نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاربعاء 6 فبراير 2013 على قناة ONTV حلقة يوتيوب كاملة
ريم ماجد: محمود في بيتهم في حضن أمه
يسعد مساكم وحلقة جديدة من بلدنا بالمصري.. هنبداها بان ربنا كريم.. وان الاسبوع اللي شيلنا فيه هم طلعتنا عليكوا يوماتي عشان ما حيليتناش ولا خبر عدل نمسي بيه عليكوا ونقول بيه يا هادي يارب على الاقل قبل ما نبدا في وجع القلب، شاء السميع العليم ان اخر حلقة من بلدنا بالمصري في الاسبوع دة، نبقى قادرين نستفتحها بخبر ما يوجعش القلب وما يحرقش الدم وما يعليش الضغط.. بالعكس هنبداها بخبر يخلينا نشم نفسنا شوية.. الف حمد وشكر ليك يارب، محمود عادل، الطفل المعتقل اللي ما شفعلوش ولا حتى مرضه، فقضى عشرة ايام في الحبس في مديرية امن اسكندرية، النهاردة في بيتهم في حضن امه.. النهاردة قرر رئيس نيابة شرق اسكندرية الكلية إخلاء سبيله وتسليمه لأهله بعد ما تعهدوا بحسن رعايته.. كفارة وعقبال يارب بقية العيال وعقبال كل المظاليم في الحبس.. بس قبل اي حاجة، عايزة اقول لكم ان ماحدش ليه فضل على محمود ولا على اهله.. محمود خد جزء بسيط من حقه.. مش بس لانه مريض لكن كمان لانه طفل ولان اللي جرى له واللي لسة بيجرى ل١١٣ طفل تانيين غيره مش بس مخالف للقانون لكن بالتاكيد ما يرضيش ربنا.. محمود خد جزء من حقه وكل اللي جريوا ورا الحق دة علناً او من سكات عملوا واجبهم اللي لا شكر عليه وماهواش فضل منهم ولا بجميلة من حد.. ولا حتى من وزير العدل.. عشان فيه ناس كتير ربطت بين مكالمتنا امبارح مع وزير العدل اللي اديناله فيها فكرة عن حالة محمود وال١١٣ طفل التانيين المعتقلين وبين اخلاء سبيل محمود النهاردة.. احنا شخصياً ما نعرفش اذا كان وزير العدل اخد اجراء من امبارح للنهاردة ولا لأ.. لكن اللي احنا عارفينه ومتاكدين منه ان بيانات ال١١٤ طفل المعتقلين، احنا حطيناهم على مكتب مدير مكتب وزير العدل، مش حتى على مكتبه، بعد ما صدر قرار اخلاء سبيل محمود مش قبله.. الله اعلم يمكن المكالمة لوحدها كانت كفيلة باصدار القرار ويمكن مالهاش اي علاقة الله اعلم برده.. وفي كل الحالات وحتى لو وزير العدل خد اجراء من امبارح بالليل للنهاردة الصبح، فيبقى برده قام بواجبه ويبقى برده ماحدش ليه فضل على محمود ولا على اهله.. ويبقى لسة من واجب وزير العدل ان يتخذ اللازم بخصوص الاطفال الباقيين.. خصوصاً انه لو حد النهاردة الصبح ماكانش يعرف عنهم حاجة، فمن النهاردة الصبح عنده كل بياناتهم..... صحيح احنا اخر حد كان يتمنى ان رد المظالم في بلدنا يكون لسة بمناشدة الرئيس او بتدخل الوزير، وكان نفسنا ومنى عيننا تبقى العدالة بتاخد مجراها في بلدنا بجد وتبقى السيادة للقانون ومن قبله للشعب، لا لرئيس ولا لوزير.. لكن ادي الله وادي حكمته.. الاولوية دلوقتي ان المظالم تترد باي طريقة، والعدالة وسيادة القانون، اهل البلد ديه وناسها وراهم والزمن الطويل..
بلدنا بالمصري: شوفوا أخت عبدالرحمن لو ليكوا عين
محمود لما اتمسك ما تمسكش لوحده.. ولما دخل الحبس ما كانش لوحده.. بس محمود لما خرج، خرج لوحده وفضل عبد الرحمن على البرش زيه زي بقية الاطفال اللي لسة على البرش... عبد الرحمن اصغر كمان من محمود، زيه زي اطفال كتير في الحبس اصغر كمان من محمود، اللي هو عنده يا دوب ١٤ سنة.. عبد الرحمن عنده اخت توام، وهي اكتر حد كان ممكن يحكي لنا عن عبد الرحمن وعن اللي بيجرى له وعن اللي جرى له قدام عينيها.. عشان لما نلاقي مش بس عبد الرحمن، لكن كمان اخت عبد الرحمن واللي زيهم واقفين في يوم من الايام بيحدفوا طوب على الداخلية باللي فيها، مانبقاش نستعجب ولا نستجري نسال مين دول وايه اللي وداهم هناك.. لما نبقى نجيب لهم حقوقهم الاول يبقى لنا عين ساعتها نفتح بقنا ونتكلم عن نبذ العنف
م. محمود شوشة: وزير العدل لايملك التدخل في عمل القضاء
المستشار محمود شوشة: المتحدث باسم وزارة العدل
وزير العدل لا يملك أن يتدخل في عمل السلطة القضائية
نطالب كل من لديه شكوى التقدم بها للنائب العام
لا يجوز حبس أي طفل
إذا لم يحرص النائب العام على تطبيق القانون فذلك جريمة
م. حسن ياسين: لم نتلقى بلاغات تؤكد أن المحتجز طفل
هاتفياً المستشار: حسن ياسين : النائب العام المساعد
الإفراج عن محمود جاء بقرار صحي
لم يتقدم أحد من أهل أي محتجز ببلاغ يؤكد أن المحتجز طفل
البلاغ لم يتضمن أسماء الأطفال المحتجزين
تلقينا بلاغ بخصوص الطفلين المعتقلين بالإسكندرية
مصيلحي: إخلاء سبيل الأطفال بكفالات بالمخالفة للقانون
أ. أحمد مصيلحي : المستشار القانوني للإئتلاف المصري لحقوق الطفل
لدينا كافة بيانات الأطفال المعتقلين و البلاغات تقدمنا بها
القضية ما زالت قائمة و سيتم محاكمة الطفل محمود المصاب بالسرطان
7 أطفال معتقلين في الإسكندرية و 114 في القاهرة
إخلاء سبيل الأطفال بكفالات بالمخالفة للقانون
بلدنا: شهادات اهالي عدد من المعتقلين بالإسكندرية
قبل ما نبعد اوي عن اسكندرية، خلونا نرجع نسمع شهادات اهالي عدد من المعتقلين هناك.. يمكن نقدر حجم الماساة
بلدنا: شهادات جديدة في قضية الجندي تؤكد تعرضه للتعذيب
قبل ما نبعد اوي عن اسكندرية، خلونا نرجع نسمع شهادات اهالي عدد من المعتقلين هناك.. يمكن نقدر حجم الماساة
بلدنا - والدة العربي تستغيث: إبني ضربوه وعذبوه في طره
كل اللي احنا بنتكلم عنهم بقى لنا دلوقتي اسبوعين ما بين شهدا ومصابين ومعتقلين ومفقودين، مايجوش نقطة في بحر ماحناش عارفين قراره.. ولو عارفين عنه قيراط في القاهرة وبالكتير في اسكندرية ويمكن في بورسعيد والسويس، ففي بقية المحافظات مش عارفين حاجة ومش عارفين حتى نروح لمين.. وكله من تحت راس ان الجهات المسؤولة في الدولة عن توفير المعلومات ديه هي نفسها اللي بتخفيها للاسف الشديد، مش بس عن الاعلام ولا بس عن المحامين لكن اولاً وقبل اي حد عن اهالي الضحايا.. والبركة في شوية المعلومات اللي حيليتنا، في مجموعة من المتطوعين محامين وغير محامين هم اللي بيلفوا كعب داير ما بين مشارح ومستشفيات واقسام وسجون ومعسكرات اعتقال.. لكن مهما زاد عددهم فهم قليلين بالمقارنة بالاعداد الكبيرة للضحايا سواء في القاهرة او في المحافظات وما عادوش ملاحقين.. النهاردة بعد اخر اخبار بلدنا هيكون معانا تلاتة من اجدع المتطوعات.. هنسمع منهم شهاداتهم وهنفهم منهم بيشتغلوا ازاي وبيعملوا ايه.. ايه الصعوبات اللي بتقابلهم والاهم من كدة ايه اللي ناقصهم وايه اللي هم محتاجينه ومين اللي يقدر يساعد واللي يقدر يساعد يعمل ايه ويوصلهم ازاي.. لكن لحد ما ييجي اوان لقاءهم هنكمل اخر اخبار بلدنا.. بس خلونا نشوف كمان نقطة في بحر اللي كانوا من المفقودين، ولما لقيناهم طلعوا الحمد لله معتقلين لان فيه قضا اخف من قضا.
والدة المعتقل عربي: ابني تعبان ومضروب و عذبوه
بلدنا: شهادات جديدة في قضية الجندي تؤكد تعرضه للتعذيب
بلدنا بالمصري: شهادات جديدة في قضية الجندي
محمود المسلماني: عضو مجموعة لا للمحاكمات العسكرية
اللمرضات في مستشفى الهلال أكدن أن الجندي دخل المستشفى يوم 31 يناير
شاهدنا أثار جروح في وجه الجندي تؤكد تعرضه للتعذيب
الجندي ليس أول مواطن يتم تعذيبه و نقله إلى المستشفى
قضية الشهيد محمد الجندي، كل يوم والتاني فيها شهادات جديدة وكل مادي ما الشهادات بتتناقض مع بعضها.. وكل مادى ما بيزيد الاحساس بان الحكاية فيها انة مش مريحة.. امبارح، شهادات المسعفين قدام النيابة اللي تناقضت مع شهاداتهم في محضر الشرطة وشهادة واحد من اطباء مستشفى الهلال على فيس بوك، كانت بترجح رواية حادثة العربية وبتنفي رواية التعذيب وبتوصفها بانها اشاعة او حتى اكاذيب.. لكن النهاردة، بالعكس تماماً.. النهاردة احنا قدام شهادة جديدة لعضو في مجموعة لا للمحاكمات العسكرية للمدنيين مستعد يدلي بيها قدام اي جهة، بتاكد مش بس بترجح رواية التعذيب.. وهنسمعها منه هو شخصياً.. لكن احنا كمان قدام تصريحات لمصادر امنية رفضت ذكر اسمها لوكالة رويترز بتاكد ان محمد الجندي اتعرض للتعذيب..
(طباعة وسي جي خبر رويترز/ شهادة محمود سلماني/ شهادة الدكتور العرة بتاع امبارح)
طباعة اي اخبار جديدة عن سير التحقيقات لو فيه
مداخلة: محمود سلماني: عضو لا للمحاكمات العسكرية
صفوت: لدينا صور لقناصة الشرطة فوق مبني السجن
بالنسبة لشهداء مذبحة بورسعيد التانية، مساعد كبير الاطباء الشرعيين الدكتور ماجد الديب اكد ان تقاريرهم النهائ
صفوت عبد الحميد: نقيب المحامين في بورسعيد
تقارير الجهات الطبية تبين أن الشهداء تعرضوا لسلاح قناص
التحقبقات سوف تربط بين سلاح القنص و صور قناصة للشرطة
لدينا صور لقناصة الشرطة اثناء إعتلائها لمبني السجن
الجندي: مسلسل الإغتيال ابتدى وبرادعي تونس اتقتل
لقطات من جنازة المعارض التونسي شكري بلعيد
مصطفى الجندي: عضو جبهة الإنقاذ الوطني:
مناضلات ومعتقلون في مصر الثورة .. في بلدنا بالمصري
معانا تلاتة من اجدع المتطوعات.. هنسمع منهم شهاداتهم وهنفهم منهم بيشتغلوا ازاي وبيعملوا ايه.. ايه الصعوبات اللي بتقابلهم والاهم من كدة ايه اللي ناقصهم وايه اللي هم محتاجينه ومين اللي يقدر يساعد واللي يقدر يساعد يعمل ايه ويوصلهم ازاي. معنا منى سيف و نازلي حسين وماهينور المصري - أعضاء مجموعة لا للمحاكمات العسكرية للمدنيين.
ليست هناك تعليقات:
إرسال تعليق