نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاحد 17 فبراير 2013 على قناة ONTV حلقة يوتيوب كاملة
بلدنا بالمصري: أهل بورسعيد أعلنوا العصيان المدني
يسعد مساكم وحلقة جديدة من بلدنا بالمصري.. هنطل في اخرها طلة بالورقة والقلم وبالارقام على خريطة الاحتجاجات خلال اول شهر في السنة ديه، يناير 2013.. مين اللي بيحتج وليه وفين وازاي.. هنقرا الارقام ديه ونفكر فيها بصوت عالي، هنصحح تصورات يمكن مغلوطة او على الاقل مالهاش علاقة بالواقع عن مين اللي بيحتج وعايز ايه ومين اللي وراه، دة اذا اصلاً فيه حد وراه.. هنجاوب على شوية اسئلة يمكن لحد دلوقتي مالهاش اجابة من ضمنها مثلاً يعني: ليه مظاهر العنف المختلفة بدات حزء من بعض الاحتجاجات؟! مين السبب ومين اللي الحق عليه؟! لكن الارقام ديه يمكن تطرح هي نفسها شوية علامات استفهام هنحاول كمان على قدر ما نقدر نلاقيلها اجابات عند ضيوفنا في فقرتنا الاخيرة بعد اخر اخبار بلدنا..
اما اخر اخبار بلدنا، فهنبدأها بنموذج يسد عين الشمس للاهالي لما يفيض بيهم تحت قهر الاحساس بالظلم.. ولما تتسد في وشهم كل المنافذ اللي ممكن يتسرسب لهم منها اي بصيص امل .. ولما يحسوا ان الباطل هو اللي ظاهر وان حقهم كان زهوقاً ومازال ومافيش اي حاجة بتقول انه هيظهر او يترد.. اهالي بورسعيد من كبيرهم لصغيرهم لما فاض بيهم خدوها من قاصرها واعلنوا العصيان المدني .. وكانوا قد القول
ياسر البدري فرغلي: النظام لايسمع إلا صوت القوة
هاتفياً: ياسر البدري فرغلى - أحد المشاركين في العصيان المدني ببورسعيد .. الوضع فى بورسعيد نحن ننبه لأن بورسعيد تمر بحالة من العدوان فى كل شي تغير مبارك حاكم مصر ولم يتغير مبارك حاكم بورسعيد الموضوع ببورسعيد ليس مرتبط بحكم محكمة أو قضية بورسعيد النظام فى مصر يتنظر إلى إيرادات فقط من القناة والغاز ولا ينهظر إلي أهل بورسعيد لان النظام لايسمع إلا صوت القوة.
إنصاف: أحمل مرسي والداخلية مسئولية قتل شهداء بورسعيد
هاتفياً: إنصاف إبراهيم - والدة الشهيد أسامة الشربيني ببورسعيد .. مرسي لا يخاف على أولادنا ولم يعتذر عن سقوط شهداء بورسعيد. وأهل بورسعيد ليسوا مخربين .. وأحمل مرسي والداخلية مسئولية قتل الشهداء.
أدهم محمد: العصيان مجرد ناقوس خطر ليدق على باب النظام
هاتفياً: أدهم محمد - عضو حركة ثورة الغضب الثانية في بورسعيد: العصيان المدني نجح بنسبة 100% في بورسعيد بدون ضغوط وهذه رسالة إلى مرسي ليعلم أن كل الناس التي أستشهدت دمها حرام والهدف من العصيان شل حركة العمل الحكومي بالإجبار وجاء الاستجابة إلى العصيان باستجابة شعبية واسعة من الموظفين والحكومة وهذا مجرد ناقوس خطر ليدق على باب النظام .
محمود قنديل: مطالب أهالي بورسعيد تتلخص في العدالة فقط
هاتفيا محمود قنديل - محاسب ببورسعيد: مطالب أهالي بورسعيد تتلخص في العدالة فقط
الجيش يقوم بتأمين المنشأت الحيوية في غياب الشرطة
هاتفياً رامي رسمي - أحد أهالي بورسعيد: لم تحدث اشتباكات والجيش يقوم بتأمين المنشأت الحيوية في غياب الشرطة ونطالب النظام بالقصاص للشهداء واعتبارهم شهداء للثورة.
بلدنا: بالصوت والصورة .. مين اللي قتل أهل بورسعيد
عايزين تشوفوا عينة بينة لحجم الظلم الواقع على اهالي بورسعيد.. يعني مش بس قتلوهم ولما جم يمشوا في جنازة اهاليهم وولادهم قاموا قتلوهم تاني.. لاااا.. دول كمان بعد ما قتلوهم قالوا عليهم هم اللي بلطجية وهم اللي موتوا بعض وطلع علينا رئيس الجمهورية من بلاد الفرنجة من المانيا يقول لنا ان كان فيه بطجية فوق السطح عايزين يوقعوا طيارة عسكرية..... وحاجة ليها العجب.... طيب.. عايزين تعرفوا مين بجد بقة اللي كان فوق السطح؟! مبدئياً تقارير الطب الشرعي اثبتت ان الشهدا اتقتلوا برصاص قناصة الداخلية.. يبقى مين اللي كان فوق السطح؟! واحنا سبق وعرضنا تقرير لشبكة يورونيوز واضح فيه ويسد عين الشمس قناص بينشن على الاهالي من شباك في قسم شرطة العرب..
عرفتوا مين اللي كان فوق السطح ومين اللي قبض ارواح شهداء بورسعيد قبل ما يتهمهم في بعض.. ادي الجمل وادي الجمال.. ادي جزء من الحقيقة.. عايزين الحق بقة..... على كل حال ممكن الحقيقة تظهر عاجلاً بس الحق يتاخر شوية في انه يترد لاصحابه.. واحنا ما علينا غير اننا نساعد في اظهار اللي احنا مصدقين او معتقدين انه الحقيقة واجرنا او جزاءنا على الله.. ونضغط عشان الحق يترد لاصحابه ان عاجلاً او اجلاً
اعتداء الداخلية على كرامة وآدمية عمال كيتان للأسمنت
التقرير اللي احنا هنشتغل عليه في فقرتنا اللي جاية عن الاحتجاجات في شوارع مصر.. بياكد ان الاهالي هم اول المحتجين وهم الفاعل الاساسي في الاحتجاجات.. مش النشطا ومش النخبة وبالتاكيد مش جبهة الانقاذ.. وادي بورسعيد عينة بينة.. لكن في الجزء الخاص باسباب الاحتجاجات ومطالبها هنلاقي ان المطالب العمالية هي اللي في الصدارة من اول لقمة العيش لحد احترام كرامة وادمية العامل او العكس.. يعني من الكرامة والادمية للقمة العيش.. طيب.. عمال مصنع كيتان او اسكندرية للاسمنت وعددهم حوالي ٤٥٠، مضربين عن العمل اللي هو حقهم ومعتصمين في مقر مصنعهم اللي هو برده حق من حقوقهم المكفولة بالدستور والقانون.. العمال كانت بتطالب بلقمة العيش المتمثلة في التثبيت وتعديل هيكل المرتبات وصرف الحوافز المتاخرة.. قام الامن فض النهاردة اعتصامهم بالقوة.. فاعتدى على كرامتهم وعلى ادميتهم قبل ما يصيب عشرة، منهم اربعة في العناية المركزة وقبل ما يقبض على ١٠٠ خادهم في مكان مش معروف حتى الان.. فكانت النتيجة ان اهالي العمال قطعوا طريق وادي القمر الدولي وعمال محاجر برج العرب قطعوا الطريق ٢١ اللي بيودي على اسكندرية.. دة على عهدة بيان مؤتمر عمال مصر الديمقراطي ودار الخدمات النقابية والعمالية
بيان الداخلية بخصوص فض اعتصام عمال كيتان للأسمنت
بيان الداخلية الصادر بخصوص فض اعتصام عمال الأسكندرية للأسمنت كيتان
رئيس مباحث الأسكندرية يرد على فض الاعتصام بالقوة
هاتفياً اللواء ناصر العبد رئيس مباحث الإسكندرية: 14 شخص كانوا محتجزين خلال الاعتصام وتلقينا بلاغ من محامي الشركة .. والنيابة أمرت بتحرير المحتجزين
سوزان ندا: أحد العمال أصيب بعضة كلب .. وآخر بقطع في الأذن
هاتفياً: سوزان ندا - المحامية بالمركز المصري للحقوق الاقتصادية والاجتماعية رداً على فض اعتصام عمال كيتان للأسمنت بالقوة .. إن الاعتصام تم فضه بالقوة و 2 من العمال في المستشفى بعد اعتداء الامن عليهم. وأحد العمال يدعى ناصر أصيب بعضة كلب .. وأخر بقطع في الأذن.
بلدنا: وقفة للمطالبة باستقلال مصلحة الطب الشرعي
كل دة بقة بالتاكيد ما ينفيش ان النشطا والثوار وخصوصاً اللي مش طالبين من الدنيا لا مجد ولا جاه اكيد ليهم يد ونصيب كبير من الاحتجاجات اللي لولاها كان فيه حقايق كتير اطمست وراحت في الوبا وكان فيه حقوق كتير ضاعت ومش راجعة.. وقفتهم النهاردة كانت بدعوة من مجموعو وطن بلا تعذيب قدام مصلحة الطب الشرعي للمطالبة باللي وصفوه استقلالها وعدم تسييسها
بلدنا: الأطباء بيطالبوا بحقوقهم وحقوقنا كبني آدمين
طيب عشان بس اللي دافنين راسهم في التراب او مستسهلين او شايفين من عندهم بس من عند الجماعة اللي حاكمننا وعايزين يصدروا لنا ان الاحتحاجات ديه رجس من عمل جبهة الانقاذ والنشطا ورموز المعارضة.. او مخطط خارجي ومؤامرة كونية لتخريب مصر القضاء على الست شرعية هانم ضد الارادة الشعبية.. طيب عصيان اهالي بورسعيد النهاردة دة ايه؟! دول اهالي.. واعتصام عمال بورتلاند دة ايه؟! واهاليهم اللي قطعوا الكريق احتجاجاً على اللي جرى لهم دة يبقى ايه؟! دول عمال ودول اهالي.. لا نشطا ولا ائتلافات سياسية ولا حركات ثورية ولا يحزنون.. طب بلاش.. الاطباء اللي بيطالبوا بحقوقهم وبحقوقنا كمواطنين.. دول يطلعوا ايه هم كمان؟! دول دكاترة!!!!
بلدنا بالمصري: الجندي اتعذب ولا متعذبش يا بتوع العدل
اخر التقارير اللي صدرت من مصلحة الطب الشرعي وعملت كتير من البلبلة واثارت جدل واسع ويمكن استياء اوسع: التقرير الخاص بالشهيد محمد الجندي.. زملاءه واهله بناءاً على شهادات شهود عيان قالوا تعذيب افضى للموت.. بعض الاطباء اللي كشفوا عليه وهو في المستشفى رجحوا نفس الشئ.. الداخلية قالت حادثة عربية.. طلع وزير العدل بعدها وقال حادثة عربية مصلحة الطب الشرعي نفت وقالت التقرير لسة ما صدرش.. رجع وزير العدل قال ما كنتش اقصد التقرير النهائي اقصد تقرير الصفة التشريحية اللي اتسلم لاهلية الشهيد.. وبعدين رجع مؤخراً قال للتلفزيون المصري انه قال كدة بناءاً على اتصال تليفوني من وزير الداخلية حقناً للدماء بين الشرطة والشعب.. وبعدين صدر التقرير النهائي حادثة عربية.. وبعدين نيابة قصر النيل رفضت تسلمه لمحامين محمد الجندي.. وبعدين التصريحات الاخيرة الصادرة عن كبير الاطباء الشرعيين ومساعده بتقول الاتي:
بلدنا بالمصري: مين اللي بيحتج؟ فين؟ ليه؟ وإزاي؟
دلوقتي كتر الكلام اللي اشبه بالخيبة التقيلة اللي رايح جاي ما بين السلطة والمعارضة رسم لنا صورة كدة غالباً هي بس في خيالهم هم وكل طرف فيهم بيوظفها حسب هواه.. نبص عليها من ناحية المعارضة نلاقي المعارضة شجيع السيما وفتوة حارتنا نصير الغلابة.. نبص عليها من ناحية السطة نلاقي المعارضة شيطان رجيم بيحرب على خراب عشنا الهادي وجنة الله في ارضه.. الصورة ديه قال ايه ان رموز المعارضة والنشطا السياسيين هم اللي محركين الشارع ولو عصفورة احتجت على شجرة على شمال السما يبقى كله من تحت راس النشطا والحق عليهم!!!!! طيب.. بالورقة والقلم والارقام المفروض انها ما تكدبش: الكلام دة كله فشنك
دة ما قل ودل على اهم نتايج تقرير مؤشر الديمقراطية اللي اعده المركز التنموي الدولي ومؤسسة وثائق حقوقية والاتنين مؤسسات اهلية غير هادفة للربح معنية بحقوق الانسان بدرجة مواطن في بلده.. التقرير بيرصد الحالة الاحتجاجية في بلدنا خلال شهر يناير 2013، من خلال رصدالإحتجاجـات الـلي قامـت وسـائل الإعـلام بتغطيتها.. فكانت النتيجة 564 احتجاج-دول اللي غطتهم وسائل الاعلام المختلفة، دة غير اللي ماكانلوش نصيب من التغطية الاعلامية-
لكن 564 مش هو الرقم الوحيد اللي ليه دلالة، لما نيجي نقرا بقية الارقام الخاصة بمين اللي بيحتج وليه وفين وازاي.. هنكتشف ان فيه حاجات كلنا كنا فاهمينها غلط.. هنلاقي اجابات على اسئلة كانت محيرانا لكن كمان هنلاقي بين السطور والارقام علامات استفهام محتاجة اجابة....
فاحنا كل اللي هنعمله اننا هنحاول نقرا الارقام ونحللها ونفكر فيها بصوت عالي مع ضيوفنا
الاستاذ/ الهامي الميرغني
كمال ابو عيطة: رئيس اتحاد النقابات العمالية المستقلة
حازم حسن: مدير مؤسسة وثائق حقوقية
بلدنا بالمصري: ابن الريس .. من حقه ولا مش من حقه؟
السؤال: من حقه ولا مش من حقه .. ابن الريس وشغلانة القابضة للطيران
يعني ايه اعلان داخلي والاعلان الداخلي دة ممكن يكون لاي حد معدي بالصدفة ولا للعاملين في المكان دة لتحسين وضعهم الوظيفي
ليست هناك تعليقات:
إرسال تعليق