نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاربعاء 20/3/2013 ONTV حلقة يوتيوب كاملة
ريم ماجد: كل سنة وحلم ضنا أمهات الشهدا في رقابينا
يسعد مساكم وكل سنة وكل الامهات طيبين وجدعان اوي وبخير وبعودة عليهم الايام وهم متهنيين ومرتاحين البال وتعبهم مش رايح هدر وبيتمر وبيطرح ويشرف ويشرح القلب ويرفع الراس.. اما امهات الشهدا، كل الشهدا، كلهم مصريين وغلاوتهم كلهم واحدة.. فكل سنة وهم اولاً صابرين وربنا منزل عليهم سكينته ومديهم القوة والايمان.. كل سنة وهم بيتباهوا بان ربنا اختار ضناهم دوناً عن الباقيين وكتب له الشهادة.. كل سنة وهم على راسنا من فوق وفي نن عينينا من جوة.. كل سنة والتمن الغالي اللي دفعوه دين في رقبتنا عهد علينا لنوفيه.. وكل سنة وحلم الضنا الغالي اللي دفعوه كمان دين في رقبتنا عهد علينا لنحققه.. ولا عشنا ولا كنا لو فرطنا في حقهم او بعنا القضية اللي دفهوا تمنها من دم قلبهم او نسينا الحلم اللي دفعوا حياتهم عشان احنا نعيشه حقيقة ونتهنى بيه.. والسنة اللي جاية ان شاءالله تكون ام الدنيا شديدة كدة وعفية وعليها القيمة.. وتكون قامت وشدت الحيل.. وبهية كدة وصالبة ضهرها ورافعة راسها في وسط الخلق.. وقلبها كبير قادر يساع الكل.. هي واخدانا في حضنها واحنا شايلينها على كتافنا وفي رموش عينينا.. هي حنينة واحنا جدعان.. هي تطبطب واحنا نشيل الحمول لحد ما نرسى بيها وترسينا والشدة تزول.. قولوا امين
بالمصري، اللي حصل في بلدنا النهاردة ٢٠ مارس ٢٠١٣
حلقة النهاردة من الحلقات اللي غير العادة هنكتفي فيها بعناوين اخر اخبار بلدنا.. عشان يكون عندنا براح في الوقت لامهات الشهدا، وياريت كان عندنا براح في المكان يساع كل امهات الشهدا.. وان ما شالتهمش الارض نشيلهم على دماغنا من فوق بس ما باليد حيلة.. لكن عزاءنا ان ام كل شهيد واي شهيد هي ام لكل الشهدا..
اما الختام فهيكون مع فريق عمل فيلم الشتا اللي فات اخراج ابراهيم البطوط وبطولة عمرو واكد وفرح يوسف وصلاح حنفي، في اول يوم للفيلم في دور العرض.. فيلم الشتا اللي فات اتولد في ميدان التحرير يوم ١٠ فبراير قبل التنحي بيوم واحد مافيش غيره ومع ذلك ماهواش فيلم عن الثورة.. لكن فيلم عن الشتا اللي دايماً بعده ربيع..
بلدنا بالمصري - أم شهيد: مرسي بلطجي هو وعياله
أم شهيد بورسعيد: مرسي بلطجي هو وعياله
أمهات الشهدا وحلم ضناهم .. في عيد الأم في بلدنا بالمصري
نرحب بأمهات الشهداء اللى مخطيين عتبتنا النهردة خطوة عزيزة لو أن الغلاوة واحدة فهنبدا بالسابقين من الشهداء ثم اللاحقين ونرحب بيهم الست أحلام والدة شهيد الشرطة محمود أبو العز. زينب والدة الشهيد أحمد سرور. أمل والدة الشهيد محمد الشافعي. عنايات أم الشهيد محمد على حسين
بلدنا: السينما المستقلة والبديلة.. تحديات ومصاعب
السينما المستقلة والبديلة يعني ايه وعن ايه والتحديات والمصاعب
الشتا اللي فات .. والربيع اللي بعده في بلدنا بالمصري
فيلم الشتا اللي فات ماهواش عن الشتا اللي فات ولا عن اللي قبله.. ولا هو فيلم عن الثورة.. لكن تقدروا تقولوا كدة انه فيلم عن كل شتا، مهما طال فاكيد هييجي بعده ربيع.. الشتا اللي فات من النهاردة في دور العرض، بعد ما شارك في عدد من المهرجانات العربية والعالمية اهمها مهرجان فينيسيا اللي اختاره للمشاركة في مسابقة افاق.. ومهرجان الداخلة في المغرب.. ومهرجان دبي السينمائي اللي فاز فيه عمرو واكد بجايزة المهر العربي، جايزة احسن ممثل عن دوره في الفيلم.. وهيشارك من بكرة في مهرجان ايام بيروت السينمائية..
ابراهيم البطوط
فرح يوسف
ليست هناك تعليقات:
إرسال تعليق