نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاثنين 31 ديسمبر 2012 يوتيوب كاملة
بلدنا بالمصري: ٢٠١٢ مرضيتش تفارقنا من غير دم
يسعد مساكم.. واخر حلقة من بلدنا بالمصري السنة ديه اللي واخدة حالها ومحتالها وهتحل عننا اخيراً بحلوها بمرها بعبلها.. كان نفسنا تفارقنا من سكات ومن غير اذية وبكفايانا اوي مرار ووجع قلب وكتر الف خيرها على كدة.. لكن سبحان الله زي ما يكون مش هاين عليها نشوف يوم حلو على اخر السنة.. فهتسيبنا تاني مقهورين وتاني قلبنا مفطور وبرده على جدع زي الورد من زينة الشباب واجدعهم وانبلهم واعزهم واغلاهم.. ما كفاهاش عيالنا في اسيوط والشهدا اللي راحوا هدر في الاتحادية ومن قبلهم اسلام وجيكا واحمد نجيب واترجينا ربنا يجعل الحسيني الله يرحمه ويرحمهم جميعاً اخر الاحزان.. وكان فعلاً اخرهم لحد النهاردة الفجر.. لحد ما رصاصة الغدر اختارت عمداً ومع سبق الاصرار والترصد دماغ مهند سمير في قلب ميدان التحرير وسط المعتصمين.. نفس السيناريو الكئيب اللي عشناه مع جيكا واحمد نجيب والحسيني.. خرطوش في دماغه من على مسافة قصيرة والفاعل مجهول.. ومهند بين الحياة والموت في العناية المركزة في مستشفى احمد ماهر.. ادعولوه ربنا يلطف بيه ويشفيه ويقومه بالسلامة.. عشمنا في ربنا كبير..
بلدنا بالمصري: فاكرين مين مهند سمير ولا ناسيينه
فاكرين مين مهند سمير ولا ناسيينه.. مهند هو المصاب في احداث مجلس الوزرا اللي اتحول بقدرة قادر لمتهم في القضية لانه شاهد العيان الوحيد على اللي قتل الشهيد رامي الشرقاوي.. فكانت النتيجة انه قضى ٩ شهور من عمره مرمي في السجن على ذمة القضية وصحته في النازل.. ذاكر وخد ثانوية عامة ودخل الجامعة وهو في السجن.. وخرج معنوياته في السما وقلبه حديد وحالف يكمل المشوار ويجيب حق رامي واللي زيه.. يارب تكتب له عمر جديد وتقدره يكمل المشوار
جمعة: تم التعرف على ضابط شرطة ضمن من أعتدوا على مهند
معنا على الهاتف أ/ تامر جمعة - محامي مهند سمير حول حالته وما المنتظر من شهود العيان
بلدنا بالمصري: تداعيات الحالة الصحية لمهند سمير
حول تداعيات الحالة الصحية لمهند سمير .. معنا على الهاتف د. محمد فوزي - مدير مستشفى أحمد ماهر
شاهد بقضية الإعتداء على مهند سمير .. في بلدنا بالمصري
شاهد في واقعة إطلاق النار على مهند سمير .. في بلدنا بالمصري
أ/ أحمد عادل
هبة عبد القادر - والدة مهند سمير .. في بلدنا بالمصري
معنا على الهاتف
هبة عبد القادر - والدة مهند سمير .. في بلدنا بالمصري
ريم ماجد: عشم إبليس في الجنة أقرب لكم من خوفنا
الله اعلم مين دول؟! مين اللي عمل العملة السودة ديه؟! وهم نفسهم اللي قتلوا الحسيني وقتلوا جيكا واحمد نجيب ولا ناس تانيين؟! وليه من يوم ما قامت الثورة لحد النهاردة و كل الفاعل مجهول.. مين اللي قتلنا وبيقتلنا؟! لساه مجهول ليه؟! ولساه حر ليه؟! مين اللي بيحميه ومين اللي بيتستر عليه؟! ومين اللي ليه مصلحة في قتلنا او مين ولا مين؟! ومين اللي ليه مصلحة يحمي القاتل ويتستر عليه؟! ولحد امتى؟! ايكش تكونوا فاكرين اننا هنسكت او هنخاف او هنمشي جنب الحيط ونحط في الارض.. دة بعدكم.. وعشم ابليس في الجنة اقرب لكم من سكاتنا ومن خوفنا ومن كسرة نفسنا.. ويا ويلكم من اصحاب الحق: عينهم قوية وحيلهم مشدود وقلبهم على بعض والايد في الايد وكل محنة وكل حسرة وكل مصيبة بتقويهم وبتشد عزمهم.. وهييجي اليوم اللي هتترد فيه كل الحقوق.. يارب بس نعيش ونشوف اليوم دة..
نيللي وضحكتها في مهمة صعبة في بلدنا بالمصري الليلة
الحلقة ديه كنا ناويين انها تكون حلقة خاصة وكنا ناويين نغض فيها البصر على قد ما نقدر عن المر ونبص بس على كل طاقات النور حتى لو كانت قد خرم الابرة.. لكن ما باليد حيلة.. قدر الله وما شاء فعل.. بس برده هتفضل حلقة خاصة، هنتخلى فيها وعلى غير العادة عن اخبار بلدنا، عشان يكون عندنا براح كفاية اولاً عشان نطل طلات سريعة على السنة اللي فاتت، ايه اللي خدناه منها وايه اللي خدته مننا.. وثانياً عشان يكون فيه شوية براح لولاد بلدنا يودعوا السنة اللي فاتت بالطيب او بالردي ويحلموا للسنة الجديدة.. واخيراً عشان يكون عندنا براح نتهنى فيه بضيفتنا النهاردة اللي هتخطي عتبتنا لاول مرة وهنستقبل السنة الجديدة على وشها.. مسك الختام هيكون على حس نيللي الفنانة المصرية الاصيلة.. مهمتها النهاردة صعبة بس انا متاكدة انها قدها وقدود وهتقدر تهون علينا اللي احنا فيه وتحن علينا بشوية بهجة..
بلدنا بالمصري: الميدان يودع ٢٠١٢ ويستقبل ٢٠١٣
بس قبل ما نطل على السنة اللي فاتت.. خلونا الاول نطل على ناس الميدان واهله.. اللي ما يحشهمش عنه ولا حتى الشديد الاوي.. اللي بيلاقوا فيه الونس والدفا والاحساس بالامان.. اللي بيستقووا ببعض ويسندوا ضهر بعض ويطمنوا بعض ويطمنوا نفسهم ان بكرة جي طول ما احنا سوا وطول ما حسنا في الدنيا وفي الميدان..
بلدنا بالمصري: سنتين ولسه دم شهداء القديسين مبردش
فيه ناس تانية كمان اختارت تستقبل السنة الجديدة في رحاب كنيسة القديسين في اسكندرية.. وبرده على سبيل الونس والدفا والاحساس بالامان.. لكن كمان لاحياء الذكرى ونعيش ونفتكر الشهدا اللي راحوا غدر وما ننساش ان دمهم لسة في رقبة المجهول الحر الطليق وانه لسة ماخدش جزاءه بعد سنتين بالتمام والكمال على عملته السودة
بلدنا بالمصري: الرئيس المنتخب مرسي .. ووعوده
٢٠١٢ خدت مننا راقات واديتنا رئيس منتخب.. اول رئيس منتخب.. وعدنا خير وعشمنا بالحلق فاستبشرنا وقلنا يا هادي يارب ربنا يجعل في وشه القبول وعلى ايده الفرج.. قال لنا اطيعوني ما اطعت الله فيكم فان عصيته فلا طاعة لي عليكم، فصدقنا.. وتعدي الايام وتفوت واللي اقسم على انه يكون رئيس لكل المصريين، في اشدة وعند اللزوم خرج يكلم اهله وعشيرته.. واللي فتح صدره في ميدان التحرير، قال حاسب من المؤامرة وامسك اللي في الحارة المزنوقة.. واللي اقسم يجيب حق الشهدا، بقى في رقبته دم الشهدا اللي كانوا من قبله واللي صاروا في عهده ولسة كلهم حقهم ضايع.. وهلم جرة وسبحان مغير الاحوال
ريم ماجد: مين اللي بيقتلنا؟ ومين اللي بيحميه؟
مين اللي قتلنا وبيقتلنا؟! لساه مجهول ليه؟! ولساه حر ليه؟! مين اللي بيحميه ومين اللي بيتستر عليه؟! ومين اللي ليه مصلحة في قتلنا او مين ولا مين؟! ومين اللي ليه مصلحة يحمي القاتل ويتستر عليه؟! ولحد امتى؟! ايكش تكونوا فاكرين اننا هنسكت او هنخاف او هنمشي جنب الحيط ونحط في الارض.. دة بعدكم.. وعشم ابليس في الجنة اقرب لكم من سكاتنا ومن خوفنا ومن كسرة نفسنا.. ويا ويلكم من اصحاب الحق: عينهم قوية وحيلهم مشدود وقلبهم على بعض والايد في الايد وكل محنة وكل حسرة وكل مصيبة بتقويهم وبتشد عزمهم.. وهييجي اليوم اللي هتترد فيه كل الحقوق.. يارب بس نعيش ونشوف اليوم دة..
مين اللي قتلنا وبيقتلنا؟! لساه مجهول ليه؟! ولساه حر ليه؟! مين اللي بيحميه ومين اللي بيتستر عليه؟! ومين اللي ليه مصلحة في قتلنا او مين ولا مين؟! ومين اللي ليه مصلحة يحمي القاتل ويتستر عليه؟! ولحد امتى؟! ايكش تكونوا فاكرين اننا هنسكت او هنخاف او هنمشي جنب الحيط ونحط في الارض.. دة بعدكم.. وعشم ابليس في الجنة اقرب لكم من سكاتنا ومن خوفنا ومن كسرة نفسنا.. ويا ويلكم من اصحاب الحق: عينهم قوية وحيلهم مشدود وقلبهم على بعض والايد في الايد وكل محنة وكل حسرة وكل مصيبة بتقويهم وبتشد عزمهم.. وهييجي اليوم اللي هتترد فيه كل الحقوق.. يارب بس نعيش ونشوف اليوم دة..
بلدنا بالمصري: ٢٠١٣ .. أمل مصر ونهارها اللي جاي
هنستقبل السنة الجديدة على وش سمح وقلب زي البفتة البيضة وهنكسر ورا السنة ديه قلة وزير وغصب عنها ورغم كل المر اللي دقناه فيها، واللي راسها والف سيف ما ترحل الا واحنا شاربين من كاسه لحد اخر دقيقة، احنا بقة هنحللي وهنختمها مسك وربنا يجعل ست الستات والمبهجة دائماً نيللي وش السعد وقدم الخير على السنة الجديد
لكن مسك الختام قبل الفاصل هيكون على حس ولاد قلب البلد ديه وضناها.. وشمسها اللي طالعة ونهارها اللي جاي
بلدنا بالمصري: كشف حساب ٢٠١٢
طيب.. ان الاوان بقة نطل على ٢٠١٢ من اوسع زاوية ونقلب في دفتر يومياتها ونعمل كشف حساب بالاخد والعطا وباللي ليها والبي عليها
نيللي وش السعد، وشقاوتها .. في بلدنا بالمصري
هنستقبل السنة الجديدة على وش سمح وقلب زي البفتة البيضة وهنكسر ورا السنة ديه قلة وزير وغصب عنها ورغم كل المر اللي دقناه فيها، واللي راسها والف سيف ما ترحل الا واحنا شاربين من كاسه لحد اخر دقيقة، احنا بقة هنحللي وهنختمها مسك وربنا يجعل ست الستات والمبهجة دائماً نيللي وش السعد وقدم الخير على السنة الجديد
الليلة ديه واحنا بنودع سنة فاتت بحلوها ومرها، ولو ان مرها عياره زايد حبتين.. مافيش احلى من ان مسك الختام يكون على حس اولاً واحدة ست من ستات البلد ديه وما ادراك بستات البلد.. عاشقة جمالها في الضلمة وفي النور ومغرمة.. ربنا انعم عليها بالموهبة وبالشقاوة-ماهي الشقاوة ساعات بتبقى نعمة من عند ربنا برده- واداها الوش السمح والابتسامة اللي ترد الروح وشوية بهجة معتبرين بنترجاهم من الدنيا عشمانين فيهم على اخر السنة..
ليست هناك تعليقات:
إرسال تعليق