نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاثنين 24/6/2013 ONTV حلقة يوتيوب كاملة
ريم ماجد: النظام السابق والحالي فولة واتقسمت نصين؟
بنمسي على حضراتكوا وحلقة جديدة من بلدنا بالمصري.. مع بداية العد التنازلي اللي نازل يرف وهانت وكلها كام يوم على ٣٠ يونية، وحب نسأل سؤال ونحاول نلاقي رد غطاه حتى لو شرحه هيطول حبتنين: حبة سياسة وحبة اقتصاد.. والسؤال اللي عايزين رد غطاه: " بعد سنة بالتمام والكمال على حكم جماعة الاخوان المسلمين وبعد اكتر من سنتين على ثورة نزل الشعب فيها ومافيش على لسانه غير الشعب يريد اسقاط النظام وعيش حرية عدالة اجتماعية وكرامة انسانية، دلوقتي النظام اللي الشعب اراد اسقاطه ودفع التمن، سقط ولا لسة حي يرزق اربعة وعشرين قيراط وسبعة ارواح؟!!! طب والنظام اللي الشعب انتخبه دة نظام منتخب بصحيح، يعني تنطبق عليه المواصفات القياسية للنظام المنتخب ولا قال يعني؟!!! والنظامين دول اللي بيتقال عليهم واحد سابق والتاني حالي، دول نظامين اصلاً ولا هم الاتنين واحد وفي بيتها وزيتهم في دقيقهم؟!!!! هم الخالق الناطق وفولة واتقسمت نصين ولا يخلق من الشبه اربعين ولا هي نفس الفولة وكانك يابوزيد ما غزيت؟!! دة السؤال ورد غطاه بعد اخر اخبار بلدنا..
ريم ماجد: الرئيس مدان بالتحريض على قتل مصريين
واخر اخبار بلدنا، هنبدأها باللي عمل بالظبط زي اللي قتل القتيل ومشي في جنازته.. قال الرياسة اتمعظمت النهاردة وادانت بشدة اللي كتر الف خيرها وصفته ب"الحادث المؤسف الذي وقع بالأمس وأدى إلى سقوط اربعة مواطنين مصريين في قرية ابو مسلم في مركز ابو النمرس، والذي يتنافى تماما مع روح التسامح والاحترام التي يتميز بها الشعب المصري المشهود له بالوسطية والاعتدال، ورفضه التام لأي خروج على القانون أو إراقة للدماء أيا كان مبعثه"
الى هنا انتهى بيان الرياسة ويا عيب الشوم... يا عيب الشوم انها اصلاً لسة الرياسة وان لسة لها عين تطلع بيانات وتتكلم عن المواطنين وعن التسامح وعن القانون وعن العدالة... رياسة ايه وبتتمريس على مين وبامارة ايه؟!!! اولاً: المجزرة اللي حصلت امبارح لمواطنين مصريين اسمها مجزرة مالهاش اسم تاني.. ما هياش مجرد جريمة وبالتاكيد ماهياش حادث مؤسف.. ديه مذبحة عمداً ومع سبق الاصرار والترصد والتحريض العلني وعلى عينك يا تاجر.. ثانياً: دم المواطنين المصريين دول في رقبة الرياسة او بمعنى اصح عشان نسمي الحاجات باسماءها، في رقبة الرئيس اللي تم ضبطه متلبس وبشهادة الشهود بالاشتراك على الهواء مباشرةً في جريمة التحريض على المواطنين دول وغيرهم من المواطنين المصريين اللي اتكفروا واتخونوا واتطعن في ايمانهم وفي عقيدتهم، مرة عشان شيعة ومرة عشان مسيحيين ومرة عشان تمرد وهو قاعد قال يعني مالي مركزه وساكت وعلى وشه كله علامات الرضا.. وجاي النهاردة يكلمنا عن التسامح والاحترام والاعتدال والوسطية؟! جاي النهاردة يكلمنا عن القانون وعن العدالة؟! جاي النهاردة يكلمنا عن الشعب المصري؟! ماله هو ومال الشعب المصري؟! ماله هو ومال التسامح والاعتدال؟! ماله هو ومال القانون والعدالة؟! يعرفهم منين وبامارة ايه؟!!! طب القانون بيقول ان المحرض زيه زي مرتكب الجريمة بالظبط والعدالة بتقول ياخد نفس العقاب... فلو الرياسة لسة لها عين تدور عن مرتكبي الجريمة، تروح تبص في المراية
ريم ماجد: روحوا شوفوا طريقة تتأكدوا انكوا لسه بني آدمين
الاسوأ بكتير في رأيي من اللي ارتكب الجريمة ومن اللي حرض عليها ومن اللي وقف يتفرج عليها من غير يمنعها، او على الاقل ما يتخيرش عنهم، هو المواطن اللي بيبارك او بيهلل او حتى بيبرر ان مواطنين زيهم زيه يتسحلوا لحد الموت على ايد مواطنين تانيين زيهم زيه وزي بعض، لمجرد انهم مارسوا حقهم في انهم يبقوا احرار في عقيدتهم المكفول اصلاً بالدستور وبالقانون ومن قبلهم بابسط حقوق الانسان اللي كفلتها الاديان قبل المواثيق والدساتير والقوانين.... فقولة اصلهم شيعة فيستاهلوا كل اللي يجرالهم، ما ترضيش لا دين ولا شرع ولا انسانية.. واللي هيبرر النهاردة بقولة اصلهم شيعة بكرة هييجي عليه الدور وهيلاقي الف من يبرر دبحه بقولة اصله.. اما قولة سب النبي لأ سب الصحابة لأ تبديل زوجات لا زواج جماعي، وكله كلام فارغ ولا عليه اي دليل، لكن حتى لو عليه دليل حد الله ما بينا وبين العمايل ديه او اي عمايل في الدنيا الا بالقانون.. ربنا خلق القانون مش عشان المواطنين الصالحين القانون اتخلق للخارجين عليه.. لو العمايل ديه بيجرمها القانون وعليها دليل ياخد القانون مجراه لو مش متجرمة بالقانون يبقوا دول مواطنين صالحين يحميهم القانون واي جريمة في حقهم جريمة في حق المجتمع وفي كل الحالات ديه جريمة ضد الانسانية، اللي يقبلها تحت اي عذر او مبرر اياً كان يروح يشوف طريقة يتاكد بيها انه لسة بني ادم
حازم بركات: طلبت من قوات الأمن المركزي التدخل قبل قتل أمام الشيعة
حازم بركات شاهد عيان على مجزرة أبو النمرس وناشط حقوقي: 24 مايو الماضي شهد تحريض على الشيعة داخل زاوية أبو مسلم. الدعوة السلفية نظمت مسيرة ضد الشيعة يوم 24 مايو الماضي. الشيعة يقيمون في زاوية أبو مسلم منذ 20 عاماً. الأمن كان متواجد في القرية قبل قتل الشيعة. طلبت من قوات الأمن المركزي المتواجد بالقرية التدخل قبل المجزرة. زوجة حسن شحاته وبناته مازالوا يقيمون في المنزل المعتدى عليه
عمر حسانين: أجهزة الأمن حددت 9 أشخاص من المتهمين في مجزرة أبو النمرس
ومعنا عبر الهاتف عمر حسانين مساعد تحرير المصري اليوم: أجهزة الأمن حددت 9 أشخاص من المتهمين في المجزرة. لجنة تقصي الحقائق أدانت الأمن لتقاعسه عن إنقاذ المجني عليهم. النيابة عاينت المنزل واستعمال آلات حادة والسحل سبب الوفاة. المجزرة نتج عنها
ناصر أمين: الرئاسة ليست بعيدة عن حادث أبو النمرس بصمتها على مثل هذه الممارسات
ومعنا عبر الهاتف ناصر أمين مدير مركز العربي لاستقلال القضاء والمحاماه: الرئاسة ليست بعيدة عن هذا الحادث بصمتها على مثل هذه الممارسات. بيان الرئاسة لم يصف المجزرة بأنها جريمة بشعة
د. أهداف سويف: شاهدت ملصقات محرضة ضد الشيعة على حوائط زواية أبو مسلم
ومعنا عبر الهاتف د. أهداف سويف كاتبة: المنزل المعتدى عليه تم تدميره بالكامل وتحول إلى خرابة. سيدة وأطفالها يقيمون في رعب بالمنزل المعتدى عليه حتى الآن. شاهدت ملصقات محرضة ضد الشيعة على حوائط زواية أبو مسلم.
د. أحمد راسم النفيس: مجزرة أبو النمرس قامت بها جماعة معروفة والنظام يغض الطرف عنها
ومعنا عبر الهاتف د. أحمد راسم النفيس الكاتب والمفكر: المجزرة لها أبعاد تاريخية والحراك الوهابي نشط منذ 40 عاماً. المجزرة قامت بها جماعة معروفة والنظام يغض الطرف عنها. ائتلاف الدفاع عن الصحب والآل وراء التحريض على هذه المجزرة. ماحدث فضيحة تتخطى أي حادث اغتيال فردي.
بلدنا بالمصري: بيان الأزهر الشريف عن أحداث زاوية أبو مسلم
د. شعبان عبدالعليم: موقف حزب النور من الشيعة معروف لكن لا يجيز قتل أي فرد
ومعنا عبر الهاتف د. شعبان عبدالعليم الأمين العام المساعد لحزب النور: هناك كلام نسب إلى حسن شحاته أنه كان يسب الصحابة. المجني عليهم حتى لو كانوا متهمين يجب تطبيق القانون عليهم من خلال الدولة وليس الأفراد. موقف حزب النور والدعوة السلفية من الشيعة معروف لدى الجميع ولكن لا يجيز قتل أي فرد. خطاب الدعوة السلفية لا يحرض على الشيعة بل يبين أخطارهم
بلدنا بالمصري: الجبهة الإسلامية تدعو للتمرد وإنقاذ مصر من الإخوان
اما اخر من اعلن النهاردة مشاركته المسببة في ٣٠ يونية فكانت الجبهة الإسلامية الوطنية والسبب المعلن انقاذ مصر والإسلام من جماعة الإخوان المسلمين التي تسترت وراء الدين لتحقيق أغراضها.
بلدنا بالمصري: كشف حساب عمال مصر عن عام من حكم مرسي
واحنا برده على دخلة ٣٠ يونية والحساب يجمع.. خلونا نطل طلة على كشف الحساب من طرف العمال عن حالهم ومحتالهم بعد مرور سنة على حكم اول رئيس مدني منتخب
نازلين يوم 30 ولو منزلناش نستاهل اللى بيحصل فينا .. ولاد بلدنا في بلدنا بالمصري
ريم ماجد: الرئيس مجرم .. بأمارة إيه بتتكلموا عن الإنسانية !!
واخر اخبار بلدنا، هنبدأها باللي عمل بالظبط زي اللي قتل القتيل ومشي في جنازته.. قال الرياسة اتمعظمت النهاردة وادانت بشدة اللي كتر الف خيرها وصفته ب"الحادث المؤسف الذي وقع بالأمس وأدى إلى سقوط اربعة مواطنين مصريين في قرية ابو مسلم في مركز ابو النمرس، والذي يتنافى تماما مع روح التسامح والاحترام التي يتميز بها الشعب المصري المشهود له بالوسطية والاعتدال، ورفضه التام لأي خروج على القانون أو إراقة للدماء أيا كان مبعثه"
الى هنا انتهى بيان الرياسة ويا عيب الشوم... يا عيب الشوم انها اصلاً لسة الرياسة وان لسة لها عين تطلع بيانات وتتكلم عن المواطنين وعن التسامح وعن القانون وعن العدالة... رياسة ايه وبتتمريس على مين وبامارة ايه؟!!! اولاً: المجزرة اللي حصلت امبارح لمواطنين مصريين اسمها مجزرة مالهاش اسم تاني.. ما هياش مجرد جريمة وبالتاكيد ماهياش حادث مؤسف.. ديه مذبحة عمداً ومع سبق الاصرار والترصد والتحريض العلني وعلى عينك يا تاجر.. ثانياً: دم المواطنين المصريين دول في رقبة الرياسة او بمعنى اصح عشان نسمي الحاجات باسماءها، في رقبة الرئيس اللي تم ضبطه متلبس وبشهادة الشهود بالاشتراك على الهواء مباشرةً في جريمة التحريض على المواطنين دول وغيرهم من المواطنين المصريين اللي اتكفروا واتخونوا واتطعن في ايمانهم وفي عقيدتهم، مرة عشان شيعة ومرة عشان مسيحيين ومرة عشان تمرد وهو قاعد قال يعني مالي مركزه وساكت وعلى وشه كله علامات الرضا.. وجاي النهاردة يكلمنا عن التسامح والاحترام والاعتدال والوسطية؟! جاي النهاردة يكلمنا عن القانون وعن العدالة؟! جاي النهاردة يكلمنا عن الشعب المصري؟! ماله هو ومال الشعب المصري؟! ماله هو ومال التسامح والاعتدال؟! ماله هو ومال القانون والعدالة؟! يعرفهم منين وبامارة ايه؟!!! طب القانون بيقول ان المحرض زيه زي مرتكب الجريمة بالظبط والعدالة بتقول ياخد نفس العقاب... فلو الرياسة لسة لها عين تدور عن مرتكبي الجريمة، تروح تبص في المراية
بلدنا بالمصري: هل نظام مرسي فولة واتقسمت نصين من نظام المخلوع
واحنا على دخلة ٣٠ يونية، هو سؤال ورد غطاه شرحه يطول حبتين.. هل النظام "المنتخب" وهنخليها بين قوسين مؤقتاً الخالق الناطق وفولة واتقسمت نصين من النظام "المخلوع" وهنخليها برده مؤقتاً بين قوسين، ولا يخلق من الشبه اربعين وبامارة ايه.. او بمعنى اصح بامارة ايه ولا ايه؟! وهنخلي المنتخب بين قوسين لحد ما نفهم اذا النظام دة بتنطبق عليه فعلاً المواصفات القياسية للانظمة المنتخبة.. وهنخلي المخلوع كمان بين قوسين لحد ما نفهم هو احنا فعلاً خلعناه ولا يادوب لخلخناه وان اوان خلعه؟!!! كل ديه اسئلة هنستعين عليها بضيوفنا النهاردة:
الاستاذ/ محمد العجاتي: الباحث السياسي والمدير التنفيذي لمنتدى البدائل العربي
الاستاذ/ وائل جمال: الكاتب الصحفي والمتخصص في الشؤون الاقتصادية
ليست هناك تعليقات:
إرسال تعليق