نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاثنين 4 فبراير 2013 على قناة ONTV حلقة يوتيوب كاملة
طول ما حقهم رايح على ايد دولة العواجيز ميلزموناش
بنمسي على حضراتكوا وحلقة جديدة من بلدنا بالمصري.. وان جيتوا للحق احنا بقينا نشيل هم طلتنا عليكوا في الايام المرة العلقم ديه.. والله وما ليكوا علينا حلفان بيبقى نفسنا ومنى عيننا انشالله بس نقول يا هادي يارب ولو بخبر واحد يشرح القلب او على الاقل ما يوجعش القلب.. خبر عادي ما يغمش ولا يقهرش ولا يغيظ ولا يحرق الدم ولا يضطر الواحد انه يخرج عن وقاره.. للاسف مافيش.. لبن العصفور وعشم ابليس في الجنة اسهل من الخبر دة في اليومين دول.. فسامحونا.. وخصوصاً ان فريق بلدنا بالمصري خد قرار ربنا يعيننا عليه ونرجو انكوا كمان تعينونا عليه.. الا وهو: ان طول ما دم قلنا سايح في الشوارع واعراضنا منهوشة ومنتهكة وحياتنا على كف عفريت وكرامتنا متمرمط بيها الارض.. فمهما حصل وانشالله يارب الدنيا تضرب تقلب.. مافيش اهم من البني الادم في بلدنا.. ولو مافيش ارخص منه في بلدنا فما فيش اغلى منه في بلدنا بالمصري.. البني ادم اللي ربنا كرمه وفضله على بقية خلقه اهم واغلى من المنشات والمباني والمؤسسات العامة.. واهم واغلى من مؤسسات الدولة وهيبة الدولة باللي فيها واللي يتشددوا لها، لو هيبة الدولة ديه هتيجي على حساب هيبة البني ادم وحياته وكرامته وادميته.. البني ادم اهم من الحوار الوطني اللي مالوش راس من رجل ومن الافق السياسي اللي بينسد من الخيبة او بفعل فاعل مش فارقة.. واهم من بيانات الحكام ومواقف المعارضة ونظريات الخبرا والمحللين.. الا اذا كل دول حطوا البني ادم على راسهم من فوق.. غير كدة ما يلزموناش.. طول ما اللي زي مينا والشيخ عماد والحسيني وكريستي وعمرو سعد ومحمد الجندي هم اللي بيدفعوا عمرهم على ايد دولة العواجيز، ما يلزموناش.. وطول ما حقهم رايح هدر على ايد دولة العواجيز ما يلزموناش.. ما يلزموناش..
أحمد أنور: الأمن اعتدى على جنازة الجندي بقنابل الغاز
الآلاف يشيعون جنازة محمد الجندي بطنطا
الأمن إعتدى على الجنازة بقنابل الغاز دون أن يحتك بهم أحد
المتظاهرون ألقوا الطوب على الأمن بعد ساعة من ضرب الغاز عليهم
مدير عام دار التشريح .. وتقرير وفاة محمد الجندي
د.ماجد همام: مدير عام دار التشريح بمصلحة الطب الشرعي
عمرو سعد اصيب بإصابة نارية رشية خرطوش
تقارير الطب الشرعي النهائية لم تنتهي بعد و الموجودة مبدئية
عمرو أصيب بتهتك في الجمجمة و البنكرياس و المعدة و الصدر
محمد الجندي هو متوفي من يوم 28 و تم تشريح الجثة بعدها بأسبوع
الإصابة التي أدت لوفاته هي إصابة ردية في الرأس و كسر شرخي في المخ
لا توجد عليه أثار للشنق او
محمد الجندي مات بإصابة ردية و لا يوجد بجثته أي مقذوف ناري
بلدنا بالمصري: غضب عارم بعد بيان الرئاسة ووفاة الجندي
محامي حمادة صابر المسحول يتقدم ببلاغ ضد الداخلية
أ. عاصم قنديل: تقدمت ببلاغ ض د وزرارة الداخلية لإجباره المواطن حمادة صابر
بلدنا: بيان صحفي BBC عربي حول استفتاء جبهة الإنقاذ
82 بالمئة من المصريين يحملون جبهة الإنقاذ الوطني نتيجة ما يحدث في الشارع المصري و على الساحة السياسية
بلدنا: آدي آخرة اللي يقول الحق .. حمادة في الشارع
ادي اخرة اللي يقول الحق.. خدنا ايه من قولة الحق؟! دول الكلمتين اللي ماكانش فيه غيرهم على لسان الست فتحية مرات حمادة صابر، امبارح في انصاص الليالي قدام مستشفى المطرية، بعد ما خرج من مستشفى الشرطة واتحول لمستشفى المطرية بناءاً على قرار النيابة.. ان مستشفى المطرية ترضى تقبله، دة بعده.. والحجة ان مافيش تقرير طبي.. طب فين التقرير الطبي، الله اعلم.. طب فين امر النيابة؟!!! الله اعلم.. وكانت النتيجة ان حمادة قضى ليلته امبارح في بيتهم بعد ما قضى كام ساعة في عربية الاسعاف.. وكان الظاهر كدة والله اعلم ان دة اول بند في فاتورة قولة الحق.. بشوية ضغط اعلامي من عندنا امبارح بالليل ومن عند الزميلة العزيزة دينا عبد الرحمن النهاردة الصبح في زي الشمس.. اتنقل حمادة صابر من بيتهم لمستشفى المكرية النهاردة الصبح معزز مكرم.. واحنا وراه لحد ما ياخد حقه بس ربنا يقدرنا وينجيه من دفع التمن.. خلونا نسمع ونشوف شهادات اهله امبارح قدام المستشفى بعد ما تعبوا من المهاتية وروحوه.. وبعدين نشوف سبحان مغير الاحوال
بلدنا بالمصري: رجالة مصر متتعراش .. على آخر الزمن
عاليا جابر: عضو بحركة بهية يا مصر
مسيرة من ميدان طلعت حرب حتى دار القضاء العالي تنديداً بسحل المواطن المصري حمادة صابر
حتى دار القضاء العالي تحت شعار رجالة مصر متتعراش
شبهات حول إبعاد المستشار مصطفى خاطر عن قضية المسحول
شبهات تحوم حول إسناد قضية المواطن المسحول أمام قصر الاتحادية لقاضي تحقيق وإبعاد المستشار مصطفى خاطر عن القضية وتفاصيل دور المستشار مصطفى خاطر في قضية المواطن المسحول
بلدنا بالمصري: المصابين اللي منعرفش ومتعرفوش عنهم حاجة
المصابين والمعتقلين حاجة تفوق الوصف.. لا احنا كوسائل اعلام وصحفيين ولا حتى المحامين عدنا عارفين نلاحق عليهم.. اولاً لان عددهم كبير وثانياً لانهم متعبترين في اماكن مختلفة دة لو عرفنا اماكنهم اصلاً.. وفي الغالب بنعرف عنهم بالصدفة.. من ضمن المصابين اللي عرفنا عنهم النهاردة بالصدفة لان حد عرف عنه كتر خيره عرف يوصلنا ولولا كدة ولو كنا عرفنا عنه حاجة، عبد الناصر مبروك عنده ٢١ سنة وموجود في مستشفى الدمرداش
بلدنا بالمصري: طفل مصاب بالسرطان ومش راضيين يسيبوه
حمدي خلف - محامي الطفل المحبوس بالأسكندرية والمصاب بالسرطان: محمود عمره 14 سنة ومصاب بالسرطان في عظام الحوض ويحتاج علاج كيماوي. والمعمل بالمستشفى الميري أغلق ابوابه أمامنا ولم يجري محمود التحاليل.
ود. طاهر مختار - عضو مجلس نقابة اطباء الإسكندرية: ضابط طلب من الطبيب كتابة تقرير عن سلامة محمود لأنه اثار الرأي العام. الضابط طلب من الكبيب المعالج الكشف على محمود وهو مربوط بالكلابش. ممارسات الداخلية ضد محمود غاية في البشاعة والانتهاكات بالجملة.
أوعوا تنسوا .. دول اللي فتحولنا كوبري قصر النيل 28 يناير
انا عايزة اقولكم حاجة عن موضوع البلطجية وإن في ناس شكلها كده. أصل بقى في ناس محسوبين على الثورة أو منها أو كانوا فيها بيتكلموا عن أصل العيال دي شكلها غريب قوي.نفس النغمة اللي كانت بتتقال علينا في الأول. أوعوا تنسوا العيال اللي شكلها غريب دي هى اللي مش عاجبكم واللي مش شبهكم هما اللي فتحولنا كوبري قصر النيل يوم 28 يناير.
ريم ماجد: احنا وعيالنا متمرمطين لحد فين
صحيح ان حقوق الانسان اللي ربنا كرمه وفضله على بقية خلقه، هي كلها على بعضها كدة وحدة واحدة ما تتجزاش.. يعني ما ينفعش ناخدها بالقطارة.. او خد الحق دة تصبيرة وسيبك من الباقي على ما تفرج ان شاء الله حين ميسرة او في المشمش.. او الحق خدلك الحق دة قبل ما يروح عليك ومالكش في ذمتي حاجة ومالكش عندي دية.. او خد الحقوق ديه باليمين بس انا هاسيك ومسافة ما تغمض وتفتح هاخدهم انا بالشمال وبرده مالكش عندي حاجة.. او خد الحق دة ونقطنا بسكاتك وما اسمعلكش صوت... وهكذا.. وصحيح ان حقوق الانسان اللي ربنا كرمه وفضله على بقية خلقه ماهياش منحة يمنعها اللي منحها بمزاجه وعلى كيف كيفه ووقت ما يحلا له.. لكن في الايام السودة ديه احنا بس في عرض حقنا في الحياة وان عشنا فاحنا في عرض معاملة تليق بمقام البني الادم اللي ربنا كرمه وفضله على بقية خلقه، يا بتوع الشريعة وما لا يخالف شرع الله.. بعد الفاصل: بالورقة والقلم حقنا في الحياة وحقنا في المعاملة الادمية، احنا وعيالنا، لحد فين متمرط بيهم الارض وتراب السكك.
بلدنا: اعتقلوهم علشان بيهتفوا بالحرية لمعتقلين تانيين
اما عن المعتقلين فهيكون لنا عنهم كلام كتير وذو شجون في فقرتنا الاخيرة، بس على ما ييجي اوانها خلونا كدة ناخد فكرة عن المعتقلين اللي راحوا يساندوا معتقلين تانيين فاعتقلوهم عشان بيهتفوا بالحرية للمعتقلين الاولانيين
بلدنا: المتاجرة بالفقر .. وتقييم الناس علشان شكلهم
مالك عدلي: صعبة ديه .. بس لحد فين صعبة من واقع شحططتك انت والمحامين اللي زيك ما بين مشارح ومستشفيات واقسام ونيابات وسجون ومعسكرات امن مركزي واماكن احتجاز قانونية وغير قانونية، ادمية مجازاً او بالمقارنة او غير ادمية بالمرة؟!
بلدنا بالمصري: أطفالنا ضحايا الاستغلال السياسى والعنف
القاهرة فى 3 فبراير2013
أطفالنا ضحايا الاستغلال السياسى والعنف ... ما بين الداخلية والقوى السياسية
رصد الائتلاف المصرى لحقوق الطفل الانتهاكات التى يتعرض لها أطفال مصر فى
كافة الأحداث السياسية التى تمر بها البلاد فى ظل عدم استقرار الحكم فى
مصر ، وقد سبق وأن أشرنا فى بيانات وتقارير سابقة أنه ومنذ قيام الثورة
يتم الزج بالأطفال فى كافة الأحداث ومحاولة تحميلهم المسئولية الكاملة عن
عجز الدولة ومؤسساتها فى الكشف عن الجناة الحقيقيون وراء كافة الأحداث
بدءاً من أحداث المجمع العلمى ووزارة الداخلية ومجلس الشعب وشارع محمد
محمود والعباسية ومذبحة استاد بورسعيد
بلدنا بالمصري: تعريف ونبذة عن منظمة هيومان رايتس ووتش
هبة مورايف .. وتعريف بالمنظمة ونبذة سريعة عن التقرير السنوي للمنظمة والاليات والمنهج اللي بيعتمدوا عليه لجمع المعلومات وتوثيقها بالذات في مصر
مناقشة تقرير منظمة هيومان رايتس ووتش .. والحلول
قامت هيومن رايتس ووتش بتقييم التقدم في مجال حقوق الإنسان خلال العام الماضي في أكثر من 90 بلداً، ويشمل هذا تحليلاً لتداعيات الانتفاضات العربية. قالت هيومن رايتس ووتش إن استعداد الحكومات الجديدة لاحترام حقوق الإنسان من شأنه أن يحدد ما إذا كانت الانتفاضات العربية ستتمخض عن ديمقراطية حقيقية أم أنها تعيد ببساطة إفراز السلطوية في ثياب جديدة.
اجمالاً كيف اجاب التقرير على التساؤل المطروح فيما يخص مصر؟
مناقشة التقارير واذا فيه حلول
بلدنا بالمصري: احنا وعيالنا متمرمطين ليه ؟ وبعدين؟
زي ما قلنا كدة قبل الفاصل ان حقوق البني ادم مننا وبما ان ربنا كرمه وفضله على بقية خلقه، ما ينفعش تتجزا ولا ينفع نبيع ونشتري فيها.. ولا ينفع نساوم عليها ولا ينفع نفرط فيها ولا ينفع حتى نرضى بقليلنا منها.. لكن احنا دلوقتي في عرض ابسط حقوقنا الاصيلة.. حقنا في الحياة ولو ربنا كتب لنا عمر جديد فاحنا من حقنا نتعامل معاملة البني ادمين.. صعبة ديه؟! رد السؤال بالورقة والقلم وبالامارة وبالدليل، عند ضيوفنا النهاردة
هبة مورايف: ممثلة منظمة هيومان رايتس ووتش في القاهرة
مالك عدلي: المحامي بالمركز المصري للحقوق الاقتصادية والاجتماعية
احمد مصيلحي: المستشار القانوني للائتلاف المصري لحقوق الطفل
ليست هناك تعليقات:
إرسال تعليق