نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاحد 25 نوفمبر 2012 يوتيوب كاملة
ريم ماجد: الثورة اللي كل من هب ودب يتمحك فيها
بنمسي على حضراتكوا وحلقة جديدة من بلدنا بالمصري.. بلدنا اللي بهدلناها اخر بهدلة وخلينا اللي ما يشتري يتفرج عليها وعلينا.. انا مش هاعيد وازيد في اللي بيتقال وبيتعاد من ساعة ما طلع علينا المتحدث الرسمي باسم رياسة الجمهورية بالقرارات "الثورية" واسم الشهرة "الاعلان الدستوري" زي ما سمته الرياسة. وما حدش فاهم لحد دلوقتي ليه رئيس الجمهورية ماطلعش علينا بنفسه وحط عينه في عيننا كدة وتلا علينا قراراته الثورية.. ولا ليه لما قرر يخطب في الجماهير خطب في الجماهير المؤيدة اللي بتهتف باسمه دوناً عن غيرهم من اهالي مصر المحروسة .. لكن بعيداً مؤقتاً عن كل الخلاف والجدل والخناقات والعركات المنصوبة، حوالين المدعو الاعلان الدستوري وهل هو اسم على مسمى ولا ما هي الا اسماء سموها ومالهاش اي علاقة لا من قريب ولا من بعيد لا بالدستور ولا بالقانون ولا بالثورية ولا بالثورة، فهي الاخيرة الغلبانة المتغصصة ديه اللي انا عايزة اقف عندها.. الثورة.. الثورة اللي بهدلناها و امتهناها وابتذلناها، وعملناها مرة وردة في عروة الجاكتة.. ومرة الشماعة اللي بنعلق عليها كل عبلنا.. ومرة حجة البليد ومرة حجة القادر، وكل من هب ودب يتمحك فيها عشان يعمل ما بداله.. والحجة الثورة وحماية الثورة وتحقيق اهداف ومطالب الثورة، وبغض النظر اللي بيهب ويدب دة باسم الثورة كانت ايه علاقته بالثورة اساساً.. كان فين منها؟!!! كان ايه موقفه من الثورة ومن اللي عملها ومن اللي دفع تمنها ومن اللي اتشدد لها وفضل قابض عليها وهي مش بقة زي الجمرة، لكن زي ركية النار.. وكان الثورة كانت من ايام قدماء المصريين او ان المصريين كانوا نايمين على ودانهم وعينيهم ودماغهم السنتين اللي فاتوا او كانوا بايتين برة او جالهم فقدان ذاكرة او اتلحس مخهم.. اللي عايز يعمل حاجة يعملها ونتفق او نتخانق عليها بعد كدة لكن يحل عن الثورة وعن دم الشهدا.. رئيس الجمهورية عايز يعمل قرارات ولا اعلانات ولا حتى عايز يكتب الدستور بخط ايده، ويطلعه بقرار جمهوري لا يجوز الطعن عليه، وهو كدة وان كان عاجبكم ومترح ما تحطوا راسكم حطوا رجليكم واعلى ما في خيلكوا اركبوه، يعمل ما بداله واللي يايد يايد واللي يعارض يعارض لحد ما نرسي على بر، لكن يحل عن الثورة وعن دم الشهدا.. رئيس الجمهورية عايز يطلع يخطب في اهله واحبابه ويحط صباعه في عين التانيين اياً كانوا، يطلعوا زي ما يطلعوا ويهددهم ببئس المصير، يعمل ما بداله، واللي يايد يايد واللي يعارض يعارض لحد ما ترسي على بر، لكن يحل عن الثورة وعن دم الشهدا.. اما اللي خون الثورة واعتبرها مؤامرة على الوطن، واللي خون الثوار واتهمهم بالخيانة والعمالة والصياعة وقلة الادب، واللي حرض عليهم واستحل دمهم او باعه بالرخيص او حتى بالغالي، وعايز النهاردة ياخد موقف من قرارات رئيس الجمهورية، وعايز يقف النهاردة مع الحرية ومع الديمقراطية ومع سيادة القانون ومع استقلال القضاء اللي قامت الثورة اللي هو خونها تنادي بيهم، حقه وما حدش يقدر يقول له تلت التلاتة كام، لكن يحل عن الثورة وعن دم الشهدا، مش من حقه يتكلم باسمهم، ولا يدافع عن حقوقهم ولا يتحط هو وهم في جملة مفيدة.. يحل عن الثورة ودم الشهدا..
بلدنا بالمصري: انقطاع البث عن قنوات التلفزيون الرسمي
حلقتنا النهاردة هنبداها باخر اخبار بلدنا اللي وبعدها هيكون لنا كلام تاني مع الدكتور حسام عيسى استاذ القانون والمتهم على اخر الزمن بمحاولة قلب نظام الحكم، الموضة الجديدة، والاستاذ حسين عبد الغني الاعلامي والمتحدث باسم تحالف الوطنية المصرية، والاستاذ حسام مؤنس واحد من القيادات الشابة في التيار الشعبي
اما اخر اخبار بلدنا فهنبداها، بالبث اللي انقطع عن عدد من قنوات التلفزيون الرسمي بشكل مفاجئ.. لما الناس بقت تضرب كف بكف ولسان حالها، من حفر حفرة لاخيه!!!!
بلدنا بالمصري: رد الدولة على إلزامها بعودة دريم
وبما اننا في ماسبيرو، خلونا نتابع اهم ما تم الاعلان عنه النهاردة في المؤتمر الصحفي المشترك لاتحاد الإذاعة والتليفزيون والشركة المصرية لمدينة الإنتاج الإعلامي والشركة المصرية للأقمار الصناعية "نايل سات" والمنطقة الإعلامية الحرة العامة، بعد حكم محكمة القضاء الاداري امبارح بالزام وزارة الاعلام باعادة بث قنوات دريم من استودياتها في مدينة دريم لاند مؤقتاً لحين الحكم في الدعاوى المقامة من مالكها الدكتور احمد بهجت.. والكلام كله النهاردة كان عن قنوات دريم وقناة التحرير فقط لا غير..
شرابي: نادي القضاة لا يحق له شطب قضاة من أجل مصر
حول أزمة القضاء بين نادي القضاة وقضاة من أجل مصر
معنا على الهاتف
المستشار/ وليد شرابي - المتحدث باسم حركة قضاة من أجل مصر
بلدنا - م. العوامي: القضاء عندما ينتفض فأنه ينتفض لمصر
حول أزمة القضاء بين نادي القضاة وقضاة من أجل مصر
معنا على الهاتف
المستشار/ عبد الجيد العوامي - نائب رئيس مجلس الدولة
بلدنا: بيان مجلس القضاء الأعلى بعد الاجتماع بمكي
اما مجلس القضاء الاعلى فاصدر بيان المفروض انه صدر بعد لقاء مع وزير العدل المستشار احمد مكي اللي المفروض انه بدا يلعب دور الوساطة بين مؤسسة الرئاسة وبين السلطة القضائية
تفاصيل أكتر معنا على الهاتف
أ/ علي حسن - نائب رئيس تحرير وكالة أنباء الشرق الأوسط
بلدنا بالمصري: الرئاسة فسرت الماء بعد الجهد بالماء
نرجع مرجوعنا لقرارات رئيس الجمهورية، اللي يا عالم هتودي البلد ديه فين.. ونبدا باخر ما صدر عن مؤسسة الرئاسة النهاردة بخصوص قرارات الرئيس الاخيرة.. الرئاسة كتر خيرها فسرت النهاردة الماء بعد الجهد
بلدنا - زهران: ما ذنب القضاء المصري في ما يحدث له
حول أزمة القضاء بين نادي القضاة وقضاة من أجل مصر
معنا على الهاتف
المستشار/ شرف زهران - عضو نادي القضاة السابق
بلدنا -فتحي: هناك حركات كالنبت الشيطاني تتكلم عن القضاء
حول أزمة القضاء بين نادي القضاة وقضاة من أجل مصر
معنا على الهاتف
المستشار/ عبد الله فتحي - وكيل نادي قضاة مصر
بلدنا بالمصري: تعليق العمل في محكمة جنوب القاهرة
واضح انه على الرغم من مناشدة مجلس القضاء الاعلى النهاردة لجموع القضاة بعدم الاستجابة للتوصية اللي صدرت من الجمعية العمومية لنادي قضاة مصر بتعليق العمل في المحاكم والنيابات لحين الغاء الاعلان الدستوري، لكن تعليق العمل فعلاً في عدد من المحاكم واستمر في محاكم تانية انتظاراً لقرارات جمعياتها العمومية..
بلدنا: إسلام عنده 15 سنة استشهد باشتباكات دمنهور
حول وفاة طفل عمره 15 سنة يدعى إسلام فتحي باشتباكات دمنهور
معنا على الهاتف
مراسل أون تي في من هناك
بلدنا بالمصري: حجب الصحف لحين إلغاء إعلان مرسي
من الجمعية العمومية الطارئة لنادي القضاة للجمعية العمومية الطارئة لنقابة الصحفيين اللي ما كانتش بالساهل ابداً النهاردة، قبل ما توصل لمجموعة من القرارات من ضمنها تاييد قرار النقابة بحجب الصحف لحين الغاء الاعلان الدستوري، اللي وصفته الجمعية العمومية لنقابة الصحفيين بالاعلان الدكتاتوري
ريم ماجد: احنا ملناش صاحب في البلد دي
احنا ملناش صاحب في البلد دي
حول وفاة طفل عمره 15 سنة يدعى إسلام فتحي باشتباكات دمنهور
بلدنا بالمصري: ليلة من ليالي اعتصام ميدان التحرير
خلونا نشوف ليلة من ليالي اعتصام ميدان التحرير في التقرير اللي جاي
بلدنا بالمصري - البارودي: افتكروا أنكم لسه اخوات
معنا على الهاتف
المستشار/ أشرف البارودي - من رموز التيار الإستقلال - دبي
بلدنا بالمصري: إعلان مرسي .. إحنا فين والثورة فين ؟
مع الدكتور حسام عيسى استاذ القانون والمتهم على اخر الزمن بمحاولة قلب نظام الحكم، الموضة الجديدة، والاستاذ حسين عبد الغني الاعلامي والمتحدث باسم تحالف الوطنية المصرية، والاستاذ حسام مؤنس واحد من القيادات الشابة في التيار الشعبي
بنسـأل .. إعلان مرسي .. إحنا فين والثورة فين ؟
ليست هناك تعليقات:
إرسال تعليق