نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاثنين 21 يناير 2013 من قناة ONTV يوتيوب كاملة
من جديد: إختفاء 11 مليون دولار خاصة بالسكة الحديد
السلام والتحية على حضراتكو واهلا بيكو معانا ... في الوقت اللي كل شوية نقوم ونصحى على خبر بانقلاب قطار او اصطدام قطار بعربية أو بأتوبيس بسبب المزلقانات واخرها طبعا حادث قطار اسيوط وقطار البدرشين وارض اللواء واللي راح ضحيتهم المئات سواء قتلى او مصابين ... نفاجىء بتصريح لوزير النقل الدكتور حاتم عبد اللطيف بيقول بعلن فيه عن اختفاء 11 مليون دولار كانت مخصصة لشراء اجهزة جديدة لتدريب العاملين بالسكة الجديد ... ياترى الـ11 مليون دولار دول راحوا فين ... خصوصا في الوقت اللي كل شوية نسمع عن بنية تحتية مدمرة وتحتاج لميزانية جديدة لإصلاحها .. معانا خير راغب الصحفي بجريدة المصري اليوم .
من جديد: الأحزاب المدنية تناقش قانون الانتخابات
نروح لأخبار الإنتخابات واستعداد الأحزاب لخوضها والنهاردة بدا عدد من رؤساء الحزاب اجتماعهم بأحد الفنادي الكبرى للتشاور حولين قانون الإنتخابات والإنتخابات البرلمانية المقبلة ... دا كان الإجتماع اللي اللدكتور أيمن نور زعيم حزب غد الثورة اعلن عن انعقاده لما كان معانا في حلقتنا يوم الخميس اللي فات .. هذه الأحزاب توصلت لأية .. تعالوا نشوف التقرير اللي جاي .
من جديد: القبض على معتصمي حملة الماجستير والدكتوراه
النهاردة قوات الأمن فضت بالقوة اعتصام حملة الماجستير والدكتوراه المعتصمين امام منزل الكتور هشام قنديل رئيس مجلس الوزراء والللي بيطالبوا بتعينهم ... كمان قوات الأمن قبضت على عدد من المعتصمين وتم احالتهم للنيابة العامة لتولي التحقيق ... ياترى اية اللي حصل وهما فين دلوقتي ..
من جديد: حبس متهمي إقتحام محكمة الأسكندرية
اما في الإسكندرية واللي بتشهد احداث عنف منذ عدة ايام بين قوات الأمن والمتظاهرين امام محكمة الإسكندرية .. فالمشهد مختلفش كتير والنهاردة ايضا النيابة العامة امرت بحبس عدد من المتهمين باقتحام المحكمة واشعال النيران فيها وعددهم 9 وسرعة ضبطة واحضار اخرين ... كمان بتواصل التحقيقات مع اكتر من 30 متهم أخر ... زي ما حضراتكو عارفين احداث العنف بدأت انثاء نظر قضية قتل المتظاهرين في الإسكندرية واللي المحكمة قررت فيها التنحي بسبب الهجوم عليها ... تفاصيل اكتر معانا مراسلنا وائل ثابت .
من جديد: الأسكندرية .. سيناريو من العنف والإضطرابات
اما في الإسكندرية واللي بتشهد احداث عنف منذ عدة ايام بين قوات الأمن والمتظاهرين امام محكمة الإسكندرية .. فالمشهد مختلفش كتير والنهاردة ايضا النيابة العامة امرت بحبس عدد من المتهمين باقتحام المحكمة واشعال النيران فيها وعددهم 9 وسرعة ضبطة واحضار اخرين ... كمان بتواصل التحقيقات مع اكتر من 30 متهم أخر ... زي ما حضراتكو عارفين احداث العنف بدأت انثاء نظر قضية قتل المتظاهرين في الإسكندرية واللي المحكمة قررت فيها التنحي بسبب الهجوم عليها
من جديد: الحكم ببطلان خصخصة شركة غزل شبين الكوم
النهاردة المحكمة الإدارية العليا بمجلس الدولة أصدرت حكم نهائي ببطلان خصخصة شركة غزل شبين الكوم وأمرت بأعادة الشركة للدولة .. المحكمة أكدت على ان عملية البيع شابهها العديد من اوجه البطلان والفساد واهدار المال العام .. تفاصيل اكتر عن الحكم ..واية الخطوات اللي جاية ... يارترى الحكومة هترجع الشركة ولا هتحاول تلتفت على هذا الحكم ... لأن الحكومة كانت طعنت على الحكم دا في محكمة اول درجة ومكنتش عاوزة الشركة ترجع للدولة ... لكن النهاردة المحكمة رفضت هذه الطعون واصدرت حكمها النهائي
من جديد: مؤتمر العام الثانى من الثورة
من ناحية تانية دار الخدمات النقابية والعمالية عقدت النهاردة مؤتمر صحفي تحت عنوان "العام الثانى من الثورة.. تقرير انتهاكات الحريات النقابية" اعلنوا فيه عن اهم القضايا العمالية اللي جرت خلال السنتين اللي فاتوا واتكلموا ايضا عن موقف العمال واعضاء النقابات العامة من الإنتخابات البرلمانية المقبلة وفعاليات احياء الذكرى الثانية للثورة المصرية .. تعالوا نشوف التقرير وبعد التقرير فاصل
من جديد: القوات المسلحة تلتقي بأهالي شهداء الثورة
مع قرب الذكرى التانية للثورة بتعقد القوات المسلحة لقاءات مع أهالي الشهدا يتذكروا فيها أيام الثورة الـ18 وازاي كل اهل شهيد عرفوا بخبر استشهاده وكمان دور الجيش في حماية الثورة، احنا حنسيب حضراتكوا مع التقرير وبعدها فاصل وبعد الفاصل نرجع برضوة والاستعدادات للعيد الثاني للثورة لكن من ناحية القوى السياسية والثورية
ﺃﺯﻣﺔ ﺑﻨﻮﻙ ﺍﻟﺪﻡ ﻭﺣﻤﻠﺔ ﻤﻘﺎﻭﻣﺔ ﻓﻴﺮﻭﺱ ﺳﻲ
من جديد أهلا بحضراتكو .. نبعد عن السياسية ووجع الدماغ ونشوف أحوال وصحة المصريين .. عشان فى أنباء كويسه عن حملات "مصر خالية من فيروس س" وفى أنباء سيئة عن أن 80% من بنوك الدم غير مؤهلة لتخزين الدم.. ده اللى هنعرفه من ضيفنا إنهارده الدكتور صلاح شادي رئيس قطاع الصحة بمؤسسة مصر الخير.. أهلاً وسهلاً بيك يا دكتور..
من جديد: ﺩﻋﻮﺍﺕ ﺍﻟﺘﻈﺎﻫﺮ ﻓﻰ ﺬﻛﺮﻱ اﻠﺜﻮﺭﺓ
من جديد أهلا بحضراتكو .. الجمعة الجاية إن شاء الله هتحل الذكري التانية للثورة.. نفس الأجواء اللى مرت بيها مصر قبل 25 يناير من سوء الأحوال الاقتصادية واعتصامات وإضرابات هنا وهناك، وحالة إحباط عام إن البلد مش عايزة تتعدل .. بس المرة دى اللى نازلين شايفين إن ولا كأن فى ثورة قامت.. نظام الحكم ماتغيرش كتير.. المطالب اللى خرجوا عشانها من سنتين ماتحققش منها حاجة.. وزاد عليها حالة غريبة من الحوادث فى جميع محافظات مصر.. حوادث مش طبيعية .. "فى نحس فى البلد".. من ناحية تانية رئيس الوزراء بيهدد بإنه هيضرب بيد من حديد الخروج عن سلمية المظاهرات.. وهو حد كان قال إنه خارج بشكل غير سلمي؟ تصريحات رئيس الوزراء بتقول إن عنده معلومات أو بيخوف الناس! بس بيخوفهم من إيه ؟ ولا بيخوفهم عشان ماينزلوش ليحصلهم حادث قطار فى ميدان التحرير مثلاً.. ولا يقع عليهم البرج ! ما هى كل حاجة فى البلد دلوقتي بتودي على الأخرة.. ما علينا .. أما نشوف إيه اللى اتحقق وإيه اللى متحقق. واللي نازلين نازلين ليه من ضيوفنا إنهارده الناشط السياسي أحمد دومة مؤسس حركة شباب اتحاد الثورات العربية .. والدكتور تقادم الخطيب عضو لجنة تقصي الحقائق والقيادي بالجمعية الوطنية للتغيير .. أهلاً وسهلاً بيكو..
