نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاربعاء 31 اكتوبر 2012 يوتيوب كاملة
ريم ماجد: ليه ناس بتقتل وتعذب وأحرار
يسعد مساكم وحلقة جديدة من بلدنا بالمصري.. هنختمها على حس ذكرى الشهيد عصام عطا واحد من ضمن الفات من ضحايا التعذيب في بلدنا.. منهم اللي نعرفهم ومنهم اللي مانعرفش عنهم حاجة.. لكن المؤكد ان الغالبية العظمى منهم راحوا هدر وحقوقهم لسة ضايعة ومكفي عليها ماجور ومقفول عليها بالضبة والمفتاح ولا من شاف ولا من دري.. اما الجناة فاحرار وعايشين حياتهم اربعة وعشرين قيراط وزيادة شوية.. الله اعلم يمكن منهم اللي عايش بعذاب ضميره، مين عارف؟! لكن المؤكد ان فيه كتير منهم متفشخرين ومستقويين وبيتباهوا وكان الدم اللي في ايديهم دة وسام على صدرهم ولا ريشة على راسهم.. وبالتالي معذورين.. ايه اللي يخللي واحد على راسه ريشة وفوق القانون.. يغلط وما يتعاقبش.. يعذب ويطلع منها زي الشعرة من العجين.. يقتل وتفوت ولا حد يموت الا اللي مات في ايديه.. ايه اللي يخللي واحد زي دة واللي زيه يبطل او يحرم او حتى يفكر قبل ما يمد ايده او رجله او سلاحه من اول العصايا لحد ضرب النار؟! لكن الحقيقة ان دة -لو اعتبرناه مجازاً عذر- فدة عذر ما يتخيرش عن الذنب والذنب هنا، ذنب لا يغتفر ولا يسقط بالتقادم مهما طال الزمن لحد بلدنا ما تصبح وطن بلا تعذيب.. وطن بلا تعذيب: دة الحلم ودة اسم الحملة اللي هتقول يا هادي يا رب وهتشوف النور يوم ٣ نوفمبر في شارع محمد محمود بمناسبة الاحتفال بذكرى عصام عطا اللي هنحييها احنا كمان النهاردة قبل ما نتبنى حملة وطن بلا تعذيب، بعد الفاصل وبعد اخر اخبار بلدنا..
بلدنا بالمصري: الداخلية ترد على حكاية المجند
لكن قبل اخر اخبار بلدنا.. احنا جاءنا الجواب التالي من وزارة الداخلية رداً على موضوع كنا تناولناه في برنامج بلدنا بالمصري في شهر ديسمبر اللي فات.. ودة نص رد وزارة الداخلية
بلدنا بالمصري: الضباط بيطالبوا بحق إطلاق اللحية
خلونا بقة نروح لحد وزارة الداخلية، الوقفة النهاردة كانت وقفة جديدة للظباط الملتحين اللي بيطالبوا بحقهم في اطلاق اللحية
بلدنا: النيابة تطلب رد الرئاسة على تصريحات العريان
الاخبار النهاردة فيما يخص احالة الدكتور عصام العريان لمحكمة الجنح بتهمة سب وقذف الاعلامية جيهان منصور، متضاربة تماماً.. بدات بخبر عن قرار النائب العام باحالة الدكتور عصام العريان لمحكمة الجنح وبعدين تلاه خبر نشرته وكالة انباء الشرق الاوسط على عهدة مصدر قضائي مسؤول بالنيابة العامة بينفي الخبر جملةً وتفصيلاً
اما فيما يخص تصريحات الدكتور عصام العريان بخصوص ان الرياسة بتقوم بتسجيل المكالمات التليفونية المهمة بالنسبة لها، فالنهاردة النائب العام استعجل رد الرئاسة
بلدنا: رواية القصر العيني عن اشتباكات مصابي الثورة
من وزارة الداخلية لمستشفى القصر العيني الفرنساوي. امبارح كان فيه وقفة لعدد من الممرضات والعاملين في المستشفى اعلنوا فيها رفضهم علاج مصابي الثورة والنهاردة ادارة المستشفى والعاملين فيها اعلنوا في مؤتمر صحفي عن الاسباب اللي ادت من وجهة نظرهم للاشتباكات اللي حصلت بينهم وبين عدد من مصابين الثورة يوم الاربع اللي فات وردوا على اللي وصفوه بحملات التشويه
بلدنا بالمصري: حقيقة وفاة مصرية نتيجة لإعصار ساندي
من امبارح للنهاردة، فيه عدد كبير من المواقع الاخبارية ومواقع التواصل الاجتماعي بيتداولوا بشكل مكثف جداً خبر وفاة اول ضحية مصرية لاعصار ساندي في نيويورك في امريكا
لكن في نفس الوقت، بيان وزارة الخارجية بياكد ان الخارجية المصرية ماعندهاش اي معلومات عن اي حالات وفاة لمواطنين مصريين
معنا على الهاتف
أ/ حنان البدري - صحفية مصرية - مقيمة بالولايات المتحدة الأمريكية
أ/ محمد عادل - القيادي بحركة 6 أبريل
بلدنا بالمصري: حزب مصر القومية اتولد بشكل رسمي
حزب مصر القوية اللي كان لحد النهاردة الصبح حزب تحت التاسيس اتولد النهاردة بشكل رسمي بعد تقديم اوراق تاسيسه للجنة شؤون الاحزاب وسط احتفال عدد كبير من اعضاءه وانصاره قدام دار القضاء العالي
بلدنا بالمصري: قفل المحلات السبت الساعة عشرة
خلاص جواب نهائي: قرار الحكومة بقفل المحلات الساعة عشرة بالدقيقة هيتنفذ يعني هيتنفذ على الرغم من رفض الغرفة التجارية واصحاب المحلات.. وهيبدا تنفيذه ابتداءاً من يوم السبت اللي جاي.. خلونا كدة نجس اخر نبض في الشارع وفي الغرفة التجارية قبل تنفيذ القرار
بلدنا: شخصيات مدنية تلتقي النائب العام لمساندته
من ناخية تانية، وبعد مظاهرة عدد من القوى والاحزاب المنتمية لتيار الاسلام السياسي امبارح قدام دار القضاء العالي للمطالبة برحيل النائب العام، التقى النهاردة النائب العام بمجموعة من ممثلي عدد من الاحزاب المدنية ان جاز التعبير بناءاً على طلبهم
معنا على الهاتف
د. رفعت السعيد - رئيس حزب التجمع
وزير التنمية المحلية يغلق الهاتف في وجه بلدنا بالمصري
دي كانت عينه من ردود أفعال أصحاب المحال حول قرار غلق المحال الساعة 10
معنا على الهاتف
اللواء/ أحمد ذكي عابدين - وزير التمنية المحلية
بلدنا بالمصري: في ذكرى د. مصطفى محمود
لكن قبل الفاصل.. نعيش ونفتكر العالم الكبير الدكتور مصطفى محمود
بلدنا: الأمر بالمعروف تأمر بقطع لسان شاب بالسويس
خلونا بقى نروح لحد السويس نحاول نفهم ايه اللي بيحصل هناك بالظبط، بعد تداول اخبار عن اللي وصفته بحكم من جماعة الامر بالمعروف والنهي عن المنكر في السويس بقطع لسان طالب اتهموه بسب واحد من مشايخهم.. خلونا اولاً نسمع شهادة ابو الطالب اللي المفروض انه مهدد بقطع لسانه اللي ادلى بيها لبوابة الشروق وبعدين نحاول نفهم دة ايه
تفاصيل أكتر معنا
أ/ سيد نون - مراسل جريدة الشروق بالسويس
بلدنا بالمصري: الصاوي يرد على الموسيقار هاني بدير
امبارح كان معانا على التليفون الموسيقي هاني بدير وهو عضو في واحدة من الفرق الموسيقية اللي اعتادت على تقديم حفلاتها زيها زي كتيرً من الفرق الموسيقية المستقلة في ساقية الصاوي اللي يمكن تكون اول من فتح ابوابه للنوع دة من الفرق ولالوان مختلفة من الفن البديل او المستقل.. هاني بدير كان بيشتكي من الغاء النص التاني من حفلتهم يوم الاتين بسبب حضور لجنة من نقابة المهن الموسيقية طلبت ما يثبت عضوية اعضاء الفريق في النقابة او حصولهم على ترخيص منها.. بعضهم اعضاء والبعض التاني لا زيهم زي كتير من اعضاء الفرق المستقلة.. اللجنة اصرت لى دفع غرامة ٥٠٠ جنيه عن كل عضو في الفريق مش عضو في النقابة، الفريق رفض فاتخفض المبلغ شوية ورجع اتخفض تاني وعرضت الساقية على اعضاء الفريق انها تتحمل جزء من الغرامة فالفرقة رفضت تماماً من حيث المبدا واتلغى الجزء التاني من الحفلة.. واكد لنا هاني ان الموضوع دة اتكرر مع اكتر من فرقة وطرح عدد من الاسئلة على المسؤولين في ساقية الصاوي وعلى المهندس محمد الصاوي شخصياً..هيجاوبنا عليها بنفسه
وطن بلا تعذيب في ذكرى عصام عطا .. في بلدنا بالمصري
نعيش ونفتكر وعمرنا ما ننسى عصام عطا واللي زيه من السابقين واللاحقين من ضحايا التعذيب في بلدنا.. كان نفسنا نواسي روحنا ونقول يجعلها اخر الاحزان بس للاسف الشهيد عصام عطا لا كان اول الاحزان ولا كان اخرها.. هم دفعوا حياتهم تمن غالي لحقيقة مرة اسمها ان التعذيب كان ومازال من سلو بلدنا.. اما اللي لسة على وش الدنيا من ولاد البلد ديه فلا عاشوا ولا كانوا لو سكتوا او ارتاح لهم قلب او بال او ضمير طول ما التعذيب سلو بلدنا وقبل ما تبقى بلدنا تليق بمقامنا ولا يمكن تليق بمقامنا الا لو صبحت في يوم من الايام وانشالله يكون عن قريب:"وطن بلا تعذيب"
الضيوف
محمد عطا:اخو الشهيد عصام عطا
نشوى رجب: عضو حملة وطن بلا تعذيب
محمود بلال: المحامي والباحث بمركز نظرة للدراسات النسوية
مالك عدلي: المحامي وعضو مجموعة لا للمحاكمات العسكرية للمدنيين وعضو جبهة الدفاع عن متظاهري مصر
ليست هناك تعليقات:
إرسال تعليق