نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الثلاثاء 12 فبراير 2013 من قناة ONTV يوتيوب كاملة
من جديد: عاماً على وفاة الكاتب الساخر جلال عامر
السلام والتحية على حضراتكوا أهلا بيكو، النهاردة بتمر الذكرى الاولى لوفاة الأستاذ جلال عامر ورحيله عن دنيانا، وسابنا في وقت مصر كانت محتاجه للسعاته اللي كانت بتفوق الكل وتصحصحهم، عشان ينتبهوا لبلدهم، للاسف يوم رحيل الاستاذ جلال عامر كان في احداث مؤسف وصدامات بين المتظاهرين في الاسكندرية وقتها الكلمة اللي ما بطلهاش استاذ جلال عامر المصريين بيموتوا بعض في الشارع وبعدها اتوفى عشان يسبنا ملك السخرية في زمن المسخرة.
من جديد: التحقيق مع 21 متهم في ذكرى تنحي مبارك
وطبعا احنا كنا متابعين امبارح احداث الاشتباكات الي حصلت في ذكرى التنحي التانية، واللي برضوة ما خليتشي من أحداث عنف مواجهات وكر وفر بين المتظاهرين وقوات الأمن قدام قصر الاتحادية، والاشتباكات ما اقتصرتشي على قصر الاتحادية كانت في اكتر من مكان واكتر من محافظة وخصوصا محافظة الغربية، واللي برضوة شهدت مواجهات بين المتظاهرين وقوات الأمن، وحصيلة الاشتباكات كانت حوالي 39 شخصا ، 21 قدام الاتحادية و18 في الغربية .. يا ترى اخبار التحقيقات ايه ده اللي حنعرفه من عمر حسانين مساعد رئس تحرير المصري اليوم
من جديد: إحباط محاولة إقتحام فندق شبرد
بعد انتهاء تظاهرات ذكرى رحيل الرئيس السابق حسني مبارك عن الحكم النهاردة لليوم التالت على التوالي واصل المعتصمون بميدان التحرير غلق مجمع التحرير وشهدت بعض الشوارع المؤدية لوزارة الداخلية مناوشات بين بعض المتظاهرين وقوات الأمن ... من ناحية تانية هاجم النهاردة عدد من الملثمين واطفال الشوارع فندق شبرد .. معانا عمر حسانين مساعد رئس تحرير المصري اليوم
من جديد: وقفات إحتجاجية لنساء مصر ضد التحرش
من ضمن التصريحات اللي كانت طلعت في الفترة اللي فاتت وكانت اثارت جدل كبير هي التصريحات اللي جت من اعضاء لجنة حقوق الإنسان في مجلس الشورى واللي حملوا الستات اللي بيتم التحرش بيهم المسؤولية عن نفسهم، طبعا التصريحات ديه رفضها رئيس اللجنة الدكتور ايهاب الخراط، غير ردود الأفعال الرافضة للتصريحات ديه من جانب ستات مصر اللي النهاردة نظموا وقفات ضد التحرش.
أشرف ثابت: تصريحات ياسر علي تتناقض مع وعود الرئيس
أشرف ثابت نائب رئيس حزب النور ووكيل مجلس الشعب السابق: تصريحات ياسر علي بعدم تغيير الحكومة يتناقض مع وعود الرئيس
أشرف ثابت: مبادرة حزب النور لإزالة أسباب الإحتقان فقط
أشرف ثابت نائب رئيس حزب النور ووكيل مجلس الشعب السابق: مبادرة حزب النور لإزالة أسباب الإحتقان فقط
من جديد: أعمال بلطجة بالجبل الأصفر بالخنكة
الوضع الأمني في مصر ملف ناقشناه كتير مع حضراتكو خلال الفترة اللي فاتت خصوصا مع حالة الإنهيار اللي شهدها جهاز الشرطة عقب ثورة 25 يناير واللي لحد دلوقتي تبعات الانهيار ده مستمر ... جه وزير ومشي وغيره ومشي وغيره وغيره .. ولسة حالات القتل والسرقة والخطف والأغتصاب والإتجار في السلاح والمخدرات ..الجرائم بشكل عام ..منتشرة ... ولسة الناس مش قادرة تحس بالأمن والأمان واللي بالنسبة كتير مننا أهم من الأكل والشرب ... رغم ان التوقعات انه مع رئيس جديد الامور حتستقر وللاسف ده ما حصلشي، ومع زيادة اعمال البلطجة الناس اتجهت للاعتماد على نفسها ، والمشهد دا شوفناه من ايام الثورة بالتحديد من ساعة جمعة الغضب 28 يناير 2011 ... شباب ورجال كل منطقة شكلوا لجان شعبية لحماية اهلهم وممتلكاتهم في ظل حالة الإنفلات الأمني ... كمان ظهرت حالة جديدة في ظل التدهور الأمني اللي بنعيشه ..بأن الأهالي في بعض المناطق بقوا ينتقموا من البلطجية بأيدهم ...في الشرقية مثلا شوفنا على كذا مرة الأهالي بيقتصوا من البلطجية وبيقتلوهم ... ومن يومين احدى المناطق التابعة لمحافظة القليوبية قام مجموعة من الأهالي بحرق منازل عدد من المسجلين والخارجين عن القانون بعد ما تسببوا في قتل واصابة عدد من سكان المنطقة بعد ما اطلقوا الرصاص والخرطوش عليهم
رفعت عبد الحميد: البلطجة إنتشرت لأن الدولة في غيبوبة
معنا رفعت عبد الحميد الخبير الأمني حيث يؤكد أنه قد إنتشرت البلطجة لأن الدولة في غيبوبة .
موقف حزب النور من حكومة قنديل .. د. أشرف ثابت في من جديد
من جديد اهلا بحضراتكوا .. ساعات وتعقد الجولة الثانية من جلسات الحوار الوطني اللى دعا اليها الرئيس .. البعض من القوى السياسية بيعول الأمل على الجلسات دي في الخروج من النفق المظلم اللي بتمر بيه البلاد، والبعض الأخر شايف انها تحصيل حاصل ومضيعة للوقت ولن تنتهي لجديد ... لكن الجديد المرة دي أنه قبل انعقاد الجولة الثانية بتتردد أنباء بين احين والاخر عن قبول الرئيس وترحيبة لمبادرة حزب النور اللى حظيت بقبول غالبية القوى السياسية، لكنه رهن تنفيذ المبادرة بالتوافق عليها في جلسات الحوار الوطني، وزي ما حضرتكوا متابعين ابرز بنود مبادرة النور هي استقالة النائب العام وتغيير حكومة قنديل بحكومة اخرى ... هل هيستجيب الرئيس لتلك المبادرة ولا هتكون الجلسات دي اشبه بالجلسات السابقة اللى تحولت لمكلمة من الحضور دون ان تنتهي لشئ .. هل سيكون حزب النور فرس الرهان في الانتخابات المقبلة ؟... دي كلها تساؤلات مطروحة على ضيفنا الاستاذ اشرف ثابت نائب رئيس حزب النور ووكيل مجلس الشعب السابق .. اهلا بيك في من جديد
من جديد: عائلة تنتهج البلطجة وترعب أمن القليوبية
الوضع الأمني في مصر ملف ناقشناه كتير مع حضراتكو خلال الفترة اللي فاتت خصوصا مع حالة الإنهيار اللي شهدها جهاز الشرطة عقب ثورة 25 يناير واللي لحد دلوقتي تبعات الانهيار ده مستمر ... جه وزير ومشي وغيره ومشي وغيره وغيره .. ولسة حالات القتل والسرقة والخطف والأغتصاب والإتجار في السلاح والمخدرات ..الجرائم بشكل عام ..منتشرة ... ولسة الناس مش قادرة تحس بالأمن والأمان واللي بالنسبة كتير مننا أهم من الأكل والشرب ... رغم ان التوقعات انه مع رئيس جديد الامور حتستقر وللاسف ده ما حصلشي، ومع زيادة اعمال البلطجة الناس اتجهت للاعتماد على نفسها ، والمشهد دا شوفناه من ايام الثورة بالتحديد من ساعة جمعة الغضب 28 يناير 2011 ... شباب ورجال كل منطقة شكلوا لجان شعبية لحماية اهلهم وممتلكاتهم في ظل حالة الإنفلات الأمني ... كمان ظهرت حالة جديدة في ظل التدهور الأمني اللي بنعيشه ..بأن الأهالي في بعض المناطق بقوا ينتقموا من البلطجية بأيدهم ...في الشرقية مثلا شوفنا على كذا مرة الأهالي بيقتصوا من البلطجية وبيقتلوهم ... ومن يومين احدى المناطق التابعة لمحافظة القليوبية قام مجموعة من الأهالي بحرق منازل عدد من المسجلين والخارجين عن القانون بعد ما تسببوا في قتل واصابة عدد من سكان المنطقة بعد ما اطلقوا الرصاص والخرطوش عليهم
ليست هناك تعليقات:
إرسال تعليق