برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 19 ابريل 2012 من قناة ONTV يوتيوب كاملة
إحتشاد المتظاهرين ليلة جمعة تقرير المصير
السلام والتحية على حضراتكم وأهلا بيكم بدء الإحتشاد وتوافد المئات على ميدان التحرير للمشاركة في المليونية المقرر ليها بكرة تحت شعار "جمعة تقرير المصير" واللى أعلن فيها كافة القوى والأحزاب والتيارات السياسية والأئتلافات الثورية عن مشاركتهم للماطلبة بعدد من أهداف الثورة، على رأسها منع ترشح رموز النظام السابق لرئاسة الجمهورية والإفراج عن المعتقلين السياسيين، ومنع محاكمة المدنيين أمام القضاء العسكرى،و تعديل المادة 28 من الإعلان الدستورى، واللي بتحصن قرارات اللجنة الرئاسية العليا للانتخابات، والتوافق حول الجمعية التأسيسية للدستور... طبعا زي ما حضراتكوا عارفين حالة الإحتشاد دي جت بعد تلميحات من المجلس العسكري بتأجيل الإنتخابات الرئاسية في حالة عدم الإنتهاء من كتابة الدستور ، كمان من أسباب الإحتشاد استبعاد بعض المرشحين زي المهندس خيرت الشاطر والشيخ حازم صلاح أبو إسماعيل من الإنتخابات الرئاسية
وزارة الصحة وتأمين متظاهرين تقرير المصير
ياترى ترتيبات وازرة الصحة لتأمين المتظاهرين غدا حتكون عاملة ااازي , معنا الدكتور هشام شيحة مساعد وزير الصحة
الجبهة الوطنية تدعو لمليونية تقرير المصير
من ناحية تانية النهادرة عقد 15 حزب سياسي مؤتمر صحفي بمقر حزب الوفد للتأكيد على ضرورة تسليم السلطة فى موعدها يوم 30 يونيو،ورفض أى محاولة للالتفاف على حكم القضاء الإدارى ببطلان التأسيسية وتشكيلها من جديد، ورفض سيطرة أى تيار على اللجنة التأسيسية.
العسكري يحيل قانون العزل للدستورية
النهاردة كمان المجلس الأعلى للقوات المسلحة انهى حالة الجدل السياسى والقانونى حول التعديلات اللي أقرها مجلس الشعب على قانون مباشرة الحقوق السياسية المعروف بقانون العزل السياسي ،وقرر إحالته للمحكمة الدستورية العليا للفصل فى مدى دستوريته,وحسب نص المادة 39 من الإعلان الدستورى، فالمفروض ان المحكمة الدستورية حتفصل فيه خلال 15 يوم فقط وفى حال أقرته المحكمة القانون حيمنع بعض مرشحى الرئاسة من السباق، وعلى رأسهم الفريق أحمد شفيق..
١٣ مرشح في سباق الرئاسة ٢٠١٢
أما فيما يتعلق بالإنتخابات الرئاسية فزي ما حضرتاكوا عارفين انه بعد ما تم استبعاد 10 مرشحين من سباق الرئاسة أصبح يتنافس على مقعد رئيس الجمهورية الرئيس المنتخب بعد الثورة 13 مرشح فقط و احنا كالعادة حنسيبكو مع التقرير وبعدها حنطلع فاصل ونرجع نعرف ازاي بيتم التجهيز للشعارات اللي بتتقال للمليونيات وهل كل مليونية ليها شعارها وحجات كتيرة حنعرفها عن الهتيفة بعد التقرير وبعد الفاصل.
الهتيفة .. صوت الميدان الحي الحر
قصاد سيل القنابل المسيلة وقوة العصا الأمنية مكنش قدام المصريين والثوار إلا "سلاح الشعارات " و "اللافتات" اللى واجهوا بيه نظام "مبارك" .. خرجوا ُعزل مش معاهم حاجة غير ورق مكتوب عليه شعارات ... اتصابوا واستشهدوا لكن عزيمتهم مماتتش فأسقطوا "مبارك".. فرددوا "أرفع رأسك فوق أنت مصري".
ضيفنا الناشط محمد عواد منسق حركة شباب من اجل العدالة والحرية "هنغيير"
شعارات المظاهرات - أحمد فؤاد نجم
ده كان كلام شباب من شباب الثورة عن الهتافات وحكايتها .. لكن عمنا احمد فؤاد نجم اكيد عنده كلام كتير عن الشعارات بتاعة المظاهرات حنسمعها مع بعض وشكرا يا محمد على وجودك معانا ولسه مكملين من جديد وحيبقى معانا عندليب الثورة بس بعد ما نشوف كلام عمان احمد فؤاد نجم
عندليب الميدان .. المطرب مرجان في من جديد
اتعودنا مع حضرتكوا يكون معانا يوم الخميس فقرة فنية .. وفقرتنا الاسبوع دة هتكون فقرة فنية لها طعم ثوري بما اننا مقبلين بقا على مليونيات واعتصامات بالميدان ..
ضيفنا النهاردة هو احد المواهب اللى اكتشفها ميدان التحرير ايام الثورة .. ضيفنا هو فنان شاب بيلقبه الثوار بعندليب الميدان او مطرب الميدان وده لانه صوت مميز .. ضيفنا هو الفنان مؤمن عبد الله خميس الشهير بمرجان .. اهلا بيك معانا في من جديد ..
