نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 26 فبراير 2013 من قناة ONTV يوتيوب كاملة
من جديد: أخطاء بالدستور متعلقة بقانون الانتخابات
السلام والتحية على حضراتكوا اهلا بيكو معانا، وهل احنا وصلنا لمرحلة ما نعرفشي نعمل حاجة صح زي مثلا ان حوار الريس يتآخر 6 ساعات عبال ما يتذاع والدستور يتسلق في ليلة وقوانين الانتخابات تتعمل وتتعدل وعشان كدة بقى من البديهي اننا نقع في اخطاء تخلي ما ينفعشي دولة زي مصر بتاريخها النيابي والدستوري انها تقع فيها زي قانون الانتخابات اللي اقره الريس مرسي من كام يوم واتنشر في الجريدة الرسمية القانون ده في خطأً بالمادتين الخامسة والتاسعة لان المفروض ان الدستور اتغير فيه اسم مجلس الشعب إلى مجلس النواب، لكن قانون الانتخابات الجديد ما غيرشي اسم المجلس في مادتيه وقرر انه يغير اسم مجلس الشعب لمجلس الشعب برضوة ولا اي تغيير ولا اي اندهاش.
المادة الخامسة بتنص على: «تستبدل عبارة مجلس الشعب بعبارة (مجلس الشعب) في عنوان ونصوص ومواد القانون رقم 38 لسنة 1972 أينما وردت في هذا القانون أو أي قانون آخر»، وكمان اتكررت في المادة التاسعة .. معنا الدكتور شوقي السيد الفقيه القانوني والدستوري .
من جديد: مصرع 19 سائح بالأقصر في سقوط منطاد
وعشان احنا برضوة في عصر الفهلوة وعصر عدم اتقان العمل في زمن النهضة، فكان من البديهي بعد ما يموت المصريين في حوادث القطرات والمزلقنات والاتوبيسات جه الدور على السياح والنهاردة لقي حوالي 19 سايح مصرعهم في سقوط منطاد كان بيقلهم في رحلة وبمجرد ما الحادثة حصلت لقينا الكل عمال يرمي على كله السياحة ترمي على وزارة الطيران وكأن اهم حاجة تبقى المصيبة مش عندنا عند ناس تانين وناسيين ان المصيبة في الاخر حتعم على الكل.. معنا مراسلتنا من الأقصر جيهان عبد الدايم .
من جديد: جبهة الإنقاذ تعلن رسمياً مقاطعة الانتخابات
نروح بقة لجبهة الإنقاذ واللي اعلنت النهاردة رسميا مقاطعتها للانتخابات الجاية ومقاطعة الحوار الوطني .. قرار الجبهة جه بعد اجتماع النهاردة في حزب الوفد بمشاركة معظمم قيادتها.
من جديد: قيادات حزبية وشبابية يعلنون مقاطعة الانتخابات
والنهاردة كمان اعلنت 59 شخصية عامة وقيادات حزبية وشبايبة عدم مشاركتهم في الإنتخابات سواء بالترشح أو التصويت ودعوا المصريين للمقاطعة ...ومن ضمن الشخصيات دي أحمد السيد النجار، أحمد خيري ، أحمد دومة، ثروت الخرباوي، جمال فهمي، جميلة إسماعيل، جورج إسحاق، حسام فودة، حسام مؤنس، حسين عبد الغني، خالد علي، خالد يوسف، سامح مكرم عبيد، شادي الغزالي حرب، عزازي على عزازي.
من جديد: تداعيات الجلسة الأولى للحوار الوطني
من ناحية تانية من المفترض ان النهاردة الحوار الوطني ابتدى وهو اللي كان دعا ليه الرئيس مرسي لمناقشة الضمانات للانتخابات يا ترى حصل ايه ومين ضر ومين ما حضرش ده اللي حنعرفه من هشام المياني الصحفي في بوابة الأهرام.
دعوة للإحتشاد أمام النصب التذكاري للجندي المجهول
النهاردة عقد عدد من المنظامت والأئتلافات الثورية والشخصيات العامة مؤتمر صحفي لإطلاق الدعوة للاحتشاد أمام النصب التذكاري للجندي المجهول بمدينة نصر يوم الجمعة اللي جاي لدعم القوات المسلحة .. وكان من ضمن الحاضرين المستشاة تهاني الجبالي نائب رئيس المحكمة الدستورية السابقة والكاتب الصحفي مصطفى بكري ...
من جديد: المكاسب والخسائر في قرار مقاطعة الانتخابات
من جديد اهلا بحضراتكوا ... قرار جديد بيزيد المشهد السياسي في مصر تعقيداً .. النهاردة زي ما حضرتكوا تابعتوا جبهة الانقاذ قررت وبشكل نهائي مقاطعة الانتخابات البرلمانية المقبلة لتترك جماعة الاخوان تنافس نفسها واصدقائها في الانتخابات الجاية ، مش كدا وبس دا كمان قررت عدم المشاركة في الحوار الذي دعا الية الرئيس اليوم بمقر الئاسة .. والسؤال دلوقتي وبعد قرار المقاطعة .. يا ترى ايه المكاسب وايه الخسائر من هذا القرار، وهل هتخوض الجماعة وحدها الانتخابات، ولا اية اللى هيحصل ، وهل لو اجريت الانتخابات في ظل غياب تام للمقاطعة ، هل البرلمان الناتج عنها هيمثل الشعب ولا هيكون مطعون في شرعيته .. تساؤلات مطروحة على ضيفنا الاستاذ محمود العلاليلي عضو جبهة الانقاذ الوطني .. اهلا بيك في جديد
من جديد: لماذا تحارب الدولة مبادرات محو الأمية ؟
من جديد اهلا بحضراتكوا .. في فقرتنا دي هنحاول نبعد شويه عن السياسية ، وهنتكلم عن مبادرات ايجابية من جهات غير حكومية مش لاقية حد يدعمها، مش كدا وبس دا كمان بتتحارب من بعض أجهزة الدولة اللي بتكرة النجاح .. أحد هذه المبادرات اللى بنتكلم عنها .. هي مبادرة محترمة لصناع الحياة هدفها محو امية المصريين ، ومستندة في كدا لمادة في الدستور -- المادة 61- بتلزم الدولة بمحو الامية في جميع انحاء مصر خلال 10 سنوات .. لكن للاسف اجهزة الدولة كعادتها ودن من طين والتانية من عجين .. والاكتر من كدة ديه كمان اجهزة الدولة بتحاربهم.
تفاصيل أكتر عن المبادرة هنعرفها من ضيوفنا اللي مشرفنا المهندس / محمد مؤمن عضو مجلس ادارة صناع الحياة، والدكتورة/ ياسمين ابراهيم مدير مشروع العلم قوة بمحافظة المنوفية.
ليست هناك تعليقات:
إرسال تعليق