نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد الاربعاء 12/6/2013 قناة ONTV يوتيوب كاملة
من جديد: مصلحة الأهل والعشيرة أصبحت أهم من مصلحة الوطن
السلام عليكم و اهلا و سهلا بكم في برنامجكم من جديد
اللعب بالنار هو ابرز مظاهر الصراع السياسي اللى البلد عايشاه اليومين دول
و اللعب بالنار مقصود به محاولة تحويل الصراع السياسي من مواجهات بين الاخوان و معارضيهم الي مواجهات بين المسلمين و الاقباط
رموز من الجماعات بتتكلم عبر فضائيات محسوبة عليهم عن الاقباط و بتتهمهم في وطنيتهم و بتصل لحد تحذيرهم و بتحاول ترهبهم و تخوفهم
ناس بيطلعوا على فضائيات و بيخترقوا حساب رموز قبطية على مواقع التواصل الاجتماعى و تدس مقولات تحاول بها اشعال ازمة طائفية
احنا اذعنا عليكم اول امس فيديو للمهندس عاصم عبدالماجد بيدور في هذا السياق .. و المثير ان الامور بتتزايد
الصراع السياسي اللى في مصر هذه الايام هو صراع بين قوي سياسية .. و لو تلاحظوا مثلا ان حزب النور السلفي مختلف مع الاخوان يعني مسلمين في بعض
البعض بيحاول يحرف الموضوع و ينقله الى فتنة طائفية و يولع البلد و يحرض المسلمين على الاقباط علشان ينقذ تيار سياسي
يعني عاوزين يولعوا مصر و المسلمين يمسكوا في المسيحيين علشان يحموا نفسهم و يحموا اهلهم و عشيرتهم على حساب الوطن
كنا في ميدان التحرير بنقول اللي يحب مصر ما يحرقش مصر.. انما واضح ان مصلحةالاهل و العشيرة اهم من مصلحةالوطن
و بمناسبة المخاطر اللى بتتعرض لها مصر صحيفة هيرالد تريبيون نشرت تقرير في منتهي الاهمية
التقرير الصحفي بيقول ان مصر اصبحت بديلا عن وزير ستان كمركز تدريب رئيسي للمسلحين و المتطرفين
التقرير اهميته انه منشور في الهيرالدتريبيون و هي صحيفة مهمة و معروفة بدقة تقاريرها و التقرير منسوب للمخابرات الالمانية
انتبهوا للتقرير و افتكروا عمليات القتل و الخطف لضباطنا و جنودنا و تخيلوا الصورة
الي السادة حكام مصر انتبهوا قبل فوات الاوان للارهاب الذي تتسترون عليه بتجاهل مقاومته و ملاحقة الارهابيين .
من جديد: حوار حول الواقع والمستقبل لممثلي الكنائس وسياسيين وأعضاء الشورى
اتكلمنا في مقدمة الحلقة عن محاولات تحويل الصراع السياسي من بين القوي السياسية الى صراع طائفي بين المسلمين و الاقباط و محاولات تخويف الناس و من بينهم الاقباط اللي كان ليهم جزء من رسالة التخويف وبناءا عليه اجتمع البابا تاوضروس الثانى، مع عدد من ممثلى الكنائس والسياسيين والمفكرين وأعضاء مجلس الشورى الأقباط، بدير الأنبا بيشوى بوادى النطرون، فى لقاء أعده مجلس كنائس مصر تحت عنوان "حوار حول الواقع والمستقبل"، وتمت مناقشة موقف الكنيسة فى تظاهرات 30 يونيه المقبل .. معنا سوزي ناشد عضو مجلس الشورى .. تابعونا على https://www.facebook.com/MenGadid
من جديد: السبت المقبل .. أول اجتماع لضباط شرطة مصر
يوم السبت المقبل حيشهد اول اجتماع من نوعه لضباط شرطة مصر .. على وجه الدقة هو مؤتمر لكل ضباط شرطة مصر اللي ما عندهومش خدمات ... المؤتمر للى منظمه النادي العام لضباط الشرطة حيناقش موضوعات عديدة من بينها الشرطة حتعمل ايه يوم 30 يونيو ..
معانا على الهاتف الرائد محمد الطنوبي المتحدث الرسمي باسم النادي العام لضباط الشرطة
اهلا و سهلا بك يا فندم عاوزين نعرف الاول ليه كل ضباط شرطة مصر مش مجلس ادارة النادي
من جديد: مؤتمر الوطنية للتغيير حول تفاصيل قضية هروب سجناء سجن وادي النطرون
من ناحية تانية النهاردة الجميعة الوطنية للتغيير عقدت مؤتمر صحفي حولين تفاصيل قضية هروب سجناء سجن وادى النطرون أثناء الثورة والللي كان من ضمنهم معتقلى قيادات جماعة الاخوان المسلمين وقيادات حركة حماس الفلسطينية.. تابعونا على https://www.facebook.com/MenGadid
من جديد: تشابه بين ميدان تقسيم بتركيا وميدان التحرير
على مواقع التواصل الاجتماعي بيتم تداول تقرير مثير جدا مسميينه مصر و تركيا او ميداني التحرير و تكسيم .. الحقيقة التقرير مذهل لانه بياكد قد ايه العالم بقي صغير و العولمة فعلا هى اللى بتحكم العالم ... و ان مافيش حاجة اسمها صوابع بتلعب في البلد و لا عملاء انما فيه شعوب بتتعلم من بعض و حكومات بتطبق نفس سياسات القمع تعالوا نشوف التقرير ازاي كل وسائل قمع المظاهرات في مصر بتحصل بنفس الصورة في تركيا .. تابعونا على https://www.facebook.com/MenGadid
من جديد: توضيح لمؤشرات البورصة صعوداً وهبوطاً - أ. محسن عادل
من جديد اهلا بحضرتكو .. 13.1 مليار جنيه خسائر البورصة بنهاية تعاملات اليوم، واول امبارح حققت خسائر بقيمة 8 مليار جنية ، هل الخسارة دي عادية ، وايه السبب الحقيقي لنزيف الخسائر بالشكل ده، وهل دا له علاقة بمظاهرات 30 يونيو، طيب ايه الاجراءات اللى لازم ناخدها لوقف نزيف الخسائر دي ... اسئلة كتيره مطروحة على ضيفنا الاستاذ محسن عادل الخبير في البورصة .. تابعونا على https://www.facebook.com/MenGadid
الطريق إلى 30 يونيو .. د. ممدوح حمزة في من جديد
من جديد أهلاً وسهلاً بحضراتكو.. كل يوم بيعدي ونقترب من يوم 30 يونيو درجة حرارة الوضع سياسي بترتفع، وحالة الترقب والحذر مما قد يحدث فى هذا اليوم.. الدعوة للمظاهرات دعوة سلمية .... لكن تصريحات التيارات الإسلامية وتحضيراتهامثيرة لتساؤل "هو ممكن ناس تكون بتحب مصر ووصلت للسلطة تعلن الحرب على الشعب عشان الشعب مش عاجبه أسلوب إدارتهم؟.. بنرحب بضيفنا الكريم الاستشارى الهندسي العالمي الدكتور ممدوح حمزة .. تابعونا على https://www.facebook.com/MenGadid
ليست هناك تعليقات:
إرسال تعليق