برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاثنين 27 فبراير 2012 يوتيوب كاملة
بلدنا بالمصري: تعديل مادتين من قانون انتخابات الرئاسة
يسعد مساكم وحلقة جديدة من بلدنا بالمصري.. هنبدأها بآخر أخبار بلدنا وهنختمها ب"فتح عينك.. الدين اللي فات والدين اللي جاي من جيبك"!!!
آخر أخبار بلدنا هنبدأها من تحت قبة البرلمان، اللي وافق النهاردة من حيث المبدأ على تعديل مادتين من مواد قانون انتخابات الرئاسة، تحديداً المواد 30 و38.. أما المادة 28 من الاعلان الدستوري فباقية على ما هي عليه وممنوع الاقتراب أو اللمس على الأقل لحين اشعار آخر
بلدنا بالمصري - عصام سلطان: الناس ليها حق تخاف
معنا على الهاتف النائب أ/ عصام سلطان للتعقيب عن جدوى التعديلات في إنتخابات الرئاسة
بلدنا بالمصري: البرلمان يرفض محاسبة مصطفى بكري
لسة تحت قبة البرلمان، اللي رفض بنفس الأغلبية الطلب اللي قدمه 32 نائب لإحالة النائب مصطفى بكري لهيئة مكتب المجلس للتحقيق معاه في تصريحاته تحت قبة البرلمان، اللي وصف فيها الدكتور محمد البرادعي بأنه "عميل"، حسب نص طلب النواب اللي طالبوا بمحاسبة النائب مصطفى بكري بالمثل زيه زي النائب زياد العليمي"، المحال لنفس اللجنة بسبب تصريحاته عن المشير مش تحت قبة البرلمان.
بلدنا بالمصري: الداخلية تطلب مهلة لإعادة الهيكلة
موضوع اعادة هيكلة وزارة الداخلية، ريقنا نشف احنا وغيرنا نطالب بيه من أول لحظة.. وسائل اعلام ومنظمات حقوقية ومتخصصين وظباط وأمناء شرطة ومبادرات شعبية، كل دول بقى لهم سنة بيهاتوا ولا حياة لمن تنادي بحجة انه عيب ما تقولوش كدة، الداخلية بخير غيرش بس ان نفسيتهم تعبانة وخاطرهم مكسور والصبر جميل.. او بحجة انه مش وقته والأمن بعافية لما يشد بس حيله_مع ان اعادة الهيكلة اول خطوة عشان المن يشد حيله_ ومرة بحجة "عايزين ايه اكتر من كدة ديه الداخلية عملت اكبر عملية تطهير في تاريخها وطلعت في الاخر عملية قص ولزق وتباديل وتوافيق وكان الله بالسر عليم.. لحد ما الوزارة نفسها أعلنت اخيراً والحمد لله عن خطة لاعادة الهيكلة لسة ما حدش عارف لها ملامح.. الخطة ديه اللي ما كانش ليها لا حس ولا خبر في بيان الحكومة اللي اكد ان الأمن أولوية قصوى، كانت الموضوع الرئيسي النهاردة قدام لجنة الدفاع والأمن القومي في مجلس الشعب.. وزارة الداخلية طلبت مهلة لاعادة الهيكلة ولجنة الدفاع والأمن القومي وعدت بانها مش هتفرض الهيكلة ولا هتتدخل في عمل الوزير لكن هتستنى النتايج (انشاءالله وعلينا خير)
بلدنا بالمصري: لا صحة لتهريب الضباط المخطوفين بالعريش
نفى اللواء أحمد حلمى عزب، مدير مباحث وزارة الداخلية، ما تردد عن تهريب 3 ضباط الشرطة من المختطفين فى العريش إلى جهة غير معلومة خارج مصر، مشيراً إلى أن هناك مفاوضات لا تنقطع تجرى مع الخاطفين لإعادة الضباط.
جاء ذلك خلال اجتماع لجنة الدفاع والأمن القومى بمجلس الشعب، اليوم الاثنين، لمناقشة عدد من طلبات الإحاطة حول الانفلات الأمنى
بلدنا: البراءة لضباط قسم السيدة والنائب العام يطعن
البراءة لضباط قسم السيدة والنائب العام يطعن هو ده اللي حصل في المحكمة النهاردة و لتفاصيل أكثر أحنا معانا على الهاتف أ/ أحمد شلبي رئيس قسم الحوادث بالمصري اليوم
بلدنا: محكمة الجنح تحكم بالغرامة على اللواء كاطو
لمزيد من التفاصيل على حكم محكمة الجنح تحكم بالغرامة ضد اللواء عبد المنعم كاطو إحنا معانا على الهاتف أ/ جمال عيد رئيس الشبكة العربية لمعلومات حقوق الإنسان
بلدنا بالمصري: مجلس الشعب وتنظيم حق التظاهر
أما الاجتماع المشترك للجنة التشريعية ولجنة حقوق الانسان، فكان بيناقش مجموعة من القوانين المقدمة من عدد من النواب حوالين تنظيم حق التظاهر.. وانقسمت الآراء ما بين ضرورة اصدار النوع دة من التشريعات لمواجهة حالة الانفلات اللي بيعانى منها الشارع المصري وما بين ان مشروعات القوانين المتقدمة هي مجرد محاولة لتبرير عجز الداخلية غير انها بتشتمل على قنابل لاعاقة حق التظاهر وبترجعنا لعهود اسوأ من النظام السابق.
بلدنا بالمصري: تظاهر أصحاب منافذ العيش المدعم
على ذكر المظاهرات السلمية، الموصوفة في قول آخر بال"فئوية" على اساس انها السبب في العطلة ووقف الحال، مع انها في الأصل مظاهرات مكفولة بالقانون لمواطنين حاسين ان حقهم ضايع وبيطالبوا بيه لحد ما بلاقلهم صاحب... آخرهم النهاردة، أصحاب منافذ العيش المدعم، اللي راحوا يشتكوا للشعب في ميدان التحرير من مجلس الشعب اللي وصفهم بالحرامية واتهمهم بانهم ورا أزمة رغيف العيش
بلدنا بالمصري: ليه الأسلحة النارية في فض المظاهرات
وعلى ذكر المظاهرات السلمية، وتحديداً الي بتتفض بالقوة واحياناً بحكم القانون أو بحكم قرارات وزارية، فيه خمس منظمات حقوقية طالبت في مؤتمر صحفي في المركز المصري للحقوق الاقتصادة والاجتماعية، بمنع استعمال الأسلحة النارية في فض المظاهرات، بمناسبة نظر الجلسة التانية في قضية إلغاء استخدام الأسلحة النارية في فض المظاهرات، يوم الأربع 28 فبراير، والمرفوعة قدام محكمة القضاء الإداري من الناشط مالك مصطفى.. مالك أصيب برصاص مطاطي في عينه اليمين يوم 19 نوفمبر 2011.
بلدنا بالمصري: المفقودين والمحكومين عسكرياً في الثورة
محصلة أول سنة ثورة في بلدنا، وبالذات في بند الخساير ما كانتش بس شهداء ومصابين من دم القلب ونور العين ولا كانت بس مفقودين لحد النهاردة لا نعرف عددهم ولا نعرف لهم طريق.. بند الخساير يشمل كمان عدد لا بأس بيه ابداً يقدر بالالافات من المدنيين قضوا وقت طويل من سنتهم اللي فاتت في السجون وفيه منهم اللي لسة هناك ورايح في حديد من بعد محاكمات عسكرية، اترفعت في وشها "كلمة لا" ما دامت لمدنيين، من سنة بالتمام الكمال وتحديداً من بعد أول اعتصام تم فضه بالقوة بعد الثورة وبعد 15 يوم بالظبط من التنحي يوم 26 فبراير 2011 لما كان "الرصيد لدينا يسمح".
بلدنا بالمصري: خالد علي يعلن ترشحه لانتخابات الرئاسة
لسة في نقابة الصحفيين، اللي كانت شاهدة النهاردة على اعلان ترشح أول مرشح محتمل لانتخابات الرئاسة عنده يا دوب 40 سنة.
بلدنا بالمصري: الإعتداء على حملة عمرو موسى بالشرقية
خبر منتشر بشكل كبير على الإنترنت عن الإعتداء على حملة عمرو موسى بالشرقية و عن إصابة عدد من القائمين عن الحملة الإنتخابية له
بلدنا بالمصري: وقف الحال في وكالة البلح
يمكن الكلام عن عجلة الانتاج والعطلة ووقف الحال معظمه من باب الحق اللي بيراد بيه باطل، لكن دة ما يمنعش ان فيه ناس حالها واقف وبتتحايل على المعايش بالضالين.. ولنا في وكالة البلح عينة بينة
بلدنا بالمصري: محاولة الاعتداء على عمرو موسى بالشوم
إحنا معانا على الهاتف د / أحمد صلاح المنسق الإعلامي لحملة عمرو موسى لينفل لنا تطورات الوضع و حالة عمرو موسى المرشح المحتمل للرئاسة
بلدنا بالمصري: وفاة الدكتور ثروة عكاشة
بنعزي مصر كلها على وفاة الدكتور ثروة عكاشة الرجل المليء بالأنجازات في أي منصب سواء وزاري أو ميداني
بلدنا بالمصري : الدورة ١٧ لسمبوزيوم أسوان الدولي للنحت
وقبل الفاصل، هنروح مشوار لحد اسوان نطل طلة على الدورة ال17 لسمبوزيوم أسوان الدولي لفن النحت.
بلدنا بالمصري: فتح عينك.. الدين من جيبك
قالوها زمان في الأمثال: "السلف تلف والرد خسارة".. وعلى ما يبدو كدة ان حالتنا ماشية على رأي المثل بحذافيره على الأقل لحد دلوقتي.. وبالتالي فالأسئلة اللي هنحاول نجاوب عليها واحنا على وشك نستلف اكتر من 3 مليار جنيه من صندوق النقد الدولي لسد عجز الموازنة.. أولاً: هل دايماً السلف تلف والرد خسارة ولا مش بالضرورة؟! ثانياً: انه حتى لو، يبقى ايه العمل لو ما عندناش صرفة غير السلف؟! ثالثاً: لو ما باليد حيلة ولازم نستلف يبقى ايه العمل عشان السلف والرد ما يقفوش علينا بخسارة أو على الأقل بأقل قدر ممكن من الخسارة؟!!! أسئلة هنستعين عليها بضيوفنا:
د. سامر عطا الله: عضو الحملة الشعبية لإسقاط ديون مصر
الدكتور/ سلطان أبو علي: وزير الاقتصاد الأسبق
بما اننا بنتكلم عن الاقتراض من صندوق النقد الدولي واحنا في عز المرحلة الانتقالية اللي المفروض أو يعني المأمول انها هتنقلنا من عصر الديكتاتورية لعصر الحرية، مافيش مانع ابداً نستفيد من تحذيرات الجيران اللي شبهنا ومن تجارب الناس اللي سبقونا حتى ولو في آخر الدنيا.. «الديونقراطية» دة اسم فيلم تسجيلى يوناني عن الأزمة المالية فى اليونان وقضية الديون، اللي يخلق من شبهها اربعين في العالم كله.. خلاصة الفيلم ان: الشعوب وهى بتسعى للحرية ممكن تقع في فخ الانتقال من الدكتاتورية للديونقراطية: أو سيطرة الديون الخارجية والداخلية على مقدرات السياسة، اللي هي حالة أخطر على الحرية وعلى حلم حكم الشعب من أجدعها نظام ديكتاتوري مستبد.. خلونا نشوف جزء من الفيلم ولما نرجع نشوف احنا فين واليونقراطية ديه فين واحنا اصلاً مش ناقصين
لكن على ما يبدو ان تجربة الاكوادور نموذج ناجح للبلاد اللي زي حالاتنا.. بدليل ان انتم بتنصحوا بيه واليونانيين بينصحوا بيه نفسهم.. فخلونا نطل طلة على الملامح الرئيسية لنموذج الاكوادور في فحص ومراجعة ديونها
