نشاهد اليوم
برنامج مانشيت
تقديم جابر القرموطى
و الذى يذاع على قناة ONTV
يأتيكم من الأحد للخميس في الساعة 7:10 مساءا
هو برنامج يومي يقوم بجولة حول الصحافة اليومية ويستعرض عناوين الأخبار. يستضيف مذيع البرنامج الصحفي جابر الأرموطي زملاؤه في الميدان الصحفي و الاعلامي ليعلقو على الأخبار و يدلو بارائهم . ويستضيف أيضا شخصيات من أعلام المجتمع من مفكرين وكتاب, رجال أعمال و وزراء, مثقفين و خبراء.
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة.
و لنبدأ
برنامج مانشيت حلقة الاثنين 21 يناير 2013 مع الاعلامى جابر القرموطى على قناة ONTV يوتيوب كاملة
مانشيت: مصر كبيرة عليهم
مصر اكبر من الجميع .. مصر فوق الجميع مصر اهم من الجميع .. يجب ان يتعلم الجميع ذلكوأن يعوا ان مصر هي الغاية والوسيلة .. يجب ان يخلصوا النية .. (يا سادة نحن في مفترق طرق اما أن ننتشل مصرنا مما هي مقبلة علية من خراب .. او نتركها لمصير لا نعلم عواقبه ).مصر في الذكري الثانية لثورة 25 يناير لم تتحرك خطوة واحدة للامام ، بل تراجعت مئات الخطوات ، الاسعار في ارتفاع مستمر ، الاحتياطي النقدي يتاكل ، الخدمات تنهار ، الامن مفقود ، حتي رغيف العيش مش موجود .امام الجميع فرصة ذهبية لاثبات ولاءهم لمصر .. مصر فقط ، أمام الجميع فرصة قد لا يعيدها التاريخ مرة أخري ليسطروا أسماءهم في قوائم مخلصي الوطن ، امام الجميع فرصة لن تتكرر الاجابة .. مصر .
مانشيت: إصابة مهند سمير بفقدان في الذاكرة
إصابة مهند سمير بفقدان الذاكرة و النيابة تطالب تقريراً عن قواه العقلية. معانا السيدة هبة عبد القادر - والدة مهند سمير: أبني لم يتذكر أي شيء وأتمنى ألا يتذكر الحادث.
مانشيت: حقيقة زيارة مبارك لمصابى حادث البدرشين
مفاجأة .. مبارك زار مصابى قطار البدرشين في المستشفى. معانا هند عادل على التليفون - صحفية باليوم السابع : مبارك زار مصابي البدرشين على كرسي متحرك قبل زيارة مرسي و زار المصابين على كرسى متحرك قبل زيارة مرسي و مبارك لم يرفض زيارة مرسي وقال إن الأمر يرجع للرئيس
القرموطي: هشام قنديل على طريقة عادل أمام في فيلم مرجان
شايفين الصورة اللي أدامكوا دي .. دي صورة كوبون البوتاجاز اللي بتتوزع في مدينة الصف التابعة لمحافظة الجيزة ... الصورة واخدنها من مدونة "مصر أولا"... ومكتوب عليها حزب الحرية والعدالة (كوبون أنبوبة واحدة غير مسؤولين عن ضياع الكوبون).هو أيه دخل حزب الحرية والعدالة بالموضوع ... هو الحزب خلاص بقا الحكومة ... ليه يعني الكوبون بيوزع باسم الحزب وليه عليه شعاره ... وأهم حاجة خلي بالك من الكوبون لأن الإخوان مش مسؤولين عن ضياعه.لما نشوف كوبون العيش هيبقا بضمان مين ... ويا ترا المواطن الواحد يا سيادة وزير التموين هيكفيه رغيف عيش واحد في الطقة ... الظاهر إن رئيس الوزرار الدكتور هشام قنديل صدق إن العيش اللي شافه في مجمع مخابز 15 مايو التابع للجيش هو العيش اللي بيتباع في الأفران البلدي ... فاكرين فيلم مرجان أحمد مرجان ... فاكرين لما عادل إمام وقف في البرلمان وطلع رغيف عيش كبير وقعد يشيد بجمال العيش ... طب تعالوا نشوف كده عادل إمام. الصورة دي للدكتور هشام قنديل وهو بيتفقد مجمع مخابز 15 مايو ... الصورة بعدسة أشرف شحاتة في الأخبار أمبارح ... شايفين رغيف العيش اللي في أيد الدكتور هشام قنديل ... دا الرغيف أبو شلن ... بقا دا رغيف العيش اللي بيتباع في المخابز البلدي .. انتوا بتضحكوا علينا ولا على نفسكوا ... طبعا الدكتور هشام قنديل عمل زي عادل إمام وصدق إن دا رغيف العيش اللي بيتباع للغلابة ... فأكل حتة وقال ... يا بخت الغلابة... صحيح يا بخت الغلابة بيكوا ... يا بخت الغلابة بالكوبونات.
القرموطي: احنا في زمن الكوبونات .. وخلى بالك من كوبوناتك
وزير التموين باسم عودة اللي هو أصلا استاذ في الهندسة الطبية قال لمدحت وهبة في أول حوار ليه بعد توليه الوزارة إن محاسبة الحكومة يجب أن تكون على أساس الجهد المبذول وليس على النتائج اللى هيا توفيق من عند الله ... لأ يا سيادة الوزير في كل العالم الحكومات تحاسب على النتائج ... لأن النتائج هيا الشيئ الملموس أدمنا ... لكن الجهد المبذول دا أحنا لا نراه ... المهم الوزير قال إن تنفيذ منظومة الخبز الجديدة في بورسعيد وحصول المواطنين على العيش المدعوم بـ "الكروت الذكية" يعتبر حدث تاريخي .. تعالوا بقا نشوف الحدث التاريخي دا عبارة عن أيه ... أولا الوزير بيقول إن تكلفة الرغيف 33 قرش والمواطن بيحصل عليه بـ 5 قروش ... يا سيادة الوزير دا أحنا بنشتري الرغيف السياحي بـ 30 قرش والتاجر بيكسب فيه وجودته أفضل من الرغيف المدعم ... يبقا إزاي الرغيف المدعم بيتكلف 33 قرش ... الحدث التاريخي بقا في أيه في إن الحكومة هتخصص كوبونات لبيع العيش المدعم ... لكل مواطن 3 أرغفة في اليوم ... يعني الأسرة المكونة من فردين زوج وزوجة تحصل على 6 أرغفة ولو عندهم ولد واحد يخدوا 10 أرغفة ... يعني هيزودولهم رغيف ... والأسرة المكونة من 4 أفراد تآخد 12 رغيف ولو حضرتك عندك 3 أولاد تآخد 15 رغيف في اليوم ... ولو الأسرة مكونة من 6 أفراد تآخد 20 رغيف في اليوم ... يعني كل مصري ليه 3 أرغفة في اليوم ... أو رغيف في الطأة الواحدة .... تفطر برغيف وتتغدى برغيف وتتعشى برغيف ... ولو زودت في طقة الفطار يبقا جنيت على روحك في الغدا ... طب لو حد جالوا ضيوف ... ييجوا بكبوناتهم ... اللي يروح لحد بعد كده يتغدى ولا يتعشى يروح بكوبوناته .... ويا ريت الزوجات بقا تبطل تغضب عند أهليها ... يعني لو واحدة ست غضبت وراحت بعيالها عند أبوها وأبوها راجل غلبان تآخد كوبوناتها وكوبونات ولادها معاها ... لأن الأب يا دوب ليه رغيف في كل طقة ولو هو من الفقراء مش هيقدر يشتري عيش سياحي لبنته الغضبانة وعيالها ... خلاص من النهاردة المواطن بيساوي كوبون للعيش وكوبون للبوتاجاز وكوبون للبنزين ... وكل واحد يخلي باله من كوبوناته.... هو الواحد يسوى أيه في البلد دي إلا شوية كوبونات.كوبون لكام لتر بنزين للسيارات الأقل من 1600 سي سي ... وكوبون لأنبوبة واحدة شهريا للأسرة المكونة من 3 أفراد وانبوبتين للأسرة أكثر من 4 أفراد.
مانشيت: الصحافة المصرية النهاردة 21/01/2013
قراءة في الصحافة المصرية المطبوعة والإلكترونية مع جابر القرموطي
ليست هناك تعليقات:
إرسال تعليق