نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 11 اكتوبر 2012 من قناة ONTV يوتيوب كاملة
من جديد: إبعاد النائب العام عشية مليونية الحساب
السلام والتحية على حضراتكو واهلا بيكو معانا ... اتفق الجميع على الأعتراض على براءة المتهمين في موقعة الجمل إلا انهم اختلفوا حول تحمل المسئولية .. مين السبب في براءة هؤلاء .. البعض شايف ان التقصير من قبل جهات التحقيق سواء كانت القاضي المنتدب من وازرة العدل او النيابة العامة والبعض الآخر حمل المسئولية الآن في رقبة الدكتور محمد مرسي رئيس الجمهورية لأنه مطالب بتنفيذ وعودة بإعادة محاكمة المتهمين بقتل الثوار وتقديم أدلة جديدة ودي الوعود اللي كان اطلقها قبل فوزه في الانتخابات الرئاسية ... وعليه الآن التنفيذ خصوصا ان من الواضح كدا ان كل القضايا نقدر نقول انها هتطلع "فشنك" ينقصها الأدلة اللي بتدين المتهمين وشكلها في الآخر هنلاقي ان كل واحد مات اثناء الثورة مات لوحدة يعني مثلا ممكن يكون الرصاص اللي اتقتلوا بيه كان طاير في الهوا او يمكن كان حد بيصطاد حمام مثلا... وممكن الجمال فعلا كانت خرجه تتفسخ في ميدان التحرير وتحتفل بخطاب الرئيس السابق فمن غير ما تقصد دهست لها كام واحد ... عموما إعادة المحاكمة هيا عنوان المليونية اللي دعا ليها عدد كبير جدا من الأحزاب خصوصا جماعة الإخوان المسملين ... المليونية هتكون بكرة لمطالبة الدكتور مرسي بإعادة محكامة المتهمين في موقعة الجمل وفي جميع قضايا قتل المتظاهرين .. يمكن في أول استجابة هي قرار الرئيس مرسي بتعيين النائب العام عبد المجيد محمود سفير لمصر في الفاتيكان، وهو ما يعني اقصاؤه عن منصبه.
من جديد: قانونياً .. هل من حق الرئيس تعيين نائب عام
البعض بيقول ان الرئيس مش من حقه لكن هو من حق السلطة التنفيذية .. معانا المستشار محمد حامد الجمل رئيس مجلس الدولة .
فؤاد جاد الله: عدنان الفنجري قائم بأعمال النائب العام
معانا المستشار محمد فؤاد جاد الله المستشار القانوني للرئيس حيث يؤكد أن المستشار عدنان الفنجري قائم بأعمال النائب العام , النيابة العامة تتقدم بمذكرة طعن على الحكم أمام النقض .
من جديد: النائب العام .. إقالة أم تعيين أم إبعاد ؟
الاستاذ خالد أبو بكر عضو الاتحاد الدولي للمحامين كان بيطالب ان يرحل النائب العام
من جديد: مسيرة ثورية لدار القضاء العالي
في الحقيقة مليونية بكرة نقدر نقول انها مليونيتن دا لأنع كان الأول في عدد من القوى والأحزاب السياسية خصوصا المدنية منها كانت حدد جمعة بكرة للتظاهر للمطالبة بدستور لكل المصريين والتظاهر ضد الرئيس مرسي تزامنا مع مرور الــ100 يوم الأولى له في رئاسة الجمهورية .. لكن بعد حكم امبارح ببراءة المتهمين في موقعة الجمل اعلن عدد آخر من الحزاب والجماعات خصوصا زي ما قولنا لحضراتكو جماعة الإخوان عن النزول في مليونية للمطالبة بإعادة المحاكمة
ياترى ميدان التحرير هيكون عامل ازاي بكرة .. يعني مثلا هيكون منقسم لجبهتين ولا هيكون باللي يحجز الأول ... ده حيكون معانا بالتفصيل بعد ما نخلص أخبار مصر النهاردة ... واللي المظاهرات فيها فارضة نفسها .. معانا محمد عادل القيادي بحركة شباب 6 أبريل .
وزي ما قولنا لحضراتكو التظاهرات لإعادة محاكمة المتهمين في موقعة الجمل وفي قضايا قتل المتظاهرين مش بس بدأت من دلوقتي او هتبدأ من بكرة لأ نقدر نقول انها بدأت عقب صدور الحكم على طول .. والنهاردة نظم نشطاء مسيرة ضخمة وصلت لحد القضاء العالي.
من جديد: وزير العدل وتعديلات المركزي للمحاسبات
اما المستشار أحمد مكي وزير العدل فعقد النهاردة مؤتمر صحفي رفض فيه التعليق على حكم البراءة .. براءة المتهمين في موقعة الجمل وقال ان هناك طرق قانونية وإجراءات للطعن على الحكم سيتم اتخاذها من قبل النائب العام وكلامه دا كان على هامش المؤتمر اللي عقده مع وزارة التنمية الإدارية لتطوير نظام التقاضي ... وعلق على منح الضبطية القضائية للجهاز المركزي للمحاسبابت بأنه تم اطلاق اسد حبيس من عقاله ليعيد لمصر أموالها المنهوبة ويقضي على الفساد من داخل القطاعات الحكومية .
من جديد: مين اللي خرج من متهمين موقعة الجمل
بعد صدور حكم البراءة المفروض انه خلاص كل المتهمين اللي كانوا محبوسين على ذمة التحقيق هيخرجوا ويروحوا بيتهم فيما عدا اللي محبوس على ذمة قضايا أخرى زي مثلا صفوت الشريف رئيس مجلس الشورى الأسبق ... ياترى مين خرج منهم لحد دلوقتي ومين لسة بيخلص ورقة في الأقسام التابع ليها .. معانا الأستاذ عمر حسانين مساعد رئيس تحرير المصري اليوم .
من جديد: المتظاهرون أمام قصر الاتحادية
التظاهرات أمام قضر الاتحادية مازالت مستمرة والنهاردة كان فيه عدد من التظاهرات اللي كل واحدة بياشرك فيها عدد من المواطنين لهم مطالبهم الخاصة وكان من ضمن المتظاهرين النهاردة العشرات من المعتقلين السياسين المفرج عنهم بعد الثورة واللي بيطابوا بتعويضات وتخصيص نسبة ليهم في الوظائف العامة للدولة اللي طبعا كانوا محرومين منها ... كمان كان من ضمن التظاهرات تظاهرة لذوي الإعاقة والاحتياجات الخاصة واللي النهاردة اعتدي عليهم الأمن الخاص بحراسة القصر لمنعهم من محاولات مقابلة الدكتور مرسي .. معانا الأستاذ رأفت إبراهيم الصحفي بجريدة اليوم السابع .
من جديد: رؤية نقدية للحقوق والحريات في الدستور
الجبهة الدستورية المصرية عقدت حلقة نقاشية حول الحقوق والحريات العامة في الدستور الجديد لتقديم رؤية نقدية للحقوق والحريات الواجب تضمينها في الدستور الجديد ... وحلقة النقاش دي كانت بحضور عدد كبير من أساتذة القانون الدستوري والعلوم السياسية ونشطاء حقوق الانسان وممثلي الأحزاب السياسية ومستشارين بالنيابة الإدارية..
من جديد: إغلاق المحلات في العاشرة بعد العيد
اللواء أحمد زكي عابدين وزير التنمية المحلية أعلن النهاردة انه بعد عيد الأضحى حيتم تطبيق نظام جديد من خلاله هيتم اغلاق المحال التجارية والمقاهي منذ الساعة العاشرة مساءا والمطاعم الساعة الثانية عشر ...
على أن تكون هناك خدمة ليلية للصيدليات التى تقدم الخدمات الطبية للمواطنين، لافتاً إلى أنه يستثنى من هذا القرار المنشآت السياحية التى ستمد عملها وفقاً لما تطلب، وذلك لتوفير الدعم على الطاقة والكهرباء.. معانا اللواء أحمد زكي عابدين وزير التنمية المحلية
من جديد: محمود عبدالعزيز حكم مهرجان القاهرة
النهاردة تم اختيار النجم محمود عبد العزيز ليكون رئيسا للجنة تحكيم مسابقة الأفلام العربية بمهرجان القاهرة السينمائى الدولى فى دورته الـ35 واللي حتكون يوم 27 نوفمبر المقبل وتستمر حتى 6 ديسمبر .. وتم الإعلان عن هذا القرار في مؤتمر صحفي أقيم النهاردة بالمركز الأعلى للثقافة بدار الأوبرا المصرية .
من جديد: ماذا تطالب مليونيتي ١٢ أكتوبر
من جديد أهلاً بحضراتكو.. جماعة الإخوان المسلمين فاجئت الجميع بعد حكم البراءة فى قضية موقعة الجمل وأعلنت مشاركتها فى مليونية بكرة المعروفة باسم "كشف الحساب" اللى خارجة أصلاً ضد حكم الإخوان واللى بتطالب بدستور يعبر عن مصر كلها وتحقيق العدالة الاجتماعية والدافع عن الوحدة الوطنية، وتحقيق مطالب الثورة والحد الأدني والاقصي للأجور، لكن بعد صدور الحكم الإخوان قالوا إنهم هينزلوا المظاهرات لرفض الحكم الصادر ببراءة كل المتهمين فى موقعة الجمل،، لكن القوى السياسية اللى دعت للنزول من أسبوعين شايفة إن الإخوان هينزلوا عشان يزاحموهم فى الميدان ويوجهوا المظاهرات ضد الحكم، بدلاً ما تكون ضد الرئيس أو الإخوان.
هنفهم أكتر أهداف النزول بكرة وإيه اللى ممكن يحصل فى الميدان مع ضيوفنا إنهارده الدكتور عبد الحليم قنديل عضو مجلس أمناء التيار الشعبي.. والدكتور جمال نصار رئيس منتدى السياسات والاستراتيجيات البديلة،، أهلا بيكو
