نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الخميس 13 ديسمبر 2012 تقديم شريهان ابو حسن من قناة ONTV يوتيوب كاملة
من جديد: الإستفتاء .. من أجلك ومن أجل بلدك
السلام والتحية على حضراتكوا أهلا بيكون معانا، خلاص أقل من 35 ساعة ويتوجه ملايين المصريين ليهم حق التصويت لابداء رأيهم في مشروع الدستور اللي مقسم مصر بسبب سلقه وعدم تعبيره عن مصر بعد ثورة راح فيه خيرة شبابها وولادها ولسه بيروحوا.. زي ما حضراتكوا عارفين إن الإستفتاء حيكون على مرحلتين المرحلة الأولى يوم السبت اللي جاي والمرحلة التانية حتكون السبت اللي بعده 22 ديسمبر ... على أية حال احنا زي زي غيرنا عرضنا على حضراتكوا خلال الفترة اللي فاتت مشروع الدستور باللي ليه واللي عليه وفي الآخر ضمير كل واحد هو اللي حيحدد اختياره عشان بلده عشان نفسه وعشان ولاده .. وطالما اتقبل بان الحكم للشعب خلاص نخلي الشعب يقول كلمته ويتحمل مسئولية اختياراته.
من جديد: البرادعي يدعو لعدم المشاركة في الإستفتاء
الدكتور محمد البرادعي رئيس حزب الدستور وجه كلمة للمصريين دعاهم فيها لعدم المشاركة في الإستفتاء سواء بالرفض أو القبول لعدم الإعتراف بشرعيته .
زهران: أؤيد البرادعي بعدم المشاركة لعدم شرعية الدستور
معانا الدكتور جمال زهران أستاذ العلوم السياسية بجامعة قناة السويس للتعليق عن دعوة البرادعي بعدم المشاركة في الإستفتاء على الدستور .
من جديد: مرسي يلتقي بالسيسي لمتابعة تأمين الإستفتاء
نروح بقة لاخر الاستعدادات والنهاردة التقى الرئيس محمد مرسى بالفريق أول عبد الفتاح السيسى وزير الدفاع والإنتاج الحربى. اللقاء بيجي فى إطار متابعة الرئيس لاستعدادات القوات المسلحة فى المشاركة مع الداخلية لتأمين عملية الاستفتاء .. الرئيس شدد على أهمية أن يشعر كل مصرى بالحرية الكاملة والأمن والأمان أثناء عملية الاستفتاء، وأكد على تقدير كل المصريين للدور الوطنى اللي بتقوم به القوات المسلحة المصرية فى هذا الواجب الوطنى الهام.
من جديد: دور منظمات المجتمع المدني في الإستفتاء
يا ترى منظمات المجتمع حتعمل ايه وايه استعداداتها عشان اليوم ده ، ده اللي حنعرفه من نجاد البرعي رئيس جماعة تنمية الديمقراطية .
من جديد: الإشراف على الإستفتاء وحظر الدعايا
من ناحية تانية قررت اللجنة العليا للانتخابات، المشرفة على الاستفتاء على مشروع الدستور الجديد، برئاسة المستشار سمير أبوالمعاطي رئيس اللجنة ورئيس محكمة استئناف القاهرة، اللجنة قررت حظر الدعاية بأية وسيلة في محيط ٢٠٠ متر خارج المقر الانتخابي باللجان، سواء باللافتات أو من خلال الأشخاص أو باستخدام الميكروفونات أو أية وسيلة أخرى تحث الناخبين على التصويت على نحو معين . معنا إبراهيم قاسم الصحفي في اليوم السابع
من جديد: رأي المواطنين حول الإستفتاء على الدستور
يا ترى الناس حتصوت بايه .. احنا نزلنا شوفنا وسمعنا ومستنين برضوة الشعب يقول كلمته
من جديد: النائب العام يتراجع عن قرار نقل مصطفى خاطر
النهاردة المستشار طلعت عبد الله النائب العام تراجع عن قراره بنقل المستشار مصطفى خاطر المحامي العام الأول لنيابات شرق القاهرة واللي صدر قرار امبارح بنقله لبني سويف وهو القرار اللي اثار استياء واعتراض عدد كبير من اعضاء النيابة العامة والقضاة واعتبروه نوعا من العقاب لعدم استجابة المستشار مصطفى خاطر لضغوط مارسها عليه النائب العام لحبس المتهمين في احداث قصر الإتحادية وعقدوا اجتماع طارئ في نادي القضاة ، كمان أدانو نقل المستشار محمد عبد القادر الحلو المحامى العام لنيابات بورسعيد إلى إدارة التفتيش القضائى لرفضه المشاركة في الإشراف على الاستفتاء
من جديد: تعليق العمل بجلسات محاكم الجنح والجنايات
النهاردة دعا أعضاء النيابة العامة في بيان ليهم تعليق العمل بجلسات محاكم الجنح والجنايات بطلب وقف الفصل فى كافة قضايا الجنح والجنايات وتأجيلها لأجل غير مسمى، حتى يتم الفصل فى الدعوى المقدمة من ذوى الشأن والمتعلقة بشرعية النائب العام الحالى، والصادر بتاريخ 21 نوفمبر 2012 .
مشادات بين مؤيدي ومعارضي الرئيس بجامعة عين شمس
النهاردة شهدت جامعة عين شمس احداث عنف بين الطلاب المعارضين لرئيس الجمهورية الدكتور محمد مرسي والطلاب المنتميين لجماعة الإخوان المسلمين .. وبدأت احداث العنف بندوة كانت متنظمة في الجامعة للدكتور محمد سليم العوا ... تفاصيل اللي حصل هنعرفها من الأستاذة وفاء يحيي الصحفية بالمصري اليوم .
من جديد: غداً مليونية لتأييد الاستفتاء برابعة العدوية
النهاردة جماعة الإخوان المسلمين اعلنت على لسان الدكتور محمود حسين الأمين العام للجماعة علن تنظيم مليونية غدا الجمعة في منذ الساعة 10 الصبح بميدان رابعة العدوية .. معانا محمد عماد الدين القيادي بجماعة الإخوان المسلمين .
من جديد: غداً مليونية لا للدستور بميدان التحرير
من ناحية تانية فبكرة دعا عدد من الأحزاب والأئتلافات الثورية لمليونية في ميدان التحرير تحت شعار لا للدستور وللمطالبة بحقوق الشهداء .. شهداء الثورة منذ اندلاعها في 25 يناير 2011 وحتى شهداء أحداث قصر الإتحادية واللي كان اخرهم الشهيد الصحفي الحسيني ابو ضيف واللي تم دفن جثمانه النهاردة بسوهاج .. احنا حنسيب حضراتكو مع التقرير وبعدها فاصل وبعد الفاصل حنرجع ولقاء مع المستشار أشرف زهران.
تخوفات نزاهة الاستفتاء - م. أشرف الندا في من جديد
السلام والتحية علي حضراتكو .. يوم واحد يفصلنا عن إجراء الاستفتاء علي الدستور اللى عمل انقسام حاد فى الشارع المصري.. مشاكل كتير بتواجه الاستفتاء. حالة عدم رضاء وشكوك حول الإشراف القضائي على عملية الاستفتاء، زاد منها إجراء الاستفتاء فى يومين على أسبوعين .. وده بيأكد أن عدد القضاء غير كافي لإجراء الاستفتاء، وأن قطاع كبير من القضاة رافض الإشراف عليه.. أزمة تانية جديدة كان بطلها هذه المرة النائب العام الجديد المستشار طلعت عبد الله اللى أصدر قرار أمس بنقل المستشار مصطفي خاطر المحامي العام الأول لنيابات شرق القاهرة إلي نيابة بني سويف لأنه رفض حبس المتهمين فى قضية قصر الاتحادية لعدم كافية أدلة الحبس... موقف النائب العام الجديد مش عارفين ده معناه إيه وإيه حكاية القرارات اللى بتصدر وبعدين يرجعوا فيها،، وكلها مرتبطة بأعلي رؤس فى البلد.
نحاول نفهم أبعاد الخلاف اللى بيشهده القضاء فى مصر وتأثيره على إجراء علمية الاستفتاء مع المستشار أشرف ندا الرئيس بمحكمة استئناف القاهرة .. أهلاً وسهلاً بيك
قنديل: النيابة العامة تقرر تعليق عملها بكافة المحافظات
معنا المستشار علاء قنديل عضو مجلس إدارة نادي القضاة للتعليق على رد النيابة العامة .
م. أشرف ندا يروي ما حدث له عند دخوله مدينة الإنتاج
المستشار أشرف ندا يروي ما حدث له عند دخوله مدينة الإنتاج
المستشار أشرف ندا: ليه مدناش فرصة نقرا الدستور ؟
المستشار أشرف ندا: الإشراف على الدستور تدليس على الشعب
ليست هناك تعليقات:
إرسال تعليق