نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاثنين 9 يوليو 2012 يوتيوب كاملة
بلدنا بالمصري: الرئاسة ترد على بيان الدستورية
يسعد مساكم وحلقة جديدة من بلدنا بالمصري هنبدأها بكل تداعيات القرار الجمهوري الصادر امبارح بعودة مجلس الشعب، من اجراءات وتفسيرات وردود افعال..
أول هام ان رئاسة الجمهورية اصدرت بيان النهاردة ردا على البيان الصادر من المحكمة الدستورية العليا اللي اكدت فيه ان احكامها نهائية وغير قابلة للطعن وملزمة لجميع السلطات.. بيان رئاسة الجمهورية اكد على إن قرار عودة البرلمان هو حق أصيل من حقوق رئيس الدولة واختصاصاته وانه لا يتناقض مع حكم المحكمة الدستورية العليا.
خليل: مخالفة أحكام الدستورية العليا تحايل على الدستور
بيان رئاسة الجمهورية اكد على إن قرار عودة البرلمان هو حق أصيل من حقوق رئيس الدولة واختصاصاته وانه لا يتناقض مع حكم المحكمة الدستورية العليا. تفاصيل أكتر معانا .. أ/ عبدالله خليل - المحامي
بلدنا بالمصري: الطعون على قرار الرئيس بعودة البرلمان
تاني هام، ان المحكمة الدستورية وزي ما ورد في بيانها هتنظر بكرة في الطعون المقدمة ضد قرار رئيس الجمهورية من منظمات ومن محامين ومن مواطنين وحتى من نواب في البرلمان نفسه.. وديه مجرد عينة.
سليمان: هناك من يتمنى وجود صدام بين الرئيس والعسكري
حول بيان المجلس العسكري رداً على قرار الرئيس بعودة البرلمان .. معنا على الهاتف د. عادل سليمان - رئيس المركز الدولي للدراسات المستقبلية والإسترتيجية
بلدنا بالمصري: نواب الشعب دخلوا المجلس ويجتمعون غداً
اما عن مجلس الشعب اللي نص البند التالت من قرار رئيس الجمهورية بعودته لعقد جلساته من النهاردة، فقرر رئيسه الدكتور سعد الكتاتني _اللي دخل مكتبه النهاردة هو وعدد من النواب في امانة الله بدون اي اعتراض لا من قوات الجيش اللي كانت بتامن مقر المجلس وانسحبت تماما من امبارح الليل وماعادش ليها اثر ولا من قوات الامن المركزي اللي قلت اعدادها بشكل ملحوظ_ وكل اللي حصل بعض الاشتباكات ما بين مؤيدين ومعارضين لقرار قدام المجلس.. اما الدكتور سعد الكتاتني فقرر ان اولى جلساته بكرة بعد الغاء قرار حله تكون مخصصة لدراسة آليات تطبيق حكم المحكمة الدستورية.. ومع ان الامانة العامة لمجلس الشعب ما تلقتش لحد دلوقتي اي استقالات الا ان عدد لا باس بيه ابدا من الاعضاء المستقلين او الاعضاء عن بعض الاحزاب المنتمية للتيار المدني اعلنوا رفضهم لقرار رئيس الجمهورية وامتناعهم عن المشاركة في اعمال مجلس الشعب.
بلدنا - الجندي: يحدث تلاعب بالشعب بين قوتان تتصارعان
مع ان الامانة العامة لمجلس الشعب ما تلقتش لحد دلوقتي اي استقالات الا ان عدد لا باس بيه ابدا من الاعضاء المستقلين او الاعضاء عن بعض الاحزاب المنتمية للتيار المدني اعلنوا رفضهم لقرار رئيس الجمهورية وامتناعهم عن المشاركة في اعمال مجلس الشعب .. تفاصيل أكتر معنا على الهاتف النائب - مصطفى الجندي
بلدنا بالمصري: الشارع منقسم على قرار عودة البرلمان
على حس قرار رئيس الجمهورية والطعون المقدمة ضده واللي هتنظرها المحكمة الدستورية بكرة، فيه دعوتين لمظاهرتين بكرة، واحدة في ميدان التحرير لتاييد القرار والاحتفال بيه والتانية قدام المحكمة الدستورية لرفض القرار.. ويمكن دة اكبر دليل على التناقض في ردود الافعال من امبارح للنهاردة اللي وصلت في تطرفها احيانا لحد الدعوة لانقلاب عسكري. وديه مجرد عينة
بلدنا - د. النجار: مطالبات الإنقلاب تدني فاق الحدود
حول ردود الأفعال حول الدعوى للإنقلاب العسكري من قبل بعض القوى السياسية كان د. مصطفى النجار له رأي وهو مطالبات الإنقلاب العسكري تدني فاق الحدود .. خلونا نناقش هذا معه شخصياً
بلدنا بالمصري: مجلس القضاء الأعلى وقرار عودة البرلمان
أما رد فعل مجلس القضاء الاعلى فكان في البيان التالي
بلدنا بالمصري: الواقفين على باب الرئيس النهاردة
مجلس الشعب ينحل ولا يرجع.. شرعي ولا باطل.. انقلاب عسكري ولا انقلاب اخواني.. صح ولا غلط، هموم الناس اصحاب الحقوق والمظالم ابسط من كدة بكتير لكن بالنسبة لهم مسالة حاة او موت.
بلدنا بالمصري: لسه الثوار بيتحاكموا عسكرياً ويتسجنوا
اما عن مظالم المحاكمين عسكريا واهاليهم فحدث ولا حرج.. وآخرهم النهاردة الاحكام اللي صدرت من المحكمة العسكرية في السويس بالسجن ما بين 6 شهور و3 سنين على الشباب اللي بيتحاكموا لتضامنهم مع المتظاهرين السلميين في احداث العباسية .. تفاصيل أكتر إحنا معانا على الهاتف محمد كمال مراسلنا في السويس
بلدنا: لا للمحاكمات العسكرية للمدنيين .. للنهاية
اما مجموعة "لا للمحاكمات العسكرية للمدنيين" فلا تكل ولاتمل ولا هتهدى ولا هيرتاح لها بال الا لما شعارها يتحول لحقيقة.
بلدنا بالمصري: سكان المقابر يشوروا على الريس مرسي بإيه
صحيح ان الرئيس محمد مرسي بيواجه حاليا وبعد قراره بعود البرلمان دعوات بالانقلاب عليه وعزله وحاجات غريبة كدة وبيواجه في نفس الوقت طعون على قراره وقضايا ضده لمخالفة القانون واهدار احكام القضاء والقانون هياخد مجراه المفروض في كل الحالات، لكن دة ما يمنعش اننا نشور عليه.. والنهاردة هنشور عليه مرتين: تاني شورة هتكون في فقرتنا الاخيرة وهنشور عليه باللي لازم يعمله في اول 100 يوم اذا كانت حقوق الانسان فعلا من ضمن اولوياته.. اما اول شورة فهيشورها عليه سكان المقابر المحرومين من ابسط حقوقهم الاصيلة زي الحق في السكن مثلا.
بلدنا بالمصري: الفن ميدان يحتفل باليوم العالمي للنوبة
تعالوا بقة نوصل لحد ميدان عابدين حيث الفن ميدان كان بيحتفل امبارح باليوم العالمي للنوبة.. كل سنة واحنا بالف خير وبعودة الايام.
على الرصيف .. دور على الناس في بلدنا بالمصري
وقبل الفاصل وكالعادة خلونا ندور على الخير في قلب أحمد وهو وجرايده على الرصيف
بلدنا: الخلاف حول المادة الثانية .. مبادئ أم أحكام
الشعب يريد تعريف الفرق ما بين النص على مبادئ الشريعة والنص على احكام الشريعة او النص على الشريعة الاسلامية كمصدر رئيسي للتشريع في دستور بلدنا
موقف الازهر الشريف من المادة التانية في الدستور اللي بتنص على ان "الاسلام دين الدولة ومبادئ الشريعة الاسلامية المصدر الرئيسي للتشريع"، موقف ثابت من اول لحظة ولحد النهاردة وبكرة: "المادة التانية خط احمر والمساس بيها مساس بهوية الامة".. ومع ذلك ومع ان فيه اتفاق على ان "الازهر الشريف هو المرجعية" فالجدل حوالين تغيير صياغة المادة التانية مازال مستمر وتحديدا حوالين "مبادئ" ولا "احكام" ولا "الشريعة الاسلامية" اللي يتم النص عليها كمصدر رئيسي للتشريع.. الصورة تبدو وكان فيه ازمة بين الازهر الشريف وبين التيار السلفي او بمعنى ادق بين الازهر الشريف وحزب النور السلفي.. خاصة بعد تصريحات بعض قيادات الحزب واللي فيها بما معناه انه "ماكانش العشم وان الازهر خذلهم فيما يخص الدفاع عن شرع الله".. اولا: فيه ازمة ولا مافيش ازمة؟! وبغض النظر عن الازمات من عدمها، احنا بجد ولمرة من نفسنا، محتاجين نعرف الفروق الجوهرية بين الشريعة واحكامها ومبادئها وتفرق ايه عمليا في حياتنا كمواطنين مصريين.. دة اللي هنحاول نناقشه بالهدواة مع ضيوفنا النهاردة:
الدكتور/ عبد الله النجار: استاذ الشريعة والقانون وعضو مجمع البحوث الاسلامية
الدكتور/ طلعت مرزوق: القيادي في حزب النور وعضو الجمعية التاسيسية
بلدنا بالمصري: بكرة لينا ولسة الأغاني ممكنة
وقبل ما فتكم بعافية وتنفيذا لوصية الدكتورة منال عمر واللي هنخليها عادة ما نقطعهاش ابدا في بلدنا بالمصري.. كل ليلة وقبل ما ننام هنحط كلمتين حلقة في ودننا نثبت بيهم مكاننا ونقاوم بيهم القلق ونهزم بيهم الخوف ونمسك بيهم في بكرة اللي جاي بايدينا وسنانا واحنا على يقين ان بكرة لينا وانه لسة الاغاني ممكنة.. فتكوا بعافية
بلدنا بالمصري: أولويات حقوق الإنسان في ١٠٠ يوم
بما ان حقوق الانسان سقطت من برنامج رئيس الجمهورية لاول 100 يوم، فاحنا هنشور عليه باللي لازم يعمله اذا فعلا حقوق الانسان بالنسبة له من ضمن الاولويات..
لما ثورة تقوم تنادي بعلو صوتها على العيش والحرية والعدالة الاجتماعية والكرامة الانسانية وتدفع فيهم تمن غالي اوي، يبقى لما نسميها "ثورة حقوق انسان" فدة اسم على مسمى، لكن للاسف الشديد ومع ان الاسم على مسمى الا ان الفعل غايب.. واللي زاد وغطى ان المفعول به لحد دلوقتي هو الانسان وحقوقه وحرياته.. وحتى الرئيس المنتخب سقطت حقوق الانسان من حساباته او على الاقل من برنامجه لاول 100 يوم.. وبناءاً عليه احنا هنفكره وهنشور عليه باولويات حقوق الانسان في ال100 يوم الاولى واللي اعدتها 17 منظمة حقوقية هي:
بهي الدين حسن: مدير مركز القاهرة لدراسات حقوق الانسان
أحمد راغب: مدير مركز هشام مبارك للقانون
