برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الثلاثاء 27 نوفمبر 2012 من قناة ONTV يوتيوب كاملة
ONTube: توافد المتظاهرين لميدان التحرير
اول فيديو معانا النهاردة من ميدان التحرير .. وبنشوف فيه لقطات مختلفة من الميدان .. اثناء احتشاد الاف المصريين .. ضمن فعاليات مليونية "للثورة شعب يحميها."
طبعا ناس كتير تابعت المشهد أمس .. إنما لمن كان في الميدان .. أو أي شخص ماكانش عنده فرصة يتابع تظاهرات أمس .. فإليكم الفيديو التالي .. اللي بيظهر فيه ابناء الشعب المصري ممن اعلنوا رفضهم للاعلان االدستوري الأخير .. وتواجدهم بكثافة في الميدان .. وهم بيحملوا اعلام مصر .. ولافتات منددة بقرارات الرئيس مرسي .. واعلانه الدستوري .. و ما جاء فيه من بنود.
و للعلم .. كان فيه مسيرات عديدة تحركات أمس إلى قلب ميدان التحرير من ميدان عبد المنعم رياض .. و من أمام دار الأوبرا المصرية .. ومن مسجد العباسى .. ومن أمام دار القضاء العالي .. وميدان طلعت حرب .. و جامع مصطفى محمود .. و دوران شبرا و الزمالك .. و غيرهم .. ضمت جميعا أعضاء ورؤساء أحزاب سياسية عديدة و فنانين وكتاب وقضاه و صحفيين و عمال و ممثلي النقابات العملية المستقلة .. ومواطنين مصريين ليس لهم انتماءات.
ONTube: إشتباكات سيمون بوليفار
ومازلنا في مصر وفي محيط ميدان التحرير .. لكن نروح لشارع سيمون بوليفار القريب من الجامعة الأمريكية .. حيث تزايدت حدة الاشتباكات بين قوات الأمن والمتظاهرين .. اللي قام العشرات منهم برشق قوات الأمن بالحجارة .. بينما رد الأمن عليهم بإلقاء القنابل المسيلة للدموع .. فيما اشتعلت النيران في إحدى سيارات الامن المركزي .. اللي كان في عدد منها متواجد في هذا الشارع .. من أجل محاولة إجبار المتظاهرين على التراجع إلى ميدان التحرير. وقد ارتفع عدد المصابين في مظاهرات أمس فقط .. بالقاهرة والمحافظات .. إلى 116 مصاب، وحالة وفاة واحدة .. وده وفقاً لما أعلنته وزارة الصحة.
الفيديو التالي بنشوف فيه لقطات من شارع سيمون بوليفار اثناء وقوع الاشتباكات بين الجانبين.
ONTube: رسالة إلى الإخوان
من شارع سيمون بوليفار .. نروح لمقر نقابة المحامين. وفيديو لاعضاء النقابة اثناء هتافاتهم ضد الرئيس محمد مرسي .. اعتراضا على الإعلان الدستوري الأخير. ووصل سقف هتافاتهم الي حد المطالبة برحيله.
و قد دعا نقيب المحامين سامح عاشور .. جموع المحامين إلى المشاركة فى المسيرة الحاشدة .. اللى خرج خلالها المحامون بالأرواب السوداء .. من أمام النقابة العامة للمحامين بشارع رمسيس متجهين إلى ميدان التحرير .. للمشاركة فى مليونية "للثورة شعب يحميها" .. اللى نظتمها القوى المدنية والوطنية والحركات الثورية .. من أجل مطالبة الرئيس مرسي بإلغاء الإعلان الدستورى اللى أصدره يوم الخميس الماضي .. 22 نوفمبر ٢٠١٢.
ONTube: إسقاط طائرة مروحية للأسد
من مصر نروح لسوريا. المقاتلون المعارضون للنظام السورى .. استخدموا امس وللمرة الأولى .. صاروخ مباشر أرض جو مضاد للطيران .. من أجل إسقاط مروحية عسكرية تابعة لقوات الأسد .. كانت بتشارك فى قصف إحدى مناطق ريف حلب .. بحسب ما ذكر المرصد السورى لحقوق الإنسان.
وقال مدير المرصد .. رامى عبد الرحمن .. ان الطائرة أصيبت بصاروخ أرض جو مباشر .. وهى المرة الأولى اللى تسقط فيها طائرة أسديه بمثل هذا السلاح .. منذ بدء النزاع فى سوريا من عشرين شهر .. بين قوات الأسد والمعارضين لنظامه.
الفيديو اللي حنعرضه لحضراتكم دلوقتي .. هو تصوير لهذه العملية .. اثناء قصف الطائرة ولحظة سقوطها.
ONTube: ثورة جنوب اليمن
الي اليمن .. حيث حراك شعب الجنوب المستمر إلى اليوم .. منذ أن بدأ عام ٢٠٠٧. حنشوف فيديو للمسيرة السلمية اللي انطلقت امس من ساحة الشهيد الجنوبي بمدينة التواهي في عدن. وكانت المسيرة جماهرية .. وجابت شوارع المدينة .. وكالعادة رفع خلالها المشاركون اعلام دولة الجنوب وصور الشهداء والمعتقلين الجنوبيين.
و اكد المشاركون .. ان لا حوار ولا تنازل عن هدفهم في التحرير والاستقلال .. وطالبوا المجتمع الدولي بان ينفذ قوانينه التي تؤيد حق الشعوب المحتلة في تقرير مصيرها.
وخلال المسيرة .. ردد المشاركون .. زي ماهتشوفوا في الفيديو .. شعارات بتطالب بإطلاق سراح المعتقلين الجنوبين .. وكذالك الشعارات اللي بتطالب بالتحرير والاستقلال واستعادة دولة الجنوب.
ONTube: جولة في أخبار تويتر وفيسبوك اليوم 28/11/2012
نروح لفادي سعد من وكالة أونا الإخبارية .. عشان نتابع معاها ردود فعل مستخدمي المواقع الإجتماعية على ما تشهده مصرهذه الأيام.
ONTube: حال مواطن مصري تعبان
الفيديو الأول .. اتصور في ميدان التحرير .. اللي بدأت فيه العديد من القوي السياسية اعتصام مفتوح .. حتى أن يتم إلغاء الاعلان الدستوري. وفي وسط الهتافات والمسيرات اللي كانت في الميدان إمبارح .. كان فيه مواطن مصري بسيط .. نزل الميدان عشان كان نفسه يفهم هو في إيه.
في ناس ممكن تشوف الفيديو كوميدي .. لكن في الحقيقة هو رسالة للنخبة أو لطبقة المثقفين .. زي ما هو قال عليهم .. إن البلد مش هتوصل للاحنا بنتمناه .. غير لما ننجح في إننا نوصل لكل مواطن مصري ونفهمه .. ازاي طلباته البسيطة مرتبطة بالحياه السياسية .. و إن مشاركته بتفرق كتير.
ONTube: كلنا الشهيد
الفيديو الأخير إللي معنا النهاردة أرسله لنا .. هيثم أبو أقرب. الفيديو من إنتاج مجموعة "هاندماد" وبيحمل عنوان "كلنا شهيد". وهو مش محتاج أي تعليق .. لأن مضمونه أقوى من أي تعليق. يكفي إني أستخدم منه الجملة الختامية اللي بتقول " يا شعب يللي دفع تمن الشوارع دم ....إحفظ أسامي إللي ماتوا في الشوارع صم."
الله يرحم شهدائنا.
هنسبكم مع الفيديو ونشوفكم بكرا وحلقة جديدة من أون تيوب ...
ONTube: نظرة المصريين المقيمين بالخارج للإعلان الدستوري
الثورة التي ابهرت العالم .. الجملة دي كانت متصدرة الصحف والاخبار الدولية .. أيام ال18 يوم اللي اسقطوا الرئيس السابق حسني مبارك. وساعتها الكل بقا بيقولك الباسبور المصري بقا بيترفع فخرا في مطارات العالم. وبعد أقل من سنتين .. نزل جموع الشعب المصري للشارع مرة تانية .. وتقريباً بنفس الهتاف اللي بيقول عيش وحرية .. ودة بعد حوالي خمس شهور من إنتخاب أول رئيس مدني في تاريخ مصر. نزلوا بعد ما اصدر الاعلان الدستوري الأخير .. اللي بسببه الدنيا قامت ولسة مقعدتش .. من دعاوي لاعتصام مفتوح .. واللي بالفعل شفنا خيم كتير منصوبة في ميدان التحرير .. لدعوات لعصيان مدني .. والي اخره من اليات الحراك الجماهيري.
في نفس الوقت أعلنت مجلة تايم الامريكية الشهيرة .. عن الشخصيات المرشحة للحصول على لقب شخصية العام في العالم .. وتم فتح باب التصويت الإلكتروني. بيتصدر المرشحون حتى الآن الرئيس المصري محمد مرسي .. وهو متصدر بأعلى عدد أصوات في الخانتين .. نعم ولا في نفس الوقت. وطبعاً دة غير كم الأخبار اللي اتكتب عن المسيرات المعارضة له .. اللي برضو كانت بتتابعها كل وسائل الإعلام الدولية.
محدش يقدر ينكر دور المصريين المقيمين بالخارج في السياسة المصرية. الدور إلي ظهر بقوة خلال ال18 يوم بتوع ثورة يناير .. من مسيرات دعم .. وخلق نوع من الزخم في الإعلام الغربي .. وفي أوقات كتير إرسال دعم من أدوية وبطاطين للمعتصمين في الميدان. وعشان عادةً إلي ايده في الميه مش زي إلي ايده في النار .. هيكون معنا من ألمانيا .. مؤمن جودة .. إلي بيحضر رساله الدكتوراه بتاعته في جامعة ماربورج بألمانيا .. عشان نعرف منه رأيه ورأي المصريين زمايله في الأحداث الراهنة.
ومينا نجيب الناشط المدون شكراً جزيلاً
