نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاربعاء 23 يناير 2013 من قناة ONTV يوتيوب كاملة
من جديد: وفاة 3 أشخاص في إنهيار عقار بعزبة أبو قرن
نروح لمسلسل انهيار العقارات ... والنهاردة عزبة ابو قرن التابعة لمحافظة مصر القديمة شهدت انهيار عقار مكون من دورين أسفر عن وفاة 3 أشخاص وإصابة العشرات من السكان .. تفاصيل اكتر معانا عمر حسانين مساعد رئيس تحرير المصري اليوم .
من جديد: مؤتمر 6 إبريل حول ترتيبات ذكرى الثورة
النهاردة حركة 6 ابريل عقدت مؤتمر صحفي للاعلان عن مشاركتها في تظاهرات 25 يناير .. اعضاء الحركة اكدوا انهم مش حيروحوا لقصر الإتحادية اثناء التظاهرات .. وانه هيتم تنظيم 3 مسيرات كبرى تنطلق من دوران شبرا ومسجد مصطفى محمود ومسجد السيدة زينب حتتوجه كلها لميدان التحرير ، و6 أبريل أكدت ان قرار الأعتصام بالميدان مرهون بما حيتم التوافق عليه مع القوى السياسية والثورية التانية.
من جديد: وقفة بالشموع في ذكرى أربعين الحسيني
النهارد لجنة الحسيني ابو ضيف للدفاع عن مهنة الصحافة عقدت احتفالية لإحياء ذكرى الأربعين لرحيل الصحفي والناشط السياسي الحسيني ابو ضيف واللي استشهد في احداث الأتحادية ... بدأت الأحتفالية بوقفة بالشموع على سلالم نقابة الصحفيين بحضور عدد من النشطاء السياسين والصحفيين ..تعالوا نشوف التقرير اللي .
من جديد: الألتراس يطالبون بالقصاص لضحايا ستاد بورسعيد
السلام والتحية على حضراتكو واهلا بيكو معانا ... العاصمة أصيبت بسكتة مرورية النهاردة بعد مظاهرات مجموعات الالتراس في اكتر من مكان حيوي في اوقات متقاربة ابتدوا من عند البورصة نزلوا المترو طلعوا بعد كدة على ميدان التحرير ومنه قطعوا كوبري اكتوبر وده كله .. شباب الالتراس شايفين انه "قرصة ودن" للمسئولين ولجميع الأطراف للمطالبة بالقصاص لشهداء مجزرة بورسعيد .. واللي المفروض هيكون الحكم في هذه القضية يوم السبت اللي جاي 26 يناير ... بالتأكيد المشهد اللي شوفناه النهاردة زاد من حالة القلق والخوف والترقب ليوم صدور الحكم .. خصوصا ان الألتراس مش قابلين .. ورافضين تماما فكرة إرجاء الحكم في القضية بعد ما النائب العام طلب إعادة فتح المرافعة فيها .. يعني بكل الاحوال التراس النادي الأهلي مش موافق غير باحكام رادعة وقوية ضد المتهمين .. خلونا الأول نشوف حصل ايه .. كاميرا من جديد كانت متابعة المظاهرات من بدايتها لنهايتها .
مؤتمر لأهالي القرصاية للرد على بيان القوات المسلحة
زي ما حضراتكوا متابعين خلل الايام اللي فاتت وقبلها كانت جزيرة القرصاية متصدر المشهد بسبب المصادمات اللي حصلت ما بين الأهالي ورجال من القوات المسلحة بسبب التنازع على أرض الجزيرة من كم يوم كان خرج المتحدث اباسم القوات المسلحة وكد على احقية الجيش في الارض وبعدها بايام وزع على المحررين العسكريين صور من عقود الأرض ، النهاردة بقة عدد من المنظمات الحقوقية واهالي الجزيرة عقدوا مؤتمر صحفي للرد على بيان المتحدث الرسمي للقوات المسلحة وأكد اهالي الجزيرة انهم مش حيسيبوا حقهم في أرضهم.
عادل سليمان: نٌقّدر مشاعر الألتراس تجاه ضحايا بورسعيد
معانا الدكتور عادل سليمان المدير التنفيذي لمركز الدراسات المستقبلية .. للتعليق على تظاهرات الألتراس في عدة مناطق العاصمة .
الداخلية تطالب بالالتزام بالشرعية في التظاهرات
اما بقة الداخلية فطالبت الشعب المصري بالالتزام بالشرعية والقانون أثناء التظاهرات والحفاظ على الممتلكات العامة والخاصة وعدم التعرض لها بأية صورة من الصور وعدم تعطيل مصالح المواطنين , الداخلية قالت في بيانها انها : منذ ثورة 25 يناير المجيدة تنتهج الداخلية سياسة تتوافق وأهداف الثورة حيث غيرت الشرطة من عقيدتها فى الاتجاه الذى يكفل حماية كافة الحقوق والحريات وعلى قائمتها حق التظاهر السلمى كأحد وسائل التعبير عن الرأى باعتباره حقاً دستوريا يكفله الدستور ,
من جديد: حمدين صباحي يدعو بالمشاركة في ذكرى الثورة
من ناحية تنية دعا المرشح السابق لرئاسة المهورية حمدين صباحي المصريين للنزول في مظاهرات 25 يناير ، للتأكيد على رفض اخونة الدولة .
من جديد: وقفة أمام النائب العام للمطالبة بالعدالة
زي ما حضرتكوا عارفين ان النائب العام اعتمد في طلب إعادة الترافع في قضية بورسعيد اعتمادا على تقرير جنة تقصي الحقائق والنهاردة نظم اعضاء من لجنة تقصي الحقائق وقفة قدام مكتب النائب العام لمطالبة بتحقيق العدالة في كل القضايا اللي بيحقق فيها، والتحقيق كمان مع العسكريين اللي ورد اسمهم في التقرير
من جديد: ترام بالأسكندرية يخرج عن مساره ويصطدم بآخر
ده بالنسبة للوضع في القاهرة أما في اسكندرية فالنهاردة شهدت اسكندرية حادثة متهيألي الاولى من نوعها وهي تصادم متروهين مع بعض .. معانا ناصر الشرقاوي مراسل المصري اليوم بالأسكندرية .
أحمد فؤاد نجم: هو مش مصدق انه رئيس مصر ؟
أحمد فؤاد نجم: إتفرض عليا انتخاب الرئيس مرسي
محمد هاشم: أطالب بمحاكمة الرئيس مرسي
أحمد فؤاد نجم: الاخوان لم يشاركوا في الثورة
قصيدة لشباب الثورة - أحمد فؤاد نجم
أحمد فؤاد نجم: الاخوان لم يسرقوا الثورة بل سرقوا البلد
قصيدة التحالف - للشاعر أحمد فؤاد نجم
من جديد: دلالات إلغاء الرئيس لقائه مع المثقفين
من جديد أهلا بحضراتكوا والنهارده بدأت الدورة 44 لمعرض القاهرة الدولي للكتاب.. معرض الكتاب على مدار دوراته طول السنين اللي فاتت كانت الدولة بتهتم بيه وكان يوم الافتتاح بيكون فرصة للقاء الرئيس بالمثقفين ويتناقش معاهم ويسمع لمشاكل البلد ويتناقش .. لكن السنة ديه مع رئيس الثورة مؤسسة الرئاسة استبعدت كل الشخصيات اللى رشحتها وزراة الثقافة والمجلس الأعلي للثقافة من المبدعين والصحفيين، واقتصرت لقاء الرئيس بالناشرين وبالتحديد الشخصيات المقربة من الإخوان المسلمين وتم استبعاد الباقي.. اللي مش من الأهل العشيرة .. احنا النهاردة في من جديد حنفترض ان الرئيس التقى بالمثقفي يا ترى كانوا حيقولوا ايه استاذنا الكبير شاعر العامية أحمد فؤاد نجم .. والناشر الكبير محمد هاشم صاحب دار نشر ميرت .. أهلاً وسهلاً ..
ليست هناك تعليقات:
إرسال تعليق