نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاثنين 24 ديسمبر 2012 يوتيوب كاملة
بلدنا بالمصري: مصر تودع منصور حسن و سامر سليمان
بنمسي على حضراتكوا وحلقة جديدة من بلدنا بالمصري.. مصر ودعت النهاردة وتقريباً في ساعة واحدة اتنين من اغلى ولادها.. اللي قضى العمر الطويل في خدمتها.. واللي اداها سنين عمره القصيرة قبل ما يفارقنا في عز شبابه ويوصينا ويوصي اهله واصحابه ورفقاء المسيرة العسيرة يكملوا هم المشوار بقة.. ولو ربنا اراد ان عمره يكون قصير نفسهم هم لازم يكون طويل، عشان خاطر عيون مصر اللي اختارها دايماً، على حد قول شريكة حياته ورفيقة كفاحه في جنازته النهاردة.. البقية في حياتك يا مصر في السيد منصور حسن اللي قضى العمر الطويل في خدمتك .. وفي زينة شبابك الدكتور سامر سليمان استاذ مساعد الاقتصاد السياسي بالجامعة الامريكية وعضو الحزب المصري الديمقراطي الاجتماعي والمناضل بجد وبحق وحقيقي.. الف رحمة ونور وربنا يهون الصعب ويعوضنا خير..
بلدنا بالمصري: هنحاول نفهم موضوع الصكوك الإسلامية
حلقة النهاردة من بلدنا بالمصري هنختمها بمحاولة لفهم موضوع الصكوك الاسلامية اللي تم الاعلان عنه في وسط الزحمة والهيصة.. حتى الان هو في عداد مشروع القانون اللي المفروض هيحيله رئيس الوزرا لمجلس الشورى بمجرد ما يتولى سلطة التشريع بموجب الدستور الجديد وبعد قولة نعم.. فيه علامات استفهام وتعجب بعدد شعر راسنا حوالين الموضوع دة؟! اولهم يعني ايه صكوك اسلامية وهل فيه صك اسلامي وصك مالوش ملة ولا دين؟! وايه الفرق بينهم؟! ايه لزمة القانون دة دلوقتي وايه مميزاته وايه عيوبه ، خصوصاً ان الاراء حواليه من النقيض للنقيض.. ما بين انه الحل والدوا لكل مواجعنا الاقتصادية لحد انه سكة الندامة واحنا كالعادة في حيص بيص.. وبالتالي هنحاول نفهم لعل وعسى نلاقي احابة شافية على اكبر قدر ممكن من علامات الاستفهام اللي هنطرحها على ضيوفنا في فقرتنا اللي حاية بعد اخر اخبار بلدنا...
بلدنا بالمصري: الأزهر يرد على ياسر برهامي
اخر اخبار بلدنا، هنبداها من مكان ما انتهينا امبارح.. وبالتحديد من كلمة الشيخ ياسر برهامي نائب رئيس الدعوة السلفية وعضو حزب النور وعضو الجمعية التاسيسية، قدام ملتقى للعلماء والدعاة من شهر فات حوالين مسودة الدستور، واللي زي ما قلنا امبارح بدا فيه وكانه بيدافع عن مسودة الدستور وعن دور التيار السلفي وانجازاته في الجمعية التاسيسية وبيدرا عنه الشبهات وبيطمن قلب المشايخ والدعاة السلفيين اللي كانوا حاضرين واللي تناولناها في خلقة امبارح بالتفصيل.. ونظراً لان كلمته ماخلتش حاجة الا واتكلمت فيها ومن ضمنهم الازهر الشريف وشيخ الازهر الشريف بطريقة اوحت بالتصريح وبالتلميح وكان كان فيه صفقة ما بين الجمعية التاسيسية وبين شيخ الازهر لتمرير المادة ٢١٩ مقابل المادة اللي بتنص على عدم قابلية شيخ الازهر للعزل.. وكلام عن المحكمة الدستورية وعن المواطنة والديمقراطية وتلجيم وتحجيم وتقييد الحقوق والحريات وقانون الحسبة وغيرها.. الكلمة قومت الدنيا وما قعدتهاش واثارت جدل كبير ومخاوف واستياء بالتاكيد.. الازهر كان اعلن امبارح عن اجتماع طارئ النهاردة بدعوة من شيخ الازهر، لاعضاء الجمعية التاسيسية من ممثلي الازهر لدراسة التصريحات اللي تخص الازهر والرد عليها ببيان رسمي وقد كان.. لكن كمان الشيخ ياسر برهامي شخصياً اصدر بيان حوالين تصريحاتة المثيرة للجدل..
معنا على الهاتف
د. عبد الدايم نصير - مستشار شيخ الأزهر
بلدنا بالمصري: الشيخ ياسر برهامي يوضح حقيقة الفيديو
الشيخ ياسر برهامي يوضح حقيقة الفيديو في بيانه التالي
بلدنا بالمصري: الكنائس تتوافق على خلافيات الدستور
من ناحية تانية، وعلى ما يبدو ان الكنايس التلاتة المشاركة في الحوار الوطني برعاية مؤسسة الرياسة حوالين مواد الدستور، على وشك الاتفاق بينها على مجموعة من المواد الخلافية لارسالها بتحفظات الكنايس عليها للرئاسة في اقرب وقت
تفاصيل أكتر هنعرفها من
القس/ صفوت البياضي
بلدنا : نقابة المحامين وتقييمها لعملية الاستفتاء
دة الشارع، لكن لجنة الحريات في نقابة المحامين رايها كمان ان الاستفتاء باطل وقالت الاتي في بيانها الصادر النهاردة
أ/ طارق إبراهيم
بلدنا بالمصري: رأي الشارع الجيزاوي في سير الاستفتاء
على اي حال كل دة على اعتبار ما سيكون حيث ان مسودة الدستور اللي بتحتوي على المواد الخلافية ديه من وجهة نظر الكنايس وغيرها من المواد الخلافية من وجهات نظر تانية، على وشك تبقى دستور بلدنا لحين اشعار اخر، بمجرد ما تعلن اللجنة العليا المشرفة على الاستفتاء عن النتيجة الرسمية.. حتى الان اللجنة ما اعلنتش عن معاد محدد لاعلان النتيجة.. ولسة الحوار داير عن تجاوزات ان ماكانتش انتهاكات بالجملة تاثر او ما تاثرش على النتيجة النهائية الله اعلم.. تاثر ولا ما تاثرش على نزاهة الاستفتاء دة الله اعلم.. لكن المؤكد انها اثرت واللي كان كان على ثقة الناس في عملية ولادة الدستور كلها كدة على بعضها من اولها لاخرها، يمكن بدرجات متفاوتة.. ولنا في اهالي الجيزة مجرد عينة
بلدنا بالمصري: ضياء رشوان يواجه القومي لحقوق الإنسان
حول مخالفات التصريحات للمراقبة على الاستفتاء وبالأخص لتيار معين معنا على الهاتف
أ/ محمد الدماطي - عضو المجلس القومي لحقوق الإنسان
د. ضياء رشوان - مدير مركز الأهرام
ماجد سرور: المنظمات التي راقبت الاستفتاء لم تتلق تمويل
حول مخالفات التصريحات للمراقبة على الاستفتاء وبالأخص لتيار معين معنا على الهاتف
أ/ ماجد سرور
التفويض على بياض للمراقبين الإخوان .. والضمان أنه مصري
حول مخالفات التصريحات للمراقبة على الاستفتاء وبالأخص لتيار معين معنا على الهاتف
أ/ محمد الدماطي - عضو المجلس القومي لحقوق الإنسان
د. ضياء رشوان - مدير مركز الأهرام
بلدنا بالمصري: اتهامات بالجملة من القومي لحقوق الإنسان
حول مخالفات التصريحات للمراقبة على الاستفتاء وبالأخص لتيار معين معنا على الهاتف
أ/ محمد الدماطي - عضو المجلس القومي لحقوق الإنسان
بلدنا بالمصري: النائب العام ينهى ندب م. عادل السعيد
هنروح لاخر تطورات ازمة النائب العام والاعتداء على المستشار احمد الزند
أصدر المستشار طلعت عبد الله النائب العام قرارا بإنهاء ندب المستشار عادل السعيد رئيس المكتب الفنى، على أن يعود للممارسة عمله بالقضاء.
وأعلن النائب العام أن الأزمة الحقيقية التى واجهته منذ توليه مهام عمله وحتى الآن هى تعليق العمل بالنيابات وخروج عدد كبير من قيادات النيابة العامة مطالبين بإنهاء انتدابهم بالنيابة والعمل بالقضاء، مشيرا إلى أنه يحاول جاهدا انتداب فريق آخر من التفتيش القضائى أو القضاء للعمل بمكتبه وتوزيعهم للعمل بالنيابات الشاغرة.
بلدنا بالمصري: سواسية حصلت على ثلث تصريحات المراقبة
حول مخالفات التصريحات للمراقبة على الاستفتاء وبالأخص لتيار معين معنا على الهاتف
د. ضياء رشوان - مدير مركز الأهرام
عبده صالح: المتهم الغير مصري ينتمي لجهة سياسية معروفة
حول التحقيقات في الاعتداء علي م. الزند معنا
المستشار/ محمد عبده صالح
بلدنا بالمصري: النائب العام باق في منصبه
في نفس الوقت وبعد الاعتداء على المستشار احمد الزند وعدد من القضاة امبارح قدام نادي القضاة بعد اجتماعهم بخصوص تراجع النائب العام عن تقديم استقالته، اصدر وزارة العدل النهاردة البيان التالي
محاولة م.هشام جنينة وم. ناجي لحل أزمة النائب العام
حول محاولة م.هشام جنينة وم. ناجي لحل أزمة النائب العام
معنا على الهاتف
إبراهيم قاسم الصحفي بجريدة اليوم السابع
بلدنا بالمصري: الشرطة تنتقم من الأهالي في المنيا
اما في المنيا فالوضع ماساوي وليه العجب.. بس قبل ما نحاول نفهم ايه اللي بيحصل.. لازم نعزي مصر كلها الشهيد النقيب/ الحسن الشريف الظابط في وحدة مباحث قسم شرطة المنيا اللي استشهد النهاردة.. وظروف استشهاده حسب بيان وزارة الداخلية كالاتي
بلدنا بالمصري: لسه المزلقانات بتجيب أجل عيالنا
حتى بعد ما راح مننا ٥٠ عيل لسة ماعداش علينا الاربعين بتاعهم، لسة المزلقانات في بلدنا مستمرة في انها تجيب اجلنا وتخطف عيالنا في غمضة عين وبنفس الطريقة ونفس السناريو والمتبلم ما يتعلمش حاجة ولا بتتهز له شعرة ولا بيتطرف له رمش..المكان المرة ديه قرية شبشير الحصة مركز طنطا.. والضحية برده طفلة زي الورد اللي مش لاحق يفتح.. غير المصابين
بلدنا بالمصري: استشهاد نقيب شرطة في خناقة بالمنيا
اما في المنيا فالوضع ماساوي وليه العجب.. بس قبل ما نحاول نفهم ايه اللي بيحصل.. لازم نعزي مصر كلها الشهيد النقيب/ الحسن الشريف الظابط في وحدة مباحث قسم شرطة المنيا اللي استشهد النهاردة.. وظروف استشهاده حسب بيان وزارة الداخلية كالاتي
بلدنا بالمصري: تعديل بعض أحكام قانون البنك المركزي
الدكتور محمد مرسي رئيس الجمهورية اصدر ٥ قرارات جمهورية منشورة كلها النهاردة في الجريدة الرسمية.. من ضمنهم قرار بقانون بتعديل بعض احكام البنك المركزي.. وقرار بقانون بانشاء مدينة زويل للعلوم والتكنولوجيا
بلدنا بالمصري: مرسي يصدر قراراً بإنشاء مدينة زويل
نروح بقة لقرار انشاء مدينة زويل
معنا على الهاتف
شريف فؤاد - المتحدث الرسمي بأسم جامعة زويل
بلدنا بالمصري: مشروع النهضة والصكوك الإسلامية
تم الاعلان عن مشروع قانون الصكوك الاسلامية كاداة من ادوات تمويل الاقتصاد المصري وسد عجز الموازنة.. والنهاردة رئيس الوزرا اعلن انه هيحيل القانون دة مع شوية قوانين تانية لمجلس الشورى اللي هيتولى سلطة التشريع بمجرد اقرار الدستور الجديد..
بلدنا: يعني إيه صكوك إسلامية .. هتنقذنا ولا هتغرقنا
في عز زحمة الاستفتاء وعركة الدستور والعركات الموازية في الشوارع والحارات المزنوقة، تم الاعلان عن مشروع قانون الصكوك الاسلامية كاداة من ادوات تمويل الاقتصاد المصري وسد عجز الموازنة.. والنهاردة رئيس الوزرا اعلن انه هيحيل القانون دة مع شوية قوانين تانية لمجلس الشورى اللي هيتولى سلطة التشريع بمجرد اقرار الدستور الجديد.. طيب.. بس من ساعة ما تم الاعلان عن القانون دة ومع انه كان في وسط الهيصة، الا ان وردود الافعال نزلت ترف من النقيض للنقيض: من اول ان الصكوك الاسلامية ديه هي الحل الامثل لكل مواجعنا وازماتنا الاقتصادية لحد انها طريق للنار مفروش بالورد.. وبينهم اهالي المحروسة وكالعادة واقعين في حيص بيص وبيضربوا اخماس في اسداس.. يعني ايه صكوك اسلامية؟! وايه لزمتها دلوقتي؟! مين المستفيد منها وازاي؟! وازاي نفس القانون ممكن يبقى من ناحية هو الحل الامثل وهو اللي فيه الشفا ومن ناحية تانية ممكن يبقى طريق مفروش بالورد بس اخرته نار وبئس المصير لا قدر الله؟! كل ديه اسئلة هنطرحها على ضيوفنا النهاردة
ليست هناك تعليقات:
إرسال تعليق