برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاثنين 10 سبتمبر 2012 يوتيوب كاملة
بلدنا بالمصري: ثورة المعلمين لصلاح التعليم
يسعد مساكم وحلقة جديدة من بلدنا بالمصري.. هنبداها وهنختمها بثورة المعلمين لصلاح حالهم وصلاح حال التعليم في بلدنا على حد قولهم.. حيث ان صلاح حال التعليم في بلدنا هو الدوا اللي فيه الشفا لكن لحد دلوقتي ولحين اشعار اخر التعليم بحاله بمحتاله كدة هو العلة وهو الداء.. هنبدا اخر اخبار بلدنا باخر اخبار ثورة المعلمين واهم مطالبهم اللي بيعتبروها اول خطوة في الروشتة لو بجد عايزين نعدل حال التعليم المايل.
بلدنا بالمصري: محاكمة عسكرية لطبيب مصري في لبنان
الطبيب النفسي المصري محمد الهمشري مازال محتجز من امبارح بعد ما تم القبض عليه في مطار رفيق الحريري في بيروت ومن المفترض حتى الان حسب المعلومات المتداولة والمتضاربة في نفس الوقت، انه هيتقدم للمحاكمة العسكرية بتهمة حيازة جهاز اتصال إنترنت بالأقمار الصناعية.. حسب البيانات الصادرة عن اتحاد الاطباء العرب وعن جمعية اطباء التحرير ان محمد الهمشري كان راجع من مهمة اغاثية في سوريا
معنا على الهاتف د. محمد فتوح - رئيس جمعية أطباء التحرير
بلدنا بالمصري: معرض للأبحاث العلمية برة جامعة النيل
طلبة جامعة النيل واهاليهم واعضاء هيئة التدريس والعاملين في الجامعة مازالوا معتصمين في حرم جامعتهم لحين ما يتم الوصول لقرارات تحل ازمتهم ومش هيقبلوا باقل من رجوعهم لمبانيهم مع التاكيد على انهم مش ضد مشروع الدكتور زويل وعندهم حتى استعداد لاستضافته لحين ما يتوفر المكان المناسب للمشروع وارض الله وارض مصر واسعة وزيادة الخير خيرين.. النهاردة على هامش في الاعتصام نظموا معرض للابحاث العلمية لجامعة النيل برة سور الجامعة.. اما اللي حصل بعد كدة فهنعرفه من: د. محمود علام - عضو هيئة التدريس بجامعة النيل
بلدنا بالمصري: إعادة التحقيق في مقتل عصام عطا
لان كل شئ باوان ولانه لا يمكن يضيع حق طول ماوراه صاحب حق وعينه قوية بيطالب بيه، قضية عصام عطا هتتفتح من جديد وفي الغالب الحقيقة هتبان ودمه مش هيروح هدر.. النهاردة، النائب العام المستشار عبد المجيد محمود، امر باعادة فتح التحقيق في القضية اللي كانت اتقفلت على ان عصام عطا مات من كتر بلع مخدرات، في حين ان اهله والمحامين الحقوقيين اللي اشتغلوا على القضية كانوا بياكدوا انه اتقتل في سجن مزرعة طرة شديد الحراسة، في أكتوبر اللي فات والتي أكد الحقوقيون وقتها بعد تعذيبه و «نفخه» بخراطيم المية.. تفاصيل اكتر عن الجديد اللي جد وبناءا عليه قرر النائب العام اعادة فتح التحقيق هنعرفها من:
أ/ مها يوسف - المحامية بمركز النديم لتأهيل ضحايا التعذيب
بلدنا بالمصري: هجوم مسلح يستهدف قيادات أمنية بسيناء
خبر اصابة نائب مدير امن جنوب سينا ومدير البحث الجنائي في هجوم مسلح .. تفاصيل أكتر معنا أيمن أبو زيد - مراسل جريدة المصري اليوم بجنوب سيناء
بلدنا بالمصري: وفد أمني أمريكي على الحدود المصرية
اكد مصدر مسئول بميناء رفح البرى ان وفد أمنى أمريكى من السفارة الأمريكية بالقاهرة قام بتفقد معبر رفح البرى بين مصر وغزة، كما تفقد الوفد الحدود المصرية الفلسطينية مع قطاع غزة والحدود مع إسرائيل.
واضاف ان السبب الرئيسى هو تفقد الاجراءات الامنيه على الشريط الحدودى وداخل معبر رفح البرى.
واكد المصدر إن الزيارة تهدف إلى الوقوف على الإجراءات الأمنية المصرية لضبط الحدود ومتابعة آلية السفر عبر معبر رفح البرى.
أحمد أبو دراع - مراسل المصري اليوم بشمال سيناء
سليمان: نطالب ببيان لتوضيح أسباب زيارة الوفد الأمريكي
معنا على الهاتف د. عادل سليمان- الخبير الأمني والإستراتيجي تعليقاً على زيارة الوفد الأمريكي لسيناء
بلدنا بالمصري: الكنائس المصرية تدين فيلم مسيء للإسلام
ادانت النهاردة الكنايس المصرية التلاتة قيام عدد من اقباط المهجر بانتاج فيلم مسئ للاسلام ولسيدنا محمد
بلدنا بالمصري: الحرية والعدالة تعترف بدور الألتراس
نشرت النهاردة الصفحة الرسمية لحزب الحرية والعدالة على موقع فيسبوك"، مقال لرئيس تحرير صحيفة "الحرية والعدالة" عادل الأنصاري يشيد فيه بدور الألتراس في الثورة وبيعترف ان التحقيق اللي نشرته الصحيفة تحت عنوان: الالتراس من الابداع في المدرجات الى صناعة الازمات كان محتاج للمزيد من التوازن.
بلدنا بالمصري: مصر خالية من فيرس سي .. مبادرة مصر الخير
أطلقت مؤسسة مصر الخير مبادرة علنت عنها النهاردة لعلاج 5 ملليون من المصابين بفيروس سى وهتبدأ بالكشف على 10آلاف تلميذ فى صعيد مصر ... وطبعا دي مبادرة رائعة واحنا في أمس الحاجة ليها خصوصا لأن مرضى فيروس سي في مصر تجاوز عددهم 21 مليون مريض 75 % منهم بسبب الإهمال الطبي .
بلدنا بالمصري: من ينقذ أطفال دار الرحمة
الاسم دار الرحمة، لكن للاسف ان الاسم ماهواش على مسمى ابداً والفعل ولا ليه علاقة بالرحمة لا من قريب ولا من بعيد
بلدنا بالمصري: صفاء .. لسه في أمل
بس زي ما فيه حاجات كدة تجيب الغم وتقطع القلب، فيه كمان حاجات حلوة وتشرح القلب وتفتح طاقة نور وامل في بكرة اللي جاي.
بلدنا بالمصري: عمنا خيري شلبي لا يمكن يموت
وقبل ما ندور عالناس، خلونا نعيش ونفتكر عمنا خيري شلبي اللي مرت علينا امبارح ذكراه السنوية الاولى.. لكن اللي خلف ما ماتش واللي كتب وقال كلمته ماماتش.. واللي ياما نور عقول مامتش.. واكيد اللي فنى عمره في عشق تراب البلد ديه لا يمكن يموت
ثورة المعلمين .. أطراف القضية في بلدنا بالمصري
هم المدرسين عايزين ايه؟! ويعني ايه ثورة المعلمين؟! وليه ثورتهم ثورة لمصر؟! واللي هم بيعملوه دة لمصلحتهم هم وبس ومن بعدهم الطوفان ولا حال التعليم المايل في بلدنا لا يمكن يتعدل ولا تقوم له قومة الا بصلاح حال المعلم؟! كل ديه اسئلة هنطرحها على ضيوفنا النهاردة من اصحاب القضية والاطراف المعنية
عبدالحفيظ طايل رئيس مركز الحق فى التعليم وعضو نقابة المعلمين المستقلة
الدكتور/ محمد سامح ولى امر تلميذ
عبد الله محمود: مدرس ابتدائي
زياد الفقى: طالب في الصف الثانى الثانوى المنسق الاعلامى للطلاب 6 ابريل
