نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاربعاء 26 ديسمبر 2012 يوتيوب كاملة
ربيع: يصعب على رئيس الحكومة استيعاب إختصاصات الدستور
ولقراءة لخطاب الرئيس معنا على الهاتف
د. عمرو هاشم ربيع - الخبير بمركز الأهرام
بلدنا - حمزاوي: خطاب مرسي يحاول فيه تمرير الدستور
ولقراءة لخطاب الرئيس معنا على الهاتف
د. عمرو حمزاوي - عضو جبهة الإنقاذ الوطني
بلدنا بالمصري: مؤتمر جبهة الإنقاذ الوطني
مؤتمر صحفي لجبهة الإنقاذ الوطني , والذي يؤكد أننا ندعوا شعب مصر للتظاهر يوم 25 يناير القادم , نرفض تشكيل مجلس الشورى الراهن .
بلدنا بالمصري: خطاب مرسي بعد إقرار الدستور
يسعد مساكم وحلقة جديدة من بلدنا بالمصري هنختمها على حس بنت جدعة من بنات بلدنا.. عاشقة ترابها وشاربة من نيلها ومغرمة بيها صبابة.. لسانها بينقط شهد لكن ممكن كمان يحدف طوب عند اللزوم وكله بالادب وبالشعر وبالورقة والقلم.. مسك الختام النهاردة هيكون على حس الشاعرة بنت البلد نور عبد الله..
اما البداية وكالعادة فهتكون باخر اخبار بلدنا.. واخر خبر مع اننا مش متعودين نبدا باخبار رئيس الجمهورية، لكن معلش المرة ديه بما انه اول خطاب بعد ما صبح الدستور شئنا ام ابينا ولحين اشعار اخر نافذ وساري بحلوه بمره بعبله كدة.. ونسال ربنا اللطف فيه بما اننا مالناش نساله رد القضاء
بلدنا بالمصري: استقالة وزير الإتصالات م. هاني محمد
فيما يخص الحكومة .. فيه تغييرات وزارية قادمة لازالت لسه مش معروفة .. لكن امبارح تمت استقالة وزير الإتصالات م. هاني محمد
بلدنا بالمصري: تعيينات الشورى تخالف مادة العزل
اما اول من خالف الدستور ويا للعجب، يمكن يكون رئيس الجمهورية شخصياً، وتحديداً بقراره الصادر بتعيين ٩٠ عضو في مجلس الشورى، بما ان بعضهم غالباً تنطبق عليه مادة العزل السياسي اللي بتقول الاتي
نيجي نبص على قرار التعيين نلاقي اسماء معينة بالرجوع لتاريخها ممكن نلاقي اللي كان مرشح حوب وطني مجلس الشعب في 2005 و 2010.. او مثلاً عضوة في لجنة المرأة بالحزب الوطني.. عضو مجلس الشورى عام 2010 عن الحزب الوطني.. رئيس المجلس المحلى لمحافظة حدودية عن الحزب الوطني المنحل.. كدة يعني
بلدنا بالمصري: انتقال التشريع لمجلس الشورى
اما وان مجلس الشورى عقد النهاردة اول جلساته في دور انعقاده الجديد، فاولاً ايه مصير الجماعة دول لو ثبت فعلاً ان مادة العزل السياسي تنطبق عليهم؟! وثانياً هل دة معناه ان سلطة التشريع انتقلت بحمد الله لمجلس الشورى النهاردة بتركيبته ديه بتشكيله دة المعين والمنتخب اللي احنا ما انتخبنهوش اساساً عشان يشرع ناهينا عن نسبة المشاركة في انتخابات الشورى اللي ما عدتش المشاركة .. اسئلة هيجاوبنا عليها
علي فتح الباب - زعيم الأغلبية بالشورى
اما اول من التزم بتطبيق نصوص الدستور الجديد في اول ايامه كانت المحكمة الدستورية العليا.. المادة الخاصة بالمحكمة الدستورية في الدستور بتنص على الاتي
فما كان من الجمعية العامة للمحكمة الدستورية الا انها اجتمعت النهاردة واعادت تشكيلها وفقاً للدستور وبعتت للرياسة فعلاً محضر الاجتماع وقرار اعادة التشكيل
معنا على الهاتف
محمد بصل - المحرر القضائي بجريدة الشروق
بلدنا بالمصري: في أربعين عيالنا اللي راحوا في أسيوط
هنطلع فاصل ونرجع بعده نكمل اخر اخبار بلدنا.. لكن قبل الفاصل نعيش ونفتكر ان اول يوم في عمر الدستور الجديد، بيوافق اربعين عيالنا شهداء اسيوط اللي اتقطفوا قبل الاوان واللهم لا اعتراض على قضاء الله وقدره.. لكن اللهم اعتراض على ان دمهم يروح هدر
بلدنا بالمصري: القضاء يناشد النائب العام ترك منصبه
اخر تطورات الازمة الشهيرة بازمة النائب العام، هو البيان المشترك الصادر النهاردة من مجلس القضاء الاعلى ونادي القضاة ناشدوا فيه النائب العام المستشار طلعت عبد الله بالموافقة على التخلي عن منصبه والرجوع لمنصة القضاء حرصاً على الصالح العام ووحدة الصف القضائي.. البيان صدر بعد اكتر من اجتماع النهاردة بين مجلس القضاء الاعلى والنائب العام ورئيس نادي القضاة ورؤساء أندية الأقاليم لبحث الازمة
بلدنا بالمصري: قاضي تحقيق للاعتداء على الزند
من ناحية تانية، النهاردة كانت اول جلسة من جلسات نظر تجديد حبس المتهمين التلاتة بالاعتداء على المستشار احمد الزند رئيس نادي القضاة.. القضية بيتولاها من النهاردة قاضي تحقيق بناءاً على طلب دفاع المتهمين اللي وافقت عليه النيابة.. تفاصيل الجلسة واخر نتايج التحقيقات هنعرفها من:
أ/ أحمد سيف الإسلام
بلدنا: شهادة محمد حكيم في واقعة الاعتداء على الزند
شهادة محمد حكيم مراسل قناة الحياة في واقعة الاعتداء على الزن
بلدنا بالمصري: تأجيل طعن زويل على حكم جامعة النيل
لسة في المحكمة الادارية العليا اللي قررت النهاردة كمان تأجيل الطعن المقام من الدكتورأحمد زويل، على الحكم الصادر لصالح طلبة جامعة النيل، بإعادة المبنى اللي بتشغله الجامعة والتجهيزات المخصصة ليه لاول يناير
بلدنا بالمصري: رد الفنانين على المدعو عبدالله بدر
زي ما حضراتكوا يمكن عارفين.. او مش عارفين ان المدعو عبد الله بدر دعا من كام يوم في مداخلة على قناة الحافظ لمليونية سماها "مليونية القذارة الفنية" يوم الجمعة قدام نقابة الممثلين.. فالفنانين ما كدبوش خبر وكان دة ردهم من قلب الميدان
بلدنا بالمصري: ضحية جديدة للمحاكمات العسكرية
النهاردة وفي اول يوم في عمر الدستور، البي اجاز محاكمة المدنيين قدام محاكم عسكرية بحكم نص المادة ١٩٨ اللي بتقول الاتي
في نفس اليوم دة يشاء السميع العليم، اننا نعلم بتفاصيل حدوتة جديدة لضحية جديدة من ضحايا المحاكمات العسكرية
معنا على الهاتف
عمر الحصري - شقيق ضحية المحاكمات العسكرية
على حس وشعر نور عبدالله .. في بلدنا بالمصري
على حس بنت جدعة من بنات بلدنا.. عاشقة ترابها وشاربة من نيلها ومغرمة بيها صبابة.. لسانها بينقط شهد لكن ممكن كمان يحدف طوب عند اللزوم وكله بالادب وبالشعر وبالورقة والقلم.. مسك الختام النهاردة على حس الشاعرة بنت البلد نور عبد الله
قصيدة بلادي بلادي - نور عبدالله .. في بلدنا بالمصري
كل واحد فينا فى وادى
بلادى بلادى بهاتى
صوتى راح واللى قاتلنى هادى
مصر ماتلك كام شهيد
لجل مايشوفوناش عبيد
ماتوا لكن ايه الجديد
ما اللى عاش بالذل راضى
مصر فالتين الزمام
اللى دينهم بالكلام
حكموا والمطلوب انام
انهو دين يقتل ولادى؟؟؟
مصر حكموا الكدابين
باسم رب العالمين
دين ايه يا ابنى وشرع مين؟؟
اللى حولنا لأعادى
مصر سمونا فلول
واتشتمت عشان بقول
اللى قالوا الدين حلول
شوهوا دينى قصادى
مصر شعبك نام وقام
لبسوه دستور لجام
والحلال قلبوه حرام
للى عقله فى الزبادى
يابلادى جيكا مات
والحسينى والولاد
كلهم لبسوا السواد
ينتهى امتى حدادى؟؟؟
مصر واقف فى الميدان
للى باعك والى خان
لا الحسينى دمه هان
ولو هحصل جيكا عاااااااادى
بلادى بلادى بلادى
كل واحد فينا فى وادى
بلادى بلادى بهاتى
صوتى راح واللى قاتلنى هادى
نور عبدالله
قصيدة إرشى الملايكة - نور عبدالله .. في بلدنا بالمصري
مصر ثايرة
وانت لافف وسط دايرة
ما انت بترج الازازة
والطبيعى تشوفها فايرة
مصر فايقة غصب عنها
بنج اذا تقدر تبنج
نعمل ايه اذا دا اوانها؟؟
نقولله طب ياشعب هنج؟؟!!
مصر تتمطع تقطع اي حبل
اللى جايين بالدوبارة طبيعى هبل
لو يناير كان اسد يلزمله شبل
صوت زئيره وهبشته فى القوة دوبل
الوطن ياساحبه بيلف التراك
السمك قطع بزعنفته الشباك
الطوفان اللى يقفله للهلاك
مش هتقدر لو هيبقى مين معاك
مش هتقدر الا لو ترشى الملايكة
لو يكون الغش له لألهنا سكة
لينا رب انتوا فى خلقه هاموش وفكه
قدرته تدك السما فوق راسكوا دكة
مش هتقعد الا لو يتصفى دمى
دم كل اللى سجد لله بجد
دا انت لسة بتقول يا هادى وبتسمى
وماشى تدهس فى الجنينة احلى ورد
اجمع الورد اللى هتحطه على قبرك
فهمه يا شعب انك انت خلاص نفد صبرك
قولت انا للكرسى اشرررب هو دا قدرك
الطوفان هيدوس على عشيرتك وعلى غفرك
لو نضيف من جوا كان يوم ربنا سترك
انما بتهتف بأسمه وماشى عكس ماهو أمرك
قصيدة باسم ربنا - نور عبدالله .. في بلدنا بالمصري
عزيزى جوزى المنتظر - نورعبدالله .. في بلدنا بالمصري
عزيزى جوزى المنتظر
اللى يمكن جاى ويمكن برضه جاى...فى وقت تانى
وفى مكان كل حاجة حلوة واقع فيه وما هياش امانى
لو سمحت..اوعى تفتكر ان انا مهما انجرحت انجرحت
الجروح انا واقفة فوقها وهى تحت
ولومعاك مفتاح لقلبى وجيت فتحت
حتلاقينى...كلى مقرية فى عينى
شكلى واضح..طبعى واضح..صوتى من زعيقى رايح
ضحكتى وحزنى فضايح
قلبى فى كل اللى حوالين منه طايح
*****
مش قديمة..لكن قديمة
مؤمنة ان الكلمة حاجة ليها قيمة
يعنى بالتالى تلاقينى ليل نهار بدى نصايح
عاملة زى الشربة..صعبة بس بتسهل كتير
احلى حاجة فيا هى.. نفسهاعيبى الكبير
*****
لو عاوزنى خدنى انا ونفسى على بعض
شروة واحدة انا اصلى نازلة عليا عرض
يعنى كله بسعر واحد.. انا وجاى معايا ..جنونة ..وضمير
اشترينى لو بتفهم فى التحف والانتيكات
حاجة سينييه من زمن ايام ماكانوا البنات لسة بنات
حاجة مش مستعملة
حتة مش متبهدلة
حختصرلك وصفى وافهم..ست بيت على عيلة
*****
الطبيخ بيحب يبقى من ايديا
والضفاير برضه بعملها بأيديا
ييجى وقت عليا أأنتخ
ووقت تانى تشوفنى وكأنى كتيبة رايحة جاية
اوعى تفتكر انى ملبوسة كفى الله الشر ..لأ انا عادية
لما حتكلمنى فى أحوال البلد دى حتلقى صوتى قد صوتك
وان ناديتلى بكلمة حلوة فجأة هتحول لشــــادية
اللى قدامك دى واحدة بجد مجنونة ودوشة
وبرضه بنت حلال وهادية
لما حتقول الحقيقة..حعشقك ب200 طريقة
واما هتحور وتكدب..يبقى تشــــــــرب
حتلاقينى فى لحظة فى الجبهة المعادية
*****
فيا ملوين الف ست حتلاقيهم
لما تختارنى وتاخدنى شروة بيهم
حتلاقيهم ويا بنت جوة منى
وحتلاقيها البنت دى بتدارى فيهم
بنت طلباتها بسيطة
جايز اما انت تعاملها تشك اصلا انها مش ع الخريطة
او ماهيش واعية وعبيطة
*****
عمرها ماحلمت تقابلك طـــول بعـــرض قصادها طــور
ولا قلبها البرىء عاملك معاملة اللى داخل على مكتب التنسيق
واشترط تبقى مهندس او دكتور
عمرها ما إتمنت انك تبقى طالع م الفانوس
عندك الفيلا اللى هى..او راكب احدث عربية
هى اصلها فى نظر الجعــــان تتشاف غبية
مش بتبهرها الفلوس
هى كل اللى بتشغلها..النفـــــــوس
عايزة واحد لسة نفسيته سليمة مش واكلها السوس
مش منفسن م اللى حواليه مش جاسوس
*****
حد اجدع منها ارجل منى
حد يفهمنى أما اغانى
حد يبقى لازمه عقلى..قلبى..كلـــــى
حد اصــــدق لو يقوللى
حد يمشى معايا مشوارى اللى جاى
حد ما يجيش فجأة والقاه قاللى بــــاى
حد ياخد نصى واخد منه نصه
حد لو حختار فى عمرى الف مـــــرة
يبقى برضه هــــو نفســـه
يوم مايبعد عنى يفضل جوة منى ..واعيش بحسه
يفهم انى لا بنبهر..ولا بتسحر..ولا تغيرنى الظروف
هى كل القصة انى عايزة اشـــوف
ولما اشب بشب بـــس عشان اشـــوف
وانى اكـــــتر واحدة تتأمن على العمـــر اللى جاى
وانى بتطور لكنى..مافيش من الناحية دى منى..اى خوف
*****
الخلاصــــة..لو بيفهم فى المعادن والأصول
حبقى مش محتاجة اشرح نفسى اصلا والا اقول
حتة انك تشحت الفهم دى تـــــــوجع
تلقى نفسك ماشى تشرح..انت ليه بتبقى هادى
وليه مع دوت بتضحك
وليه مع دوت مكشـــر
وليه للتانى بتـــــــردح
ليه بيأخدك السكوت اوقات وتســـرح
قصيدة محمد الوديع من ضباط 8 ابريل .. في بلدنا بالمصري
قصيدة بقلم محمد الوديع من ضباط 8 ابريل .. في بلدنا بالمصري
السجن مهوش زنازين ببان - نور عبدالله .. في بلدنا بالمصري
قصيدة السجن مهوش زنازين ببان - نور عبدالله .. في بلدنا بالمصري
.
قصيدة الليلة عيد - نور عبدالله .. في بلدنا بالمصري
قصيدة حمرا يا غول - نور عبدالله .. في بلدنا بالمصري
انا الشهيد اللي جاي
وانا المصاب اللي جاي
فأنا النهار اللي جاي
انا اللي فيا الوطن
ثاير ولا يستكين
دا يبقي انا ..
انتوا مين؟؟
انا اللي طعم الزاد
مش حلو لومذلول
انا اللي عمري جهاد
وطريق كفاح موصول
انا اللي اقف للغول
واقوله حمراااااااااا ياغول
عينك..عينك وحسك تفكر
ان الوطن مسطول
قصيدة متنميش تاني - نور عبدالله .. في بلدنا بالمصري
يا مكرم القاتل بقلادة - نور عبدالله .. في بلدنا بالمصري
قصيدة يا مكرم القاتل بقلادة - نور عبدالله .. في بلدنا بالمصري
ليست هناك تعليقات:
إرسال تعليق