برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الخميس 18 اكتوبر 2012 من قناة ONTV يوتيوب كاملة
ONTube: وقفة حملة الماجستير
اول فيديو من مصر .. ومع هتاف (قالوا بلدنا فيها حرية .. وهي حتفضل محسوبية) .. بنشوف لقطات من إعتصام حاملي الماجستير والدكتوراه من مختلف الجامعات .. إمبارح امام مقر مجلس الوزراء.
وبنشوف في الفيديو تجمهر العشرات منهم .. وهتافهم ضد ما اسموه "الظلم و المحسوبية" اللي مازالوا موجودين في البلد .. علي حد قولهم. واعلنوا عن دخولهم في اعتصام مفتوح أمام المجلس .. لحين تلبية مطالبهم .. اللي بيأتي على رأسها التعيين في وظائف إدارية بالجهاز الإدارى للدولة.
وأكد أحد المعتصمين أنهم لن يفضوا اعتصامهم .. إلا بعد تنفيذ مطلبهم الاساسي.
ONTube: طفلة مصرية تدخل موسوعة جينيس
مازلنا في مصر .. وفيديو تداوله العديد من المستخدمين .. وهو لطفلة مصرية اثبتت انه بالرغم من المصاعب الي بنواجهها في مصر .. لكن لسه المستقبل فيه امل .. وان مصر مازال فيها موهوبين و عباقرة .. ممكن يوصلوا البلد لما هو افضل.
الطفلة (جنا إبراهيم القناوى) .. اللي عندها 4 سنوات و8 شهور .. دخلت موسوعة جينيس العالمية للأرقام القياسية .. بعد حصولها على شهادة الرخصة الدولية لقيادة الكمبيوتر(icdl) .. من مركز الحاسب العلمى بجامعة المنصورة .. لتكون أصغر طفلة تحصل على هذه الشهادة فى مصر والعالم كله .. وكمان خلال 18 يوم فقط. كل ده وهى لسه في المرحلة التانية من رياض الأطفال .. بمدرسة (الفردوس الدولية المتميزة للغات) بالمنصورة.
الفيديو التالي بنشوف فيه جنا مع والدها .. وهو بيشرح الانجاز اللي حققته.
ONTube: إضراب نقابة الصحفيين
من مصر نروح الي تونس .. و لاول مرة في تاريخ البلاد .. بدأت إمبارح وسائل الإعلام المحلية فى تونس إضراب عام .. إحتجاجا على ما قالت أنه (سعى الحكومة اللى بتقودها حركة إسلامية .. السيطرة على وسائل الإعلام وتقييد حرية التعبير فى البلاد) .. اللى تخلصت العام الماضى .. من دكتاتورها زين العابدين بن على.
وبتقول نقابة الصحفيين التونسية .. اللى بتضم أكثر من 1200 صحفى .. إن الحكومة الحالية بتسعى إلى السيطرة على وسائل الإعلام العمومية والخاصة بتونس .. عن طريق تعيين موالين لها على رأس المؤسسات الإعلامية .. دون إجراء انتخابات داخل وسائل الإعلام المختلفة.
ومع هتاف (الصحافة حرة حرة) .. و(الشعب يريد حرية الاعلام) .. بنشوف الفيديوالتالي من امام مقر النقابة الوطنية للصحفيين هناك .. والمظاهرة اللي نظمها الصحفيين .. دعما للاضراب العام.
ONTube: جنازة شهيد جديد في البحرين
من تونس نروح الي البحرين. إمبارح سقط الشهيد رقم 95 .. لما يطلق عليها المعارضين البحرينيين (ثورة الكرامة).
وقال مسئول الرصد والمتابعة في (مركز البحرين لحقوق الإنسان) السيد (يوسف المحافظة) .. إن الشيخ (مهدي علي مرهون) .. وهو من أهالي منطقة (المعامير) .. استشهد امس .. بسبب الغازات السامة اللي أطلقتها قوات الامن البحريني على منزله عدة مرات خلال الأشهر الأخيرة.
جمعية (الوفاق) البحرينية قالت في بيان ليها .. إن منطقة المعامير تعرضت إلى اعتداء من قبل قوات الأمن .. اللي أطلقت الغازات السامة في كل الإتجاهات لمعاقبة الأهالي جماعياً. وشمل ذلك منزل الشهيد اللي بيقع بقرب المنطقة اللي بتتمركز فيها القوات .. وبتطلق منها قنابل الغاز.
الفيديو اللي جاي التقط إمبارح العصر من المعامير .. وبنشوف فيه مراسم تشييع جثمان الشيخ مهدي مرهون.
ONTube: الإعتداء على متظاهري الحراك
الي اليمن .. وبالتحديد الجنوب .. لنتابع اخر اخبار الحراك الشعبي هناك. الفيديو التالي ارسله لأزن تيوب المستخدم (امير الامراء) من خلال صفحتنا علي فايسبوك .. وبنشوف فيه احدي المسيرات الجنوبية المطالبة بالانفصال عن اليمن .. ثم قيام مجموعة من ميليشيات حكومة الوفاق الوطني .. اللي بتنتمي لشمال اليمن .. بالتصدي للمسيرة بالاسلحة ومنع المشاركين فيها من استكمالها.
جدير بالذكر ان عبد الله العليمى (أمين عام مجلس تنسيق القوى الثورية الجنوبية) .. قال أن حكومة الوفاق الوطنى .. لا تملك مشروعا تنمويا لإصلاح اليمن .. بل أنها تملك مشروعا لزيادة الفترة الزمنية للمرحلة الانتقالية .. وانها لن تقدم الجديد للقضية الجنوبية .. كما جاء على لسانه.
ONTube: شغب في أثينا
نروح الي اليونان .. ونتابع ما تشهده من احتجاجات بسبب السياسات التقشفية. الفيديو التالي من العاصمة اتينا .. وبنشوف فيه اجزاء من الاشتباكات بين قوات الامن اليونانية والمحتجين علي السياسات الاقتصادية للحكومة.
وأطلقت شرطة مكافحة الشغب اليونانية الغاز المسيل للدموع صباح اليوم .. لتفريق المتظاهرين أمام البرلمان اليوناني .. اللي تجمهروا للاحتجاج علي جولة جديدة من التخفيضات فى الأجور ومعاشات التقاعد .. اللي طالب بيها مقرضين أجانب.
وتظاهر عشرات الآلاف من اليونانيين اليوم .. بالتزامن مع إضراب عام .. أصاب قطاعات كبيرة من البلاد بالشلل.
وزاد التوتر لما بدأ المحتجين إلقاء القنابل الحارقة والحجارة على الشرطة.
ONTube: جولة في أخبار تويتر وفيسبوك اليوم 18/10/2012
ده كان أخر فيديو معانا .. قبل مانروح لفاصل .. هنروح لمحمد مرعي عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير محمد إيه الجديد عندك؟
ONTube: Gangnam Style
الأول خلونا نفكر اللي ناسي و نعرف اللي مايعرفش .. بأغنية جاجانام ستايل .. الاغنية الكورية الشهيرة .. اللي من حوالي اسبوعين كنا عرضناها في أون تيوب .. وكانت وقتها عاملا 230 مليون مشاهدة. النهاردة وصلت لأكتر من 480 مليون مشاهدة .. ولسه بتزيد. والاغنية دي حققت رقم قياسي جديد .. بحصولها على أعلى عدد (لايكات) واللي تعده 3 مليون لايك. ده غير إنها من أسرع الفيديوهات اللي حققت نسبة مشاهدة عالية خلال فترة قليلة.
الأغنية بتتكلم عن حي الأغنياء في كورية الجنوبية .. اللي هو حي جاجانام .. و طريقة عيشيتهم و أسلوب حياتهم شديد الرفاهية.
هنشوف جزء من جاجانام ستايل و نرجع نقول لكم على الفيديو اللي لازم مايفتكوش.
ONTube: هوبا إيجيبشان ستايل
دي كانت الجاجنام ستايل الكورية .. واللي تاثر بيها و برقصتها ناس كتير حول العالم .. حتى إن في فرق راقصة تبنت الرقصه في عروضها.
سيبكوا بقة من جاجنام الكورية و تأثر دول العالم بيها .. و نيجي لمصر. المصريين طبعا مش حيقفوا ساكتيين .. ماينفعش جاجنام تعدي كده. مجموعة دي سلطة اللي متميزيين في إنتاج برامج على المواقع الإجتماعية .. قرروا ينتجوا فيديو بروح جاجانم ستايل.
وبالمناسبة .. إنتظروا فريق عمل مجموعة دي سلطة يوم الأربع اللي جاي .. هيكونوا معانا في أون تيوب عشان نتكلم معاهم عن الموسم الجديد .. والتاني من برامجهم.
نشوفكم يوم الأحد اللي جي .. و ما تصنعونه أنتم من أخبار. وأسيبكوا دلوقتي مع النسخة المصرية من جاجانم ستايل .. من إنتاج مجموعة دي سلطة .. و أغنية (هوبا ايجيبتيان ستايل).
ONTube: الموسيقى الإلكترونية .. تيلي بويتك
الموسيقى التجريبية مصطلح ظهر في خمسينيات القرن الماضي .. لما ابتدت تظهر أنواع موسيقية جديدة .. لا تندرج تحت أي من المسميات اللي كانت معروفة وقتها. ومع التطور التقني .. وانتشار أجهزة الصوت الإليكترونية .. ظهرت فكرة الموسيقى الإليكترونية. وفي السنوات الاخيرة .. ومع انتشار البرامج الإليكترونية .. اللي بتمكن المستخدم من إنه ينتج مقطوعة موسيقية كاملة على جهاز الكمبيوتر الخاص بيه .. بقت الموسيقى الإليكترونية موجودة بقوة .. وبقت حفلاتها .. اللي بتبقى عادةً مرتبطة بعروض فنية متعددة الوسائط أو لوحدها .. لون موسيقي بيستهوى كتير من الشباب ومحبي الفن.
تلبويتيك هم من أهم الفرق المصرية اللي بتلعب اللون ده من الموسيقى. بدأوا في 2006 .. و اشتركوا في مهرجانات موسيقية عديدة .. وشاركوا عرض مع مجموعة من أهم الموسيقيين في العالم .. زي اريك تروفاز وجان ييلنيك. وبيوصفوا تجربتهم الموسيقية كمزيج من الموسيقى الالكترونية والوترية .. اللي بشكل أساسي بتعكس تجارب فنية مختلفة.
هيكون معانا حالا على سكايب أحمد صالح ومحمد الدسوقي وسامو .. أعضاء فريق تلبويتيك ..
