تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون الخميس 28/3/2013 من قناة ONTV يوتيوب كاملة
السادة المحترمون: وزير التموين .. كفاءة في خلط الزيت بالسكر
، وزى ما احنا عارفين أن خبرته أنه استاذ قسم الهندسة الحيوية الطبية بكلية الهندسة جامعه القاهرة ، حاجة كدة ملهاش علاقه لا بالدقيق ولا بالسولار ، لكن
الحسيني: باسم عودة وزير التموين.. مصر عدمت من الخبراء والمتخصصين
عادى بقى ما ياسر على بتاع الجلدية اتعين متحدث رئاسى وبعدها مسك مركز المعلومات التابع لمجلس الوزراء ، وغيره زى الحداد مساعد مرسى للشئون الخارجية خريج الطب اللى برضه ما نعرفش خبراته ايه فى العلاقات الخارجيه
يوسف الحسيني : وزير التموين .. مبيعرفش يحسب
نرجع للوزير الفلته باسم عودة ، اللى عاوز يحدد حصه المواطن من العيش على حسب هو بياكل رز قد ايه ، ايوه عودة عاوز يأكل الشعب على مزاجه مش عاجبك هو ده مشروع النهقة بتاع الإخوان.
السادة المحترمون: مرسي وجماعة الإخوان بيساعدوك بأيه ؟ .. ولا حاجة
السلام عليكم ورحمة الله وبركاته أيها السادة المحترمون و السيدات المحترمات .. أنا عاوز أفهم اللي في خاطر أي حد موالي لجماعة الإخوان أو الرئيس مرسي بس أنا أحب أفهم أيه سر هذه الموالاه وهذا التأييد
السادة المحترمون: الحسيني لهشام قنديل .. اللى عاوز يكلمك يكلمك الساعة كام
رجعنالكم تانى ايها السادة المحترمين والمحترمات، أول حاجة فى أخبارنا النهاردة
عن رئيس الوزراء هشام قنديل اللى اتحفنا في اول ردوده على مبادرة اسأل رئيس الوزراء بطريقة نحن فتيات عائلات محترمات .. النهارده جاوب قنديل واكد انه رافض الاستقاله لان الاستقاله تعنى هروب من المسؤوليه لأ وكمان بيقول حكومته لها انجازات ،
نرجع نعلق شوية ونتكلم احنا عاوزين مين اللي بيدفع تمن الإعلانات بتاعة هشام قنديل على الانترنت بتاعة الفديوهات بتاعته هل هوه بيدفعها من جيبه ولا من جيب دافعي الضرائب احنا نفهم ان الحكومة تعلن في تلفزيونها بتاع الدولة عن انجازتها لكن اعلانات الانترنت ديه بتمن ومين اللي بيدفع التمن احنا من جيبنا هشام قنديل بيطلع يقولك احنا بنات عائلات قصدي اسأل رئيس الوزرا.. عمومآ يا ترى يا هل ترى هل كل الأسئلة رئيس الوزرا جاوب عليها ولا لأ .
السادة المحترمون: عايزين نائب عام جديد .. مش معارضة ولا إخوان
هنبتدى معاكم النهاردة بقرار جبهة الانقاذ والقوى المدنية تنظيم مظاهرة بكره أمام دار القضاء العالى وده للمطالبة بتنفيذ قرار المحكمة بعزل النائب العام اللى عينه الرئيس محمد مرسي عيسى العياط بعد الإطاحة النائب العام السابق عبد المجيد محمود بعد الإعلان الدستوري اللي قسم البلد ولغاية دلوقتي هو السبب في اللي احنا وصلناله، المليونية هتبقى اسمها "ما بنتهددش" ، المليونية كمان هتكون للاحتجاج على القرارات اللى اخدها نائب عام الإخوان طلعت عبدالمجيد بضبط واحضاء عدد من السياسيين والنشطاء على خلفية أحداث المقطم - المستشار طلعت عبدالله حكايته حكاية ، أمبارح أمر بتحويل قضيه حرق مقر الفريق شفيق اللى كان فى يونيو الماضى لمحكمة الجنايات واللى اتهم فيها الناشط السياسى علاء عبدالفتاح والناشطة منى سيف - طبعا علاء كان ضمن اللى أمر النائب العام بضبطهم واحضارهم على خلفية أحداث المقطم الجمعة اللى فاتت ولما علاء حضر امام النائب العام من يومين ورفض الحديث وافرج عنه وقولنا الموضوع على الاقل حيتقفل بالنسبة ليه مؤقتا، لكن علطول طلعت قضية منسية من الكل وهي قضية حرق مقر الفرق شفيق ايام الانتخابات الرئاسية، ومش حنسأل ليه التوقيت دلوقتي بمنطق التفتيش في الدفاتر القديمة ، لكن الغريب ان الفريق شفيق وقتها أعلن أنه تنازل عن البلاغ المقدم ضد علاء عبدالفتاح واعلن كمان أنه مش فى عداوه مع الثوار .
أحمد شفيق: الإخوان بيلفقوا القضايا .. ولن أكون عصا لضرب الثائرين
كمان الفريق شفيق أصدر النهاردة بيان أكد فيه أن الإخوان بيلفقوا القضايا واكد تنازله عن بلاغات حرق مقرات الحملة من شهور .. الفريق شفيق اكد كمان انه لن يكون عصا لضرب الثائرين .
يوسف الحسيني: معارضتنا خيبانة ولازم تحس شوية بالغلابة
المعارضة طول النهار مليانة شجب وتنديد .. هنعمل المظاهرة .. هنعمل المسيرة .. أنا مش بحرض على العنف بس لازم المعارضة تعمل حاجة يحس بيها الغلابة و الفقراء
يوسف الحسيني: الإخوان ركبوا الثورة ومرسي عمال يتفرعن
القصة بدأت ازاي عشان نفهم كلنا مع بعض تاني ونشرح للي عاوزين ينسونا او بيحاولوا يخلو القضية ان المعارضة عاوزة النائب العام يمشي كدة لله في لله ، لا الاعتراض على المبدأ والطريقة.
البداية كانت بقرار لمرسى فى 11 أكتوبر بعزل النائب العام المستشار عبدالمجيد محمود وتعيينه سفيرا فى الفاتيكان
السادة المحترمون: الإخوان بتنزل تأييد مرسي على أي حاجة
البداية كانت بقرار لمرسى فى 11 أكتوبر بعزل النائب العام المستشار عبدالمجيد محمود وتعيينه سفيرا فى الفاتيكان
- "سى جى عزل النائب العام"
قبل ما مرسى يصدر القرار نزل الإخوان أمام مكتب النائب العام يعلنوا دعمهم لقرارات مرسى -- اللي كانوا متجمعين ومستعدين للتظاهر وتظاهروا بالفعل حتى قبل القرار ما يطلع.. )فيديو الحتة بتاع الإخوان امام الناب العام(
وزي ما حضراتكو شوفتوا انهم نزلوا من غيبر ما يعرفوا هما نازلين ليه وديه نقطة الخلاف الرئيسية هما نازلين بمبدأ السمع والطاعة من غير ما يفكروا,
من داخل اللجان الإلكترونية للإخوان .. مصطفى زكريا فى السادة المحترمون
السادة المحترمون .. تقديم يوسف الحسيني ضيف البرنامج مصطفى زكريا الصحفى بجريدة الصباح .. من داخل اللجان الإلكترونية للإخوان .
السادة المحترمون: الرئيس مرسي .. حنفي الرئاسة المصرية
المهم المستشار عبدالمجيد محمود بعدها نفى انه قدم استقالته ونفى قبوله تعيينه فى الفاتيكان وحط الرئيس مرسى في موقف محرج جدا وتحت ضغط الهيئات القضائية الرئيس مرسى وكالعادة رجع في كلامه بمنطق حتنزل المرة ديه عشان نبدأ سلسلة من القرارات المتخبطة والمتراجعة.
لغاية ما وصلنا ل 22 نوفمبر اليوم اللى أصدر فيه مرسى اعلانه الاستبدادى وضرب بعرض الحائط السلطة القضائية وحصن كل قراراته، وقام بعزل النائب العام عبدالمجيد محمود وقام تعيين طلعت ابراهيم كنائب عام .
وكالعادة ، وقتها خرج الإخوان وتظاهروا امام النائب العام دعما لقرارات مرسى
الحسيني لطلعت عبدالله: عيب لما ترجع في كلامك وتقول أنهم خوفوك
لو نفتكر الرساله اللى بعتها المستشار خاطر لمجلس القضاء الأعلى كانت فضيحة لنظام مرسى اللى عاوز يخلى السلطة القضائية والنيابه العامة على هوى الأهل والعشيره - احبس ده افرج عن ده لفق قضيه لده - المهم بعد المشكلة ديه المستشار طلعت عبدالله تراجع هوه كمان في قراره خرج بعدها أكثر من 3000 وكيل نيابه لأول مرة فى تاريخ مصر وتظاهروا أمام دار القضاء العالى وحاصروا مكتب طلعت عبدالله وطالبوه بالاستقاله ، وقتها تجاوب النائب العام مع مطالب أعضاء النيابة العامة وأعلن أنه هيقدم استقالته فى خلال يومين لمجلس القضاء الأعلى
ليست هناك تعليقات:
إرسال تعليق