بلدنا بالمصري: هدوء في ميدان التحرير قبل جمعة 8 يوليو
أحداث التحرير في اتصال بـ أ. عمر حسانين رئيس قسم الحوادث بالمصري اليوم
بلدنا بالمصري: إحالة 25 متهم للجنايات في موقعة الجمل
في اللي يخص موقعة الجمل، المستشار محمود السبروت قاضى التحقيقات المنتدب من وزير العدل، للتحقيق فى الواقعة،قرر النهاردة إحالة 25 متهم بالتحريض على الاعتداء على المتظاهرين يوم 2 فبراير لمحكمة الجنايات.. ال25 متهم من بينهم 3 ظباط شرطة والباقيين كلهم تقريباً من الشخصيات العامة والمسؤولين السابقين وأعضاء في مجلس الشعب والشورى وفي الحزب الوطني.. من ضمنهم - مع حفظ الألقاب - فتحي سرور، صفوت الشريف، عائشة عبد الهادي، حسين مجاور، ماجد الشربينى، محمد الغمراوى ، محمد أبوالعينين، عبد الناصر الجابرى، يوسف خطاب، شريف والى، إبراهيم كامل، إيهاب العمدة (وكلهم من أعضاء الحزب الوطني المنحل)، زائد المستشار مرتضى منصور وابنه أحمد، رجب هلال حميدة وغيرهم. والمستشار محمود السبروت، طلب من محكمة استئناف القاهرة تحديد جلسة عاجلة قدام محكمة جنايات القاهرة لمحاكمة المتهمين بتهم قتل المتظاهرين والشروع فى قتلهم بقصد الإرهاب وإحداث عاهات مستديمة بهم والتعدى عليهم بقصد
بلدنا بالمصري: التحرير بلا قوات أمن في جمعة 8 يوليو
بكرة زي يوم الجمعة 27 مايو كدة، لا هيكون فيه جيش ولا شرطة لا في ميدان التحرير ولا في أي ميدان تاني، طول ما المظاهرات سلمية.. ومش هيكون فيه أي تدخل أمني إلا في حالة إنه يكون في اشتباكات أو أعمال عنف - لا قدر الله - غير كدة الشرطة هتكون مهمتها بس تأمين المنشآت الحيوية والمبانى الهامة، خاصة وزارة الداخلية ومعسكرات الأمن المركزى. ديه التعليمات اللي صدرت من وزير الداخلية منصور العيسوي، دة غير إنه شدد على الظباط وقوات الأمن "التحلي بأقصى درجات الحكمة وضبط النفس" منعاً لأي احتكاك بين قوات الأمن والمتظاهرين، ولتفويت الفرصة على من "سيزجون باسم وزارة الداخلية فى أي اعتداءات على المواطنين". (وربنا ما يجيب اعتداءات إنشاءالله)...
بلدنا بالمصري: ميثاق التحرير في جمعة 8 يوليو
بما إن الشعب في اللحظة ديه من حياة بلدنا يريد "روح الميدان" يمكن قبل أي حاجة تانية، ائتلاف شباب الثورة بيقترح ميثاق سماه "ميثاق التحرير" يتعهد بيه كل من كان ناوي ينزل بكرة في أي ميدان من ميادين التحرير في بلدنا..
معانا على التليفون الدكتور شادي الغزالي حرب عضو ائتلاف شباب الثورة
بلدنا بالمصري: أقنعة المصريين ضد الغاز المسيل للدموع
من ضمن بقة الحاجات اللي طلعت في المقدر جديد، من باب الاسترزاق من ورا الثورة - وربنا ما يجعلنا من قطاعين الأرزاق يعني - حتة دين قناع صيني بتاع بلاده ضد الغاز المسيل للدموع.. لأ وإيه بيتباع برخص التراب في شارع الجمهورية.
بلدنا بالمصري: مليونيات التحرير بعد الثورة
تعالوا نرجع بالذاكرة لورا فركة كعب لحد كل المليونيات اللي فاتت من بعد "جمعة الرحيل" اا فبراير ولحد ما نوصل لجمعة "الثورة أولاً" بكرة وعليكوا خير إنشاءالله.
بلدنا: استعدادات ومطالب القوى المشاركة في جمعة 8 يوليو
بلدنا بالمصري: أهل المحروسة طالعين جمعة 8 يوليو ليه
أهالي المحروسة من شرقها وغربها وشمالها وجنوبها .. ليه نازلين ميادين التحرير في جمعة 8 يوليو .. لؤي نجاتي - جهاد التمساح - بدر البنداري - مارسيلنوا يوسف - ماجي حسام الدين
