نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاربعاء 7 نوفمبر 2012 يوتيوب كاملة
بلدنا بالمصري: الفلول اللي في بيتي وبيتك
يسعد مساكم وحلقة جديدة من بلدنا بالمصري.. اخر حلقة في اسبوع كان صعب اوي وتقيل ومره زايد عن حلوه حبتين.. وبناءاً عليه قررنا نكتفي بهذا القدر من المواجع الاسبوع دة ونختمه على رواقة كدة طبعاً بعد اخر اخبار بلدنا.. ونفر سوا في صفحات كتاب، صحيح احنا هنفر في الكتاب على رواقة ومن غير شد وجذب ومين قال ومين عاد ومين معاه الحق ومين الغلط من ساسه لراسه وطالع في الانكار عيني عينك وبالفم المليان.. من غير اتهامات واتهامات مضادة ومن غير حتى اختلاف في وجهة النظر حتى ولو مش هتفسد للود القضية ولو ان الاختلاف اللي من النوع دة بقى عملة نارة في بلدنا الايام ديه.. واللهم لا اعتراض.. كل دة صحيح.. لكن الكتاب نفسه، اسمه بس اكيد هيثير الجدل وبالتاكيد ماهواش بعيد ابداً عن اللي احنا فيه.. خاصة لو عرفنا ان اسمه "كتاب الفلول" ولو عرفنا انه رصد للثغرة اللي احدثها الفلول في جدار الثورة في غفلة من اصحابها على حد تعبير الاستاذ وائل قنديل في تقديمه للكتاب البي كتبه مصطفى شحاتة، كاتب صحفي شاب حاول يبذل شوية مجهود ويحاول يدور على احابات لاسئلة من نوع ايه اصل كلمة الفلول اصلاً ومين صاحبها وازي ظهرت في مصر.. وايه الفرق بينهم وبين المواطنين الشرفاء اياهم من غير ما ينسى يتكلم عن الفل صديقه اللي ممكن يكون مجرد صاحب لكن كمان ممكن يكون الاب او الام او الزوجة او الابن او البنت وبيتهيالي مافيش بيت في مصر ما يخلاش من بتوع الثورة او بتوع الميدان او اللي خربوا البلد طبعاً من وجهة نظر الفل اللي في نفس البيت.. اللي هو اصلاً فل من وجهة نظر بتاع الثورة اللي في نفس البيت.. لكن الكتاب بيطرح كمان سؤال في منتهى الحساسية وربنا يجيب العواقب سليمة الا وهو: "كيف تحولت جماعة الاخوان المسلمين الى فلول".. والاحابة بالتاكيد من وجهة نظر الكتاب.. اللي هنفر فيه على رواقة بعد اخر اخبار بلدنا
بلدنا بالمصري: نتائج تحقيقات عضة كلب حرس الحدود
واللي هنبداها، بنتايج تحقيقات النيابة العسكرية في وقعة عضة الكلب اياها في مينا البرلس واللي اعلن عنها المتحدث العسكري باسم القوات المسلحة في البيان التالي
بلدنا بالمصري: الكلب اللي مش عارفينله صاحب
لكن في نفس الوقت محافظ كفر الشيخ، وهو بيحاول يخلي مسؤوليته عن واقعة الكلب لسة بيتكلم عن كلب بوليسي، مش عن كلب ملكية خاصة، وبياكد ان قوات حرس الحدود استخدمته في تفريق المتظاهرين وان تواجد الكلب البوليسي ليس بسبب حراسة المحافظ ولكن للكشف عن المخدرات والتهريب لأنه ميناء كبير وهذه من أسلحة حرس الحدود، اللي سبق ونفى المتحدث العسكري في بيانه انها تكون من ضمن ادوات او اسلحة الشرطة العسكرية او حرس الحدود ..
بلدنا بالمصري: ثورة أهالي كفر الشيخ على السحل والعض
لكن على الرغم من البيانات والتصريحات الرسمية، الا انها على ما يبدو مش كافية لسة بالنسبة لاهالي كغر الشيخ اللي نظموا النهارة وقفة احتجاحية قدام مبنى المحافظة مش بس احتجاجاً على وقعة الكلب اللي طلع مش ضال بس اللي ماحدش عاد فاهم ان كان بوليسي ولا ملكية خاصة لاحد افراد النقطة يمكن كان جايبه يفسحه في البرلس ولا حاجة.. المهم ان الوقفة كانت احتجاجاً كمان على واقعة تانية تعدى فيها بالضرب والسحل على المواطن محمد صبري الموجود حالياً في مساشفى بلطيم المركزي ومضرب عن الطعام وبدات النيابة فعلاً التحقيق في الواقعة
التفاصيل هنعرفها من
مسعد عيد - ناشط سياسي
علي أبوزيد - محامي محمد صبري
بلدنا: السلفيين احتلوا أرض الكنيسة وهيصلوا الجمعة
اخر التطورات في شبرا الخيمة وتحديداً بعد واقعة اقتحام عدد من اهالي المنطقة وصفهم كتير من شهود العيان بانهم من السلفيين، بعد اقتحام المجموعة ديه لحتة ارض فاضية تابعة لمطرانية شبرا الخيمة حسب تاكيدات اسقف المطرانية الانبا مرقص اللي اكد ان المطرانية بتملك كل الاوراق اللي تثبت ملكيتها للارض.. اخر حاجة احنا تابعناها امبارح ان الوضع كان مستتب بعد خروج المجموعة ديه من الارض وبعد ما اهالي المنطقة شالوا اليافتة المكتوب عليها مسجد الرحمة .. الانبا مرقص طالب من هنا ومن خلال البرنامج توفير الحماية الامنية لمنع دخول المجموعات ديه مرة تانية لحد ما تنتهي على الاقل تحقيقات النيابة.. لكن على ما يبدو ان النهاردة جدت في الامور امور تاني.. ابرزها وقفة احتجاجية في دوران شبرا دعا ليها اتحاد شباب ماسبيرو
معنا على الهاتف
مينا مجدي - عضو اتحاد شباب ماسبيرو
بلدنا بالمصري: أهالي زرزارة واقفين قدام المحافظة
من كفر الشيخ لبورسعي، اهالي منطقة زرزارة وديه منطقة من اشهر المناطق الشوائية في بورسعيد معتصمين قدام محافظة بورسعيد من يوم الخميس اللي فات ولحد النهاردة.. ايه القصة بالظبط وايه مطالبهم خاصة ان ديه مش اول مرة يتظاهروا ويحتجوا فيها قدام المحافظة، دة اللي هنعرفه من
بلدنا بالمصري: مطالب جمعة تطبيق الشريعة ٩ نوفمبر
ربنا يستر من الجمعة اللي حاية عموماً.. الجمعة اللي جاية زي ما احنا عارفين وزي ما سبق ودعت ليها مجموعة من القوى والاحزاب المنتمية للتيار الاسلامي والسلفيين على وجه الخصوص هي الجمعة اللي اطلقوا عليها جمعة تطبيق الشريعة والنهاردة اعلنوا في مؤتمر صحفي عن اهم مطالبهم
بلدنا بالمصري: موقف المبادرة الوطنية من مسودة الدستور
دة من ناحية، لكن من ناحية تانية وتحت شعار الشعب يريد دستور يليق بمصر وثورتها وشهداءها اعلنت النهاردة النهاردة المبادرة الوطنية للمشاركة الشعبية في الدستور موقفها النهائي من مسودة الدستور
بلدنا: كفر الشيخ والإعتداء على المواطن محمد صبري
كفر الشيخ والإعتداء على المواطن محمد صبري .. معنا على الهاتف
اللواء صلاح عكاشة - مدير أمن كفر الشيخ
أ/ على أبو زيد - محامي محمد صبري
بلدنا بالمصري: رأي الشارع في قرار غلق المحلات
طيب دة راي المتخصصين ، لكن خلونا كمان نجس نبض وراي الشارع واصحاب القضية
بلدنا بالمصري: الحكومة توافق على الضريبة التصاعدية
أكد وزير المالية ممتاز السعيد، في مؤتمر صحفي بمقر مجلس الوزراء، أن مجلس الوزراء وافق على تعديل قانون الضريبة التصاعدية.
وقال أنه تم إعفاء من يقل دخله عن 5 آلاف جنيه، وفقاً للشرائح المتفاوتة، والتي تشمل الشريحة الأولى فرض ضريبة تقدر بـ10% للأشخاص اللذين يزيد دخلهم عن خمس آلاف وحتى 20 ألف.
أما الشريحة الثانية فسيتم فرض ضريبة تصل لـ15% على من يتراوح دخلهم من 20 ألف جنيه وحتى 40 ألف جنيه، والشريحة الثالثة سيتم فرض ضريبة تقدر 20% على من يتراوح دخله من 40 ألف جنيه وحتى مليون جنيه، والشريحة الرابعة يتم خلالها فرض ضريبة 22% على من يتراوح دخله من مليون حتى عشرة ملايين جنيه.
أما الشريحة الخامسة يتم بموجبها فرض ضريبة تقد بـ25% على من يزيد دخله عن 10 مليون جنيه وهي الحد الأقصى للضريبة التصاعدية.
تفاصيل أكتر
معنا د. عبد الخاق فاروق - مدير مركز النيل للدراسات الاقتصادية
بلدنا بالمصري: النائب العام يقرر غلق المواقع الإباحية
أرسل الدكتور عبدالمجيد محمود، النائب العام، خطابات رسمية لكل من وزير الاتصالات وتكنولوجيا المعلومات ورئيس الجهاز القومي لتنظيم الاتصالات ووزير الداخلية ووزير الإعلام، لاتخاذ الإجراءات اللازمة لحجب المواقع الإباحية على شبكة الإنترنت وتقنين استخدامه لحجب أي صور أو مشاهد إباحية تتعارض مع قيم وتقاليد الشعب المصري والمصالح العليا للدولة.
عبد العظيم: تكلفة الحجب قد تصل الي أكثر من 10 مليار دولار
طيب مبدئياً كدة وقبل اي حاجة، اي حد ناوي يناقش القرار دة من اي زاوية بما فيها زاوية ان اللي في ايده الية يراقب بيها ويحجب المواقع الاباحية النهاردة بنفس الالية يقدر وقت ما يحب يراقب ويحجب اي مواقع تانية مش على هواه ومن ضمنها يمكن المواقع اللي لولاها يمكن ما كنا عرفنا نتجمع يوم ٢٥ يناير.. القصد.. ان اي حد ناوي يناقش متهم مسبقاً كدة وقبل ما يناقش بانه بيتكلم باسم حرية البهايم او انه على احسن الاحوال محتاج يتعالج.. لكن دة ما يمنعش ان فيه ناس مستعدة تناقش ومن ضمنهم الدكتور حازم عبد العظيم - الخبير في تكنولوجيا المعلومات
بلدنا بالمصري: ثابتين ٧٠ يوم .. طلاب جامعة النيل
٧٠ يوم.. ثابتين مكانهم ومستنيين الفرج وبفارغ الصبر الحكم اللي هيصدر يوم الحد اللي جاي
بلدنا بالمصري: لوددت أن أكون مصرياً .. عن رواية شيكاجو
لوددت ان اكون مصرياً، مسرحية فرنساوية عن رواية مصرية: رواية شيكاجو للكاتب المصري علاء الاسواني
بلدنا بالمصري: اللي هيناقش متهم بتمثيل حرية البهايم
طيب مبدئياً كدة وقبل اي حاجة، اي حد ناوي يناقش القرار دة من اي زاوية بما فيها زاوية ان اللي في ايده الية يراقب بيها ويحجب المواقع الاباحية النهاردة بنفس الالية يقدر وقت ما يحب يراقب ويحجب اي مواقع تانية مش على هواه ومن ضمنها يمكن المواقع اللي لولاها يمكن ما كنا عرفنا نتجمع يوم ٢٥ يناير.. القصد.. ان اي حد ناوي يناقش متهم مسبقاً كدة وقبل ما يناقش بانه بيتكلم باسم حرية البهايم او انه على احسن الاحوال محتاج يتعالج.. لكن دة ما يمنعش ان فيه ناس مستعدة تناقش ومن ضمنهم الدكتور حازم عبد العظيم - الخبير في تكنولوجيا المعلومات
بلدنا بالمصري: الفلول .. المتحولون سياسياً في ثورة مصر
ان سطور هذا الكتاب ليست بكاءاً على الاطلال بقدر ما هي صرخة لانقاذ ما تبقى من ثورة تعرضت للنهش ولا تزال.. وتاتي اهميته من انه يقدم رصد تاريخي لتلك الثغرة التي احدثها الفلول في جدار الثورة في غفلة من اصحابها.. بالكلمتين دول اللي يوجعوا القلب، ختم الكاتب الصحفي وائل قنديل مقدمته برده اللي توجع القلب لهذا الكتاب المسمى "كتاب الفلول" وهنخلي الاسم كدة بين قوسين مبدئياً لحد ما نفهم اصله وفصله من اللي كتبه كلمة كلمة وحرف حرف وضيفنا النهاردة
مصطفى شحاتة: سكرتير تحرير جريدة التحرير ومؤلف كتاب الفلول ومن قبله كتاب "نهارك حسب الظروف.. حكايات نصف واقعية"
ليست هناك تعليقات:
إرسال تعليق