نشاهد اليوم
برنامج مانشيت
تقديم جابر القرموطى
و الذى يذاع على قناة ONTV
اتمنى مشاهدة ممتعة.
و لنبدأ
برنامج مانشيت مع الاعلامى جابر القرموطى على قناة ONTV حلقة الثلاثاء 15 نوفمبر 2011 يوتيوب كاملة
مانشيت: نقابة الصحفيين تنجح في حل أزمة جريدة العمال
عقب مفاوضات جادة بمقر اتحاد عمال مصر نجح وفد مجلس نقابة الصحفيين في مواجهه أزمة جريدة العمال التي كانت مهدده بالتوقف حيث تم الاتفاق علي إلغاء مقترح من اللجنة المشكله لأداره اتحاد عمال مصر بوقف مؤقت للجريدة لحين تحسين ظروف العمل بها وقد بدأت لجنة اتحاد العمال تعاونها الكامل مع وفد النقابة بقياده كارم محمود سكرتير عام النقابة وكل من إبراهيم أبو كيله وعلاء العطار عضوي مجلس النقابة حيث تم توثيق اتفاق يرعي مصالح صحفي الجريدة كما تم التوافق علي تشكيل لجنة مشتركه من الصحفيين والمشرفين علي اتحاد عمال مصر لوضع سياسة تحرير الجريدة ولائحة العمل بها والاجتماع بعد 3 أسابيع لمراجعة ما تم انجازه واتفق علي آلية اختيار رئيس تحرير للصحيفة من أبناءها .
مانشيت: الأحرار تبدأ عامها 35 ... على بركة الله
النهاردة صحيفة الأحرار هتبداء العام الـ 35 لبدايتها .. يعنى كده مر 35 سنة على صيحفة الأحرار كانت بداءت سنة 76. تتخيلوا إن دى أول صحيفة حزبية بداءت فى مصر وكان ليها خبطات طويلة خلال الـ 35 سنة اللى فاتت.
مانشيت: معرض ... الشعب خط أحمر
بكرة إنشاء الله هيفتتح أول معرض بيقيمو قسم التصوير بجريدة الشروق .. 13 مصور صحفي هيفتتحوا معرضهم بكره فى مركز الجزيرة للفنون التابع لقطاع الفنون التشكيلية بعنوان .. الشعب خط أحمر
نجاد: اتحاد مصر وإيران كفيل بمحو تجبر إسرائيل
حوار الزميلة حنان شومان فى اليوم السابع مع الرئيس الإيرانى محمود احمدي نجاد وهى كانت موجودة فى إيران .. وقال الرئيس نجاد أن اتحاد مصر وإيران كفيل بمحو تجبر إسرائيل وتحجيم أمريكا
مانشيت: هل نحتاج ثورة على ثورة ٢٥ يناير
80 مقال عن دفتر أحوال مصر اتكلمت عن الانفلات الامنى ووثيقة السلمى وعدالة الاجور ومشاكل الحجاج وهيبة الدولة اللى اصبحت على المحك بسبب اعمال البلطجة وقطع الطرق وقضية الناشط علاء عبد الفتاح والخوف من المستقبل وبدأ العد التنازلي لمرور عام علي ثورة 25 يناير..والمشهد العام مايسرش حد..فالمناخ السياسي مشتعل ..والحالة الاقتصادية غير جيدة..ونزيف خسائر الاحتجاجات والاعتصامات مازالت مستمرة..والفوضي والبلطجة"شعار المرحلة"..والحكومة والمجلس العسكري في واد..والتيارات والقوي السياسية في وادي آخر..ولا أحد يري غير نفسه..والكل يفضل مصلحته الشخصية علي مصلحة مصر..والبعض يري ان شيئا جوهريا لم يتحقق..واننا نحتاج ثورة علي ثورة 25 يناير، حتي ينصلح الحال..والسؤال هل احنا محتاجين ثورة جديدة حتى لا تضيع ثورة 25 يناير هل محتاجين ثورة علي الثورة؟..علشان البلد ما تضيعش؟..يا مسئولينا ،ياقادتنا الخطر محاصرنا من كل اتجاه ..زي ما بيقول الاستاذ جلال عارف في"الأخبار"..واللي بيطالب الجميع بنسيان حالة المسخرة السياسية التي نعيشها هذه الأيام هل محتاجين ثورة علي الثورة؟..والاستاذ وائل قنديل في"الشروق" شايف ان بقاء مصابي الثورة في العراء لليوم الخامس علي التوالي في ميدان التحرير معتصمين تحت المطر هل محتاجين ثورة علي الثورة؟..و كل الانفجارات اللي بتحصل في البلد حاليا غير مبررة وغير مفهومة وغير منطقية..زي ما بتقول لميس الحديدي في"المصري اليوم"..والله عندك حق .. هل محتاجين ثورة على ثورة؟ ومحمد العزبي بيسأل فى الجمهورية ازاى نقبل حكام ومحكومين اننا نعيش فى القلق المريب ده؟؟ وهل الامر مش غامض شوية؟ ..هل محتاجين ثورة علي الثورة؟ ابراهيم منصور في"التحرير" شايف ان الكل متورط في الأحداث اللي بتجري علي الساحة المصرية الآن .. هل محتاجين ثورة علي الثورة؟..و الأستاذ نبيل عمر في"الأهرام شايف ، إن كل اللي بيحصل في مصر من بلطيم لقنا .. مرورا بأسوان وسوهاج ودمياط، شيء محزن ومؤسف .. هل محتاجين ثورة علي الثورة؟..و أستاذنا الكبير مصطفي حسين في كاريكاتير بسيط ومعبر في"الأخبار".. راسم الأستاذ مصطفي راجل وهو بيلبس هدومه وبيقول لمراته، أنا نازل أدور عليها ، وأشوف راحت فين..هل محتاجين ثورة علي الثورة؟..وكل اللي بيحصل في مصر حاليا يدعوا الي ذلك..زي ما بيقول سليم عزوز في"الدستور"..واللي شايف ، ان منطق "ولاة الأمور فينا" بيشجع هو الآخر علي ده..هل محتاجين ثورة علي الثورة؟..والاستاذ مصطفي بلال في"الأخبار"..واللي شايف ، ان كل المؤشرات اللي بتحصل في البلد بتؤكد ذلك .. هل محتاجين ثورة علي الثورة؟.. تامر عبد المنعم في"اليوم السابع" بيقول ان فيه تقسيم حصل بين المسلمين والمسيحيين..وبين الصعايدة والنوبيين..وبين الاخوان والليبراليين والسلفيين ..والاخوان والأقباط هل محتاجين ثورة علي الثورة؟..وهناك اسباب عدة أهمها ان ولاة الأمور في البلد ، ما نفذوش وعودهم بتسليم السلطة الي مدنيين في خلال خمس وست شهور .. هل محتاجين ثورة علي الثورة؟.. علشان نكشف عن هوية اللي قتلوا شهداء 25 يناير .. هل محتاجين ثورة علي الثورة؟..و شريف رياض في"الأخبار" مستغرب من اللي بيحصل في البلد من احتجاجات واشتباكات دامية بين الأهالي في عدد من المحافظات .
مانشيت: الصحافة المصرية النهاردة 15/11/2011
قراءة في الصحافة المصرية المطبوعة والإلكترونية مع جابر القرموطي
عبدالمنعم الشحات يشترط على المذيعة ارتداء الحجاب
الشيخ عبد المنعم الشحات يشترط على مذيعة القناة الخامسة ارتداء الحجاب على الهواء خلال حوارها معه .. ايمان الاشراف المذيعه بالقناة الخامسة بالاسكندرية في مانشيت
