نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الثلاثاء 19 فبراير 2013 على قناة ONTV حلقة يوتيوب كاملة
بلدنا بالمصري: الرئاسة تعفي د. خالد علم الدين من منصبه
يسعد مساكم وحلقة جديدة من بلدنا بالمصري.. هنختمها بشوية سؤالات على حس الازمة الاخيرة بين الرياسة وحزب النور؟! نسميها ايه ونفسرها بايه وليه دلوقتي؟! هي بين الرياسة وحزب النور ولا بين الاخوان والسلفيين؟! مين الكسبان ومين الخسران؟! وايه علاقتها بالانتخابات اللي جاية تجري؟! وبما ان الشئ لزوم الشئ فايه علاقتها كمان بالتحالفات الانتخابية او السياسية في الفترة اللي جاية قبل وبعد الانتخابات؟! جبهة الانقاذ ايه محلها من الاعراب من الازمة ديه؟! وقبل كل دة وبعده: هل احنا قدام ازمة حقيقية بين الاخوان والسلفيين.. والخصام ما بينهم حتماً ولابد؟! ولا بالعكس وربنا ما يجيب خصام وهي ديتها شوية زعل ويروحوا لحالهم مادام العشم موجود وحبل الود موصول؟!!! كل ديه اسئلة هنطرحها على ضيوفنا النهاردة بعد اخر اخبار بلدنا: المهندس صلاح عبد المعبود عضو الهيئة العليا لحزب النور.. الاستاذ عزازي علي عزازي عضو التيار الشعبي وجبهة الانفاذ.. والدكتور عمرو الشوبكي: الباحث السياسي والخبير بمركز الاهرام للدراسات السياسية والاستراتيجية..
لكن مبدئياً وبناءاً على بيان الرئاسة اللي صدر النهاردة بعد طول انتظار: اعفاء الدكتور خالد علم الدين من منصبه يتعلق بشخصه وليس بانتمائه الحزبي ..
بلدنا بالمصري: مدن القناة في نني عينين الرئاسة
الرياسة النهاردة الحقيقة ايدها فرطة في موضوع البيانات دة.. بس البيان التاني النهاردة هو تاكيد للي تم الاعلان عنه امبارح قرب نص الليل بخصوص قد ايه مدن القناة في عينين الرياسة من جوة وقد ايه الرياسة مش مخلية بعد جهدها جهد لجل خاطر مدن القناة واهالي مدن القناة..
بلدنا بالمصري: بورسعيد في ثالث أيام العصيان
ماشي.. ديه الجهود الرئاسية المتوجة بالقرارات الرئاسية لجل خاطر مدن القناة واهلها.. عايزين ايه بقة اكتر من كدة؟!!!!
بلدنا: أهل بورسعيد يرون قرار مرسي مقايضة بدماء الشهداء
بورسعيد ترفع راية العصيان .. هاتفياً محمد الخولي - مراسل أون تي في ببورسعيد: أهل بورسعيد يرون قرار مرسي بعودة المنطقة الحرة مقايضة بدماء الشهداء. وأعداد المعتصمين أما محافظة بورسعيد في تزايد والمسيرات تجوب الشوارع
محمد النطار: بيان وزارة التعليم عن بورسعيد كاذب ومضلل
بورسعيد ترفع راية العصيان: محمد النطار - نقيب معلمي بورفؤاد: بيان وزارة التعليم بخصوص بورسعيد كاذب ومضلل مثل باقي البيانات. لم يحدث أي تهديد أو إجبار للطلاب للخروج من المدارس. ونسبة الحضور اليومي في مدارس الأبتدائي لا يتجاوز 5 %.
بلدنا بالمصري: البداية بورسعيد.. الدور على مين؟
البداية بورسعيد.. الدور على مين؟!!!! السؤال دة مش احنا اللي طارحينه لا سمح الله.. اهالي بورسعيد هم اللي بيسالوه بالبنط العريض..
الإسماعيلية ترفع راية العصيان تضامناً مع بورسعيد
الإسماعيلية ترفع راية العصيان .. هاتفياً مسعد حسن - أمين حزب التحالف الشعبي الاشتراكي بالإسماعيلية: دعونا للعصيان للتضامن مع شعب بورسعيد وضد الظلم. الشارع مستعد تماماً لبدء عصيان مدني غداً.
بلدنا بالمصري: الإنقاذ ترفض الانتخابات وحوار الرئاسة
اما حبهة الانقاذ فعلى ما يبدو انها لا هتشارك في الانتخابات اللي جاية ولا في اي جلسات حةار قريباً على الاقل لحد دلوقتي وبالنظر للشروط اللي اعلنت عنها النهاردة سواء لقبول الحوار او للمشاركة في الانتخابات.
بلدنا بالمصري: المظاليم اللي في الحبس أطفال
بقى لنا يومين بحالهم اهوه مش تقلانين عليكوا بمواجع المعتقلين واهاليهم.. بس مش هنقدر نسكت اكتر من كدة.. خاصة لما يكون في الحبس مظاليم فما بالنا بقة لما يكونوا المظاليم اللي في الحبس اطفال
بلدنا بالمصري: رسالة الثائر حسن مصطفى للمناضلين
اما الناشط الاسكندراني حسن مصطفى المحبوس احتياطي على ذمة قضية متهم فيها بالاعتداء على هيئة قضائية، الاتهام اللي بينفيه حسن ومحامينه واهله والمتضامنين معاه على اي حال، اضرب مرة تانية عن الطعام في زنزانته في سجن برج العرب وبعت رسالة تانية من جوة الزنزانة.. الرسالة الاولى كانت لرئيس الجمهورية محمد مرسي.. اما الرسالة التانية فموجهة للي وصفهم بالمناضلين الاحرار
والدة حسن مصطفى: حسن محبوس احتياطياً بسجن مخصص للخطرين
والدة حسن مصطفى: حسن محبوس احتياطياً في سجن مخصص للخطرين على المجتمع.
والدة معوض: رئيس صندوق المصابين قال أنا بلا صلاحيات
والدة معوض: رئيس صندوق مصابي الثورة قال لي أنا بلا صلاحيات
بلدنا بالمصري: مجلس الشورى ملوش دعوة بعصيان بورسعيد
نروح بقة لمجلس الشورى نشوف عمل ايه النهاردة بخصوص حكم المحكمة الدستورية امبارح بالزام مجلس الشورى بصفته المجلس التشريعي حالياً باجراء عشر تعديلات على قانون الانتخابات...... بس قبل موضوع التعديلات وقبل ما نبعد عن العصيان المدني بالذات في بورسعيد.. محلس اشورى ماجابلوش سيرة نهائي ولو كإن فيه اي حاجة خالص بتحصل في بورسعيد بقى لها ٣ ايام.. لكن ناقشوا قرار رئيس الجمهورية الصدر من ٢٠ يوم باعلان حالة الطوارئ وفرض حظر التجول في مدن القناة، اللي فاضل لهم عشرة ايام ويجيبوا اخرهم دة غير انهم ما اتنفذوش اصلاً واصبح شعار المرحلة "ساعة الحظر ما تتعوضش".. ومع ان النائب البورسعيدي المعتصم حسين زايد، نائب في محلس الشورى ومعتصم في محلس الشورى، الا ان رئيس محلس الشورى لما عرض طلب مناقشة متقدم من النائب حسين زايد، كان طلب حوالين تلوث بحيرة المنزلة والاعتداء عليها واحاله للجنة الزراعة!!!!!!!!!!
قطع شريط السكة الحديد بالبدرشين بسبب رفع أسعار المازوت
أزمة عمال مصانع الطوب بالبدرشين .. والعاملون في مصانع الطوب يقطعون شريط السكة الحديد في البدرشين احتجاجاً على رفع أسعار المازوت .. هاتفياً رضا عبد اللطيف: ارتفاع أسعار الغاز والمازوت سيؤدي إلى تشريد نصف مليون عامل
انكار وتجاهل لمشاكل كفر الشيخ واستخدام الحلول الأمنية
أحمد طنطاوي - عضو المكتب السياسي لحزب الكرامة: نحن نسعى لحل سياسي والحل كان بسيط جداً بس هناك حالة استنكار وتجاهل إن في مشاكل وهناك استخدام للحلول الأمنية والابتعاد عن الحلول السياسية.
بلدنا بالمصري: الشورى وعدم دستورية قانون الانتخابات
اما فيما يخص تعديلات قانون انتخابات مجلس الشعب، فاحالها رئيس المجلس للجنة الشؤون الدستورية والتشريعية لمناقشتها واعداد تقرير عنها يعرض على مجلس الشورى في اقرب وقت..
بلدنا بالمصري: الإخوان والسلفيين .. خصام ولا سحابة صيف؟
ادي اللي صار وادي اللي كان في الكام يوم اللي فاتوا ما بين حزب النور ومؤسسة الرئاسة- وهنخليها كدة مؤقتاً بين الرئاسة وحزب النور لحد ما نحاول نفهم هل الازمة ازمة رياسة وحزب النور ولا ازمة بين حزب الحرية والعدالة وحزب النور.. ولا ازمة بين جماعة الاخوان المسلمين والدعوة السلفية- لكن على ما يبدو ان جبهة الانقاذ وان كانت مش طرف مباشر في الازمة، لكن كمان ماهياش بعيدة اوي عنها.. وبناءاً عليه الاسئلة اللي بتلف وتدور كالاتي: الازمة ديه بين مين ومين بالظبط؟! وليه في التوقيت دة بالذات؟! وايه علاقة مبادرة حزب النور وجبهة الانقاذ بالازمة الاخيرة؟! وما صنع الحداد على الاقل في اللحظة ديه ما بين طرفين الازمة اياً كانوا معناه بدايات خصام بينهما ولا مجرد سحابة صيف وهتعدي ويا دار ما دخلك شر؟! وهل احنا ممكن نكون قدام خريطة تحالفات جديدة بتترسم من اول وجديد واحنا على بعد فركة كعب من انتخابات مجلس الشعب ولا مش للدرجة ديه؟! استعنا بقة على الاسئلة ديه بالله وبضيوفنا النهاردة:
مهندس صلاح عبد المعبود عضو الهيئة العليا لحزب النور
الاستاذ/ عزازي علي عزازي
د/ عمرو الشوبكي
ليست هناك تعليقات:
إرسال تعليق