نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون حلقة الثلاثاء 19/3/2013 من قناة ONTV يوتيوب كاملة
الحسيني: الإخوان مش فارق معاهم الدين وهدفهم الحكم بس
يوسف الحسيني: الإخوان مش فارق معاهم الدين وهدفهم الحكم بس
حسدنا شهر العسل بتاع الإخوان والأمريكان
الظاهر كدة اننا كدة عنينا وحشة على حبيبنا الإخوان وامريكا واللي كانوا يا دوب من كام يوم شاربين واكلين نايمين حاضنين بعض، والدنيا زي الفل وعمالين نحكي امبارح عن حميمية العلاقة وازاي الود متأججج ما بينهم، لحد الاتصال الغامض ما بين السفيرة الامريكية وما بين مرشد الإخوان محمد بديع واللي محدش قالنا انتوا كدابين يا معفنين يا بتوع الجبنة النستو وكلهم ساكتين ومش متكلمين وكل حاجة على شوية ايييين .. عشان هما شوية .. ايييييييين.... عموما محدش اتكلم بس الظاهر اثر المكالمة فحفح وريحته طلعت علطول، وشفنا النهاردة رسالتين من الصفحة الرسمية للسفارة الأمريكية بتتكلم عن إن الانتخابات عنصر أساسي من عناصر الديمقراطية ولكنها لا تكفي وحدها... يعني ما تقعدوش تخوتونا لقد جئنا بالصندوق وتقعودا تخنفوا كدة .. والكلام بتاع إن الارادة الشعبية، اهيه جاتلكوا من امريكا الللي مش بس قالت كدة لا ديه كمان بعد شوفنا الرسالة ديه بعدها رسالة تانية من النوع التقيل للمعارضة وللشارع بتقول ايه بقة .. إننا لا نؤيد مجموعة سياسية بعينها في مصر. المصريون فقط يمكنهم اختيار قادتهم يعني مالاخر يا يوسف يا حسيني الكلام بتاع امبارح اننا بنأيد الإخوان مش حقيقي عموما حنشوف وحافكروكوا .. المهم بقة قبل الكلام ده الدكتور عصام العريان .. طلع بالفوم الملايان .. اسد يزأر زأيرا..
قالوا فى( أمريكا): لماذ يكرهوننا؟
وكانت تداعيات "الحرب على اﻹرهاب "واحتﻻل أفغانستان والعراق هى الجواب الذى قد يكون وصل متأخرا.
1/ ﻷن أمريكا داعية الحرية والديموقراطية والعدل ودولة القانون وحقوق اﻹنسان أهدرت كل تلك المعانى والقيم المدعاة.سقطت فى اﻻمتحان.
2/ﻷن نفقات الحروب الباهظة بتريليونات الدوﻻرات -من خزائن الحلفاء ودافعى الضرائب اﻷمريكيين- تسببت فى كارثة مالية واقتصادية عالمية. وكان يمكن لهذه الثروات ان تحقق التنمية والعدالة لكل العرب والمسلمين،وان تمنع الهجرات التى أوصلت العنف الى عواصم أوربا.
3/وفشلت فشﻻ ذريعا فى بناء أى نظام ديموقرطى يحترم قيم وقواعد الديموقراطية فى اى مكان احتلته او تحالفت مع قادته.
يوسف الحسيني: صلاح الدين فتح القدس .. بس بهدل البلد
يوسف الحسيني: صلاح الدين فتح القدس بس بهدل البلد
مبدأ الإخوان: من النهاردة مفيش حكومة .. أنا الحكومة
السلام عليكم تاني ايها السادة المحترمون.. المشهد بتاع امبارح اللي بيحصل في شبرا مخلينا وطبعا حضراتكوا عارفين ان فيه 3 ماتوا واتصال العشرات واتدغدغت 45 عربية ، بسبب خناقة احد ابطالها حسب الداخلية .. هو نجل السيد جمال صابر مدير حملة لازم حازم طبعا المؤيدة للاسد الجسور حازم صلاح ابواسماعيل..اللي بينفي بيأكد أن ابنه مالهوش دعوة وان في محاولة الزج بالاسلاميين عموما مش ده موضوعنا وعمال يكبر الموضوع ده وكأن في مؤامرة على المشروع الإسلامي .. رغم التحقيقات وأقوال شهود العيان.. بتقول غير كدة والموضوع خناقة على ملعب كورة، لكن جمال صابر بينفي ومش ده موضوعنا خلاص في تحقيقات وفي نيابة وفي قضية واحنا مالناش فيه.. اللي لينا فيه بقة حالة البلطجة اللي بقت موجودة علطول من ناحية تيار الإسلام السياسي، بصفة عامة والاخوان بصفة خاصة وعندهم وانهم ديما بيتعاملوا بمبدأ البلد بلدنا مش مهم اي حاجة بمنطقة احمد السقا في فيلم الجزيرة .. انا الحكومه..انا الحكومة.. فخلاص اي مشهد نشوفه بيطلع منهم عادي محدش يتفاجئ الناس دولا كانوا كدة علطول بس احنا اللي طيبين، لانهم من ساعة ما مسكول الحكم بيتهكوا دولة القانون وعاوزنها تمشي بمنطق الاهل والعشيرة وده تبع مين وده قبيلة مين ، ومش مهم الدولة.. عاوزين يبقوا هما الدولة.. وده كان واضح جدا في الإعلان الدستوري الشؤوم لما الريس قال لا يطعن على قراراته
مرسي يلتقي بقيادات المعارضة بالهند .. طب والعارضة هنا ؟
النهارده حنبتديها من الهند.. واللي الرئيس محمد مرسي عيسى العياط بيقوم بزيارتها بعد زيارته لباكستان.. الهند استقبلت الرئيس مرسي النهاردة.. استقبال رسمي.. من القيادات المخلتفة .. طبعا مش محتاجني نقولوكوا على الحادثة اللي حصلت على الماشي كدة .. وراح فيها العشرات في انقلاب اتوبيس .. منور والله يا ريس .. المهم غير اللقاءات الرسمية مع القيادات الهندية المختلة .. عقد الرئيس لقاء مهم جدا مع قيادات المعارضة هناك في الهند .. اه والله هناك في الهند.. طب يا ريس والمعارضة هنا.. المعارضة الحقيقية زي زعيمة المعارضة في الهند اللي قعدت معاها هناك . ومحدش طلع في الهند قالك المعارضة بتتلقى تمويل من الخارج وبتستقوى بمصر بعد ما الريس قعد معاها .. عادي جدا .. قعدت المعارضة هناك مع الرئيس مرسي .. مافيش مشكلة...
خبر مضروب .. الرئيس مرسي يتوجه إلى إسرائيل
بعد حوادث باكستان والهند الرئيس مرسي يتوجه إلى إسرائيل لحل القضية الفلسطينية من جذورها
السادة المحترمون: أخطاء كلمة مرسي في باكستان
عموما انا حابب اقرار على حضارتكوا رسالة الدكتور يوسف زيدان.. للدكتور مرسي .. حنقراهالكو..
ما كان لك ، و أنت رئيس مصر ، أن تُلقى بالكلمة المليئة بالأخطاء ، التى كُتبت لك لتقرأها فى حفل حصولك على الدكتوراة الفخرية من باكستان. و أرى أنه لابدّ من إبعاد كاتبها الجاهل عنك ، كيلا يتكرّر منك مثل هذا . و بالطبع ، فأنتَ لستَ متخصّصاً فى تاريخ العلم ، و لكن الأخطاء التى وردت فى كلمتك أمام علماء باكستان كانت شنيعة ، و لا يخفى خطؤها على أى قارئ عام أو مثقف متوسط الحال . . و إليك بعض أخطائك :
البيرونى ( الذى نطقت اسمه بطريقة خاطئة ، بتسكين الياء التى بعد الباء ) لم يكتشف الدورة الدموية الصغرى ، و لم يسمع بها . الذى قام بذلك هو "ابن النفيس"الذى اكتشف الدورتين ، الكبرى و الصغرى ، و قد قام بذلك فى مصر بعد زمن البيرونى بعدة قرون من الزمان . و البيرونى ، يا رئيس مصر ، لم يشتغل بالفلسفة مثلما زعمتَ فى كلمتك ، و كان متخصّصا فى علوم أخرى . و الكتاب الذى امتدحه فيه "جورج سارتون" عنوانه : مقدمة فى تاريخ العلم ! و ليس كما قلتَ أنت " فى مقدمة كتابه : دراسة فى تاريخ العلم " .
و ابن الهيثم ، يا رئيس مصر ، لم يُعلّم الدنيا التشريح حسبما جاء فى كلمتك ، و إنما برز فى الهندسة و البصريات ، و ليس له إسهام فى الطب و لا التشريح . و جابر بن حيّان ، يا رئيس مصر ، لم يؤسّس علم الكيمياء كما زعمتَ فى كلمتك ، فقد كانت الكيمياء معروفة من قبله بقرون عند اليونان و الإسكندرانيين و العرب المسلمين . و ابن خلدون ، يا رئيس مصر ، لم "يُعرّف علم الاجتماع" مثلما قُلتَ فى كلمتك ، و إنما ابتكر ما أسماه "علم العمران البشرى" الذى رأى بعض الدارسين أنه كان مقدمة لعلم الاجتماع الذى أسّسه أوجيست كومت و إميل دوركايم و آخرون .
و لستُ بحاجةٍ إلى تأكيد أننى ما اهتممتُ بإهداء عيوبك إليك ، إلا غيرة على اسم هذا البلد
السادة المحترمون: تظاهرات الإخوان .. تكسير واشتباكات
وحتى قبلها ..فى 12 أكتوبر 2012 كان فى مليونية للقوى الثورية فى ميدان التحرير ، وكانت سلمية جدا الا ان الاخوان كانوا لهم رأى ثانى فراحوا تظاهروا فى التحرير وكسروا المنصة واشتبكوا مع المتظاهرين وسقط العديد من الضحايا .. ومحدش اتحاسب ...
عندنا وبس .. حصار المحكمة الدستورية وإرهاب القضاة
وبقى عادي.. اننا نلاقي حصار للمحكمة الدستورية، عشان تتمنع من نظر قضية حل الشورى والتأسيسية، ويقعدوا محاصرينها ويمنعواالقضاة من انهم ما يخشوش، ويقعدوا يرهبوا فيهم في مشهد عمره ما حصل في الدنيا كلها.
مقتل 10 وإصابة المئات وجبنة نستو بأحداث الإتحادية
وفى 5 ديسمبر الماضى وأمام قصر مرسى فى الاتحادية ، ميليشيات الإخوان هاجموا المعتصمين السلميين .. وكان النتيجة مقتل 10 واصابه المئات .. بعد ما ظبطوا فعلا .. اخطر حاجة.. ضد المعتصمين .. ايوة .. جبنا نستو ..يا معفنين..
السادة المحترمون: حصار مدينة الإنتاج سلوك إرهابيين
وبقى عادي انهم يحاصروا لمدينة الانتاج الإعلامي، ويقعودا يدبحوا في اخوانهم العجول .. ويبنوا حمامات في الشارع عادي ومحدش يحقق معاهم.. عادي طظ في دولة القانون .. مش مهم .. احنا القانون ..
السادة المحترمون - أبو إسماعيل: أدين أي عنف ضد المنشأت
ويبقى عادى ولا حد يحاسبهم عادي.. مش مشكلة .. وبعدها يبتدوا يولعوا في حزب الوفد .. عادي ولا اي اندهاش ولا حد يتقبض عليه ولا يتحاكم ولا اي حاجة .. عادي جدا .. حتى بعدا وصل التحدي للتهديد من قبل الشيخ حازم وانصاره بمحاصرة قسم الدقي ، قبل طبعا ما يرجع في كلامه تاني وما يروحشي ويطلع ينفي على الفضائيات انه اساسا دعا لموضوع زي ده
عمرو حمزاوي ويوسف الحسيني .. منكم ولكم أيها المحترمون
جزء كبير من الطلاب في الجامعة نفسهم يفهموا و بيسمعو و بتجادل ولكن بكل تهذيب ولديهم سعي كبير على طلب العلم .. سافرت الهند وكان في لقاء إستراتيجي يحضره السياسيين ودعوني لهذا اللقاء و رجعت قبل ما تبدأ الرحلة الرئاسية الحمد لله و ربنا يستر عن الناس هناك .. يا ريت الرئيس يروح تل أبيب .. أحنا خيبتنا قوية .. عمرو حمزاوي الناشط السياسي وعضو جبهة الإنقاذ الوطني ضيف يوسف الحسيني في السادة المحترمون .
السادة المحترمون: أبو إسماعيل يهدد الداخلية ووزيرها
عادي جدا محدش مندهش .. ده وصل الموضوع لان الشيخ حازم بقى يهدد وزير الداخلية السابق اللي كان عاوز يرجع دولة القانون ولاول مرة تلاقي الناس راضية عن وزير داخلية ابتدى يظبط الشارع ، لكن الاسلاميين لا ازاي نرجع دولة القانون احنا عاوزينها كدة ميغه ..
الحسيني لأبو إسماعيل: تفتش ليه مدينة الإنتاج .. أنت مالك
تدريب الأطفال على العنف بمدارس الإسلاميين .. عادي
يا جدعان لجوء الإسلاميين للعنف عادي وبديهي وبيحصل علطول وبنلاقيه حتى في مدارسهم .. بيدربوا الاطفال الصغيريين .. عليه ..
السادة المحترمون: الثلاثاء 19 مارس 2013
الحلقة الكاملة لبرنامج السادة المحترمون مع يوسف الحسيني .. الثلاثاء 19 مارس 2013
ليه الإسلاميين فاكرين نفسم فوق القانون أيها السادة
السلام عليكم تاني ايها السادة المحترمون.. المشهد بتاع امبارح اللي بيحصل في شبرا مخلينا وطبعا حضراتكوا عارفين ان فيه 3 ماتوا واتصال العشرات واتدغدغت 45 عربية ، بسبب خناقة احد ابطالها حسب الداخلية .. هو نجل السيد جمال صابر مدير حملة لازم حازم طبعا المؤيدة للاسد الجسور حازم صلاح ابواسماعيل.. اللي بينفي بيأكد أن ابنه مالهوش دعوة وان في محاولة الزج بالاسلاميين عموما مش ده موضوعنا وعمال يكبر الموضوع ده وكأن في مؤامرة على المشروع الإسلامي .. رغم التحقيقات وأقوال شهود العيان.. بتقول غير كدة والموضوع خناقة عغلى ملعب كورة، لكن جمال صابر بينفي ومش ده موضوعنا خلاص في تحقيقات وفي نيابة وفي قضية واحنا مالناش فيه.. اللي لينا فيه بقة حالة البلطجة اللي بقت موجودة علطول من ناحية تيار الإسلام السياسي، بصفة عامة والاخوان بصفة خاصة وعندهم وانهم ديما بيتعاملوا بمبأ البلد بلدنا مش مهم اي حاجة بمنطقة احمد السقا في فيلم الجزيرة .. انا الحكومه.. انا الحكومة.. فخلاص اي مشهد نشوفه بيطلع منهم عادي محدش يتفاجئ الناس دولا كانوا كدة علطول بس احنا اللي طيبين، لانهم من ساعة ما مسكول الحكم بيتهكوا دولة القانون وعاوزنها تمشي بمنطق الاهل والعشيرة وده تبع مين وده قبيلة مين ، ومش مهم الدولة .. عاوزين يبقوا هما الدولة.. وده كان واضح جدا في الإعلان الدستوري الشؤوم لما الريس قال لا يطعن على قراراته
وحتى قبلها ..فى 12 أكتوبر 2012 كان فى مليونية للقوى الثورية فى ميدان التحرير ، وكانت سلمية جدا الا ان الاخوان كانوا لهم رأى ثانى فراحوا تظاهروا فى التحرير وكسروا المنصة واشتبكوا مع المتظاهرين وسقط العديد من الضحايا .. ومحدش اتحاسب ...
وبقى عادي.. اننا نلاقي حصار للمحكمة الدستورية، عشان تتمنع من نظر قضية حل الشورى والتأسيسية، ويقعدوا محاصرينها ويمنعواالقضاة من انهم ما يخشوش، ويقعدوا يرهبوا فيهم في مشهد عمره ما حصل في الدنيا كلها.
وفى 5 ديسمبر الماضى وأمام قصر مرسى فى الاتحادية ، ميليشيات الإخوان هاجموا المعتصمين السلميين .. وكان النتيجة مقتل 10 واصابه المئات .. بعد ما ظبطوا فعلا .. اخطر حاجة .. ضد المعتصمين .. ايوة .. جبنا نستو ..يا معفنين..
وبقى عادي انهم يحاصروا لمدينة الانتاج الإعلامي، ويقعودا يدبحوا في اخوانهم العجول .. ويبنوا حمامات في الشارع عادي ومحدش يحقق معاهم.. عادي طظ في دولة القانون .. مش مهم .. احنا القانون ..
ويبقى عادى ولا حد يحاسيهم عادي.. مش مشكلة .. وبعدها يبتدوا يولعوا في حزب الوفد .. عادي ولا اي اندهاش ولا حد يتقبض عليه ولا يتحاكم ولا اي حاجة .. عادي جدا .. حتى بعدا وصل التحدي للتهديد من قبل الشيخ حازم وانصاره بمحاصرة قسم الدقي ، قبل طبعا ما يرجع في كلامه تاني وما يروحشي ويطلع ينفي على الفضائيات انه اساسا دعا لموضوع زي ده ..
سؤلنا باختصار .. هل الاسلاميين بيحسبوا نفسهم فوق الدولة والقانون .. أه ولا لأ
ليست هناك تعليقات:
إرسال تعليق