نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون الاحد 24/3/2013 من قناة ONTV يوتيوب كاملة
السادة المحترمون: حتى عبدالرحمن عز بقى يهدد ويتوعد
وحتى وعبدالرحمن عز المتورط فى أغلب أحداث العنف سواء أمام الاتحادية أو قدامم حزب الوفد بيهدد وبيتوعد الإعلاميين والقنوات .. زي ما كتب على الفيس بوك .
السادة المحترمون: الريس مرسي بيحذرنا في قعدة الستات
كل ده عادي ومن حقهم.. لانهم مختلفين معانا .. وعادي لو كلهم من الشباب اللي كان بيتكلم عنهم امبارح احمد عارف انهم مش كلهم على نفس مستوى التربية .. وده عادي احنا مش محتاجين تبرير.. لاننا عارفينه .. لكن الغريب اللي بنلاقيه تصريحات السيد رئيس الجمهورية .. في مؤتمر «مبادرة لدعم حقوق وحريات المرأة المصرية» واللي كان للاعلام نصيب من هجوم سيادته .. واتهم البعض باستخدام وسائل الإعلام للتحريض على العنف والرئيس حذر ان من يثبت تورطه فلن يفلت من العقاب فكل من شارك فى التحريض هو مشارك فى الجريمة.
السادة المحترمون: حازم قالهم حاصروا مدينة الإنتاج وخلع
الصراحة مع حالة التحريض اللي كانت بادية من امبارح من الإخوان والتيارات المتطرفة الباقية .. عشان حصار مدينة الانتاج الإعلامي وده كله عشان عاوزين يسكتوا كل صوت .. زي ما قولنالكو قبل كدة الإخوان بيرفضوا الرأي الأخر .. لازم السمع والطاعة هما عاوزين الاعلام يكون معبر عن عصر النهقة لكن للأسف .. مش عارفين.. عموما زي ما قولنالكو .. امبارح من الدعوات مستمرة والحشد مستمر عشان محاصرة مدينة الانتاج الإعلامي.. واللي جاية بعد يوم من رفض المحكمة الإدارية العليا لرقابة وزير الإعلام عليها .. او رئيس شركة النايل سات .. عاوزين نربط الدنيا ببعضها .. للاسف هما مش عارفين يعملوا ايه .. يحاولوا يسيطروا عن طريق وزير لإعلام مش عارفين والي هوه طبعا صلاح عبد المقصود لكنهم فشلوا زي ما فشلوا في حاجات كتيرة لانهم واخدين كل حاجة بفتح السدر المهم .. بعد فشلهم ده قالوا بقى احنا نحاصرهم.. بعد اللي حصل في المقطم.. رغم اننا ما شفناش حاجة في المقطم .. ناس اتظاهرت .. عموما مش ده موضوعنا انتوا من المفترض ان فيه ناس اتظاهرت عندكو.. ليه طيب تيجو تتظاهروا عند مدينة الانتاج الإعلامي.. هو احنا اللي وجعنكوا.. احنا اللي حرقنكوا.. عموما حقوكوا تتظاروا في اي مكان احنا ما بنصادرشي على الحق .. ده بس ما يبقاش في تحريض لو احنا عندنا قضا مستقل كان زمانه خد موقف من زمان مع اللي دعوا للتظاهر قدام بيوت السياسيين والاعلاميين.. من انصار حازم ابو اسماعيل اللي علطول تبرأ منهم.
الحسيني لمرسي: ربنا يخليك لينا وتقول كمان .. ونقول كمان
اللي عنده ضرائب مش عايز يدفعها بيسلط مذيع يسبّني وينتقدني.. وبعدين التلقيح يا ريس علينا .. مش حلو .. والله يا ريس مش حلو عموما انا عاوز اعترف باعتراف وخلونا نتكلم جدا شوية .. احنا لما كنا حنعمل البرنامج كنا ناوين .. انه يبقى اسبوعي .. عشان نلحق يبقى عندنا مادة وموضوعات نتكلم فيها.. عشان ما نبقاش بنقول اي كلام .. لكن الصراحة .. يا ريس حضرتك والاهل والعشيرة ليكو الفضل ان البرنامج ده يبقى كل يوم من كتر غزارة انتاجكو.. يا ريس حضرتك لو ما تكلمتش احنا مش حنعرف ناكل عيش.. مش حنلاقي كلام نقوله . فربنا يخليك لينا يا ريس وتقول كمان .. ونقول كمان
إيه أحلى افيهات الريس مرسي - حنفي سابقاً ؟
الغريب .. ان الرئيس مرسي هو الرئيس وده نتيجة للخلفية بتاعة التنظيم السري موضوع التلقيح بالكلام.. مره الحارة المزنوقة، ومرة مش عارف ايه.. عموما احنا طبعا اكتشفنا من خلال كلمات الرئيس انه صاحب ايفيه .. واحنا شعب بيحترم الايفيه.
وهذا هو سؤالنا .. افيهات الرئيس.. الاول 56734 والحارة المزنوقة .. وده الخطاب الشهير بتاع الاتحادية..
ولا الثاني وهو اذا اضطررت سأفعل وها انا افعل .. وهو خطاب الحظر.. ومونديال الحظر بعد احداث بورسعيد ..
ولا التالت وهوشايف صباعين تلاتة بيلعبوا جوه وده اللي قاله في مؤتمر المرأة
السادة المحترمون: علاء صادق مكس .. كل حاجة والعكس
عموما سيبونا من اللي احنا فيه وخلونا في قصة تانية خالص .. لما بنلاقي مواقف ناس بتتغير ومش عارفين السبب ايه.. احنا ما عندناش مشكلة ابدا في ان حد يبقى ليه موقف بس خليك قد موقفك .. زي بالظبط الدكتور علاء صادق.. ديما ومن اول يوم راجل كلمته واحدة كلمته لا ترد ولا تصد وحتى كمان في ايام مبارك كان بيقف في وشه ويقوله يسقط مبارك ويحيا الإخوان
رئيس الشورى يغير جدول أعمال المجلس لإنقاذ الجماعة
السادة المحترمون: وديعة ليبيا .. مصر مش مرتزقة يا إخوان
اخبارنا النهاردة .. النهاردة .. أعلن سفير ليبيا الجديد في القاهرة، محمد فايز جبريل، في تصريحات خاصة لـ«وكالة لأناضول للأنباء» التركية أن بلاده بصدد وضع وديعة بـ2 مليار دولار في البنك المركزي المصري لدعم الاقتصاد المصري.
الوديعة ديه جاية بعد قال وزير الداخلية في الحكومة المؤقتة الليبية، الدكتور عاشور شوايل، إن ليبيا بصدد تسلم عدد من رموز نظام الرئيس الليبي السابق، معمر القذافي، في مصر من بينهم القائم بالأعمال الليبي السابق في القاهرة
تورط نجل حسن مالك بتهريب صفقة بدل تركية
عن جريدة صوت الأمة خبر تورط نجل حسن مالك بتهريب صفقة بدل تركية فاخرة من جمارك المطار
خبر مضروب: مرسي يعتذر عن ضرب السياسين والإعلاميين
يوسف الحسيني: فين بديع من زيارة أوباما للقدس
فين بديع من زيارة أوباما للقدس .. وعن كلمة أوباما وموافقته بأن القدس عاصمة اسرائيل
هاكر يخترق بريد كلينتون ويفضح رسائل مرسي وبديع
أحمد أبو خليل مع يوسف الحسيني .. أيها السادة المحترمون
يمكن تكون دي فقرتنا الأخيرة في البرنامج ولقاءنا مع شاب محترم .. رجل محترم .. مواطن مصري محترم من السادة المحترمين أسمه أحمد أبو خليل
السادة المحترمون: الأحد 24 مارس 2013
الحلقة الكاملة لبرنامج السادة المحترمون مع يوسف الحسيني .. الأحد 24 مارس 2013
ليست هناك تعليقات:
إرسال تعليق