برنامج مانشيت
تقديم جابر القرموطى
و الذى يذاع على قناة ONTV
يأتيكم من الأحد للخميس في الساعة 7:10 مساءا
هو برنامج يومي يقوم بجولة حول الصحافة اليومية ويستعرض عناوين الأخبار. يستضيف مذيع البرنامج الصحفي جابر الأرموطي زملاؤه في الميدان الصحفي و الاعلامي ليعلقو على الأخبار و يدلو بارائهم . ويستضيف أيضا شخصيات من أعلام المجتمع من مفكرين وكتاب, رجال أعمال و وزراء, مثقفين و خبراء.
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة.
و لنبدأ
برنامج مانشيت مع الاعلامى جابر القرموطى على قناة ONTV حلقة الثلاثاء 27 مارس 2012 يوتيوب كاملة
مانشيت: الصحافة المصرية النهاردة 27/03/2012
قراءة في الصحافة المصرية المطبوعة والإلكترونية مع جابر القرموطي
الإقتصاد المصري بعيون المجلس الأعلى للقوات المسلحة
حضرت ندوة اليوم كواحد من الصحفيين تمت من قبل المجلس الأعلى للقوات المسلحة التي كان الجزء الكبير فيها عن الإقتصاد المصري وسوف أطرح عليكم بعض ما جاء بهذة الندوة
مانشيت: مصر لسه بخير..قصة فتاة من الأمية الي الليسانس
مصر لسه بخير..قصة فتاة من الأمية الي الليسانس ومقال رائع للكاتبة نادين حمامه في الاهرام
مانشيت: هاصت وباخت وزاطت .. أ. رشاد كامل
رشاد كامل بيقول فى مجلة صباح الخير انهرده "هاصت وباخت وزاطت واختلط الحابل بالنابل والساخ بالبارد والماسخ بالبايخ والاسود بالابيض والتحليل بالتحرير !!..اتحداك ان تفهم شيئا مما يحدث حولك هنا او هناك..لقد تاهت كل الحدود والفواصل بين الجد والعبث،بين الطويل والقصير،بين الحريه وبين الفوضى..مبقاش فى فرق بين رئيس التحرير ورئيس العتبه ولا رئيس المجلس المحلى او رئيس الجمهوريه..
مانشيت: صياغة الدستور والخطر المحظور
مقال للكاتب عواد سالم في الجمهورية بعنوان صياغة الدستور والخطر المحظور
الحزب الوطني الديموقراطي للحرية والعدالة .. أحمد رجب
كان الحزب الوطني الديمقراطي ليس له من الديمقراطية إلا اسمه، وكان نموذجا مكتملا لاستبداد الأغلبية المزيفة لهذا الحزب، وكان التعيين في المجلسين ليس اختيارا بل انتقاء وهوي، وكان أي إجراء تأتي به المعارضة: خليهم يتسلوا، وكانت حرية الرأي عندهم دعهم يقولون ما يشاءون ودعنا نفعل ما نريد.
أهلا بالحزب الوطني الديمقراطي للحرية والعدالة
مانشيت: دعوى ضد المجلس العسكري أمام الجنائية الدولية
إحنا معانا على الهاتف .. أ/ أيمان الجبالي .. من قامت بالدعوى ضد المجلس العسكري أمام الجنائية الدولية - النرويج
مانشيت - خضر الشريف: طبيب التحرير في مستشفى المجانين
مقال للكاتب محمد خضر الشريف في جريدة المصريون يتكلم عن قضية في منتهى الخطورة
مانشيت: ميزان العدالة بين الشاطر والشاذلي
محتاجين حسم ومصطفى عبيد بيقول فى الوفد عن سعد الشاذلى رئيس الاركان الاسبق انه اتنسي وهوا بطل عسكرى وانه اتلفق ليه تهمة افشاء الاسرار بكتابة مذكراته عن الحرب وانه اتحكم عليه 3 سنين على الرغم انه عاش فى منفاه 13 سنه قبل ما يرجع للمطار ويتحط فى السجن الحربي ..بيقول عبيد انه كان الاولى للمشير طنطاوى انه يعيد للرجل ده كرامته وانه يرفع عنه الظلم ويسقط حكم المحكمه العسكريه الجائر استنادا لاحكام مدنيه حصل عليها الشاذلى واكدت براءته..وبمناسبة الكلام عن الشاذلى فبيقول عبيد انه سعيد عن اسقاط الحكم الظالم على المهندس خيرت الشاطر انه مع اى توجه لرفع الظلم ورد اعتبار مظاليم الطغيان المباركى واننا لازم نرجع حقوق كثير ممكن يكونوا خارج خريطه لعبة السياسه الانيه ومعاهمش صفقات مع حد ولا اتفاقات بعينها..
مانشيت: حرب الشوارع على المحور
محتاجين حسم و حنان خواسك بتحكى قصتها مع البلطجه فى الشارع وبتقول عن الحادث اللى حصلها وهى فى طريقها للمحور وقفها متسولين لكن للحظه اتحولت لكارثه انه شاب واقف كل كام متر كده بيكسر ازاز العربيات بزلطه كبيره ويلحق يسرق اى حاجه فى شنطة صاحب العربيه ..بتقول خواسك انا مصدقتش اللى وصل له امن مصر وبعد ما راحت عملت محضر وبتسترجع الشريط قصادها ملقتش غير التفسير ده وهوا انه ليلتها كانت القوات المسلحه والشرطه قاموا بضبطيات تهريب سلاح ومخدرات غير مسبوقه او متوقعه وتم ضبط مليون حبة ترامادول مخدر كان بيتوزع على اطفال الشوارع بحيث يتم توجيههم لتخريب واحراق واتلاف مايمكن اتلافه و بعد ما وصلت لقسم الشرطه كان فى حالات متكرره وان المشكله بتتكرر بكثافه فى نفس المكان ده غير اطلاق الرصاص اللى كان قريب من نقطة تفتيش المحور والدائرى ..وان فى رساله يتم ارسالها للمؤسسات العسكريه ان ثوار عمر عفيفى الضابط الهارب خارج البلاد بيشيعوا حالة رعب بين المواطنين ضمن ممارسات حرب الشوارع والعصابات ..بتوجه خواسك رساله لعمر عفيفى عبر صفحات الفيس بوك انه الشعب المصرى بيكرهه وان مصر مش هتسقط ابدا وبتطالب السيد وزير الداخليه باعادة النظر فى فئه امناء الشرطه وفرض رقابة صارمه على اداء عملهم ..
مانشيت: التجربة الأمريكية... محدش بيستقبل المصريين
محتاجين حسم و عزه احمد هيكل فى الوفد بتحكى عن تجربتها الامريكيه وبتقول انها كانت بتمثل وفد يعثه مصر الرسميه فى مؤتمر المرأه العالمى اللى مابيتبعش زوجة الرئيس المخلوع وبتقول ان مسؤولى بعثة مصر الدائمه فى نيويورك تعاملوا معاها بصفتها كائن ادنى درجه واقل مكانه من ان يعامل ملوك وملكات الماضى وحاشيتهم ولذلك فهم لا يعترفوا الا بالسلطه وليس بالدوله ده غير ان مفهوم الخارجيه المصريه بيبص للمصرى خارج وطنه على انه عبء ومشكله تعوق الدبلوماسيه المصريه ..شايفه عزه ان الثوره الحقيقيه مازالت بحاجه لدعم عقول وقلوب ايادى مصريه مؤمنه بأن التغيير الحقيقى ينبع من الداخل وان تأشيرة الجنه كاذبه وان الحلم الامريكى حلم العمل والذاتيه والتعالى وان الكلام والشعرات مش هتؤدى بينا غير بالفقر والجهل وان الحل الوحيد هو التعليم والعمل لانه لو ماتمش محو امية نساء مصر فى خل 5 سنين فمصر مش هتنهض سواء اقتصاديا او سياسيا او اجتماعيا
مانشيت: ماذا نحن فاعلون ... الجياع قادمون
محتاجين حسم ..بيتساءل هشام فهيم فى الاهرام عن احقية الشعب فى الطعام قبل اى شىء فى بلدنا وبوجه سؤاله لمنظمات المجتمع المدنى وحقوق الانسان اللى انشغلت بقضايا اخرى مثل التمويل الاجنبى وشايف ان الحكومة هى كمان انشغلت بالسولار والبنزين والبوتاجاز واضرابات السواقين والمؤقتين ..وشايف ان هشام فهيم ان الجوع قضية اهم بكتير من كل القضايا دى واللى بتهدد المجتمع المصرى وبحملنا كمواطنين ومجتمع مدنى وحزب الكنبة المسئولية وبطالبنا بالتحرك لحل المشكلة وبيتسائل ليه الجميع ساكتين ليه نجوم الفن ولاعبي الكره ورجال اعمال ونجوم الفضائيات وساكنى القصور واصحاب المصانع وبيطالبهم كلهم بانهم مايستنوش رمضان عشان يقيموا موائد الرحمن وانهم لازم يتحركوا من دلةوقتى ويطلعوا زكاتهم وصدقاتهم وبيحذر الجميع من ان الجوع كافر وانا لجياع قادم
مانشيت: أزمات الإخوان والعسكري واللجنة التأسيسية
الأوضاع السياسية الراهنة .. أزمة الإخوان والعسكري وتشكيل اللجنة التأسيسية للدستور .. أ. فاطمة سيد أحمد الكاتبة الصحفية فى روزاليوسف و دكتورة زينب أبو المجد أستاذ العلوم السياسية بالجامعة الأمريكية ضيف جابر القرموطي في مانشيت
