نشاهد اليوم
برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الخميس 11 اكتوبر 2012 من قناة ONTV يوتيوب كاملة
ONTube: مظاهرة طلاب التعليم المفتوح
اول فيديو من مصر .. وهو عبار عن لقطات للمظاهرة اللي نظمها عدد من طلاب التعليم المفتوح إمبارح الظهر .. أمام نقابة الصحفيين .. للمطالبة بتحويل طلاب التعليم المفتوح .. دفعات 2011 و2010 .. إلى نظام الانتساب الموجه بدون شروط .. وتعديل القرار الصادر من المجلس الأعلى للجامعات بشأنهم.
و هتف الطلاب هتافات كتير .. كان ابرزها (مطلب واحد للطلاب ..حولونا لانتساب) .. ده غير إنهم حاولوا اكثر من مرة اقتحام مقر وزارة التعليم العالي.
يذكر أن وزارة التعليم العالى .. أصدرت قرار بقبول تحويل طلاب التعليم المفتوح دفعتى 2010 و2011 بنظام الانتساب الموجه .. فى حالة حصول أى طالب على تقدير جيد. لكن عدد من الطلاب قرروا يتظاهروا .. للمطالبة بتحويلهم إلى نظام الانتساب بدون شروط.
ONTube: قطع أشجار عمرها 200 عام
نروح الي فلسطين .. وفيديو لمجموعة من المستوطنين الاسرائيليين اللي بيقوموا بتقطيع مجموعة من اشجار الزيتون واقتلاعها من جذورها .. و ده كان في منطقة الخليل بالضفة الغربية مساء يوم الثلاثاء. وتداول العديد من المستخدمين الفيديو .. لتوضيح جزء من تصرفات المستوطنين العدوانية .. اللي قضوا على أكتر من 130 شجرة .. كان بيبلغ عمرهم حوالي 200 سنة.
وادانت الحكومة الفلسطينية هذا التصرف .. فى ما وصفته ب(الاعتداءات الإرهابية) اللى بينفذها المستوطنين ضد المزارعين الفلسطينيين .. خاصة مع قرب بدء موسم قطف الزيتون.
ONTube: أوضاع النازحين السوريين
الي سوريا .. اللي بتواجه كل يوم القصف و الدمار .. وبتشهد سقوط ما يقرب من 100 قتيل يوميا .. مش بس كده .. إنما كمان في أكتر من مليون لاجئ و نازح خرجوا منها .. خوفا علي ارواحهم.
و طبعا اللاجئين دول بيواجوا مصير قاسي ايضا .. من ناحية نقص الغذاء والرعاية الصحية و غيرهم من المصاعب. الفيديو اللي جاي بنشوف فيه جزء من المصاعب دي .. وهو فيديو متصور من منطقة باب السلامة الحدودية في شمال سوريا .. و اللي بيتواجد فيها العديد من النازحين.
بتظهر في الفيديو خيام السوريين .. اللي تركوا ارضهم و منازلهم. وطبعا مع دخول فصل الشتاء .. بدأت معاناتهم تشتد .. مع مواجهة الامطار والرياح الشتوية. لكي الله يا سوريا .. و حفظكم الله يا سوريين.
ONTube: ضد حصار بني وليد
من سوريا نروح الي الشأن الليبي. معارك عنيفة شهدتها مدينة بنى وليد إمبارح. المدينة اللى كانت آخر معاقل معمر القذافى .. فى حين تم رفع الحصار جزئيا عن المدينة .. بحسب ما أفاد بعض السكان.
وانتشرت إخبار متناقضة بخصوص عدد ضحايا الصدامات بين مقاتلين من المدينة بيتهمهم ثوار سابقين بأنهم موالين للنظام السابق .. وعناصر مليشيات لثوار سابقين من مصراتة.
قال مسئول عسكرى فى بنى وليد .. إن مقاتل واحد قتل .. فى حين قال مسئول محلى إن عدد القتلى فى المعارك وصل الى ست ضحايا.
وفيه تناقض ايضا من جانب الليبيين و ردود افعالهم .. فمنهم من هم مع الحصار .. ومنهم من هم ضده و شايفيين ان حل النزاع لازم يكون بطريقة سلمية.
الفيديو اللي جاي مش من داخل الاراضي الليبية .. لكنه من مصر .. وهو لقطات لمسيرة الجالية الليبية اللي خرجت امبارح .. للاحتجاج علي حصار مدينة بني وليد .. والمطالبة بوقف القتال بين المليشيات.
ONTube: جمال علام يفوز بمنصب رئيس إتحاد الكرة
جمال علام يفوز بمنصب رئيس إتحاد الكرة
ONTube: عملية أعراضنا أرواحنا
الي البحرين .. و فيديو من مدينة الدراز. والحقيقة ان الفيديو كان عليه جدل بين من يتداولوه. الفيديو بيوضح عملية اطلق عليها المتظاهرين (اعراضنا ارواحنا). والعملية عبارة عن جزئين .. الجزء الاول هو لقطع أحد الطرق في الدراز من خلال حرق اطارات السيارات .. زي ما اعتاد المتظاهرين البحرينيين .. للتعبير عن رفضهم لسياسات النظام .. و قمع المتظاهرين.
الجزء الثاني هو ما تسبب في حالة الجدل.. بسبب قيام المتظاهرين بالقاء زجاجات المولوتوف علي سيارات الشرطة اثناء مرورها في الطريق .. و ده طبعا خلى الموضوع يخرج بره اطار التظاهر السلمي والحقوق المشروعة في التعبير عن الراي .. اللي إلتزم بيه المتظاهرين بقدر كبير من ساعة مل بدأوا تظاهرتهم. فقال بعض المتداولين ان سبب التصعيد ده .. هو اسلوب الامن البحريني المعتاد في التعامل مع المتظاهرين .. في حين قال البعض الاخر انه لا يجب الخروج عن الاطار السلمي للاحتجاج.
ONTube: أهل الجنوب أصحاب القرار
من البحرين الي اليمن .. و بالتحديد جنوبها .. وفيديو للقطات من الندوة اللي نظمها اتحاد شباب الجنوب في منطقة (خور مكسر) إمبارح العصر .. وهي ندوه بعنوان (الشباب نصف الحاضر وكل المستقبل ) .. وتحدث فيها أحد رموز الجنوب .. الشيخ (عبدالحكيم الحسني) .. عن دور الشباب الجنوبي في المرحله الحالية .. و المخاطر اللي بتواجه ثورتهم .. وحذر من سرقة الثوره من الشباب.
يذكر انه بعد الندوة انطلقت مسيرة طافت شوارع المنطقة .. وهتف فيها الشباب اليمني الجنوبي العديد من الهتافات .. اللي بتؤكد تمسكهم بثورتهم الجنوبية .. و إنهم لن يسمحوا لاي جهة ان تسرقها .. او تغير اهدافها.
ONTube: البطل سنجاب
مقالب الكاميرا الخفية دايما بتكون من الفيديوهات اللي بتحصل على نسب مشاهدة عالية .. خاصة لو المقلب حلو ومش مؤذي قوي ومش تمثيل.
الفيديو اللي جاي هو مقلب من احدي برامج الكاميرا الخفية الخاصة بدولة اجنبية. وطبعا ده لو إتعمل في مصر .. فاللي بيعمل المقلب في الغالب هياكل علقة لوز.
ONTube: حوادث مضحكة
الفيديو اللي جي .. هو عبار عن مجموعة صور لاغرب الحوادث .. اغلبهم شكله طريف و في حبة ماتفهموش حصلوا إزاي أصلا .. وطبعا في شوية مأساويين.
صاحب الفيديو اللي حنشوفه جمع مجموعة كبيرة من صور لحوادث مختلفة .. واطلق علي الفيديو .. اغرب حوادث حصلت .. و بصراحة عنده حق.
ONTube: مهرجان شنيت للأفلام القصيرة
يمكن في ناس كتير فاكرين إن الأفلام القصيرة جت بعد الأفلام الروائية الطويلة .. لكن الحقيقة إن السينما بدأت في سنة 1894 بأفلام قصيره جدا .. لا تتعدى ثواني المعدودة. والأفلام الروائية الطويلة جت بعد كده. ولحد دلوقت في ناس بتشوف إن الأفلام السينمائية القصيرة هي انقى أنواع فن السينما.
مهرجان شنيت للافلام القصيرة بدأ سنة 2003 في سويسرا .. وبعدها بسنين قليله بدأ يتعمل في أكتر من بلد .. وكل سنة كان عدد البلاد اللي بيتعمل فيها المهرجان بيزيد .. لحد السنة دي .. وهو بيحتفل بعيد ميلاده العاشر .. بقي بيقام في عشر بلاد من القرات الخمسة.
مصر دخلت السنة دي لاول مرة. والمهرجان أقيم عندنا من 3-7 أكتوبر الحالي. مروة زين رئيسه اللجنة المنظمة لمهرجان شنيت للافلام القصيرة بالقاهرة هتكون معانا
مشاهدينا عمر الزهيري .. مخرج فيلم آخر زفير .. الفيلم اللي حصل على جايزه أحسن فيلم في المسابقة المحلية لمهرجان شنيت الدولي للافلام القصيرة .. عمر هيكون معانا
