نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الخميس 31 يناير 2013 من قناة ONTV يوتيوب كاملة
من جديد: عائلة مرسي في طابا .. مين بيحاسب على المشاريب
السلام والتحية على حضراتكو واهلا بيكو معانا .. تفاصيل جديدة حوالين زيارة العائلة المالكة لطابا ان اردنا وصفها وصف دقيق لان حسب المنشور النهاردة على مواقع الانترنت والمواقع الاخبارية يحسسنا اننا مش قدام اسرة رئيس رايحة تغير جو .. لا ده احنا قدام عيلة مالكة.. رايحة تتفسح ومش مهم البلد فيها ايه .. وكان لسان حالها .. اياكشي تولع... حسب التفاصيل الجديدة .. اسرة الرئيس مرسي واصحاهبهم واللي برضوة هما من الاهل والعشيرة ومنهم اسرة احمد فهمي رئيس مجلس الشورى، مأجرين 12 اوضة في الفندق .. وتمن رحلة الطيران في الطيارة الخاصة تقريبا 6 آلاف دولار في الساعة ايوة الرقم اللي حضراتكوا سامعينه ده صح .. 6 الاف دولار في الساعة.. واكيد طبعا عندنا اسئلة مشروعة لازم احنا يبقى عندنا اجابة ليها بعيدا عن حريتهم الشخصية في انهم يطلعوا يسافروا يتفسحوا ويغيروا جو .. بس من حقنا نسأل .. هو مين اللي بيحاسب على المشاريب .. مين اللي بيحاسب على الليلة ديه ... وعلى الفسح ديه هل هي من اموال دافعي الضرائب اللي هما انا وحضرتك وحضريتك، يعني احنا نكع من جيبنا واسرة الرئيس تتفسح.. ولا الناس ديه مسافرة بمالها الخاص .. من حقنا نعرف ونفهم. متهيألي ديه أسئلة مشروعة لازم يتجاوب عليها في مصر بعد الثورة.
من جديد: القوى السياسية تعلن مشاركتها في جمعة الخلاص
نروح بقى لآخر اخبارنا النهاردة .. وخلاص ساعات وتبدأ مليونية جديدة اطلق عليها المشاركين والداعين ليها مليونية الخلاص ...اجتمعت معظم الأحزاب والقوى المدنية على الدعوة والمشاركة فيها واختلفتوا في سقف المطالب ... وبعضها ونقدر نقول جزء كبير منها نازل لإسقاط النظام تحت شعار الشعب يريد اسقاط النظام واسقاط الدكتور محمد مرسي رئيس الجمهورية ...عموما النهاردة أعلن عدد من الأحزاب والقوى والحركات السياسية عن مشاركتهم في هذه المليونية ودعوا المصريين للنزول والمشاركة في جميع محافظات مصر من ناحية تانية عقد شباب جبهة الإنقاذ الوطني مؤتمر صحفي اعلنوا فيه عن مشاركتهم في هذه المليونية .. مليونية بكرة وتنظيم مسيرات والزحف إلى قصر الإتحادية للمطالبة بإسقاط النظام واسقاط الدستور وحل مجلس الشورى وإقالة حكومة الدكتور هشام قنديل وتفكيك وحل جماعة الإخوان المسلمين.
من جديد: ميدان التحرير يستعد لمليونية جمعة الخلاص
ياترى ايه الاستعدادات دلوقتي في ميدان التحرير ده اللي حنعرفه من زميلنا محمد رأفت الصحفي بجريدة المصري اليوم .
من جديد: إستعداد هيئة الإسعاف لمليونية جمعة الخلاص
من ضمن كمان الاستعدادات لبكرة هي الاستعدادات الخاصة لوزارة الصحة عشان بكرة خصوصا ان فيه ناس خايفة ان تحصل مصادمات ما بين مؤيدين الرئيس ومعارضيه يا ترى وزارة الصحة استعدت ازاي ده اللي حنعرفه من الدكتور أحمد الأنصاري نائب رئيس هيئة الإسعاف المصرية .
من جديد: القوى السياسية توقع وثيقة نبذ العنف
نروح لاجتماع شيخ الأزهر النهاردة مع مختلف وكافة القوى السياسية والحركات الثورية .. واللي انتهى بإصدار وثيقة لنبذ العنف والعمل على الخروج من الأزمة السياسية الحالية .. شارك في الإجتماع عدد كبير من الشخصيات العامة ورؤساء الأحزاب والصراحة المشهد كان بيبعث بالتفاؤل لأن كل الفرقاء السياسيين كانوا حاضرين.. والكل حاسس بحجم المشكلة اللي مصر بتمر بيها لكن في نفس الوقت المشهد ده بيخلينا نسأل هو ليه كل دعوات الحوار اللي بتطلع من مؤسسات معينة زي الأزهر والجيش بتلاقي ترحاب ومشاركة ودعوات تانية زي بتاعة الرئاسة ما بتلاقيش نفس حجم الاستجبة حنحاول نجاوب على الموضوع ده معانا في فقرتنا اللي جاية بس بعد ما نخلص اخبرنا.. عموما خلونا نروح نشوف حصل ايه في الاجتماع في التقرير اللي جاي.
من جديد: حزب مصر يطالب بتأجيل الانتخابات البرلمانية
من ضمن المباردات اللي بيتم طرحها كل يوم سواء من قبل الأحزاب أو الشخصيات العامة للخروج من الأزمة السياسية الحالية ... النهاردة حزب مصر أطلق مبادرة لحل الأزمة وتشكيل لجنة تضم 10 من اساتذة القانون اللي مشاركوش في الجمعية التأسيسية و10 أخرين ممثلين لأبرز القوى السياسية لتعديل مواد الدستور الجديد .. وطالبوا بتأجيل الإنتخابات البرلمانية لحين استقرار الأوضاع .. وتشكيل حكومة وطنية .
من جديد: إستقالات بحزب النور لتوافقه مع جبهة الإنقاذ
كان من ضمن المبادرات اللي اتقدمت مبادرة حزب النور واللي اجتمع قياداته مع أعضاء جبهة الإنقاذ ... الجديد ان حزب النور بيشهد حاليا انقسامات بين أعضاءه بسبب اجتماع قيادته مع اعضاء جبهة الإنقاذ وفي كلام بيتقال ان حوالي 150 عضو وقيادي بالحزب بمحافظة الجيزة اتقدموا باستقالتهم .. معنا الدكتور عمار علي حسن الباحث في شئون الحركات الإسلامية .
من جديد: الداخلية تؤكد إحترامها للتظاهر السلمي
من ناحية تانية النهاردة وجه المتحدث باسم الداخلية اللواء هاني عبداللطيف كلمة أكد فيها على احترام الداخلية للتظاهر السلمي وان الشرطة هي ملك الشعب المصري وان عقيدتها اتغيرت بعد ثورة 25 يناير تفاصيل اكتر في التقرير اللي جاي.
من جديد: يعني في ولا مفيش تمرد في صفوف الأمن المركزي؟
امبارح احنا كنا تابعنا مع حضراتكوا الانباء اللي كانت اتكلمت عن اضراب لعساكر الامن المركزي وان رئيس الوزرا راح اجتمع معاهم لبحث مطالبهم ، والنهاردة نفى مصدر أمنى مسئول صحة ما تناولته بعض الصحف حول وجود ما وصفوه بالتمرد بين قوات الأمن المركزى , وأكد على عدم صحة ذلك الخبر جملةً وتفصيلاً ، وأكد المصدر الأمنى أن رجال الأمن المركزى يؤدون واجبهم بروح معنوية مرتفعة إنطلاقاً من إيمانهم وعقيدتهم الراسخة لتحقيق أمن المواطن وتقديم التضحيات فى سبيل ذلك .. وأوضح المصدر أن محاولات البعض لإحباط جهود قوات الأمن المركزى لإقصائها عن أداء واجبها المنوط بها فى مواجهة كافة صور الإنفلات الأمنى لن تثنى عزائم رجال الأمن المركزى فى مواصلة عطائهم وبذل المزيد من الجهد فى مواجهة كافة صور الخروج عن القانون .. امال فيه ايه بالظبط الداخلية بتقول مافيش اضراب ولا تمرد وامبارح استاذ عمر حسانين مساعد رئيس تحرير المصري اليوم بيأكدلنا الخبر واكتر من مصدر كمان بيأكدوا .. في ايه بالظبط.. خلونا نحاول نفهم من الاستاذ عمر حسانين مساعد رئيس تحرير المصري اليوم
من جديد: الحالة الصحية لمحمد الجندي عضو التيار الشعبي
معانا فادي إسكندر عضو المكتب التنفيذي بالتيار الشعبي ليرصد لنا صحة محمد الجندي عضو التيار الشعبي
من جديد: إنقطاع الكهرباء في عدد من محافظات الصعيد
امبارح في مشهد غريب على ما يبدو اننا لازم نتعود عليه الايام الجاية انقطعت الكهرباء في اكتر من محافظة في الصعيد ورجعت بعدها بشوية والنهاردة أصدر المهندس أحمد إمام، وزير الكهرباء والطاقة قرار عاجل، بتشكيل لجنة فنية متخصصة لدراسة الأسباب الفنية اللي أدت لانقطاع التيار امبارح اللي حصل نتيجة خروج 4 دوائر من محطة كهرباء سمالوط يا فرحتي ان الوزير يشكل لجنة .. المفترض ان اصلا الكهرباء ما تقطعشي زي كل بلاد الدنيا المحترمة ما نستناش انها تقطع عشان نشوف المشكلة فين المفروض اننا بنعمل صيانة عشان ما يحصلشي اللي بيحصل ده.
من جديد: السيول تجتاح منطقة وسط سيناء
معانا يوسف القرشي أحد مواطني وسط سيناء لرصد أجواء وسط سيناء .
هيومان رايتس تطالب مرسي بتجميد القوانين القمعية
منظمة هيومان رايتس ووتش اصدرت تقريرها لعام 2013 حول اوضاع حقوق الإنسان طالبت فيه الدكتور محمد مرسي رئيس الجمهورية بتجميد القوانين القمعية الموروثة من عهد الرئيس السابق حسني مبارك .. واصلاح قطاع الأمن .. وانتقدت العمل بقانون الطوارىء في مدن القناة .... ، وانتقدت ايضا الملاحقات الجنائية للصحفيين والمدونين وغيرهم بتهم "إهانة" المسؤولين أو المؤسسات، و"نشر معلومات كاذبة"... هنسيب حضراتكو مع التقرير وبعد التقرير فاصل
د.محمود مسلم: الإخوان يحملون جبهة الإنقاذ أحداث العنف
النظام و اللإخوان يحملون جبهة الإنقاذ الوطني الغطاء السياسي لأحداث العنف
د. محمود مسلم: قنديل لا يصلح حتى مدير مكتب وزير
مرسي يحتفظ بقنديل لأنه مطيع وكويس
قنديل لا يصلح حتى مدير مكتب وزير
العميد محمود خيري: هناك قناصة إستهدفوا رجال الداخلية
العميد محمود خيري: مدير العلاقات العامة بقطاع الأمن المركزي
هناك قناصة إستهدفت رجال الداخلية
و هناك اصابات في صفوف الجنود و الضباط
ياسر الهواري: الشعب من قام بالثورة والجيش كان مع مبارك
الشعب من قام بالثورة والجيش كان مع مبارك
و الجيش كان مع التوريث
ياسر الهواري: طنطاوي سلم مصر للإخوان على طبق من فضة
الشعب من قام بالثورة والجيش كان مع مبارك
القوات المسلحة كانت مبسوطة بالتوريث و بمبارك
المشير طنطاوي هو السبب في حال مصر الآن
من جديد: جمعة الخلاص ومطالب بإصلاحات سياسية ودستورية
من جديد بنرحب بحضراتكو.. كلها ساعات وتنطلق مسيرات من كل أنحاء القاهرة لقصر الاتحادية فى مليونية "جمعة الخلاص".... مبادرات كتير ظهرت خلال اليومين دول .. د البرادعي أطلق مبادرة وحزب النور أطلق مبادرة .. وأنهارده شيخ الأزهر جميع كل القوى عنده وخلاهم يوقعوا على وثيقة لنبذ العنف.. لكن هل كل المبادرات دى كافية لإعادة الهدوء وإزالة الاحتقان ، خصوصا وان دلقوتي كما ابتدت تظهر دعوات لعودة الجيش للعب دور في السياسة وزادت الاصوات المطالبة بده بعد تحذير الفريق السيسي الاخير من خطورة الوضع على الدولة المصرية ككل، ما بين دعاوى التصعيد السلمي ضد حكم الإخوان المسلمين اللي بتتبناه قوى المعارضة وعلى رأسها جبهة الإنقاذ .. وبين داعيين لعودة الجيش للعب دور سياسي تاني هيكون معانا ياسر الهواري أحد شباب الثورة والقيادي بحزب الدستور ومحمود عطية منسق ائتلاف مصر فوق الجميع الداعم دائماً للحكم العسكري .. أهلاً بكم
قراءة في محتويات وثيقة الأزهر لنبذ العنف .. في من جديد
من جديد اهلا بحضراتكوا .. " هل نجح الأزهر الشريف فيما فشل فيه الأخرون " .. دايما الازهر الشريف على مدار التاريخ دوره محوري في مختلف الازمات وده لانه باختصار بيحظى باحترام الجميع.. دايما الازهر هو اللى بيقدر يوحدنا كلنا على كلمة سواء في ظل الازمات الكتير اللي بنمر بها .. علشان كدا هيفضل الازهر الشريف هو القيمة الكبيرة والمؤسسة العريقة وحجر الزاوية في اي صراع او ازمة بنمر بها ...
النهاردة الازهر الشريف قدر انه يجمع المتناحرين والمنقسمين سياسياً .. قدر انه يجمع الإخوان والقوى ومعارضيهم في مكان واحد .. قدر انه يلزم الجميع بحرمة دم المصريين .. قدر انه يبحث عن مخرج جادي للأزمة السياسية الراهنة ..
مبادرة الازهر الشريف لنبذ العنف .. وايه فرص نحاج المبادرة دي، وسر الاستجابة والتوافق الكبير عليها ؟ دا هيكون محور حوارنا النهادرة مع ضيوفنا الكرام .. بنرحب بالدكتور محمود عزب مستشار شيخ الأزهر الشريف .. والكاتب الصحفي الاستاذ محمود مسلم مدير تحرير جريدة الوطن .. اهلا بيكم في من جديد
ليست هناك تعليقات:
إرسال تعليق