نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون الاربعاء 3/4/2013 من قناة ONTV يوتيوب كاملة
السادة الحترمون: مجلش شورى الإخوان بيكلفت القوانين .. وتجارة الدين مستمرة
إمبارح مجلس الشورى اللى جاى بنسبة تصويت 7 % والمشكوك فى شرعيته، أقر قانون مباشرة الحقوق السياسية ، طبعا دون عرضه للحوار المجتمعى، كلفتوه زى ما كلفتوا الدستور بتاعهم.
من ضمن الحاجات الغريبة إن الإخوان والعشيرة فى المجلس الغوا حظر استخدام الشعارات الدينية فى الانتخابات والاستفتاءات، يعنى من النهاردة بالقانون الإخوان والعشيره هيستخدموا المساجد وشعاراتهم الدينية "زى الإسلام هو الحل" وصوت بنعم علشان تدخل الجنه عادى ، والصناديق قالت نعم للدين.
يوسف الحسيني: صبحي صالح بيقول أن الإلحاد هو الحل .. ومبيصومش رمضان
الغريب بقى أن الإخوانى صبحى صالح قال فى الشورى فى سياق دفاعه عن استخدام الشعارات الدينية أن تجريم استخدامها يعنى ان الدعوة للإلحاد جائزة والدعوة الى التدين جريمه، يعنى صبحى صالح خايف وقت الانتخابات ناس تقول الالحاد هو الحل فيكسبوا الانتخابات، ما تيجو نشوف صبحى صالح قال ايه.
الأكتر غرابة إن صبح صالح نفسه اللي بيدعو لاستخدام الشعارات الدينية في الانتخابات هو بذات نفسه اعترف واقر انه ما بيصومشي رمضان والكت من كدة ان وقت ما كانت مصر داخلة الحرب هو كن قاعد يتغدى ومش همهمه ان بلده بتحر سينا لا راح تطوع ولا حتى صام رمضان.
السادة المحترمون: إنسحاب أعضاء الشورى .. ومهزلة إستخدام الدين في السياسة
عموما الغريب واثناء عملية سلق القانون كان فيه عملية انسحابات مستمرة من النواب من الجلسة لانهم مش راضيين نهم يشاركوا في المهزلة ديه اللي بيعملها لاخوان مع العشيرة واسهال القونين اللي مش راضيين يبطلوه..
السادة المحترمون: شعبية الإخوان بتتضائل علشان بيتاجروا بالدين
الغريب ان الإخوان من بعد ما شعبيتهم نزلت الأرض والمصريين كشفوهم وكشفوا كذبهم ومتاجرتهم بالدين والشعارات ، كتخيلين أن الناس هيصدقوهم تانى ، ومتخيلين ان المصريين هنضحك عليهم تانى بشعارتهم الدينية، الشعارات الدينية اللى قسمت المجتمع وخلت التصويت فى أى انتخابات تصويت طائفى وخلت اللى مش اخوان ولا سلفى كافر وخارج على الدين، خلت لو نفتكر الشيخ محمد حسين يعقوب يطلع بعد استفتاء مارس 2011 على التعديلات الدستورية انها استفتاء على الدين ، وقال وقتها ان دى غزوة الصناديق وان المصريين قالوا نعم للدين
السادة المحترمون: عمرو موسى وأبو الفتوح رافضين للشعارات الدينية في الانتخابات
عموما اقرار مجلس الشرى الإخوانى استخدام الشعارات الدينية خلى الدكتور عمرو موسى القيادى بجبهة الانقاذ ورئيس حزب المؤتمر وقال فى حسابه على تويتر أن هذه خطوة سلبية وتُنذر بالتمييز بين المواطنين لا يجب على مجلس الشورى أن يُقدم على مثلها. أثار مثل هذه الرِدّة سوف تكون خطيرة
حتى ابوالفتوح اللى طول الوقت محسوب على المشروع الإسلامى خرج وانتقد اقرار الشورى لاستخدام الشعارات الدينية فى الانتخابات ، وأكد فى حسابه على تويتر أنه لا يمكن تحويل الإسلام لأداه لحصد الأصوات الانتخابية.
يوسف الحسيني: عصام العريان شاغل دماغه بدورة المياة .. على جنب هبقى أقولك
الغريب بقى كمان أن نواب الإخوان وهو بيناقشوا قانون مباشرة الحقوق السياسية اللى أقروه ، اختلفوا على فكره وجود بديل للقاضى وعضو اللجنة الانتخابية داخل اللجان، الإخوان رفضوا والإخ عصام العريان قال اعتبروا عضو اللجنة عاوز يدخل دورة المية وجاله طارىء هيعمل ايه ، لأ وكمان رئيس مجلس الشورى الاخوانى أحمد فهمى قال اعتبروه بيصلى وقعد 10 ساعات عادى.
يوسف الحسيني: أبو إسلام كتلة حيوية نزلت على كوكب الأرض
السلام عليكم ورحمة الله وبركاته أيها السادة المحترمون .. أبو إسلام بما له من قيمة عملنا خدمات كتيرة جداً أفكر أن أبو إسلام كتلة من مواد حيوية نزلت على كوكب الأرض عن طريق أحد النيازك
يوسف الحسيني لأبو إسلام: عارف كنت بطبل لمين ؟ .. كنت بطبلها .. مبسوط
خلونا نبدأ الكلام سوف لن نشتري هذا العيد شجرة .. أبو إسلام سوف تكون أنت الشجرة طبعاً أحنا عارفين ساعات كتير أوي بيحصل أيه جنب الشجرة
السادة المحترمون: أبو إسلام بيقطع صورة يوسف الحسيني وألبرت شفيق ونجيب ساويرس
ممكن نشوف مع بعض الأداء العظيم الرائع المبدع إرهاصة من إرهاصات الثورة أبو إسلام تسفيق حاد لأبو إسلام
السادة المحترمون: يوسف الحسيني يكشف كذب أبو إسلام .. أنضف يا أبو إسلام
سيبنا من أبو إسلام والهجص بتاعه خلونا في موضوع الطبال موضوع كازينو الجندول تحديداً .. دي صورة فنان محترم طبال فلسطيني أسمه كايد السيلاوي أما اللي حنبه ده بقى واحد أسمه يوسف الحسيني حطين رأسه بدل كايد
السادة المحترمون: معكم من كوكب الأرض الشيخ أبو إسلام
السادة المحترمون: الوضع السياسي في مصر ـ اللواء سامح سيف اليزل
اللواء سامح سيف اليزل مركز الجمهورية للبحاث السياسية والأمنية: هناك مركز لتدريب الميليشيات المسلحة على الحدود الليبية. الناس عرفت قيمة الجيش حين ابتعد بشكل كامل عن الساحة السياسية. الجيش سيدخل إذا وصلنا لمرحلة إنهيار الدولة. مصر في مرحلة الدولة الهشة ولم نصل بعد لمقومات الدولة الفاشلة. الإخوان لايستطيعوا الإستغناء عن التعاون الأمني والإستخباراتي مع أمريكا. إيران قد تدفع أموال لجماعات في مصر
د. إحسان كميل جورجي يخرج عن صمته مع يوسف الحسيني أيها السادة المحترمون
أهلاً بيكم معنا مرة أخرى أيها السادة المحترمون و السيدات المحترمات زي ما كنا بنقولكوا قبل هذا الفاصل معانا على الهواء مباشرة من الولايات المتحدة الأمريكية د. إحسان كميل جورجي رئيس مصلحة الطب الشرعي
السادة المحترمون: الأربعاء 03 أبريل 2013
الحلقة الكاملة لبرنامج السادة المحترمون مع يوسف الحسيني .. الأربعاء 03 أبريل 2013
ليست هناك تعليقات:
إرسال تعليق