نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاثنين 18/3/2013 ONTV حلقة يوتيوب كاملة
رسائل لو كان في حد يهمه الأمر .. في بلدنا بالمصري الليلة
يسعد مساكم وحلقة جديدة من بلدنا بالمصري.. هنختمها بشوية رسايل بعلم الوصول لينا جميعاً حكام ومحكومين، مستخبية ورا حكم محكمة القضاء الاداري بوقف الانتخابات لحد المحكمة الدستورية ما تبت في مدى دستورية قانون الانتخابات.. وبغض النظر عن الطعن على الحكم قدام المحكمة الادارية العليا ولحد ما المحكمة الادارية تقول كلمتها، الرسايل ديه المفروض تسد عين الشمس مجرد ما توصل لمن يهمه الامر.. دة طبعاً ان وصلت وان كان فيه حد اصلاً يهمه الامر على الاقل من الحكام.. الرسايل فك خطها الاستاذ خالد علي المحامي والمرشح السابق لرئاسة الجمهورية وكتب فيها مقال طويل عريض.. وهيكون معانا يقرا الرسايل واحدة واحدة ويرسينا على اهميتها وقيمتها.. لكن بعد اخر اخبار بلدنا
بلدنا بالمصري: الإخوان لسه محتاجين إثبات تورط
الإخوان لسه محتاجين إثبات تورط
بلدنا بالمصري: مش أحمد خيري اللي ضرب ميرفت بالقلم
امبارح حصل للكل لبس لحد دلوقتي مش عارفين لا اصله ولا فصله ولا جه منين، بخصوص صاحب الايد الطرشة اللي نزلت على وش ميرفت موسى.. بس هنحكي ليكوا الحكاية بتفاصيلها اللي عندنا وهنحاول نفهم سوا
بلدنا بالمصري: خطف الأطفال في دولة مكتب الإرشاد
واولنا اكيد من المقطم.. حيث ان الموضوع ماعادش بس على قد اشتباكات ما بين متظاهرين من ناحية وشباب الجماعة او عناصر الجماعة او امن الجماعة والامن المركزي من الناحية التانية فرادى او ايد واحدة.. ولا على قد كفوف نزل على وشنا قبل ما ينزل على وش ست من اجدع ستات البلد ديه.. ولا على قد صحفيين بيتعدموا العافية على ايد عناصر امن الجماعة او عناصر الامن المركزي او الاتنين.. ولا على قد متظاهرين وصحفيين بيتقبض عليهم عشوائي وفي زمرة الاحداث على راي اللوا عبد الفتاح عثمان امبارح.. ولا على قد كماين مترشقة في المقطم بتفتش العربيات عمال على بطال بدون وجه حق وبدون اذن نيابة وبالمخالفة للقانون بما انه على حد علمنا اتغلت حالة الطوارئ الا لو كانوا اعلنوها في المقطم واحنا مش داريانين.. لا احنا اتطورنا كمان عن كدة وحصلت ان العيال تبقى رايحة دروسها في امانة الله فتخرج وما ترجعش
ريم ماجد: هي الداخلية بتحمي ليه مكتب الإرشاد
هي الداخلية بتحمي ليه مكتب الإرشاد وما علاقة الشرطة بيه وهو مقر غير شرعي وليس من عمل الشرطة حماية المقر
محمد أبو حجر: لا يوجد أي اشتباكات في محيط مكتب الإرشاد
ومعنا عبر الهاتف محمد أبو حجر الصحفي بجريدة الوطن محيط مكتب الإرشاد: لا يوجد أي إشتباكات بين المتظاهرين والشرطة ولم يوجد اي متظاهرين امام المقر
بلدنا بالمصري: حقيقة ضبط وإحضار حراس خيرت الشاطر
اما عن اخر تطورات التحقيقات، فالمؤكد لحد دلوقتي ان ما حدش من اللي شفناهم على عينك يا تاجر بيطولوا لسانهم او بيمدوا ايديهم على الشباب يوم السبت بالكف بقة بالشومة بالكرسي اياً كان، مافيش حد فيهم اتقبض عليه او على الاقل تم الاعلان عن القبض عليه.. كل اللي تم الاعلان عنه خبر بيقول: النيابة العامة تقرر ضبط واحضار تلاتة من حراس المهندس خيرت الشاطر نائب مرشد جماعة الاخوان لاتهامهم بالتورط في الاعتداء على الصحفيين.. وبعدين رجعت النيابة قالت ما قررناش ضبطهم واحضارهم قررنا استدعاءهم لسماع اقوالهم.
أحمد مصيلحي: القبض على 6 أطفال خلال اليومين الماضيين
ومعنا عبر الهاتف أحمد مصيلحي المستشار القانوني لائتلاف حقوق الطفل: تم القبض على 6 أطفال خلال اليومين الماضيين. الأطفال المعتقلين محتجزين في قسم المقطم . النيابة تعاملت بصرامة مع الـ 6 أطفال المعتقلين. عدم حضور محامي مع الأطفال المعتقلين إنتهاك للقانون. الأطفال المعتقلين مصابين وتم إقتيادهم إلى مقر الجماعة بعد إعتقالهم.
بلدنا: الإخوان يتجسسون على النشطاء .. والدليل قلم
دلوقتي احنا عندنا حكاية ليها العجب وان صحت تبقى في منتهى الخطورة ناهينا عن انها وبرده لو صحت تبقى جريمة يعاقب عليها القانون.. الحكاية على عهدة الاستاذ عبده رسمي وشهرته عبد الحليم زيتون وبيعرف نفسه على انه عضو في حزب الكرامة وفي التيار الشعبي.. واحنا اتاكدنا فعلاً من المعلومة ديه.. الاستاذ عبده اتقدم النهاردة ببلاغ رقمه ٤٦٢٤، بتفاصيل الحكاية اللي حكاها صوت وصورة كالاتي
بلدنا بالمصري: اسمعهوهم .. أهالي الشهداء في بورسعيد
رسايل مجلس الدولة للمجتمع محكومين وحكام واولنا الاخوان.. الاستاذ خالد علي المحامي والمرشح السابق لرئاسة الجمهورية هيقراهالنا بالفم المليان وبعلم الوصول بس لاولي الالباب واللي يهمهم الامر وفي الحالة ديه مش متاكدة اوي ان اولنا الاخوان.. بعد الفاصل.. بس هنعدي الاول على اهالي الشهدا في بورسعيد في السكة كدة واحنا طالعين الفاصل
أمام مكتب الإرشاد: اقتلونا إحرقونا .. يسقط حكم المرشد
فتاة أمام مكتب الإرشاد: اقتلونا إحرقونا.. يسقط حكم المرشد
بلدنا بالمصري: جامعة القاهرة من نصيب المستقلين
انتهت انتخابات اتحادات الطلبة في ١٥ كلية فاز فيها الاخوان بمنصب رئيس الاتحاد ونائب رئيس الاتحاد في ٦جامعات هي:
وديه النتايج الاخيرة في بعض الجامعات
اما جامعة القاهرة النهاردة فكانت من نصيب المستقلين
بلدنا بالمصري: رسائل مجلس الدولة السرية للشعب والنظام
دة الحكم اللي نطقت بيه محمكة القضاء الاداري يوم الاربع ٦ مارس.. وهو دة الحكم اللي الرياسة وبعد ما احتاست حبتين ادتنا كلمتها بانها مش هتطعن عليه.. وبعدين رجعت الرياسة في كلمتها ونزلتها الارض لما اصطبحنا بعدها باسبوع بالظبط، يوم الاربع اللي فات على هيئة قضايا الدولة-اللي هي محامي الحكومة- بتطعن على الحكم بالنيابة عن الرياسة ووزارة العدل ومجلس الشورى.. قامت المحكمة الادارية العليا احالت الدعوى امبارح لدايرة الموضوع واجلت الحكم فيها ليوم الحد اللي جاي.. ودة معناه مبدئياً ان المحكمة ما استجابتش لطلب هيئة قضايا الدولة بوقف تنفيذ الحكم في الشق المستعجل وبالتالي ولحد ما المحكمة الادارية العليا تقول كلمتها، حكم محكمة القضاء الاداري واحب النفاذ وساري.. لكن على ما يبدو ان حكم محكمة القضاء الاداري ماهواش بس على قد الظاهر منه والسلام. اللي هو تاجيل الانتخابات واحالة التعديلات اللي اجراها مجلس الشورى للمحكمة الدستورية للبت في دستوريتها من عدمه، لكن الظاهر ان ورا الحكم بجوانبه الفنية والقانونية واثاره السياسية كام رسالة معتبرة بعلم الوصول لينا جميعاً هيقراهالنا واحدة واحدة: الاستاذ خالد علي المحامي والمرشح السابق لرئاسة الجمهورية
خالد علي: الادارية رفضت الشق المستعجل وليس الطعون
قرار المحكمة الادارية العليا امبارح بخصوص طعن هيئة قضايا الدولة معناه ايه، لان فيه بعض المصادر القضائية صرحت بان القرار بالشكل دة مع عدم الاستجابة لطلب وقف تنفيذ محكمة القضاء الاداري في الشق المستعجل معناه انها رفضت الطعون؟!
خالد علي: أحكام مجلس الدولة تبعث رسالة أن الحكم تغير
حكم محكمة القضاء الاداري، بالنسبة لنا اجل الانتخابات كام يوم حد المحكمة الدستورية ما تقول كلمتها.. لكن انت بتوصفه بانه بدون مبالغة "زلزال اصاب النظام الحاكم".. ليه؟!
خالد علي: قانون المعاشات باطل لانه صدر بإرادة منفردة
الرسالة التالتة: القوانين اللي اصدرها مرسي من بعد الدستور باطلة
بلدنا: ممارسة الرئيس لسلطاته من خلال مجلس الوزراء
الرسالة الاولي والتانية: النظام اتغير وممارسة الرئيس لسلطاته من خلال مجلس الوزرا مش بس منصوص عليها لكن كمان لازم يكون لها شكل محدد مش كل شين كان كدة:
بلدنا: أعمال السيادة .. وعلاقتها بالشرعية الدستورية
الرسالة الرابعة: اعمال السيادة لا تخرج عن اطار الشرعية الدستورية
(الرجوع لبيان هيئة قضايا الدولة بخصوص اعمال السيادة)
اصلاً ليه يكون فيه اعمال سيادة تخرج عن رقابة القضاء
ليه هيئة قضايا الدولة اعتبرت الرقابة على عمل من اعمال السيادة انتهاك لمبدا الفصل بين السطات
بلدنا: المحكمة الدستورية وعلاقتها بمجلس النواب
الرسالة الخامسة: التضامن مع المحكمة الدستورية
خالد علي: الرقابة اللاحقة من حق المحكمة الدستورية
الرسالة السادسة: الرقابة اللاحقة لم تنته بعد
(الجدل حوالين تفسير نص المادة ١٧٧)
ليست هناك تعليقات:
إرسال تعليق