شارك مع اصدقائك

26 مارس 2013

برنامج بلدنا بالمصرى الاثنين 25/3/2013 ONTV يوتيوب كاملة:ريم ماجد: عرف سلمية يا معالي الوزير ينوبك ثواب فينا .. حوالي 20 متظاهر يحاصرون باب 2 ويهتفون ضد الإعلام .. شهبندر: تقدمنا ببلاغ للتحقيق في الإعتداء على أبو سعدة


نشاهد اليوم

برنامج بلدنا بالمصرى

تقديم ريم ماجد

على قناة ONTV


يوتيوب كاملة

تقديم ريم ماجد



يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين


شارك الخبر مع اصدقائك على الفيس بوك و تويتر و جوجل +1

ONtv Livestreaming - البث الحي



اتمنى مشاهدة ممتعة

ونبدا


برنامج بلدنا بالمصرى الاثنين 25/3/2013 ONTV يوتيوب كاملة

ريم ماجد: عرف سلمية يا معالي الوزير ينوبك ثواب فينا

بنمسي على حضراتكو في حلقة جديدة من بلدنا بالمصري.. هنشتغلها النهاردة تاني تحت حصار اخف شوية من حصار امبارح.. بعد ما كان انفض المولد والحمد لله وكل حي راح لحاله مؤقتاً.. يادوب طلع النهار لموا بعضهم تاني لكن باعداد اقل وهيلا بيلا على حيطة المدينة المالية وزي ما جت سليمة مرة في التانية يبقى اكيد في كل مرة هتسلم الجرة.. ومادام رئيس الجمهورية بجلالة قدره راضي، ومادام وزير الداخلية ديتها بيتفاوض باللتي هي احسن، تبقى الاشية معدن وابو بلاش كتر منه!!!!! ايوة ابو بلاش طبعاً.. لما يبقى كام نفر ما يجيش عددهم ٣٠٠ نفر ولو اتمعظموا اوي يعني يبقوا ٤٠٠ يسووا الهوايل يوم في التاني والامن واقف يتفرج؟!!! يبقى دة من ابو بلاش!!!!! ليه يا ترى الامن واقف من امبارح ورا السور بيتفرج؟!!! وليه مطول باله وقاصر شره وقليل الحيلة كدة قدامهم؟! لا عايزينه يسحلهم ولا يعدمهم العافية ولا يضربهم بالخرطوش ولا حتى بالغاز ولا يضربهم اصلاً ولا يمد ايده عليهم.. لكن يحوشهم عننا وعن ضيوفنا.. يحمينا ويحميهم في الداخلة والخارجة؟! وكله بالقانون مش عايزين حد يخالف القانون احنا.... لكن اللي يخالف القانون يطبق عليه... اللي يشيل سلاح واللي يقطع طريق واللي يمنع مواطن من اداء عمله واللي ينزل بعزم ما اداه ربنا على اي عربية معدية واللي يستقصد شخصيات بعينها وبالاسم ويعرض حياتها للخطر، ارتكب جرايم يعاقب عليها القانون.. مش كدة ولا ايه؟!!! لما ييجي السيد وزير الداخلية في انصاص الليالي بعد ما عدينا الصعب احنا وضيوفنا وبالجهود الذاتية وبباعنا ودراعنا.. وبعد ما عملوا ما بدالهم وجابوا اخرهم ٢٤ قيراط؟!!! يبقى دة من ابو بلاش ولا مش من ابو بلاش؟!!!! ... كان جاي ليه وزير الداخلية؟!! جاي يتفقد الاوضاع ويتابع بنفسه خطة تامين المدينة؟!!! اللي هي ايه خطة تامين المدينة؟!!! دة احنا لوكنا عملناىلجان شعبية من الاعلاميين والموظفين والعاملين في المدينة بالتناوب زي ما عملنا في ال١٨ يوم كنا امننا نفسنا وضيوفنا اكتر من كدة؟!!! ولا كان جاي وزير الداخلية يتفاوض مع المتظاهرين ويدي تعليماته لقوات الامن بعدم التعرض للمتظاهرين السلميين الذين يعبرون عن آرائهم دون التعرض لحريات الآخرين"؟!!!! دة ايه الحلاوة ديه؟!!! ٍ وهم اصلاً كانوا اتعرضوا لهم عشان يجي بنفسه يديهم تعليمات بعدم التعرض؟!!! اللي يشوف كدة يقول المواجهات كانت على اشدها فوجبت بقة تعليمات ضبط النفس؟!!! وبعدين هم مين دول اللي سلميين بيعبروا عن رايهم بدون التعرض لحريات الاخرين؟!!! عرف سلميين وحريات الاخرين يا معالي الوزير ينوبك ثواب فينا؟!!! ايه علاقة السلميين وحريات الاخرين باللي احنا فيه من امبارح؟!!!! بس معالي الوزير كتر خيره، جاب من الاخر وأكد على حرص وزارة الداخلية وإيمانها الكامل بحق المواطن في التظاهر السلمي دون التعرض للمنشآت المهمة والحيوية أو الممتلكات الخاصة بالمواطنين"!!!! طب والمواطنين ذات نفسهم؟!!! ايه ظروفهم؟!!!



بلدنا: حوالي 20 متظاهر يحاصرون باب 2 ويهتفون ضد الإعلام

ومعنا عبر الهاتف مراسلنا محمد الحداد: حوالي 20 متظاهر يحاصرون باب 2 ويهتفون ضد الإعلام. مدير أمن الجيزة أخبرني أنه تلقى تعليمات أمس بحماية المدينة من الداخل.



شهبندر: تقدمنا ببلاغ للتحقيق في الإعتداء على أبو سعدة

المنظمة المصرية لحقوق الإنسان تقدمت ببلاغ 851 لسنة 2013 لتحقيق في واقعة الإعتداء على حافظ أبو سعدة ومعنا عبر الهاتف غادة شهبندر عضو إدارة المنظمة المصرية لحقوق الإنسان: المنظمة المصرية تقدمت ببلاغ للنائب العام للتحقيق في واقعة الإعتداء على أبو سعدة.




ريم ماجد: أنا مش مرسي .. مش هتقعدونا في بيوتنا

عايزة احكي لكم كمان حكاية عالماشي وكل لبيب يفهمها بقة زي ما هو عايز.. النهاردة والسبع لفات اياهم اللي احنا بنلفهم يوماتي على الله، لعل وعسى اي حد من جماعة الاخوان المسلمين او حزب الحرية والعدالة يتفضل مشكوراً ويقبل دعوتنا للمشاركة في الحلقة- لاننا مش هنتخلى عن مهنيتنا ومش هنكل ولا هنمل من اننا نعمل كل اللي علينا عشان تكون كل الاراء ممثلة وهنفضل نتحمل الاعذار اللي بنحترم اصحابها وان كانت في اغلب الاحيان غير منطقية،،، لحد ما تعلنوها كدة على الملأ وبالفم المليان انكوا مقاطعين اون تي في او بلدنا بالمصري، ساعتها بس هنريح نفسنا من السبع اللفات- المهم.. الحكاية اللي كنت عايزة احكيها، اننا واحنا بنلف السبع اللفات اتصل الزميل عماد حبيب المعد الهمام في بلدنا بالمصري، بسيادة النائب طاهر عبد المحسن، وكيل اللجنة التشريعية في مجلس الشورى والقيادي بحزب الحرية والعدالة وجماعة الاخوان... فكلن رده:"هي لسة هتطلع بعد ما عربيتها اتكسرت"؟!!! وهي ديه عايدة علي انا.. فعماد فهمه ان مش انا اللي اتكسرت عربيتي وانه يمكن ملخبط بيني وبين الزميلة العزيزة ريهام السهلي.. واني خرجت من بوابة كانت امنة في اللحظة اللي خرجنا فيها.. فقال له سادة النائب على سبيل الدعابة قبل ما يعتذر طبعاً عن المشاركة في البرنامج انه يقدر يدخل من اي بوابة ولو سالوه على الباب-يقصد المحاصرين- لو سالوه عدو ولا حبيب هيرد يقول حبيب وهيعدي في امانة الله!!!!! انا بقة عندي كلمتين بس لسيادة النائب: انه حتى لو كانت عربيتي اتدشدشت ستين حتة كنت برده هاطلع وحتى اللي عربياتهم اتكسرت برده طالعين... مش هتقعدونا في بيوتنا لا حول ولا قوة... ولو كنتوا فاكرين اننا من الصنف اللي بيطلع يتحسر على رفرف العربية اللي خد طوبة عالماشي والناس دمها سايح في الشوارع وبيتصفى، فاسمح لي اقولك ان النمرة غلط خالص وانكوا غلطانين في العنوان



شيماء أبو الخير: لدينا تخوفات من تهديدات مرسي

ومعنا عبر الهاتف شيماء أبو الخير مستشار الشرق الأوسط للجنة حماية الصحفيين: لدينا تخوفات من التهديدات التى تلقاها الصحفيين في خطاب مرسي أمس. سنصدر بيان يتضمن كافة الإنتهاكات التى تعرض لها الصحفيين منذ أحداث المقطم



بلدنا بالمصري: خطة الإخوان لفضح وتأديب الإعلاميين

خطة الاخوان السرية لفضح وتاديب الاعلاميين المعارضين/ الخطة ردع الاخوانية لمواجهة الاعلام خوفاً من سقوط مرسي، دول العناوين اللي استخدمتهم النهاردة المصري اليوم والوطن لنشر اللي وصفوه بوثيقة سرية اخوانية تشتمل على خطة من اربع اقسام لردع وتاديب وتشويه الاعلاميين المعارضين وخلق اعلام مضاد خر غير رسمي لدفع الشبهات حسب توصيف الوثيقة اللي بتاكد المصري اليوم والوطن الحصول على نسخة منها



حسين عبدالغني: مرسي يتحمل مسئولية إراقة الدماء

ومعنا عبر الهاتف حسين عبدالغني الإعلامي: مرسي مسئول عن كل نقطة دم تراق سواء من الإخوان وغيرهم وتم أمس الإعتداء على السيارة الخاصة بالقناة. الرئيس مرسي يتحمل مسئولية إراقة دماء الإعلاميين والصحفيين.



بيان جبهة الإنقاذ لتخذير النظام من الحملة الشرسة ضدها

بيان جبهة الإنقاذ لتخذير النظام من الحملة الشرسة ضد قيادتها والمعارضة



بلدنا: النيابة بتستدعي شباب الثورة وبتتهمهم بالبلطجة

فامرت النيابة باستدعاءهم بتهمة التحريض على العنف الدكتور محمد ابو الغار وخالد علي ونوارة نجم وزياد العليمي وبثينة كامل وغيرهم



علاء عبدالفتاح: تهمتنا الكلام وليس الفعل العنيف

ومعنا عبر الهاتف علاء عبدالفتاح الناشط السياسي: سمعت شائعات عن وجود كمائن شرطة بجوار مدينة الإنتاج لضبط النشطاء. تهمتنا الكلام وليس الفعل العنيف. لاأعترف بشرعية النائب العام الذي ياتمر بأوامر الإخوان



بلدنا: منظمات حقوق الإنسان تدين حالات الإيذاء البدني

منظمات حقوق الإنسان تدين حالات الإيذاء البدني المتعمد وأستهداف الأفراد



أحمد دومة يطالب بالقبض على مرسي لأنه مجرم

أحمد دومة:
لا أعترف بشرعية النائب العام ولن أمثل أمامه راغباً
أطالب بالقبض على محمد مرسي لأنه يعطي غطاء شرعي لجرائم السلطة
أنا في بيتي واللي عايزني يجيني يشرف ولا أعترف بشرعية النائب العام
لو عوقب قاتل جيكا لما وصلنا لما نحن فيه الآن
الإخوان عينوا طلعت إبراهيم لتحقيق القمع المقنن



ريم ماجد: ياريت النائب العام يطبق القانون على الكل



بثينة كامل:لماذا لم ينتفض النائب العام لحصار الدستورية

بثينة كامل: لماذا لم ينتفض النائب العام لحصار المحكمة الدستورية



بلدنا بالمصري: أبو ولاد الأرض .. المقاومة فرض مش اختيار

لكن في السكة للفاصل هنعدي على الكابتن الغزالي ابو اولاد الارض ورمز من رموز المقاومة في السويس والغني عن اي تعريف لا يمكن يوفيه حقه.. يمكن على حسه نصدق ان مافيش مستحيل وان المقاومة مش اختيار لكن فرض عين مهما كان المشوار طويل




بلدنا: الإخوان والشورى و قانون الجمعيات الأهلية


بدأ مجلس الشورى امبارح مناقشة مشروع قانون الجمعيات الاهلية المقدم من لجنة تنمية القوى البشرية في مجلس الشورى.. على الرغم من اعتراض عدد من النواب من احزاب غد الثورة والبناء والتنمية على سرعة مناقشة القانون قبل ما تتقدم الحكومة بمشروعها.. وكالعادة احنا كنا قدام التلات ورقات.. بمعنى اننا مش عارفين اي مشروع بالظبط اللي بيتناقش.. كان فيه اكتر من مسودة لاكتر من مشروع: واحد كانت مقدماه وزارة التضامن والتاني كان مقدمه نواب حزب الحرية والعدالة والتالت كانت مقدماه حوالي ٥٦ او ٥٧ منظمة من منظمات المجتمع المدني.. واحنا كالعادة واقعين في حيص بيص لان ماحدش بيدينا عقاد نافع.. وحتى نواب مجلس الشورى من داخل حزب الحرية والعدالة ومن داخل لجنة تنمية القوى البشرية في مجلس الشورى ومن داخل لجنة صياغة القانون، اكدوا لنا ان القانون بيتغير كل ساعة والتانية.... كل دة كان حاصل لحد ما صدر بيان باللغة الانجليزية من الدكتور عصام الحداد مساعد رئيس الجمهورية للشئون الخارجية والتعاون الدولي بيقول الاتي

وبعدين صرح الدكتور محمد الدمرداش، مستشار وزيرة التأمينات والشئون الاجتماعية، أن الحكومة ممثلة فى وزارة العدل هتنتهي من إعداد مشروع القانون العمل خلال الاسبوع دة وهتتم مناقشته مع القانون المقدم من اللجنة والذي وافق عليه مجلس الشورى النهاردة من حيث المبدأ.




على اي حال السؤال الرئيسي المطروح في الحلقة ديه هو عن علاقة قانون الجمعيات الاهلية واللي اتضح انه حتى الان هو القانون المقترح من حزب الحرية والعدالة، وبين جماعة الاخوان اللي اتحولت بقدرة قادر لجمعية اهلية بعد توفيق اوضاعها في يوم وليلة.. وايه الفرق بين الاخوان الجماعة والاخوان الجمعية؟! والكيانين موجودين وزيادة الخير خيرين ولا حلت الجمعية محل الجماعة؟! واللي صل دة قانوني ولا شكله بس كدة؟! واللي حصل ده نظري بس وعلى الارض مافيش ولا هيتحقق عملياً؟! وغيرها من الاسئلة اللي هنستعين عليها بضيوفنا النهاردة

الدكتور/ حسن نافعة: استاذ العلوم السياسية في جامعة القاهرة

سيد فتحي: مير مؤسسة الهلالي للحريات

المهندس/ محمود عامر




محمود عامر: الأمن قبل الثورة كان يرفض تقنين الجماعة


مطلب تقنين وضع جماعة الاخوان المسلمين نقدر نقول انه كان مطلب شعبي من بعد الثورة بعد مازالت الاسباب اللي كانت منعاها من العمل في النور، وبالتالي ان الجماعة توفق اوضاعها فدة في حد ذاته شئ ايجابي، بس تفضل فيه علامات استفهام حوالين الاجراءات اللي تم اتخاذها وتوقيت اشهارها بالتزامن مع صدور تقرير هيئة المفوضين اللي اوصى المحكمة باصدار حكم بان جماعة الاخوان المسلمين ليس لها كيان قانوني.. اولاً: الاجراءات



حسن نافعة: إشهار جمعية الإخوان فضيحة مكتملة الأركان


ليه وصفت في مقالك النهاردة، عملية توفيق اوضاع جماعة الاخوان واشهارها كجمعية اهلية بانها فضيحة مكتملة الاركان



ليست هناك تعليقات:

إرسال تعليق