصر .. للمطالبة بحماية صناعة السكر المصرية.
وطالب العاملين الدولة بترويج السكر ووقف استيراده من الخارج .. لحماية الصناعة الوطنية .. وحماية المخزون .. اللى بيقدر بآلاف الأطنان من السكر .. من الفساد. وهتفوا خلال المظاهرة (مش فئوية مش فئوية..دي صناعة وطنية) .. وكمان نادوا علي رئيس الوزراء د/هشام قنديل قائلين (يا قنديل فينك فينك .. صناعة السكر بينا و بينك).
ورفع العاملين لافتات مكتوب عليها (مطالبنا حماية صناعة السكر..وصناعة السكر المصرية فى خطر..و نحمى صناعتنا بأرواحنا).
ONTube: مظاهرة أصحاب البازارات
من مجلس الوزراء نروح الي صعيد مصر .. وبالتحديد مدينة الاقصر اللي ما سلمتش من المظاهرات والمطالب. تظاهر امبارح أصحاب البازارات السياحية بالمدينة .. واغلقوا بازاراتهم ومنعوا السياح من دخول شارع البازارات المجاور لمعبد الاقصر.
وفي الفيديو اللي جاي بنشوف لقطات من المسيرة اللي نظمها اصحاب البازارات أمام مبنى الديوان العام للمحافظة .. احتجاجا على ما أسموه "الأحتكار السياحى من قبل الشركات الكبرى .. والمحلات المملوكة لأصحاب الملايين" .. اللي بيقولوا إنهم بيحتكروا الصناعة التابعة للقطاع السياحى لصالحهم .. وبيحرموا الالف من أصحاب وعمال البازرات.. من مصدر رزقهم.
ONTube: إشتباكات مع كتائب الأسد
من مصر نروح الي سوريا .. ومع اقتراب عيد الاضحي المبارك .. مطالب المبعوث الدولي الاخضر الابراهيمي باعلان هدنة خلال العيد مازالت مستمرة .. ومع ذلك مازالت الاشتباكات تتجدد .. و العنف في تزايد. فقد ارتفعت اعداد القتلي اليوم الي 83 قتيل .. والاشتباكات في مختلف انحاء سوريا لا تنتهي.
وأفاد المرصد السورى لحقوق الإنسان بتواصل الاشتباكات فى القرى التابعة لمنطقة (معرة النعمان) بمحافظة إدلب شمال سوريا.
وأضاف ان هناك اشتباكات أخرى بالقرب من معسكر (وادى الضيف) .. اللى يعد أكبر معسكر للقوات النظامية فى هذه المنطقة.
وقال العقيد أحمد حجازى .. رئيس أركان الجيش السورى .. إن الكتائب المقاتلة نجحت فى قطع الإمدادات عن قوات الرئيس السورى بشار الأسد فى معسكر وادى الضيف .. مؤكدا أن هذه الكتائب مازالت محاصرة فى هذا المعسكر.
الفيديو اللي جي بنشوف فيه جانب من اشتباكات نهاردة اللي بتشهدها منطقة معرة النعمان .. وبيظهر فيه عناصر الجيش الحر وهم بيطلقوا طلقاتهم في إتجاه معسكرات الجيش النظامي.
ONTube: قوات الأسد في روضة الأطفال
نروح لفيديو تاني من سوريا .. بس الحقيقة إنه فيديو فريد من نوعه .. وهو احد التسريبات من هاتف محمول خاص بواحد من عناصر الجيش النظامي السوري التابع لبشار الاسد.
الفيديو نموذج للمقولة الشعبية (الدنيا في كوم و انتم في كوم تاني) .. لأن بيظهر فيه عناصر الجيش الاسدي .. اومن يطلق عليهم البعض (الشبيحة) .. وهم داخلين حضانة اطفال .. و قاعدين يلعبوا و يتمرجحوا جواها .. و كان بلدهم لا بتحترق ولا فيها نزاعات دموية و قتلى و جرحة.
والغريب في الفيديو كمية المرح اللي هما عايشيين فيه .. وكأنهم في رحلة .. ومغيبين انهم ضمن جيش تسبب .. بنيرانه ومدفعيته .. في قتل اكثر من 3 الاف طفل سوري .. غير الاف مؤلفة من المواطنين العزل من شباب و رجال و نساء و شيوخ.
ONTube: مسيرة الجبهة الشعبية التونسية
الي تونس .. وتحديدا شارع الحبيب بورقيبة بالعاصمة .. وفيديو بنسمع فيه عودة الهتافات المنادية باسقاط النظام.
شهدت العاصمة التونسية أمس تظاهرات احتجاجية ضد ما يُسمى ب(العنف السياسي) .. اللي زاد في تونس في الفترة الأخيرة.
ودعا كل من (الحزب الجمهوري) وحزب (المسار الاجتماعي) وحركة نداء تونس (ترويكا المعارضة) .. بالإضافة إلى الجبهة الشعبية (وهي تحالف لليسار والقوميين) .. دعوا جميعا إلى مسيرة سلمية للتنديد بالعنف السياسي .. وللمطالبة بحل لجان (حماية الثورة) اللي بيتهمها المعارضين بالوقوف وراء العنف.
ورفع المتظاهرين .. اللي قُدّر عددهم بالآلاف .. شعارات تندد بالعنف السياسي .. ضد الفنانين والسياسيين والصحافيين .. بالإضافة إلى شعارات بتطالب باستقالة وزير الداخلية .. وبتشدد على حياد المؤسسة الأمنية تجاه التجاذبات السياسية .. وشعارات أخرى بتطالب بضرورة حل لجان ورابطات حماية الثورة .. التابعة لحزب النهضة الاسلامي.
وكانت تونس.. من يوم الجمعة الماضي .. بتعيش على وقع حادثة مقتل (لطفي نقض) .. وهو أحد القيادات الجهوية لحركة نداء تونس .. وهو (حزب أسسه رئيس الوزراء السابق الباجي قايد السبسي) في مدينة (تطاوين) بجنوب تونس. وبيتهم قياديين في حركة نداء تونس المعارضة .. (رابطة حماية الثورة) بالاعتداء بالعنف على القيادي لطفي نقض مما تسبب في وفاته.
ONTube: مسيرة جنوبية في القلوعة
نروح الي الجنوب اليمني .. وفيديو من منطقة القلوعة بمدينة عدن .. بنشوف فيه مسيرة جنوبية جديدة خرجت في شوارع المنطقة .. مطالبة بالانفصال عن اليمن ..وعودة الحدود الجنوبية لما كانت عليه قبل توحيد البلدين.
خرج في المسيرة المئات من الشعب الجنوبي بجميع اطيافه .. من رجال و نساء و اطفال .. للتاكيد على سلمية مطالبهم .. وحقهم المشروع في تقرير مصيرهم. ورفعوا كالعادة الاعلام الجنوبية وصور زعماء الجنوب .. والرئيس السابق علي سالم البيض.
ONTube: جولة في أخبار تويتر وفيسبوك اليوم 23/10/2012
ده كان أخر فيديو معانا .. قبل مانروح لفاصل .. هنروح اوائل عادل عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير وائل إيه الجديد عندك؟
ONTube: تأثير الزحمة المرورية على نفسية الإنسان
"يعني فيلكس يوصل من خارج الكرة الأرضية .. يعني الفضاء .. للأرض في 3 دقايق .. وأنا اروح من البيت للشغل اللي في نفس الكوكب في ساعتين؟ " .. السؤال ده كان من أكتر التعليقات اللي تداولها المستخدمين المصريين على مواقع التواصل الاجتماعي .. بعد قفزه فيليكس الشهيرة .. اللي كنا نقلناها لحضراتكم مباشرة في أون تيوب من حوالي أسبوعين.
بصراحة فيلكس يوصل في 3 دقايق .. ماشي .. هنقول سكته سالكة .. إنما عشان الواحد يروح من المهدسين للزمالك ولا من مصر الجديدة لمدينة نصر .. في ساعة و ساعة و نص .. مع إن المشوار ياخدلوا ربع ساعة بالكتير .. أكيد دي حاجة تفرس.
الزحمة المرورية في القاهرة بقت متتوصفش. من كام سنة كنا بنبقة عارفين الزحمة إمتى .. إنما دلوقتي ماحدش بقة عارف حاجة .. وكلنا بننزل مشاويرنا و تكالنا على ربنا. وطبعا كم النقاشات اللي بتدور حوالين الموضوع ده مابتخلصش .. من أول محاولة تخمين الأسباب .. للبحث عن الحلول المثالية .. وكل مرة ناس بتقعد تتكلم وتعمل خطط ونسمع وعود .. زي وعود ال100 يوم .. وللأسف كله بيطلع فاشوش .. حتى ال60% كلنا بندور هي فين.
النهارده في أون تيوب هنتكلم عن تأثير الزحمة على نفسية الإنسان .. وإزاي سلوكه ممكن يتغير لما يبقى قاعد في عربيته لأكتر من ساعتين كل يوم .. لدرجة إن ناس كتير بقت بتقولك إحنا عايشين في جمهورية مصر في العربية. هيكون معانا حالا الدكتور سعيد عبدالعظيم .. أستاذ الطب النفسي بجتمعة القاهرة .. عشان نتكلم معاه في الموضوع ده .. و نفهم منه تأثير الزحمة على نفسية المواطن.
ONTube: تجربة علمية بالشمع
التجارب العلمية كثير .. وبعد التجربة اللي عرضناها على حضراتكم من يومين .. حبينا نعرض تجربة تانية لذيذة و برضو سهل إنها تتنفذ.
التجربة اللي حنشوفها في الفيديو اللي جاي .. كل اللي محتاجينوا فيها شمعة ومسمار وكوبايتين وولاعة. و أول ماتولع الشمعة من النحيتين .. هتلاقوها إبتدت تتحرك فوق وتحت.
والسبب في ده فزيائيا هو التوازن .. لأنك لما بتولع الشمعة من النحيتين .. و يبدأ كل طرف يدوب أو يسيح .. وزن الشمعة بيخف من ناحية فبيرتفع .. وبعدين الطرف التاني يسيح أكتر فيخف و يرتفع وهكذا.
الموضوع بسيط و سهل. عشان تعرفوا تعملوه .. تابعوا الفيديو اللي جي.
ONTube: بالتصوير البطئ
نروح لفيديو تاني .. وهو من نوعية الفيديوهات اللي متصورة بتقنية التصوير البطئ. كنا عرضنا قبل كده فيديوهات من النوع ده .. إنما كل شوية بنلاقي فيديوهات تانية جميلة وتستحق مشاهدتكم .. لأنها بتوضح تفاصيل مختلفة و عن التفاصيل اللي ممكن نشوفها بالعين المجردة.
حنشوف في الفيديو اللي جاي ضربة بوكس في وش واحد .. و رد فعل وشه .. وازاي بيتفاعل و بيتحرك بسبب صدمة البوكس.
ONTube: لا سحر ولا شعوذة
تعملوا ايه لو انتم ماشيين في مطار او في أي مكان .. وليقيتوا شخص قاعد على الهوا؟
طبعا لو حكيت لحد هيقولك إيه الفتي ده. بس هو ده اللي عملتوا إحدى شركات الاعلانات .. للتسويق لخطوط جوية اوروبية داخل إحدى المطارات الاوروبية. وتم تصوير المشهد ده وردود فعل الناس تجاهه .. اللي طبعا أصيبوا بحالة إزبهلال.
ناس كتير علقوا على الفيديو متسائلين .. ازاي الحيلة دي اتنفذت. و هو نفس السؤال اللي أنا بسأله و حضراتكم أكيد هتسألوه .. لما تشوفوا الفيديو ده.
ONTube: مبادرة وديني .. لحل أزمة المرور
مجموعة من الشباب فكروا وابتدوا مشروع .. ممكن إنه يكون حل للزحمة اللي كلنا بنعاني منها. وديني .. هو موقع الكتروني وتطبيق على التليفونات .. بيساعد في إن الناس اللي رايحين نفس المكان .. يروحوا مع بعض في عربية واحدة .. بدل ما كل واحد يكون بعربيته .. فبالتالي الزحمة تقل ويوفروا تمن المشوار. هيكون معانا على سكايب هشام الغندور وعلي الجزيري مؤسسين مبادرة واديني
