نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 2 مايو 2012 من قناة ONTV يوتيوب كاملة
من جديد: الدم .. واللي فارق مع الإخوان وفايزة
السلام والتحية على حضراتكو .. يوم أسود يضاف لسلسة من الايام الصعبة اللي بتمر بيها مصر .. أحداث تحصل وناس تموت وفي الاخر نقعد نتكلم عن الطرف المجهول اللي متساب بقاله كام يوم بيستعد عشان يضرب ضربته على بعد كام خطوة من وزارة الدفاع وكام خطوة من مجموعة من أهم المصالح الحكومية .. طرف ضرب ضربته ضد مجموعة من المعتصمين سواء اتفقنا او اختلفنا معاهم ، لكن ما يكونشي النتيجة ان ناس تموت سواء متظاهرين او معتصمين او حتى ناس عاديين كل ذنبهم انهم يكونوا بيعدوا من هناك .. ايه ذنب السكان ايه ذنب كل ام مات ابنها .. ايه ذنب كل طفل صغير فقد ابوه ..ايه ذنب كل دولا، لحد امتى حنفضل نتحط احنا المصريين قدام بعض .. وفي الآخر تطلع الحكومة بجلالة قدرها وتعلق على الأحداث على لسان الدكتورة فايزة ابوالنجا وتقول إن الوضع أمام وزارة الدفاع يؤلم أى مصرى، لأنها من أهم رموز الدولة.. هل ده اللي هامم حضرتك انها قدام وزارة الدفاع ..يعني لو كانت الأحداث كنتاكي جامعة الدول ما كانشي يبقى فارق مع أي مصري مش هامم حضرتك يا سيادة الوزيرة الناس اللي ماتت.. طبيعي ده امر عادي بالنسبة لوزيرة كانت موجودة ومعمرة من أيام مبارك .. المهم عندها المباني مش مهم عندها البشر اللي راحوا وماتوا .. الإخوان برضوة موقفهم ما اتغيرش خالص عن اللي حصل وكأن الزمان بيعيد نفسه في أحداث محمد محمود .. ماكانشي فارق معاهم اعداد اللي ماتوا وكان فارق معاهم .. ان الانتخابات تجرى في موعدها.. ودلوقتي برضوة مش فارق معاهم اللي بيمتوا على قد ما فارق معاهم تشكيل حكومة من وجهة نظرهم مستقلة عشان تجري الانتخابات الرئاسية.
الواحد حاسس ان الكلام بيتكرر مع كل مرة الدم بيسيل.. وبنحس اننا لا بنقدم ولا بنأخر.. فخلونا نشوف العناوين عشان نبتدي من جديد
من جديد: المسئول عن أحداث وزارة الدفاع
أهلا بيك أستاذ جمال فهمي وكيل نقابة الصحفيين .. الأحداث فارضة نفسها فيما يحدث بميدان العباسية , برأيك من المسئول عن تفاقم الاحداث عند وزارة الدفاع ؟
حصر المصابين في العباسية هي عملية صعبة
هنروح لزميلنا محمد حداد من ميدان العباسية ومن مكان الإشتباكات علشان نعرف الأوضاع هناك عاملة إزاى ؟
من جديد: المقاطعين اجتماع الأحزاب مع المجلس العسكري
أعلن حزب الوفد فى بيان له عصر اليوم الأربعاء، أن رئيس الوفد الدكتور سيد البدوى لم يحضر اجتماع المجلس الأعلى للقوات المسلحة وحمل الوفد المجلس العسكرى بصفته المسئول الأول عن إدارة أمور البلاد المسئولية عما تشهده البلاد من أحداث .
أما حزب "البناء والتنمية"، الذراع السياسية للجماعة الإسلامية، ف أعلن عدم مشاركته فى اجتماع اليوم مع المجلس العسكرى، احتجاجاً على الأحداث برضوة
وأكد الحزب على ضرورة الالتزام بالجدول الزمنى المحدد لتسليم السلطة وإجراء الانتخابات الرئاسية فى مواعيدها المقررة، وعدم اتخاذ الأحداث الحالية ذريعة لتأجيل أو إلغاء الانتخابات وعدم تسليم السلطة
من جديد: الدعوة لمليونية إحتجاجاً على مذبحة العباسية
قررت أحزاب الحرية والعدالة، وغد الثورة، والحضارة، والوسط، والغد، والبناء والتنمية، تنظيم مليونية حاشدة بعد غدٍ الجمعة، احتجاجًا علي أحداث وزارة الدفاع والعباسية، والوقوف صفًا واحدًا بشأن التسريبات الخاصة بتغيير الجدول الزمني لتسليم السلطة، تنفاصيل أكتر في التقرير اللي جاي.
من جديد: من حضر إجتماع الأحزاب بالمجلس العسكري
ده بالنسبة للمقاطعين أما للي حضروا اجتماع المجلس الأعلى للقوات المسلحة مع الأحزاب والقوى السياسية فنتيجة اللقاء في التقرير اللي جاي.
من جديد: مرشحوا الرئاسة يحملون العسكري مسئولية الدماء
مواقف مرشحي الرئاسة من الأحداث فالسيد عمرو موسى، طالب المجلس العسكري بتسليم السلطة
الدكتور محمد مرسى مرشح الإخوان لرئاسة الجمهورية اعلن تعليق حملته لأنشطتها يومين حدادًا على شهداء اعتصام العباسية.
كمان الدكتور عبد المنعم أبو الفتوح، علق حملت اعترضاً على الأحداث، وأكد على أن واجب الدولة حماية الاعتصامات السلمية وليس دور المواطن التصدى يوميا لمحاولات فض اعتصام، وطالب البرلمان بإيقاظ وزير الداخلية ليؤدى وظيفته"
جمال فهمي: الأخ المخلوع أفندي .. إتكل على الله
الهدوء هناك هو هدوء حذر فهل من الممكن أن تتجدد الإشتباكات ؟
من جديد: مؤتمر ٦ أبريل ومذبحة العباسية الثانية
الموقف ما اقتصرتشي على المرشحين النهاردة عقدت حركة شباب 6 أبريل مؤتمرًا صحفيًا لإعلان موقفها من أحداث العباسية تفاصيل اكتر في التقرير
خالد علي وبرنامجه الانتخابي في من جديد
من محامي بسيط يجلس في مكتب هشام مبارك للقانون كل همه هو الدفاع عن اصحاب الحقوق والحريات ومساندة العمال وارتباطه الكبير بهم والدفاع عنهم في مواجهة غدر أصحاب العمل، الى كرسي رئيس الجمهورية يسير .. انه المحامي خالد علي المرشح لرئاسة الجمهورية ومدير المركز المصري للحقوق الاقتصادية والاجتماعيه .. اهلا بيك معانا في جديد
